أخوية
الصفحة 3 من 5 < 12 3 45 >
عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)
-   حصاد المواقع (http://www.akhawia.net/forumdisplay.php?f=79)
-   -   تعدد الزوجات جزء من الحل!! (http://www.akhawia.net/showthread.php?t=128681)

Dndoshy 06/09/2009 02:27
اقتباس:
كاتب النص الأصلي : غيداء ذاك اسمي (مشاركة 1329130)
انا بعتبر هالكلام تجريح للاسلام وللرسول صلى الله عليه وسلم لانه عدد زوجاته
عفوا




.....

Nay 06/09/2009 02:27
اقتباس:
كاتب النص الأصلي : غيداء ذاك اسمي (مشاركة 1329130)
انا بعتبر هالكلام تجريح للاسلام وللرسول صلى الله عليه وسلم لانه عدد زوجاته
الموضوع عم يحكي عن تعدد الزوجات بالقرن الواحد والعشرين .. وعن امكانية تغيير قوانين صرلها عدة قرون.. وما حدى جاب سيرة الرسول ولا سيرة المقدسات..
مرة سمعت المفكر الاسلامي محمد شحرور بمحاضرة عم يقول انو بزمن الجاهلية كان الرجل يتزوج مئة امرأة كان وقتها تشريع الأربع زوجات فكرة ثورية بتدعم المرأة بما يتناسب مع روح العصر بوقتها .. وبراي الدكتور شحرور مفترض انو هي الطريقة بالتفكير تستمر وأنو بالوقت الحالي يلتغى تعدد الزوجات بما يتناسب مع روح العصر الحالي

Nay 06/09/2009 02:30
اقتباس:
كاتب النص الأصلي : ِAbu Alzooz (مشاركة 1329133)
طيب و العبودية ما حرمها التشريع الاسلامي

بدليل
( و ما ملكت ايمانكم )

بس المعاهدات الدولية و القوانين الداخلية لكل دولة منعتها بقا ما فيك تقول التشريع الهي و نسكت
على راسي التشريع الهي بس لما بيكون مع الانسانية كلها

تحياتي
صحيح .. التشريع الاسلامي ما حرم العبودية وبكل العصور الاسلامية الاموي والعباسي ووو.. كانت الإماء موجودة ..ولكن الاصطفاء الأخلاقي.. والتطور الانساني جعل العبودية تنقرض وتصير شبه معدومة عند المسلمين

mhsen77 06/09/2009 02:31
اقتباس:
كاتب النص الأصلي : I_Love_Syria (مشاركة 1329124)
المشكلة مالها بالتشريع الإلهي من وجهة نظري عالأقل
المشكلة بتنفيذو
الناس فهمانة من الموضوع إنو والله أنا بيصحلي أربعة بتجوز أربعة وبعيش ملك زماني مع إنو التشريع هاد مالو لخدمة الرجل كرجل أو لراحة الرجل
يعني ما بعرف كيف رجال بيقدر يتجوز تنتين الواحد بوحدة ويادوب ملحق على بيتو وولادو, في جهل كبير من فئة معينة بتشجع تعدد الزوجات من غير أسباب بتوجب عليه إنو يتجوز أكتر من وحدة
اكيد المشكلة مانها بالتشريع
و هالرجال بيكون فيوزاتو طاقّة يلي بيتجوز مرتين كيف يصيرو اربعة :shock:


اقتباس:
كاتب النص الأصلي : Nay (مشاركة 1329121)
نقطة انتهى بنظرك محسن .. لأنك باني قناعاتك على الإيمان.. والايمان بشيء دايما بينهي النقاش..
بس اللي مو مآمن بهادا الشي بيختلف وضعو..
ايماني قابل انو ناقشك فيه مو حجر جامد لهيك ايماني ما بينهي نقاشاتي
و اهلا فيكي :D

حلبي 06/09/2009 02:32
اقتباس:
كاتب النص الأصلي : ِAbu Alzooz (مشاركة 1329127)
و هلق بجي لرأي بالموضوع

هلق تعدد الزوجات + ما ملكت ايمانكم

هوي تحويل المرأة ل الة جنسية لتفريغ المستودع الذكوري من رغباته
يلي هوي بيحب يشمل جميع الانواع من السمر للبيض للشقر

و السؤال يلي بيطرح نفسو تعدد الزوجات مو هوي خيانة للزوجة تحت ستار ديني قانوني
يعني لو الزوجة شافت زوجها عما يعاشر امرأة اخرى دون عقد نكاح
شو لح تعمل

هلق انا كانت احدى امنياتي انو يتحقق قانون الاسرة السورية

يلي هوي قانون لح يكون البديل الجيد و الموضوعي لقانون الاحوال الشخصي يلي صرو من فوق النص قرن

المهم القانون الجديد كان لازم يضم الزواج المدني
و منع تعدد الزوجات او بالاقل ربطه برضاء الزوجة و موافقة القاضي

بس للأسف تنيم بالدروج

و من هون ليشوف النور عالوعد يا كمون



ما فينا نقول الا

عوجة

شكرا ناي على النقل :D
أي ها هيك الواحد بناقش الله يرضى عليك

اقتباس:
هلق تعدد الزوجات + ما ملكت ايمانكم
ما ملكت أيمانكم تعني الجواري و السبايا و الحمد لله أنتهى هذا العهد الى غير رجعة

اقتباس:
و السؤال يلي بيطرح نفسو تعدد الزوجات مو هوي خيانة للزوجة تحت ستار ديني قانوني
يعني لو الزوجة شافت زوجها عما يعاشر امرأة اخرى دون عقد نكاح
شو لح تعمل
يعني تعدد الزوجات موجود في كل أنحاء العالم و لكن لكل شعب عاداته و تقاليده أنا أعيش في الغرب و لا يوجد ألا قلة قليلة ممن ليسو على علاقة بأمرأه أخرى

عندنا في عاداتنا و تقاليدنا يجب أن تكون هذه العلاقة موثقة و لها حقوق يجب أن تطبق سميها ما شئت

و في النهاية أن عدد المواليد الأناث أكثر بكثير من المواليد الذكور و هذه ليست صدفة

يمان Rooooonaldo 06/09/2009 02:33
هلّأ .. عفوا Nay .. انا .. استغربت من طريقة ردودك .. من أول الموضوع ..

اللي عرفتو عنك .. والصورة اللي اخدتا عنك .. حضارية جدا .. وما بتحاولي تخانقي او تعملي المشكلة ..

وبتحطي رأيك .. وبتفرضي باحترامك .. عالكل انو يحترمك .. ويحترم ارائك دايما .. بس استغربت .. بردودك انو .. عم تحاولي متل .. انو استغربتي ما لقيتي مين يرد .. ويفوت يقاتل .. انو .. ما بعرف .. كنت حابب رد واحكي ..

بس بعد ما بلشت الشباب .. وبلش الصريخ .. راحت فكرة الموضوع .. اللي حابة انك تناقشيها كنتي ..:D

ayhamm26 06/09/2009 02:33
اللي بشوفكن عم تناقشو الموضوع بهالطريقة بفكر انو في قانون بسوريا انو تعدد الزوجات اجباري, وانو يا حرام في ناس عم تعاني منو.

شباب من اخرها يعني, اللي مو خارطة مشطو قصة تعدد الزوجات بسيطة ما يعملها, ما يقرب على اللي بيعملوها

قضية التعدد وطريقة تطبيقو و شروطو و الغاؤو من عدمو هو نقاش داخلي بيخص المسلمين, وما بيحق للملحد او للي بينتمي لطائفة تانية يقعد يطالع حقدو الطائفي كل فترة والتانية بحجة عم نناقش قضية اجتماعية.


اقتباس:
كاتب النص الأصلي : Nay (مشاركة 1329105)
بلاحظ دايما الإسلاميين بيفوتو ما بيناقشو ..بس بيتوترو وبيتمسخرو وبيعصبو كتير .. لسا ما وصلنا لمرحلة تكبير الخط.. ما عم أفهم ليش..
اسلاميين...!!!!! شايفك نسيتي كلمة ارهابيين كمان :lol:

على كل بتعرفي , في ناس بتصرع راسنا بقضايا الحرية و حقوق الانسان والمرأة ومابعرف شو , وبالاخير بتطلع كل القصة فشة خلق طائفية ناتجة عن ردة فعل على واقع طائفي عايشينو.

في عضو بزمانو كان يكتب ببروفايلو ما معناه انو اللي بيصلي خمس مرات باليوم ما عندو كرامة, بالاخير هالعضو تغير خفف من هاللهجة ولما انسأل مرة عن هالشي قال انو السبب اللي كان يخلي يحكي هيك هو ردة فعل على المجتمع الطائفي اللي كان عايش في.

برأيك كم واحد لسا بيفكر متل هالعضو؟؟

يمان Rooooonaldo 06/09/2009 02:39
اقتباس:
الموضوع عم يحكي عن تعدد الزوجات بالقرن الواحد والعشرين .. وعن امكانية تغيير قوانين صرلها عدة قرون.. وما حدى جاب سيرة الرسول ولا سيرة المقدسات..
مرة سمعت المفكر الاسلامي محمد شحرور بمحاضرة عم يقول انو بزمن الجاهلية كان الرجل يتزوج مئة امرأة كان وقتها تشريع الأربع زوجات فكرة ثورية بتدعم المرأة بما يتناسب مع روح العصر بوقتها .. وبراي الدكتور شحرور مفترض انو هي الطريقة بالتفكير تستمر وأنو بالوقت الحالي يلتغى تعدد الزوجات بما يتناسب مع روح العصر الحالي
اقتباس:
صحيح .. التشريع الاسلامي ما حرم العبودية وبكل العصور الاسلامية الاموي والعباسي ووو.. كانت الإماء موجودة ..ولكن الاصطفاء الأخلاقي.. والتطور الانساني جعل العبودية تنقرض وتصير شبه معدومة عند المسلمين
انو ردين ورا بعض ناي .. :D

ايهم .. كفـيت .. ووفيت .. :D

هشام ابو شرار 06/09/2009 02:41
حبيب البي القصة لا اسلاميين ولا هندوس القصة انه الله خلق الفواكه اصناف والوان وكل فاكهة ريحة ولون وطعم والنفس البشرية (فلسفيا)شهوانية وامارة بالسوء هلأ البوي فرند والجيرل فرند بامركيا عنا اسمه تعدد زوجات يعني انا بعرف واحد هونيك كل اسبوع عنده جيرل فرند شكل وبيقولو هاي حضارة و(مودرن مان)بس لما ابو العبد يتجوز اربعة بيصير رجعي !!!!شو هالميزان الشرم برم والله لو الوضع بيسمح لاتجوز 12








Nay 06/09/2009 02:45
اقتباس:
كاتب النص الأصلي : ayhamm26 (مشاركة 1329149)
اللي بشوفكن عم تناقشو الموضوع بهالطريقة بفكر انو في قانون بسوريا انو تعدد الزوجات اجباري, وانو يا حرام في ناس عم تعاني منو.

شباب من اخرها يعني, اللي مو خارطة مشطو قصة تعدد الزوجات بسيطة ما يعملها, ما يقرب على اللي بيعملوها

قضية التعدد وطريقة تطبيقو و شروطو و الغاؤو من عدمو هو نقاش داخلي بيخص المسلمين, وما بيحق للملحد او للي بينتمي لطائفة تانية يقعد يطالع حقدو الطائفي كل فترة والتانية بحجة عم نناقش قضية اجتماعية.

قضية تعدد الزوجات قضية داخلية لما بيكون قانون الاحوال الشخصية قانون مدني.. أما لما بيكون قانون اسلامي ببلد غير اسلامي فما بيكون اسمو قضية داخلية


مو


اسلاميين...!!!!! شايفك نسيتي كلمة ارهابيين كمان :lol:

على كل بتعرفي , في ناس بتصرع راسنا بقضايا الحرية و حقوق الانسان والمرأة ومابعرف شو , وبالاخير بتطلع كل القصة فشة خلق طائفية ناتجة عن ردة فعل على واقع طائفي عايشينو.

في عضو بزمانو كان يكتب ببروفايلو ما معناه انو اللي بيصلي خمس مرات باليوم ما عندو كرامة, بالاخير هالعضو تغير خفف من هاللهجة ولما انسأل مرة عن هالشي قال انو السبب اللي كان يخلي يحكي هيك هو ردة فعل على المجتمع الطائفي اللي كان عايش في.

برأيك كم واحد لسا بيفكر متل هالعضو؟؟

كلمة اسلاميين ما حسيتها إهانة أبدا.. واذا بتعتبرها اهانة فبعتذر..
ومشان العقد الطائفية مو زابطة .. انا مو عايشة واقع طائفي.. انا بالنفوس متلي متلك..

غيداء ذاك اسمي 06/09/2009 02:45
اقتباس:
كاتب النص الأصلي : Nay (مشاركة 1329140)
الموضوع عم يحكي عن تعدد الزوجات بالقرن الواحد والعشرين .. وعن امكانية تغيير قوانين صرلها عدة قرون.. وما حدى جاب سيرة الرسول ولا سيرة المقدسات..
مرة سمعت المفكر الاسلامي محمد شحرور بمحاضرة عم يقول انو بزمن الجاهلية كان الرجل يتزوج مئة امرأة كان وقتها تشريع الأربع زوجات فكرة ثورية بتدعم المرأة بما يتناسب مع روح العصر بوقتها .. وبراي الدكتور شحرور مفترض انو هي الطريقة بالتفكير تستمر وأنو بالوقت الحالي يلتغى تعدد الزوجات بما يتناسب مع روح العصر الحالي
مع كل احترامي لرايك .... لكن لا نستطيع الغاء شئ من السنة او من الشريعة واللي مابدو لا يسويه

هو موضوع التعدد له حالات .. ليس كل من رغب عدد هنا يكون ظلم للزوجة .. هذا رايي

mhsen77 06/09/2009 02:48
هلأ و لو خرجت شوي عن الموضوع بس حابب اعطي رأي

انا برأيي انو التشريع الاسلامي كان بوقت معين و هالتشريع ما بينطبق ع كل الازمان بس للاسف منلاقي البعض بدو يرجعنا لهديك الايام
لازم التشريع يتغير بس مو باسم الاسلام \ خلينا نغيرو بقوانين \



منرجع لتعدد الزوجات و خليني اعطي مثال
مثلا والدي متزوج تنين بس تزوج التانية يلي هيي امي بعد 15 سنة عاشها مع خالتي \ على فكرة انا و اخوتي بناديلها امي لانها ربتنا متل امي تماما \ بدون اولاد

يلي ضد فكرة تعدد الزوجات برأيكن تصرف والدي صح او غلط؟

Nay 06/09/2009 02:50
اقتباس:
كاتب النص الأصلي : يمان Rooooonaldo (مشاركة 1329148)
هلّأ .. عفوا Nay .. انا .. استغربت من طريقة ردودك .. من أول الموضوع ..

اللي عرفتو عنك .. والصورة اللي اخدتا عنك .. حضارية جدا .. وما بتحاولي تخانقي او تعملي المشكلة ..

وبتحطي رأيك .. وبتفرضي باحترامك .. عالكل انو يحترمك .. ويحترم ارائك دايما .. بس استغربت .. بردودك انو .. عم تحاولي متل .. انو استغربتي ما لقيتي مين يرد .. ويفوت يقاتل .. انو .. ما بعرف .. كنت حابب رد واحكي ..

بس بعد ما بلشت الشباب .. وبلش الصريخ .. راحت فكرة الموضوع .. اللي حابة انك تناقشيها كنتي ..:D
ليش يمان استغربت مني أنا .. وما استغربت من غيري..
مو انا بالعادة ما بخبص بالحكي..ليش برأيك اليوم خبصت!! !!
على كل حال هدي الوضع شوي..

Nay 06/09/2009 02:52
اقتباس:
كاتب النص الأصلي : يمان Rooooonaldo (مشاركة 1329151)
انو ردين ورا بعض ناي .. :D

ايهم .. كفـيت .. ووفيت .. :D
ردين ورا بعض بس مو متناقضين .. ولو يمان.. انا ما أهنت بردي التاني التشريع الاسلامي .. عم احكي حقيقة تاريخية بيعرفها الكل .. وما عم ادخل بنقد للتشريع او لتصرفات الرسول

Nay 06/09/2009 02:54
اقتباس:
كاتب النص الأصلي : mhsen77 (مشاركة 1329159)
هلأ و لو خرجت شوي عن الموضوع بس حابب اعطي رأي

انا برأيي انو التشريع الاسلامي كان بوقت معين و هالتشريع ما بينطبق ع كل الازمان بس للاسف منلاقي البعض بدو يرجعنا لهديك الايام
لازم التشريع يتغير بس مو باسم الاسلام \ خلينا نغيرو بقوانين \



منرجع لتعدد الزوجات و خليني اعطي مثال
مثلا والدي متزوج تنين بس تزوج التانية يلي هيي امي بعد 15 سنة عاشها مع خالتي \ على فكرة انا و اخوتي بناديلها امي لانها ربتنا متل امي تماما \ بدون اولاد

يلي ضد فكرة تعدد الزوجات برأيكن تصرف والدي صح او غلط؟
شو رايك انو عمتي متزوجة صرلها 25 سنة وزوجها ما بيجيب ولاد.. شو لازم تعمل..
انا ما عم أمزح عن جد عم احكي.. ليش ابوك ضرورة قصوى يكون عندو ولاد وعمتي لأ..

يمان Rooooonaldo 06/09/2009 03:07
اقتباس:
ليش يمان استغربت مني أنا .. وما استغربت من غيري..
مو انا بالعادة ما بخبص بالحكي..ليش برأيك اليوم خبصت!! !!
على كل حال هدي الوضع شوي..


ناي .. بحب اقرا ردودك .. دايما .. وبتابع شو بتكتبي او بتردي ..

وقت طرحتي الموضوع .. قريتو .. بس ما رديت .. نطرت كيف لشوف شو حابة يكون التوجه او وجهة الموضوع .. كـبداية .. كان مقبول .. بس اللي استغربت منو .. طريقة ردودك انو .. فعلا كلمة هدينك ما طلعة حلو ابدا .. متل واحد عم ينطر عنجد .. انو .. بدو شوية .. عياط وصريخ .. وبعدين رجعتي تعملي الاسلاميين .. وتكبير الخط انو استغربت .. انو انتي اللي عم تكتبي هيك .. !

هلا ناي لو بدنا نرجع لفكرة الموضوع .. تعدد الزوجات .. تعدد الزوجات .. شغلة موجودة .. بالدين الاسلامي .. ومسموحة فيه شرعا .. محرمّة " أو ممنوعة بالدين المسيحي . " على حسب ما بعرف .. ومو موجودة اصلا ببقاي الاديان ..

هلا .. كبداية .. انتي بتعرفي انو لو بدو يكون وجهة موضوعك مناقشة " قضية تعدد الزوجات " حيكون نقاش ديني .. واللي بدو يناقشك بدو يرجع .. لافكار دينية .. ويصير نقاش ديني ... ونقاش بالشريعة .. وبنصوصا يعني .. فهالحكي ممنوع ..

هلا .. حكا نقطة مهمة ايهم .. فوق ..

اقتباس:


اللي بشوفكن عم تناقشو الموضوع بهالطريقة بفكر انو في قانون بسوريا انو تعدد الزوجات اجباري, وانو يا حرام في ناس عم تعاني منو.

شباب من اخرها يعني, اللي مو خارطة مشطو قصة تعدد الزوجات بسيطة ما يعملها, ما يقرب على اللي بيعملوها



ما في قانون عنا .. بيجبرك انو تروحي تعددي .. ولا أيا شي ..

كـفكرة .. بجوز تكون صحيحة .. انو حل المشكلة الموجودة بالمجتمع عن طريق تعدد الزوجات .. " يعني كان فيكي تحولي مسار الموضوع .. لفكرة انو تعو نحكي ونفكر هل ممكن لو صار تعدد الزوجات .. بين المجتمع وانتشر .. حيكون في حل للمشاكل الموجودة حاليا " بغض النظر عن فكرة التعدد نفسا اصلا .. وتفوتو فيا .. او تحكو فيها .. وعن اصحتها او لا ..

انا ما حكيت عنك شي .. وبعتذر لو .. دايقك حكيي .. انا كتبت الرد لاني .. بحب اقرا ردودك بالعموم .. وبشوف طريقة مناقشتك حضارية .. بس استغربت متل محاولة للاستفزاز .. كانت .. بجوز تكون عن نية طيبة ومالك قاصدة فيها .. بس فعلا الكلمتين ما كانو حلوين ابدا ..

في رد لدندوشي .. اول الموضوع .. انو تعدد الزوجات .. دعارة " مشروعة " وراء ستار من القوانين البالية ..

عفوا منّك .. اذا ما عندك علم بحب خبرك يا خيي .. انو الدين الاسلامي الدين الوحيد الموجود فيو تعدد الزوجات .. فـ انو ينكتب .. بهيك طريقة .. انو هالشي .. دعارة مشروعة .. وراء ستار من القوانين .. والبالية .. فـ انو الكلمة ابدا ما صارت ... تعبير عن .. رأي شخصي ابدا .. ولا عن حرية .. لانك بلشت تعتدي .. على نص وشريعة .. ومعتقدات .. حدا تاني ..

رجاء ما تقلبو الموضوع .. والمواضيع .. مشان كام شغلة .. ممنوعة ..

وبعتذر .. منك ناي ومن دندوشي .. ازا حدا دايق حدا بكلمة .. بس رجاءً يا شباب .. نحاول نهديها .. وما نضل نحاول نتمسخر عبعض ..

تحياتي للجميع ..:D

لامار رمز الدمار 06/09/2009 03:13
اي تشريع موجود بالقرآن الكريم هو تشريع مقدس
الصلاة , الصيام ,,,,,,,, تعدد الزوجات
مافينا نحكي انو كانوا يصلوا من كذا قرن

كانوا عندون تعدد الزوجات من كذا قرن

التشريع الاسلامي صالح وعادل لكل الظروف والاحوال

اذا توسعنا شوي نشوف ليه مو اكتر من اربع زوجات بنفس الوقت
لازم لما نحكي عن قضية لازم نعرف كل شي بيخصا
- شو هية ضوابط التعدد
- قدرة الرجل على التعدد
- العدل بكل ما بيتحملوا الكلمة من ابعاد
بس لاسف في رجال ما بيعدلوا وهنن يلي عطوا فكرة سيئة عن قضية التعدد

اذا بتحبوا بفتح الموضوع بكل جوابنوو
في ضوء العلاقات المحرمة والغير الشرعية طبعا بنشوف التعدد شغلة رائعة
في ضور الزواج العرفي بنشوف التعدد شغلى رائعة كمان
الطفل الغير شرعي ,,,,

لازم ما ننسى الاسلام بكل احكامو بيحمل العدل بس اذا الناس ما ببطيق هل الاحكام بيكون الغلط من الناس مو من الشريعة



وكرمال كلام ناي
كلامك واضح وخلص يمان كفى ووفا

شكرا للجميع:D:D:D

Nay 06/09/2009 03:17
عادي يمان.. :D
بس اذا شخص ما عجبتو كلمة فيه يعترض عليها.. واذا ما بدو يعترض فيه يبعت تقرير مشاركة عاطلة.. ولما بيفوت وبيحط ب3 ردود ههههههههههه وبعدين هههههه وكمان هههههه ورا بعض وبدون ما يناقش بيكون هوي اللي عم يتمسخر

منرجع
ما في قانون بيجبر على التعدد بس في قانون بيسمح بالتعدد..
مو بس بيسمح بالتعدد كمان اذا طلبت المراة الطلاق بسبب زواج زوجها بتنحرم من كافة حقوقها لانو الزوج قانونا عم يمارس حق من حقوقه القانونية..


الساعة بإيدك هلق يا سيدي 19:54 (بحسب عمك غرينتش الكبير +3)
الصفحة 3 من 5 < 12 3 45 >
عرض 40 مشاركة من هذا الموضوع في صفحة واحدة

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.04032 seconds with 10 queries