|
اقتباس:
لاتنسي الأجتماع غدا الساعة الرابعة عصرا |
اقتباس:
بس لو كان وجه الاخوه السعوديين سب مباشر للشعب السوري الحبيب. كان هيكون موقفك واحد. ياخي المدعو طارق سب الشعب السعودي مباشره باقبح الالفاظ. ووالله لو كان اى شخص سب اي دوله عربيه لما تغير موقفي فانا اساسا غير سعودي ولكني عربي. ولي الشرف. وانت تتحدث عن تنبيه . يجب على هذا العضو الاعتذار .ويحرم من الاشتراك باسمه فتره مقبوله.حتى لا يكررها هو او غيره واي تساهل من الاداره يعتبر تشجيع له ولغيره. وشكرا لاهتمامك وهذا دليل على بدايه صفحه جديده من الاداره. |
اقتباس:
|
بالنسبة لحزب الحماصني
فهون بقى في شوية تخبط بالردود هيك يعني طلع معنى بعد التشاور مع بعض الحبايب اللي تواجدو هلق طارق غلط لمى حكى على اهل السعودية بس الاصيل غلط اكتر لمى رد على مسباتو بمسبات ايوا شفتو شلون هلق حزبنا بيرفض مطالبة احدى الاحزاب من الادارة التنحي لان هالحكي مالو لزوم حاليا بنظر حزب حمص الادارة ولو انها اتأخرت بحذف الموضوع بس مو هيي اللي علقت الاعضاء بين بعضها هني اللي علقو لحالهون حزبنا كان بأيد انو ما ينحذف الموضوع لفتح المجال للتصالح لاكن الاعضاء استخدموه بشكل خاطئ لاكن لمى شاف حزبنا بهالشي اللي صار فكان حزبنا هوي ورا حذف الموضوع مشان ما يغلطو الاعضاء على بعض اكتر واكتر هلق حاليا رأي الحزب مشان حذف عضوية طارق فالحزب يرفض حذف عضوية طارق لسبب هوي انو اذا انحذف فهاد رح يخالف قوانين المنتدى وبالتالي رفع عداد الانذارات افضل طريقة لان كل انسان بيغلط ولازم يعطى العضو مجال ليكفر عن خطأو ولو انحذفو الاعضاء اللي اسائو فهاد رح يكون غلط تاني وكل انسان بعبر عن حالو يعني وقت بيحكي عضو فهوي عم يعبر عن وجهة نظرو ما عن وجهة نظر غيرو وبالنهاي حزبنا بحيي حزب الرعية وحزب جبهة التحرير على الاتحاد اللي عملوه وانشالله بدوم وبيزدهر ومنشم ريحة ياسمين طالع من ازدهارو |
نقدر لحزب الحماصنة مجهوداته ونحترم قراره ياللي اتخذه مافينا نقول شي وان اختلفنا مع بعض بوجهات النظر وكان ودنا لو يكون لحزب الحماصنه قرار حازم وصارم اتجاة ما حدث من اشتباك بين اعضاء الأخوية بسبب الحكي اللي قالو طارق عن السعودية بس كمان كان بدنا انو يكون عداد تنبيه طارق ظاهر للجميع تنعرف قديش نسبة التنبيه اللي اعطته اياه الأدارة وتايكون عظه وعبره لغيرو ممن تسول لهم انفسهم ان يفعلوا فعلته الشريرة
|
اقتباس:
|
اقتباس:
بالتأكيد قرارنا حازم وهوي متل ما قال هاني اعضاء الحزب ما ردوا على الموضوع مشان ما يزيد فيه المشكل بس اعضاء حزبنا ما رضيو بالحكي ولهلسبب خبرو الادارة فورا عن الموضوع مطالبين بحذفو فورا مشان ما يصير في مسبات اكتر اقتباس:
وصحيح طارق بدي لاكن الاصيل ما قصر حزبنا بشبه هالشي بكأنك رايح على مخفر الشرطة وقت بتعمل شي مخالف للقانون بينحط باضبارتك بس ما بينشروها على الخلق كلها و متل ما قال حزبنا سابقا طارق بعبر عن حالو بس وما عن حدا تاني فما فيك تحطو عبرا عن حدا |
هلأ دقيقة شوي ..
أنا رح إحكي بوجهة نظر حيادية بالموضوع هاد (( مع إنو وجهة نظري الحقيقية مع أحد الطرفين ولا أريد أن أذكر أنا مع من كي لا يعتبر تحيز لطرف من أطراف الخلاف )) هلأ لما بعت الأصيل رسالة خاصة لكل المشرفين كانت الرسالة مهزبة نوعاً ما ... بس لما قريت نص الموضوع اللي كاتبو الأصيل ببريد المندى كان فيو تهجم أيضاً ... و عندما رد طارق على الموضوع .. كان رده يحمل الكثير من الكلمات القاسية و التي لا يريد أي شخص أن يقرأها في منتدى أخوية , بس في شغلة بدي قولها هون .. إنو طارق ذكر بمجمل مسباتو اللي قالها (( أمة العرب كلها )) ما بدي قول الجملة كاملة .. بس كمان وصل طراطيش لكل العرب .. و ما حدا عصب غير السعوديين ... عليش كلمة عتاب صغيرة مني للأخ مكاوي .. ليش لحتى تفتح الموضوع مرة تاني .. و تخلي اللي ما عرف بالموضوع يعرف .. مع العلم إنو فتح الموضوع مرة تاني ما رح المشكلة القائمة بالعكس بدها تزيد الوضع توتر ... سلامات للجميع ... و ما بدي إحكي أكتر من هيك ... الكل حكو إنو لازم تهدا الأمور .. و أنا مع الجميع .. |
اضافة على ما اشار له المشرفين الذين ادلو بدلوهم في هذا الموضوع (مشكورين)، سواء العراب او سعيد او غيرهم.. طبعا ماعنا كلام بعد كلامهم وانما هي فقط هوامش حوارية ..
نرفق التالي: بيان اخوية لواقعة الشجار و التعدي المشارة، اخوية ادارة ومشرفين تستنكر ما حدث ـ و تدين جميع الأطراف التي قامت بالتعرض بالسباب او الشتم او الإسائة المباشرة المقصودة او ما لم لمها او شملها، تجاه شعوب ذات سيادة ، او قوميات او اعراق او ملل طالتها الإسائة و شملتها، وستقوم بإتخاذ الإجراء المناسب في حق من خرج عن خطوط اخوية العريضةـ |
ما سبق هو بيان اخوية شبه الرسمي حيال الحادث الشجاري الذي وقع،
ومهم نلفت النظر لبضعة نقاط بيهمنا يتم تسليط الضوء عليها، - اخوية تستنكر الي صار ليس اكثر.. (يعني عدانا العيب استنكرنا وادنّا ..) - اخوية ستقوم بإتخاذ الازم حيال من خرج عن خطوطها العريضة فقط! - ليس هناك من يستطيع التحدث بإسم شعب، بالتالي كل يعبر عن نفسه و موقفه موقف شخصي، ويتم التعاطي معه من هذا المنطلق وحسب - اخوية ليس لديها اي معايير او قوالب مسبقة الصنع، تطبقها على دول او شعوب او ملل،___ وهذا يشمل الجميع ولا نستثني احدا ___ الي بيسب السعودية متلو متل الي بيسيب اسرائيل ،،،،،،،،،،،،،،،،،،،،، والي بيسيب الخليج متلو متل الي بيسب اميركاا ،،،،،،،،،،،،،،،،،،،،،، والي بيسب اليهود متلو متل الي بيسب الإسلام او المسيحية ،،،،،،،،،،،،،،،، احنا بأخوية ما منتعامل مع القوميات او الشعوب او الملل بقوالب مسبقة ـ وكل قراراتنا او مواقفنا هي من افعالهم او قراراتهم وليس من شخصهم ! (بمعنى احنا بأخوية ما منكره الإسرائيليين ! ولا اليهود ، ولا الأميركان ، ولا الجن الأزرق، نحترم جميع الشعوب والملل والأعراق والقوميات كإخوة لنا في الإسرة البشرية، بس بيجوز مندين تصرفات الي عم تتصرفها اسرائيل او تصرفات الي بتتصرفها اميركا ، بالتالي بالتالي باالتالي احنا مندين تصرفاتهم وليس اشخاصهم ) يتسائل البعض ، شو لزوم هذا الكلام، لزوم هذا الكلام التضخيم و الإنتفاخ الي صار !! لو العضو الي سب السعودية كان سابب اسرائيل كنتو رح تحكو؟؟ ولا لو سابب اميركا مثلا كنتو حكيتو؟؟ ولا لو سابب الصين كنتو حكيتو؟؟؟ الي عم حاول وصلكم ياه انو الموضوع صار فيه تورم وانتفاخ ماكان ليه لزوم، هذا رأي العضو بهال الدولة حطو ، لمن حطو بطريقة غلط (وهون برجع بشير انو احنا ما عنا ولا رح بيكون عنا موقف من عضو بعينه وانما موقف من مواقف، و موقف من ردة فعل ، وردة فعل على تصرف، ) ولمن حطو بطريقة فيها اسائة تم معاقبته على هذا (مش معاقبة العضو لأنو بيكره السعودية او السعوديين ، _هذا لا شأن لنا به_، كل معني بنفسه، احنا ما مندين كره الشخص للسعودية (هو حر يكره الي بيكرهو ويحب الي بيحبو ولكل انسان خلفيات بيبني عليها مواقفه وموقفنا مالو علاقة بقناعتنا برجع بكرر، يعني اذا احنا كأشخاص _ادارة_ منحب سوريا واجا واحد قال انو بيكره سوريا احنا ما منعاقبو ولا مناخد موقف خاص منو!! هاي مالنا علاقة فيها احنا ) لكن احنا منعاقب على التصرف وليس على الموقف، وهون بكون عم نوه انو لو العضو المسيئ كان قال انا بكره السعودية ما كانت اخوية ساوت معو شي ، ابدااااااا ..ولو اليوم طلع عضو وقال انا بكره سوريا كمان ما رح بنساوي معو شي!!!! ومنه كل من ساهم بالإسائة وبغد النظر عن موقفو ، _الإسائة الكتابية بالخروج عن آداب الحوار_ تم و رح بيتم معاقبته عليها فقط ، (اشرت ان بغد النظر عن موقفه لان احنا ما منتدخل بمواقفكم، وما بيأثر بقرارنا موقف الشخص و انما فقط نعنى بتصرفه) والي صار يصنف "بأخوية عقوبات" تحت بند خروج عن الأدب العام ..... لا اكتر ولا اقل، اما من طالب بإعتذار شعبي وجماهيري وبإسم اخوية وما اليه، ما دقيق هذا الكلام اسمحلي، اخوية لم تسئ التصرف لا حيال هذي القضية ولا ما شابهها، وان كان فُهِمَ موقفنا بطريقة غلط فليس غلط اخوية ما تُفهَم عليه مواقفها! الي غلط هو كان عم بيعبر عن نفسه وبالتالي ان حيعتزر فبإسم نفسه ، وان لم يعتزر فهذا شأنه .......... اما عن ال 3 ساعات، الي ما كان فيها مشرفين: اخوية فيها طاقم اشرافي وفريق عمل مكون من حوالي 25 مشرف واداري وعضو منصة، ولكل مهام دقيقة وصلاحيات ضمن مهامه ، يعني مشرف الصالون ماله صلاحية على الطاير ومشرف ع الطاير ماله صلاحية على البريد !! اصدي حتى لوكان في مشرفين متواجدين وقت صار الحادث هذا فهم ليسو مشرفي هذا القسم بالتالي ليس بمقدورهم البت والفصل في هذي المشكلة، !! (كمان ما عم بفهم ليش كتير اخدت ابعاد عدم تواجدنا مع العلم ان قسم بريد المنتدى يخضع بتقاطع صلاحيات لسلطات العراب Godfather كمشرف اداري والإدارة العامة فقط، وحاليا متمثلين بشخصين، وما كتير شيئ خارج عن الطبيعة ان شخصين ما يتواجدو لفترة 3 ساعات على النت !؟ مو ) |
طبعا الرد الي سبق هذا ، والرد هذا هم كلام غير رسمي، بصفة شخصية عم بحكيه وليس بصفتي كإداري،
لفت نظري شيئ انبسطت منو الي هوي البلاغة؟ بلاغة الشباب حتى مع انو كانو عم يسبو بعض او ما شابه ، بس ما قدرت ما انتبه لجرعة البلاغة اللفظية والمعنوية الي كانت شغالة، شو بدك للحكي.. ، حتى من المسبات منعمل معلقات، سبحان الي خلقكم على هال السليقة السجعية الحاضرة هاهاهاهاهاه :adal: :lol::سوريا::سوريا::سوريا: |
كيف ليش مين مين شوفي شوصار
مرحبا ياجماعة أنا مبارح ماحضرت المعركة بس وصلني شوية شظايا منها
في البداية وبغض النظر مين طارق لأني مابعرفه بس بحب قول أنو هذا المنتدى من أجل أن نتعلم من خلاله ونستفيد ولامكان بيننا للمفسدين والمخربين وأرفض تماما أن يتطاول أي شخص كان على الدين أو على شعب أوعلى عرق وأقول للأصيل مايهمك وكل شخص ينظر إليه بأعماله وللجميع مني أحلى تحية مشكلة ملونة :jakoush: |
Dr:Hos
1.متى سنقرأ ردك الرسمي ؟ 2.لم يذكر احد ان الاعتذار من اخويه(جماهيريا).ولكني طلبت اعتذار طارق . وان كانت اخويه غير قادره على اقناع اعضائها االمسيئين بالاعتذار .فانا متأكد انها قادره على معاقبتهم بصوره تجعلهم يدركوا خطأهم وييعتذروا عنه. 3.كل شخص لا يملك مشاعره بمعنى حب شخص او دوله. ولكن يجب ان يملك تصرفاته. فليس مبرر ان اكره اسرائيل ان اسبها.ولا انت مش معايا د.حوس. 4.سمعت رد غريب هو ان الاهانه كانت موجهه للعرب. عظيم جدا والمطلوب ان نسكت لان الاهانه لم يكن مقصود بها السعوديين. والله ماتحركت ورديت الا لان السعوديين عرب وانا كعربي شعرت بالاهانه. ثم ان المدعو طارق وجه سب مباشر للسعوديين.ارجع لنص السب. 5.انت تقول لو كان السب موجه لاسرائيل او امريكا او الصين.ماذا سيكون الرد. اقول لك ردي (ماكنش هيبقى في رد)انا دافعت عن اللي يخصني انا مو محامي لدول العالم. ولست مجبر عن الدفاع عنهم ولكني لا اسبهم.(وهذا هو الفارق بيني وبين غيري اني لا اسبهم) 6.اما عن ان شخص لا يمكنه التحدث عن شعب.فانت مخطئ ان الشخص يدافع عن شعبه مثل السيد المكاوي فهو سعودي.ولايقوم بالتحدث عن كل السعوديين. 7.اخيرا اتمنى ان تكون العقوبه قدر الخطأ حتى لا يثبت عند الاعضاء فكره انحياز الاداره. والكيل بمكيالين. |
اقتباس:
وهو اللي بلش بالمسبات رد الأخ طارق عليه بها القصيدة كان كافي ليقلوب الأمور رأساً على عقب ويصير الحق عليه مع احترامي لطارق واصيل أنا بالنهاية مابريد غير حلول سلمية ومابحب انحاز لطرف مين ماكان يكون |
شكر وتقدير
في الحقيقة أتوجه الى السيد Dr.hus وأقدم إليه جزيل الشكر على الملاحظات والمداخلات القيمة
وأيضا الى جميع المشرفين والإداريين على ماقدموه وعلى جهودهم المبذولة للمنتدى وأشكر مرة ثانية Dr. hus على الملاحظة الخاصة التي يحملها التوقيع وإني فخور بهذه الشهادة :lol: |
شكر وتقدير
في الحقيقة أتوجه الى السيد Dr.hus وأقدم إليه جزيل الشكر على الملاحظات والمداخلات القيمة
وأيضا الى جميع المشرفين والإداريين على ماقدموه وعلى جهودهم المبذولة للمنتدى وأشكر مرة ثانية Dr. hus على الملاحظة الخاصة التي يحملها التوقيع وإني فخور بهذه الشهادة :lol: |
يعني انا مستغرب انو رجع انطرح الموضوع بعد ما اتسكر وكل اللي ما كان شايفو هلا عرف ...
بعدين يعني كلكون ماسكين طارق انا معكون انو هوي سب وغلط بس كمان الموضوع اللي طرحو الاصيل كان فيو مسبات...يعني ما فينك اتحط الحق على حدى...ويلي انتبه لرد الشريف(اما شو شريف) كلو عنصرية ...ما رح احكي شي.. اما بالنسبة لحسون اذا مات واحد بالشارع بيحط الحق على الادارة هوي وحزبو...يعني اعطيني نتدى بيضل في المشرف 24/24 كل اللي غابوا 3 ساعات ما فينك اتحط الحق عليون واول ما اجى الغود فازر وقف الموضوع شو بتحب يعمل اكتير.. اما بالنسبة لحذف العضويات اذا بدون يحذفو عضوية طارق بدو ايصيب اصيل نفس الشي ونحنا ما بدنا هالشي ايصير بقى عداد التنبه احسن شي...مع تحياتي... ودمتم8) |
اولاً اشكر الاخوة المشرفين والاعضاء المشاركين واعيد واكرر اعتذاري لكم على الكلمات البذيئة التي سمعتوها مني . و لكن الاخوة الكرام :
انا استغرب بمقولة ان طارق هو الذي بدء وسب وشتم ثم تعودون فتقولوا انني انا غلطت عندما رديت عليه !!!! هل تريدون مني ان اسمع مسباته وشتائمه ثم اكتب له رد واشكره على هذه المسبات ام هل تريدون مني ان اقول له انني اسف لانه سبني !!! هل هذا حكم منطقي يا اخوة . وانا اجزم انه لو ان أي عضو غيري تعرض لمسبة لم يكن ليسكت عليها ولو كانت من أي شخص كان . الاخوة الكرام انا منذ البداية راسلت الاخوة المشرفين حتى لا يتأزم الوضع كثيراً . ولكنني ومع انني شرحت لهم الموضوع وبالاخير يأتينا الرد بأنني كنت خاطئاً عندما رديت على مسبته لي وللسعوديين !!! الاخوة الكرام لقد انتبهت الى ان عداد التنبيه لدي هو 10% وهل تعرفون ما هو السبب هو انني بعث برسالة واتاني الرد من احد الاخوة بلهجة ..... , ثم اعدت انا الرد عليه وسألته لما كل هذه العصبية في الرد عليّ . فتصوروا ان هذه الحادثة ادت الى تنبيهي بنسبة 10 % خلال وقت قصير . ثم اتعرض انا والاخوة السعوديين الى المسبات والشتائم والموضوع مضى عليه وقت جيد ولكننا نحاول حتى الآن ان نقنع الادارة التي هي على علم بكل شيء ان طارق اساء لنا ولشعبنا وديننا .وهو لم يتعرض الى أي تنبيه !!! هل هذه حيادية ؟ المهم انا لن اطيل في ردودي وانا اطرح عليكم حلان : اما ان يقدم طارق اعتذاره للشعب السعودي ولي انا . أو ان يتم حذف عضويتي من المنتدى وهذا بصراحة محزن لي ولكن ردود الادارة هي من دفعني الى هذا الطرح . ولكم الشكر |
| الساعة بإيدك هلق يا سيدي 12:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون