|
ليش يعني البنت يلي عمرها 17 او حتى 16 سنة ما بتفهم او بتقدر.........:?
لمعلوماتكون البنت عقلها سابق عمرها و برأيي انو اذا البنت كانت اكبر من الشب فنسبة نجاح هيك زواج 5% و رأي العلم و يلي بتعرفوه و دائما اهلنا بيقولوا لنا ياه انو: البنت بتكبر قبل الشب ........... يعني الرجل بيصير عمرو 40 و هو بعزو و المرأة 40 ..... بس طبعاً متل ما بيقولوا الحب يصنع المعجزات :lol: لانو الزوجة هون بدها توازن شخصيتها و كيانها و بين رغبة و رأي قائد السفينة يلي هو الرجل وهاد الشي بس عنا و هو كتير نادر ;-) بعدين مين سعدون ؟؟؟:o شكرا سيلين............ موضوع اكتر من رائع:سوريا: |
اهلا خيلووووووو
|
اقتباس:
موضوعك صار شي 100 صفحة طلع ضرب بالأخير. هيدي هيي السحبة بحد ذاتا بو شريك |
هلىء هاد موضوع شائك شوي
بالنسبة ألي أنا كبنت أنا ماممكن أني حب شخص أصغر مني مابعرف بحس أنو الرجولة عندو ناقصة حتى بحبو يكون اكبر مني بكتير يعني مثلاً 8 سنين هيك بحب باعتبار أنا أكبر منو دغري بلا شعور بحسو أخي وهيك صار معي بالجامعة أنا ضــــــــــــــد بصراحة وفي أسباب تانية أنو المرأة بطبيعتها الجسدية بتكبر قبل الشب حتى بفترة المراهقة بتكبر قبلو يعني مرأة بالأربعين احتمال تكون غير قادرة على الأنجاب بينما رجل بالستين بيكون قادر أنا ضد وبنصح يلي قصتون هيك يوقفو العلاقة |
اقتباس:
اقتباس:
نسبيه بتتاثر بفرق السن بين الزوجين (وتقولي ايه يا مؤمنه يا مسلمه ....فان رسولك (ص)اتزوج وهو عندو 25 سنه من السيده خديجه وكان عندها 40 سنه )ما في داعي اكمل اقتباس:
اقتباس:
في حاجات كتير غير الانجاب خصوصا انهم انجبو قبل كده يعني عندهم اولاد اقتباس:
لو في اتنين بيحبو بعض يبقى لازم يكملو مشان الحب هو اللي ببعمر بيتهم وحياتهم |
اقتباس:
مابدها ها الأد هاد رأي شخصي بظن وأنا حرة فيه |
اقتباس:
انتي بستان ورد ما حد بيتعصب من الورد :سوريا: :سوريا: :سوريا: :سوريا: :سوريا: الموضوع كان من باب النقاش مو اكتر :سوريا: :سوريا: |
مرحبــــــــــا ....
انا ضد هالشغلة وضد العكس والاسباب كتيرة ما بنكر انو لكل قاعدة شواذ وكتير من الحالات نجحت بس اكيد بيضل فيه حساسية بطريقة التعامل ومنشان اذا بيحبو بعض لازم يكفو .... يمكن صح بس الحب ما بيضل حب .. بيتغير مفهومو وبيتطور يعني حب العلاقة غير حب الخطبة غير حب الزواج غير الحب وقت بيصير في اولاد بالنهاية الحب لوحدو ما بيكفي اهم شي التفاهم |
انا برأيي انو نترك العالم بحالا وكل واحد ياخد اللي بيحبو
لايمت رح نبقى متخلفين ونفكر بالاكبر والاصغر بشرفكون سمعتو شي مرة شي حدا غربي سأل هالسؤال اكيد لاء |
اي طبعا في غربين بفكروا هيك
لانو ما كل اصابيعك نفس الشي وكمان اذا بدنا كل ما نعمل موضوع نفكر هيك ما بتوفي معنا ساعتا بيفضى المنتدى يعني لازم نتحاور ونشوف آراء بعض كتير عادي يعني |
برغم ان مجتمعنا يرفض هذا الا اني لا اجد فيه عيبا مادام الزوجان متفقان ومتفاهمان ولا تنسو ان الرسول صلى الله عليه وسلم تزوج خديجة وهي في 40 بينما كان عمره 25
|
يعني وين المشكلة اذا كانت المرة أكبر من الزلمة يعني اذا حبيت وحدة ولقيتها مناسبة للزواج بس طلعت أكبر مني يعني ما بتزوجها . لك حاجة بقا تخلف ومسخرة يااااااااااااااااا .
عادات وتقاليد بالية أكل وشرب عليها الزمن . أنو وين المشكلة؟ بس نفس السؤال للصبايا أذا اتقدم شب اصغر منك للزواج بتوافقي ولا لأ |
ابدا مو حلو يكون البنت اكبر من الشب وخصوصي للعمر المتقدم
يعني الشب احلى عمروا ب الاربعينات وهي بيتكون ختيرت |
اقتباس:
شو عم ئلك اتجوز وحدة أكبر ب 10 سنين |
حتى لوو تلات سنين يعني هوي اربعين بعز شبابو وهي 43 صارت بضاعه خارج الكفاله
|
انا ضد هل الفكرة لأنو الرجال لازم يكون عقله أكبر من البنت مشان يستوعبا :king:
|
مش في كل الحالات
|
مرحبا شباب انا ما بدي قول اني مع او ضد الفكرة لأنو هي الفكرة بتبقى مسألة حب أو اعجاب أو تفاهم بين الجنسين و أنا شايف كتير متل هي الحالات بالمجتمع يعني حتى بصراحة خالي اخو والدتي كان من فترة طويلة مسافر فتعرف على وحدة بس فرق العمر كتير كبير بينهم بس 20 سنة
و بقيوا فترة 13 سنة متزوجين ومتفاهمين كتير بس آخر شي طلبت هي من خالي الطلاق من شان يتزوج وحدة غيرها ويجيب أولاد بعدين طلقوا بعض وراح تزوج وحدة أصغر منو و ضلوا فترة متفاهمين بعدين صارو كل يومين تلاتة يتخانقو المهم انو الشي يلي بدي اوصلو انو فرق العمر بين الشب والبنت مو مهم المــــــــــــــــــــــــــــهم التفـــــــــــــــــــــاهم ولا تآخذوني شباب وصبايا إني طولت عليكن وشكراً;-) : |
| الساعة بإيدك هلق يا سيدي 14:44 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون