|
اقتباس:
انو يصير في عشره بيشبهو بعض بهالدنيا هاد امر مش طبيعي بقى :lol: .. |
اقتباس:
تخيلي عدد المرضى يلي بحاجي لقلب أو كلية أو قرنية..أو أو.. هيدول اديش رح يستفيدوا من هيك علم.. لكن إذا قلت انا اني ضد الاستنساخ فأنا بكون عم بلغي السلبيات والايجابيات معا؟؟ قنبلة هيروشيما امر مو طبيعي ولا انساني ولا اخلاقي..لكن الطاقة النووية عظيمي.. |
اقتباس:
|
اقتباس:
هلئ بغض النظر عن الفوضى يلي بدها تصير اذا انسمح للاأستنساخ انو يتطبق بحجة ايجاد بنك للأعضاء البشرية انا معارض للفكرة لأنو صار في بديل علمي اسهل و اكثر امان و النقاش الأخلاقي حولو اقل من موضوع الأستنساخ ....هو "تكنولوجيا الخلايا الجذعية Stem Cells " اخر الدراسات بتقول انو استطاعوا يحصلوا على اعضاء لقرد انزرعت بجنين خاروف بعد ما تم استبدال بعض الخلايا الجذعية للخاروف الجنين بخلايا جذعية جنينية للقرد ..و هيك صار الخاروف المولود جديدا هو بنك لبعض اعداء القردة ,,متل الكبد ..او الكلية او غيرها من الأعضاء ...باستخدام نفس المقاربة بالنسبة للبشر ,,قادرين نحول حيوانات تانية متل القردة او غيرها من الثديات لبنوك بتحفظ اعضاعينا البشرية جاهزة للأستخدام بوقت الحاجة .. كمان هون لسا بقي في قضايا اخلاقية قابلة للجدال ...بس بيبقى اهون من استنساخ بشري كامل .... لهيك ..و ليس من باب ديني او اخلاقي ( مع انو الديني و الأخلاقي منفصليين) ..انا بعارض الأستنساخ من باب انو صار في بديل علمي اكتر و اسهل ... |
اقتباس:
ما احلانا اذا كل ما خرب عضو نبدله صرنا متل السيارات بعدين الانسان وحدة متكاملة وطبيعة كاملة تبديل الاعضاء اذا صار قاعدة فهوي كارثة |
يا عمي اتركو هالبشر تخترع على كيفا، يعني هيك وهيك الشمس رح تصير حمرة وتحرقلنا الارض بعد 5 مليار سنة، فانا برأيي خلي البشر تعجّل شوي وتخترع كل شي معقول وغير معقول، ماحلوة مشان سمعتنا قدّام المخلوقات يلي رح تجي بعد الحريقة العظمى:hashish:
الاستنساخ بشكل عام متل السكّينة، فيك تستعملها لتحضير الاكل وفيك تقتل فيها... يعني أول انسان اخترع/اكتشف السكين كان قصدو يستفاد وما توقّع أو ما اهتم باحتمال انو ينقتل بنفس السكين... اليوم في كتير اختراعات تعودنا عليها وهيي بنفس الوقت مضرة بالبشريّة.. بالنهاية الانسان رح يضل يكتشف وما بتصور رح تتوقف هالعملية ابداً.. حاليا فكرة الاستنساخ هيي تطوير جنين عن طريق اخذ الحمض النووي لشي شخص وزرعو ببويضة تمّت ازالة حمضها النووي مسبقاً وبعدين تحريضها عالانقسام، ومن هالجنين (قبل تطورو لمراحل متقدمة) رح يتم استئصال خلايا جذعية ممكن تحويلا لاي نوع من الخلايا العادية كنسيج أو كعضو وزرعا بالجسم... هي هيي فكرة الاستنساخ أما استنساخ انسان بالغ (يعني رح يُترك الجنين المستنسخ لينمو ويكبر) فبتصور رح يقتصر على حالات العجز عن الانجاب أو مثلا فقدان طفل للعائلة(كتيرين بيشجعو الفكرة الاخيرة بس أنا شخصياً بحسا قصة فاضية، يعني خلي ينجبو طفل جديد وبلا فزلكة)... بالنسبة لاستنساخ شخصيات تاريخية متل ما بنسمع بكل مناقشة عن هالموضوع: هلّا بجد مصدقين انو ممكن يصير عنا جيفارا أو اينشتاين أو طرزان أو توتعنخ آمون جديد فقط لانو النسخة هي مطابقة عضوياً 100%؟؟؟ أكيد عم تمزحو مو؟:lol: بالنسبة للخلايا الجذعية، استخداما حالياً -والتقدم الي توصلولو العلماء لحد الآن- مقتصر على استنساخ او تكوين بعض أعضاء الجسم. هون لازم نعرف انو الخلايا الجذعية نوعين: 1- خلايا بتتاخد من الجنين، وهون رجعنا لنفس قصة الاستنساخ لانو بيتم قتل جنين. لكن هالخلايا بيقدرو العلماء يكونو منها أي عضو وأي جزء من الجسم يعني شي متل "خلايا عامة" 2- خلايا موجودة بجسم الانسان البالغ متل خلايا نخاع العظام او خلايا الحبل السرّي وغيرا، بس هالخلايا ما بيقدرو يطورو منها أي عضو بشري حابينو، يعني الاستفادة منها محدودة.. وطبعا كل هالامور، الاستنساخ والخلايا الجذعية، كلها قيد التطوير وما وصلت لمرحلة انها تتطبق مية بالمية، بس أكيد تكنولوجيا الخلايا الجذعية رح تتطور باستمرار، لانها تقنية مسموحة ولو بأطر محدودة، ورح تحقق قريباً الغاية المطلوبة منها، وهون لازم ما ننسى شغلة مهمة: حتى لو صار عنا تقنيات تعوّض عن الفوائد المترقبة من الاستنساخ و تكون "أخلاقية" اكتر منّو، الانسان رح يستسخ ورح يعمل شغلات جديدة هيي بالنسبة النا أغرب من الاستنساخ بكتير، لانو الانسان فضولي ولو كانت اكتشافات البشر من البداية مقتصرة فقط على الضروريات ما كنّا وصلنا للتطور الحالي... يا جماعة لاتفكرو انو في دولة عندا كل التقنيات والعقول اللازمة للاستنساخ وما نسختلا عالقليلة بني آدم واحد بالسرّ! |
انا رأيي نستنسخ منك تلت اربع نسخ اورهوي شو رأيك :lol:
و بالمعية انسخولنا كم نسخة من هيفا وهبي شنو وحدة ما عم تكفي |
اقتباس:
بس ولا يهمّك يا ابو شريك، اذا هلقد حاببني ومصمم تشوفني باكتر من نسخة، أنا مستعد روح اتبرع بكل بنوك الشو اسمو وبعد كم سنة بعبيلك هالكرة الأرضيّة أورهويات حلوين :lol: |
أنا مع استنساخ العاهرات و المثيلي الجنس لكن أنا ضد استنساخ البشر العاديه
|
اقتباس:
:lol: ما أكثر العاهرات ! مش ناقصين احنا , حتي يستنسخوا من جديد وبعدين مطرحك بيجنن بتشوف حاجات صفرا و حمرا و سودا الخ :o |
اقتباس:
بعدين العالم بيواجه مشكلة غذاء بعدد السكان الحالي فما بالك اذا تضاعف العدد الهدف من الاستنساخ عند الغرب ايجاد فئران للتجارب العسكرية و البيولوجية وطبعا هالشي اهانة للأنسان المستنسخ هو بالنهاية انسان و اله مشاعرة بس الفرق انه المستنسخ ممكن ما يعيش بعائلته متل الاشخاص الطبيعيين وهالشي معناه انه حيفقد حقه بحياة طبيعية وهالشي بحد ذاته اهانة للأنسانية و البشرية |
اقتباس:
لنفرض شخص عندو شي عضو تالف وكل الطرق العلاجية المعروفة ما جابت نتيجة، فرح ياخدو خلية من جسم هالانسان ويحطو الـ DNA تبع هالخلية ببويضة انثويّة بدون DNA (الـ DNA تبع البويضة يتم اخراجو مخبرياً مشان يطلع الجنين مطابق مع الشخص المريض بيولوجياً 100%)... بعدين بيحرضو البويضة عالانقسام ليحصلو على جنين بعمر كم يوم وياخدو من هالجنين خلايا جذعية يعالجوها ويخلوها تتطور للعضو يلي بيلزم! يعني ما بينطرو ليكبر الجنين ويولد ويحطوه بشي مخزن وبعدين يشرحوه حسب الرغبة... للملاحظة: الاستنساخ ممنوع بكل الدول الغربية وغير الغربية لسبب أنو عم يتم قتل جنين عمرو كم يوم! يعني بعد تلقيح البويضة بكم يوم! |
اقتباس:
ونفس الشي بالنهاية حناخد جزء من الانسان و نكب الباقي |
اقتباس:
الاستنساخ ممكن يتم عن طريق خلايا جلدية والخلايا الجلدية عمرها بتصور بالايام! اقتباس:
|
اقتباس:
يعني المستنسخ بيكون عمره بالأيام بس بالمقابل جسمه جسم شخص عمره 40 عام يعني جسمه بيكون مرهق و تعبان فهمت |
اقتباس:
طيب.. اذا فيك تجبلنا شوية مراجع تأكد هالمعلومة، أنا عنّي شخصياً رح كونلك من الشاكرين جداً جزيلاً. عم استنى ردك. |
انا مع..
الاستنساخ بحث علمي ضخم ماشي سواء وقفنا ضدو او معو.. واذا وقفت ضدو رح يتركك ويمشي.. او متل ماقال ابو طوني يدعس فوقك ويمشي.. من خمسين سنة كانو اهلينا يقولو الناس وصلت على القمر ونحنا قاعدين عمنكش دبان ومو عاجبنا اللي وصلولو الاجانب الكفرة.. وهلأ لسا نفس الشي عم نكش دبان ونقول الانسان يجب ان يكون مخلوقا من التراب..:? ومناقشة المواضيع لاخلاقية المتعلقة بالاستنساخ وتوابع تطبيقاته على ارض الواقع هيي موضوع اخر مو لازم يأثر على آرائنا بخصوص فكرة الاستنساخ بحد ذاتها |
اقتباس:
يعني انا مش ضد الاستنساخ كفكره لكن ضد تنفيذه اليوم .. يمكن لأنو بعده مش واضح تماما ً بعده ضبابي نوعا ً ما .. بعد مش معروفه بشكل جيد اثاره السلبيه .. مش بالضروره لانو الانسان من تراب ولا جايبه العصفور عباب البيت .. انما لأنو في أمور لسـّا بحاجة وقت لتصير واقع .. لتصير متل التلفزيون اللي اول ما طلع كان الصندوق العجيب اللي ساكنته الاشباح و هلأ صار امر جدّا ً بديهي .. لذلك برأي لازم ما نسبق حالنا و نحنا عم نحاول نوصل للمستقبل يعني شوي شوي مع الوقت بتوضح أكتر الفكره و بتتشكلس امورها و بتصير بتواتي صحتنا .. طبعا ً عم قول وجهه نظري ردا ً على ناي لانو فتحتيلي قريحتي لقول اللي بدي ياه و ليس ردا ً عكلامك بشكل خاص .. :D |
| الساعة بإيدك هلق يا سيدي 07:32 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون