|
بهالزمانات سجلت بأخوية باسم (شام) بدون ما شارك..
انحجبت.. فـ ما بقى فتت كنت عم بحبش المرة الماضية ع شغلة.. لقيتها هون.. فـ رديت سجلت وبما إني نسيان كلمة السر طبعاً.. والإيميل اللي كنت عم بستخدمو بهيدييييييييك الإيام لما سجلت وقف.. فـ سجلت مرة تانية.. باسمي التاني (ناصر).. ولإنو في متلو.. حطيت إم بآخرو (وهيك صار ما في متلي :) ) ما عندي مشكلة بالاسمين.. بس (شام) أنا اخترتو.. وكتار من رفقاتي بيعرفوني فيه (ع النت.. واللي نطوا من النت وصاروا رفقاتي بالواقع).. غير هيك.. الأسامي كلام.. و.. عينينا هني أسامينا :) |
علقت مرة ع هيك امور بس التعليق كان ع اسمي القديم SHIVA
اسمي هون جبتو من ورا شخصية ببرنامج كان يطلع ع الMTV اسمو Beavis And Butthead ف هادا Beavis دائما لمن بياكل كافيين او شي فيه حلو بيصير عندو شي متل الهايبر اكشن ليصير اسمو : :larg:Cornholio و هكزا يعني |
و الله عا راسي الشباب و أسمائن و شرفتونا بالمعلومات الحلوة
.:D |
موضوع كتير حلو
الجواب : أنا أتعرفت على الموقع عن طريق غوغل و قرأت الأمثال الحلبية و هذا ما جذبني الى المنتدى خصوصاً أني مغترب و متعلق بحب بلدي فمثلاً هنا الناس ينادوني بالسوري و هذا يفرحني و في المنتدى أي بين السوريين أذا حلبي و قصة هون بتذكرني في المدرسة و الجيش عند التفقد كنت كثيراً ما أقول هون بدل حاضر . ههههههه و مشكور على الموضوع |
اقتباس:
بس قلتلي بالغربة بقلولك السوري و بسوريا الحلبي بحلب شو بقلولك:?:shock: و أحلى كاسة شاي مقرفة لعيونك:p سلام و عا راسي مرورك ٠:D |
اقتباس:
ياسيدي بحلب بصيحولي أبو محمد و حتى هون كمان بصيحولي أبو محمد الله يسلمك يا سيدي و ميت طبئ ورد للغوالي :D |
شكرا ع الموضوع...
هاد هو اسمي الحقيقي و المستعار...;) و مطرحي باين...مقيمة بالكويت...بس اصلي سوري_اوروبي...:oops: |
| الساعة بإيدك هلق يا سيدي 04:12 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون