شكرا محمد و سورية ع التعليق

مشكلة المسملين انو باي حوار بيتعلق و لو من بعيد بالاسلام بييجوا بيفترضوا حالة اليوتوبيا الالهية يللي المفروض يكون الاسلام عليه (و لم يطبق بأي مجتمع من المجتمعات)

طيب عال كتير ... رح امشي معكم
خلونا نفترض جدلا انو كل محجبة عم تطبق التعاليم تبع الحجاب متل ما الله خلقها و الآشية معدن على قولة المصريين
هل هذا يعني انو فقط المحجبات من يتمتع بالعفة و الطهارة ؟؟؟

الجواب رياضيا اكيد لأ
اكيد في غير المحجبات من المسلمات من يتمتع بالعفة و الطهارة، و انا شخصيا بعرف انسانة ... مع الاسف لازم قولكم انها مسلمة (و تأسفت لأنو ما بحب ازكر دين الشخص) و غير محجبة و بحطها بزمتي انها شريفة جدا و طاهرة
و مثال تاني ازا بدكم ... السورية المشتاقة ايضا غير محجبة ... بس اكيد هيي شريفة و عفيفة

هلأ خلونا نرجع شوي ع الكرة الارضية
حسب تجربتي ... اغلب بنات الهوا بمجتمعنا السوري .. بس يطلعوا من بيوتهم بيحطوا الحجاب و بينزلوا ع السوق فيه ... يعني بتلاقوهم الصبح شي بيجنن مما هم عليه من العفة و الطهارة ... بس هالشي ما منعهم انو يمارسوا الدعارة

لاحظوا انو هدول لا يمثلوا سوى عينة زغيرة من مجتمعنا ... بس هالعينة موجودة فعليا
هالعينة بتنزل ع الشارع و بتظهر قدام الناس و هيي لابسة الحجاب ...
ليش يا حزركم ؟؟؟
لأنو مجتمعنا اول ما يشوفها محجبة رح يتعامل معها على اساس انها عم تطبق تعاليم الدين
يعني عملية خداع و احتيال واضحة

طيب هلأ خلونا نحاول نوحد نظرتنا للمحجبة
شو المطلوب مني لحتى صير شوف المحجبة من وجهة نظر اسلامية ؟؟؟
اني لما شوف اي صبية محجبة ابصم انها عم تطبق تعاليم الدين ؟؟؟

اي ما حزرتوا

ما بحكم ع اي انسان سلف و خصوصي من مظهرو
على الرغم من اهمية المظهر ... إلا انو ما بيعطي غير اشارات قد تصح و قد لا

شو رأيكم تطبقوا نظرتي ؟؟؟ اكيد بهالحالة رح اضمنلكم انو اولا ما توقعوا بشرك الخداع تبع المحجبات الكاذبات
و كمان بضمنلكم انو تطبقوا الحكمة القائلة "اذا جاءكم فاسق بنبأ فتبينوا ان تصيبوا قوما بجهالة"

بالنهاية متل ما قالت السورية
الحجاب عبادة مو عادة
بس مع الاسف
هالشي ما عم يتم تطبيقو

حاولوا تخلوا حواراتنا بعيدة عن اليوتوبيا
يعني لما بدكم تناقشوا ناقشوا بعيد عن الحالة المثالية ... لأنو ما سجل تاريخ البشرية اي تطبيق لألها

معك حق كريم الحجاب ليس رمز للعفة وياما بنات مخبين تحت الحجاب اخلاق رديئة
واعمال بتشيب شعر الراس وهالشي معروف


يا كريم في قصص بالاسلام بتقول انو راقصة تدخل الجنة بسبب رفقها بالحيوان
و بسبب تعاملها الحسن مع الناس

وفي مسلمة متعبدة متبتلة بكامل حجابها تدخل النار بسبب
سوء خلقها بالكلام وظلمها للناس
وظلمها للحيوانات وتعذيبها للقطط ...تخيل انو كل عبادتها ما نفعتها

و اما المثالية معك حق
وبصراحة انا بتفاجا بالناس الي بتعمم وبتعتبر شعب باكملو مثالي

لهالسبب انا بوافقك برايك ومن فترة طرحت هالموضوع بقسم التاريخ
بيتناول موضوع المظهر والقلب وانو هل المظهر يوحي عن القلب ؟؟؟

وهدا الرابط بتمنى تتطلع عليه لانو بيهمني رايك فيه

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

عن جد رد محمد ابراهيم وسوريا مشتاقة كتير مهذب و بتقدر تقول عقلاني بدون تعصب, بالعادة ما بقرا كتير هالمواضيع واذا بدخل ما بكمل الصفحة بفز عصبي وبطلع من الحكي اللي كلو صد و رد بس هون في سلاسة بالردود من كريم ومحمدوسورية
اسفة اني دخلت هيك لا احم ولا دستور بس النقاش هون كان بالعقل
حبت قول رايي ودمتم

العفو :سوريا: :سوريا:

شكرا:سوريا: :سوريا: :سوريا:
وطالما رأيك هيك دايما
ادخلي على طول وانا بضمنك :oops: :oops: :oops:
هو الكلام هون باحترام سواء كان من السوريه او كريم ولو ماكان هيك ما كنت كتبت
انا عادي عندي انو نختلف في الرأي ..المهم يكون النقاش محترم ويقدر كل واح يقول رأيو ويوضحو كمان ..من غير ما حد يشتم حد او يسخر من دينو ....

العفو :سوريا:

ما في كلامي شيء بيدل على مصطلح اليوتوبيا الالهيه(ما بقصد نصا فقط :سوريا: ولكن معنا كمان)

لا يا خيي ما تمشي معنا :سوريا:
انا بمشي معاك:سوريا:
ليس كل محجبه تتحجب من اجل تطبيق تعاليم الاسلام ..بل هناك من تتحجب وهي غير مقتنعه (اي يفرض عليها)وكذلك هناك من تتحجب كي يقول عنها الناس انها متدينه ;-)
بس هادول مو الكل ...
في متحجبات مقتنعات بالحجاب وكتير ..

مو رياضيا بس وعمليا كمان
لاني متلك بعرف بنات مو متحجبين ومتل ما بتقول تتمتعن بالعفه والطهارة..


طيب وليه ؟؟؟
ايه السبب؟؟؟
ما في داعي
مو مطلوب شيء ..بس انت حكمت ..
ارضى بحكمك مشان تكبر بنظر اللي يقرى كلامك
حكمك تحت ..يلا اقراه
فهمت من حكمك انك
مش حتحكم على المحجبه انها لابسه الحجاب مشان تثبت الك او لغيرك انها انسانه محترمه وطاهرة ..وكمان مش حتحكم انها انها طاهرة ومحترمه ..
يعني هتستنى لما تتاكد من اخلاقها وتصرفاتها (الاشارات اللي ممكن تكون صح او غلط)

شوف الصدف :سوريا: :? :سوريا: انا كمان بطبق هالنظرة من ابل ما اعرفك بزمن طويل..
يظهر اننا تفكيرنا قريب من بعضو ..


هالحكمه ما الها علاقه بموضوعنا وهي موجوده في كتاب المسلمين ضمن اياتته ...

ياخيي صدقني بيتم تطبيقو وموجود بنات كتير مقتنعه بالحجاب
وما تسميه مثاليات ولم يسجل في التاريخ موجود واقع حاليا وهذا دليل على انو ممكن تطبيقو
وكمان كان موجود فالماضي بس انت بتقرا فاي كتاب تاريخ؟؟؟:سوريا: :سوريا:

الموضوع يا محمد ويا كريم مو موضوع هل الحجاب يفرض على البنت ام لا
ام هل الحجاب رمز لاخلاق البنت ام لا
بنظري ازا كانت البنت المتحجبة لابسته منظر وبدون اخلاق او ازا كانت لابستع تعبد لربها وخلوقة
بالحالتين لا يحق لاحد حرمانها من ارتداء الحجاب
انا فتاة مسلمة وافتخر بذلك واحمد الله
الحجاب واجب عليي ارتداؤه و
رح طبق هالشي قريبا باذن الله
وما برضى حدا يمنعني لانو هاد شي بيخصني
وبفتخر فيه
لهيك الموضوع يتحدث حول نقطة معينة
الحرية الزائفة في الغرب ضد المسلمين

اي بس نحنا متفقين حول هالنقطة ..
عموما تركيا ليست دولة تؤخذ كمقياس حرية التعبير و الاعتقاد

انا كمان معك بهالنقطة ...
بس الرمد احسن من العمى كمان

انا اريد يا سادتي وانتم تريدون والله عز وجل يفعل مايرد من المؤسف سماع متل هي الاخبار يا اخوان ولكن لا حول ولا قوة الا بالله

انا المعذب من بلد الصمود سوريا اقول :اختاه يا ذات الحجاب تحية كم في حجابك انت رائعة مهولة

انا بصراحة حابب اشكر كريم و محمد و كنانة على هالحوار العاقل الرايق :سوريا:

شكراً ......;-)

بصراحة كريم ومجود انا ما بعرف الوضع بتركيا يعني من ناحية الحرية

لكني جبت مقالات بتتعلق بمنع الحجاب فيها لانو منع الحجاب بتركيا ما صرلو ضجة متل فرنسا متلا

يعني مجود انتي عايشة بتركيا وعارفة الوضع انو ازا هيي فيها حرية اولا

لكن شو منقول عن فرنسا بلد الحرية ؟؟؟؟!!!!!!

وبفرنسا صارت شغلات افظع من هيك بكتير

المرأة عليها أن تجمع بين الاثنين معا ...
بين حجابها وحشمتها وسترتها ... وبين عفتها وحيائها واحترامها

العفو :سوريا: :سوريا: :سوريا:
وينك .ما منشوفك ...كنت عبالي فاخر فترة :king: :king:

هاد الحكي المظبوط يلي بدو يكون بسكوتة هو حر و ما حدا إلو عندو شي ليمنعو

عفوا كريم أنا ما كملت قراية لسا بعد هلصفحة ما بعرف إذا هدا كتب يلي رح قولو.
بس الفكرة تبعي هية التالي:

1-

هون بختلف معك لأنو هي حقها و ليست مشكلتها.

لأنو بغض النظر عن رأيي الشخصي يلي بعارض فيه الحجاب ( لأنو بعتبرو قيد ) بس حق شخصي لزوجتي أنها تحط الحجاب دون حتى استشارتي بالموضوع و دون أن يؤثر ذلك على علاقتي بها من أي جانب ( هاد وضع حقيقي و ليس افتراضي )

حق أي أنثى أن تلبس الحجاب أو الصليب أو النجمة السداسية لمجرد التعبير عن كونها من ديانة معينة أو لتعبر عن التزامها بمفاهيم دينية محددة خاصة بها أو كلباس غير مرتبط بأي شيء ( أتكلم عن الإناث فقط لوجود الحجاب لكن ارائي عادة لا تميز ذكر عن أنثى )

2- الحجاب ليس علامة تجارية مسلمة:

أتوقع أنو أنت سوري و رح أمشي بكلامي على هاد الأساس
في محافظة حماه يوجد مدينة صغيرة تدعى محردة ( إذا عدنا ثلاثين عام إلى الوراء لوجدنا أن نسبة المسحيين فيها تتجاوز 95% ) يمكن اعتبار نسبة المسيحيين فيها حاليا أكثر من 80% بسبب الهجرة كونها مدينة تجارية و صناعية تحتل مرتبة متقدمة بين المدن السورية ذات التعداد السكاني المقارب . جولة صغيرة في محردة و ستجد أن جميع النساء المحرداويات الذين تجاوزوا الخمسين من العمر محجبات.
الراهبات في الكنائس محجبات.
صورة السيدة مريم في جميع الأيقونات المنتشرة في الكنائس محجبة.
( في هذه الحالات الثلاثة نجد ما يسمى بالحجاب الشرعي أي ما يغطي منابت الشعر )
عند الذهاب إلى الكنيسة يطلب من الفتيات تغطية الشعر ( بغض النظر عن الإلتزام بذلك حاليا )

3- مفهوم الصح و الخطأ المنطقي يختلف من شخص إلى اخر ( للأسف ) لأنه يعتمد على طريقة التفكير و التحليل المرتبطة بتاريخ الشخص و الأسلوب التعليمي و النمط الاجتماعي.
مثل يمكن حدوثه واقعيا: أحد أعضاء جماعة التكفير و الهجرة سيرى من خلال كلامي السابق أنني شخص كافر و يجوز علي الحد الشرعي و هو الأعدام ( من خلال طريقته في التفكير و بحسب مفهوم الصح و الخطأ الخاص به ) في حين أنني أرى من خلال دراستي للدين الأسلامي أنه لا يحق لأي شخص أن يصدر أمر بتنفيذ العقوبة لأن هذا الشخص يفترض أن يكون الإمام ( لاحظ ال التعريف ) و الإمام هو خليفة المسلمين و بالعامية وينو طبعا هنا أفكر من خلال نقاش ديني و لا أناقش من خلال أسلوبي أنا بالتفكير لأقول هذا صح أو خطأ

ملاحظة شخصية عني : أنا شخص وراثيا يمكن اعتباري نصف مسلم و نصف مسيحي أمتلك معلومات عن كلا الديانتين ( دراسات عامة ) عقائديا غير ملتزم بأي منهما.

كيف يعني