|
اقتباس:
لاما ماقتنعت بس بدي حل تاني ماعندكم غير أصعب شغلة عندي؟؟؟؟؟؟؟؟ إني أحكي كل شي لغيري!!!!!!!! والله صعب!!!!!!!!!!!!!!!!!!!!!!!! كل ماببتسم وبفرح بتجيني خبرية متل الهم عالقلب بتقلبلي حياتي فوقاني تحتاني صرت خاف إفرح وإبتسم تضرب هالحياة كلا مجاكرة |
اقتباس:
ليش شو في لسه مصايب الله يجيرنا:x |
الدواء الشافي
ليكي حزن عن جد انا عم بحكي بكل جدية ولا تردي على حدى انتبهي لكلامي ولما بين السطور منيح:
انا من قبل مرة قلتلك اللي بيغار "على او من " غيرو بيكون ما عاطي لحالو وزن ولا معزز ثقتو بنفسو انا عم بحكيكي عن جد بغض النظر عن تعليقات الشباب للي حيعلقو جواهر بعد تعليقي :pos: تاني شغلة انا لما بحس اني متدايقة او بدي غار على حدا بفتح عدة المكياج وبمعط وشي وبتمكيج وباخد فوتوغراف ويمكن البس شي بيعجبني وبيرضي غروري واعزم رفقاتي او حتى لحالي ونعمل جو دبكة ورقص ليكي عززي ثقتك بحالك باي طريقة :yahoo: مشكلتك ياعيني انك نسيانة حالك ومرخصة بقدرك وقيمتك , انا كلما بدي حس بالغيرة بقول ليش مين هوي لغار عليه يمكن غار من شي بنت كوني متل غيري من البنات بطمح للأفضل بس شايفة حالي بمزع العئل قلبا وقالبا اقبر قلب عين للي فيها عود :sosweet:وانتي هيك لازم تكوني ازا بدك بعطيكي دورة تعزيز ثقة بالنفس مسنجريا او برايفيتيا وانا تحت امر الحلوين :D ودمتم سالمين :pos: |
اقتباس:
لاتخافي ماراح قلك :-( :D |
اقتباس:
والله معك حق أنا مشكلتي ماعندي ثقة بنفسي .. خجولة كتير ويادوب بحكي وعطول منطوية عـ حالي وعطول بنتقد حالي ومابيعجبني العجب!!!!! حتى لما حدا بيمدحني أحيانا مابصدقو أو بحسها مجاملة لأني مابعتبر حالي بستحق هالمدح. في عندي إشيا (وإنت كانت قليلة كتير) بس كتير سعيدة فيها وحابة الناس تمدحني فيها بس بيمدحوني بنواحي بحس إني مابستحقها! إضرب أنا وهالإحساس :cry: اقتباس:
لك وحق اللي خلقني مابعرف إدبك :cry::cry::cry::cry: (حبابة لاتكرهيني ) بس عم حاول نمي ثقتي بحالي بإني إتعلم وإقرا إشيا جديدة .. كون لحالي طريق .. تفكير .. رأي معين غير عن الناس وعن أهلي مشتهية كتير إشيا بس شو بدي إحكي لأحكي حابة إتمرد حابة إطلع حابة أعمل شي فظيع ماحدا عملو بس لحتى حس حلي غير اقتباس:
بس ليش حطيتي هاد بالأخير:pos: :cry: |
لك الشاي خلق لهلقصص
اعمليلك بريق شاي وكيلي وصفي فيه بس ما يخلص بتكوني نسيتيه وفي حال كان عقلك جدا جزيلا متنح ومو راضي يطالعه من راسك رجعي كرر الخطوات السابقة حتى يمشي الحال :larg: |
اقتباس:
:frown::frown::frown::frown: |
اقتباس:
هلق كنتي صحبة مع عمو حزين وعين سعدو تحرسك واتدور حوليكي وتباركك  آهاااااا عرفت وجعك :larg: مقطوعة من الشاي مو ؟ اذا كنتي مقطوعة من الشاي فما تخافي الزهورات يبعطي نفس التأثير :larg: |
اقتباس:
ينعن عمري |
اقتباس:
تاني شي بدي قلك ياه عن جد قومي اطلعي وفوتي وكوني صداقات بلشي حياة جديدة والله يا حزن لتشوفي حيياة تانية وبتدعيلي هلا الزعل والقهر لا بد منو بس كمان مو كل الوقت انا بحب اقعد مع حالي واسمع اغاني حزينة بتعنيلي كتير لحتى ابكي لانو الدنية ما بتخلا ن الوجع بس شوي هيك:cry: وشوي تانية هيك :lol: بعدين انا قلت ودمتم سالمين للكل مو بس الك بس لا تزعلي بحطلك اخر التعليق سمايلي حلو ;) جربي حزن جربي صديقتي انا على ثقة انو حتلاقي ثغرة امل لح تشوفي الدنية بعيون الفرح انا مريت بحالتك لما فقدت حبيب الي بس لما عرفت انو ما بيستاهلني "" طبعا بعد فترة شي سنتين "" دعست على راسو باصغر اصبع انخلقلي وبزقت بخلقتو لانو فعلا كان شاب لعيب وابن حرام والله بعتلي احسن منو والدنية هيك ياحلوة لازم تتاقلمي مع فرحها وحزنها .. انا بحب الانطواء واحيانا ما برد على رفئة ولا على الله تبعي بس هي فترة وبيرجع عقل الرحمن وبطلب المدد والرحمة والغفران :p هههههه (عالقافية هع) ازا بتحبي تفضفضيلي انا تحت امرك بس قولي جوفيا بكون بين ايديكي :lol: عن جد حزونة :sosweet: يالله حاجة يمكن مليتي مني .... اراكي:hart: وهي احلا سمايلي لاحلا عيون :D |
اقتباس:
|
دخلك المتة مو أحسن؟
وإذا معا غنية كتاب حياتي يا عين، وكم غنية نكد من تبعوت هاني شاكر وعماد عبد الحليم وكم نكدي تاني، بعدا يا الواحد بيفقع وبيبطل اكتئاب وحزن، يا بينتحر وبيطلع ينكّد على اللي فوق........ |
اقتباس:
من فترة اجا طالب ما بعرف شو عم يدرس بس عنده امتحانات فصلية وطلب نصيحة الشعب الأخوي الصامد ليقدر يحصل على احسن نتيجة نصحناه بالنبيد وقلناله بقوي الذاكرة من وقت ما عطيناه هلنصيحة ما عاد حدا شاف وجه :o فالمخلوقة هلق بإكتئاب خلينا علشاي بلا منكهات ;) ترا وينك حزينة اذا بدك تملحي الشاي بكام نقطة عرق .. انا ما جربتا بس بقولوا بيطلع اخو اختوا هلشاي لا بتعودي بتحسي بالغيرة ولا بتحسي بشي ( في حال ما عندك عرق استناوليلك قنينة السبيرتو من الرف .. كله عند العرب صابون ) |
تسلميلي يا حزن انا على ثقة انك بتحملي بقلبك جوهرك الحلو يلي انتي دافنتيه وحاكمة عليه بالتخفي بس جربي تمحي الخجل وتنسي الزعل عن جد الدنةي الهاطعم تاني انا بحب المئت بس مو دايما لانو الحياة بدها التنين الفرح والزعل ...
مني:D |
يا حبيبتي يمكن قله الاصدقاء حوليكي هو السبب ,انتي خليكي معنا و انسي مشاكلك انا متأكده انو الصداقه الحلوه هي الحل,,و
نحنا جماعه عسل منقيم الهم عن القلب .ويا رب نقدر نساعدك.:lol::lol::lol::lol: |
| الساعة بإيدك هلق يا سيدي 07:10 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون