|
اقتباس:
أنا ما عم قلك زين انو كريم والشباب هنن من الخونجية الخ الخ وانو الون علاقة بالشي الي صار من أكتر من عشرين سنة .... كريم والشباب راحو ضحية ..... بعدين أيهم غير الكل .... أيهم حاطط براسو الحقد وماشي ..... وأنا قلتلك وحكينا بهالموضوع .... انو أنا مبسوط وشايف البلد عم يتحسن ..... وسوريا كبلد وكحكومة وكشعب ما فيني بعيش غير فيه ... |
اقتباس:
أكيد بتكون دولة ممانعة ... انتي شو بيضمنلك انو اذا الخونجية مسكو الحكم ما يعملو تطبيع مع الصهاينة ... شو بيضمنلك هالمفكرين والادباء وهالشعراء ما يطبعّو علاقاتون مع اسرائيل .... قلي الضمان ...... من لما صارت الانقلابات بسوريا لحتى مسك الرئيس الاسد الحكم .... كان ضروري جدا يكون الوضع الداخلي ممسوك .... و لهلأ خيي زين .... هاد هو الرابط |
اقتباس:
من قبل الحكومة الموجدة ولازمو حل فهيك يعني فرق الحكي كلوووووو ع راسي ابو ريتااااااا :D |
اقتباس:
بهالحالة وع حسب حكيك اللي تغير ماعادد في حدا ضحية و اللي صار مبرر سيدي مو مشكلة اذا هيك بيصير مسك الامن سلام ع هيك أمن وسلام من هالموضوع :D |
اقتباس:
لأنو ظروف البلد هيك ..... البلد تغير من عشر سنين يا زين ... عنجد تغير |
اقتباس:
شو الضمانة .... الشباب ضحية .. اي طبعا ضحية .... أنا ما عم ناقض نفسي ... بس هنن كانو يفكرو فيها لبعيد شوي .... لو فكرو شوي صغيرة ما كان صار فيهون الي صار .... نحنا بالنهاية ما منقتنع بشي ..... بدنا البير وغطاه ..... |
اقتباس:
بنرجع ع الموضوع : انا شخصيا ضد كلمة كي لاننسى بل لتحويلها لكلمة يالله ننسى يعني اذا بتهمنا مصلحة بلدنا عن جد لازم نكب الماضي ورانا ونتعلم منو وما نعيدو , وهالشي بيطلب من الكل شعب وسلطة انن يفكرو بطريقة صح لينهضو بالبلد ويصير في ثقة بين المواطن وحكومتو يعني اول شي لازم الغاء قانون الطوارئ والافراج عن المفكرين ونشيل وهن نفسية الامة من قاموسنا لأنو الكل بحب البلد وما في حدا خائن حتى يثبت العكس . |
اقتباس:
خيو يسلم تمك ... بشرفي انك فهمان .... لازم نغير اسم الموضوع ل يالله ننسى و أنا معك بهالطريقة .... انو شعب وسلطة يفكرو بطريقة صح ...... ومية وردة لالك ...:D |
اقتباس:
ومشان هالشي بتنمنا .........لك وبنترجا السلطة انو تكون كبيرة وتبلش تعطينا حرية الكلام بدون قانون طوارئ وبدون الخوف من المعتقلات لأنو نحنا لابدنا سلطة ولابدنا مناصب .... بس بدنا حرية .... بس شوية حرية .:deal: |
اقتباس:
علي الحلال انك بحد ذاتك نكتة لسا ما صار بيناتنا بهالموضوع 4 ردود سبيتني شي 5 مرات فين , وجاي تقلي حقد ....... اي مبين مين فينا اللي حاقد ومين فينا اللي معصب وفاقد أعصابو , واللي بدو يفرض وجهة نظر السلطة على الجميع يعني هدوليك ارهاب جسدي وانت من هون ارهاب فكري |
اقتباس:
انت كل مواضيعك عن النظام ... وشوفو شو عم يعمل النظام .... شو رأيك نعملك منتدى سياسي خصيصي عن النظام الظالم !! وضل تعوي فيه لتشبع .... |
اقتباس:
بعدين انت شو زاعجك, ما عجبتك المواضيع لا تعلق عليها , او علق عليها بأدب لنتناقش لبكرا فيها , بس كونك عاجز عن ادارة حوار منطقي ناضج بتلجأ لاسلوب الشتم الرخيص اللي انت يبدو متربي علي. |
اقتباس:
|
اقتباس:
سكر الباب وراك مع السلامة :D |
اقتباس:
الأمان هو شعور المواطن بالطمأنينة وراحة النفس والاستقرار الداخلي من جميع النواحي الحياتية. مثلا بس يدخل شي مواطن سوري على مقهى انترنت وينطلب منو هويتو الشخصية ليكتبوا اسمو الثلاثي واسم أبو و أمو ومكان سكنو ورقموا الوطني ورقم الجهاز ووقت جلوسو ووقت مغادرتوا للمقهى! هادا كيف بدو يشعر بالأمان؟ كيف بدو يعبر عن رأيو بحرية ؟ أنا اليوم قدرت أنفد بدون ابراز الهوية لصاحب المقهى وإلا ما كنت كتبت هالرد بأخوية. وبؤسفني كثيرا أنو يطلعلنا واحد عايش بالغرب وعم يستمتع بديمقراطيتهم ورقيهم واحترامهم لحقوق الانسان , بعدين بدافع عن نظام ديكتاتوري كنظام بشار الأسد. حبيب.... اذا سورية الأسد عاجبتك كتير بوضعا الحالي ليش ما ضليت تدرس او تشتغل هون وفضلت تطلع لبرا؟ |
| الساعة بإيدك هلق يا سيدي 14:19 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون