|
اقتباس:
 هلا الحدود المصرية مو مستباحة لمن هب ودب:? وشو مشان اتفاقيات امريكا واسرائيل بالسيطرة عالحدود المصرية الفلسطينية بدون علم عمو مبارك:?:?:? هاد اذا عمنحكي عن الحدود البرية اما الحدود البحرية شو مشان القوات المتعددت الجنسيات وهازا مع رفض الحكومة الصرية ترى اما الحدود الجوية فحدث ولا حرج صارت متل المنخل سعدو وكيلك واكيد يافهمان سمعت عن الطيران الاسرائيلي الي قصف القافلة السودانية ولا بنظرك اسرائيل وامريكا والقوات المتعددة الجنسيات معا حق تستبيح اما حماس وحزب الله لا لانن ارهابيين يعني متل كانك عمتقول عاهرة عند كل الحي الا عند جيرانا شريفة مكة |
أخي من الاخير وسامحوني لأني دفش وكلامي دج
حزب الله ايراني مو؟ طيب انا معك ويسعى لتحقيق أهداف ايران في المنطقة" طبعا اذا بقيان منطقة" وانا رح قلك اي منيح وايضا يسعى لنشر التشيع ولك ببصملك بالعشرة بس ريحني من النق ومن هالاسطوانة . بس يستر عليكم يا ملائكة الله في الارض " ايها العرب" لما بدكم توقفو حزب الله وحماس عن المقاومة او عن عملهم شو ما بدكم تسموه سموه, قبل ما تعملو هيك لاقولنا حل لفلسطين لاقولنا حل لغزة لاقولنا حل وطلعو هالاسرائيلي من ارضنا وبعدين سبوا واشتمو واتهموا واعملوا " وأنا بسب معكم وبشتم" بس يستر عرضكم على حب الانبياء مشان الله بشو حلّفكم قبل ما نتهم حدا ونحنا نايمين ببيوتنا نلاقي حل ونخترع بديل نعمل شي لانو المتل بيقول" الحكي على المتكي" المنجعي" هين". طلعولنا اسرائيل ورجعوا الحق والارض لصحابها وانا اول من يطالب بالغاء المقاومة المسلحة واول من يطالب بالغاء هالمراجل هي " حسب تسميتكم" وهالعنتريات وهالبعبعة. بس لاقولنا حل قبل لانو صرلنا اكتر من ستين سنة معتمدين عليكم ويلي رجعوا حزب الله هالشيعي الايراني المتمرجل المبعبع من مساحة اراضي قد يلي خسرناه نحنا العرب من اراضي خلال حروبنا الكريمة مع اسرائيل"مو قدها قدها بس انفعلت:p". |
اقتباس:
اول شي روق سام ما بدها كل هالعصبية .. تاني شي يعني لو هيك عالم حاطط ببالو لسا انو في شي اسمو فلسطين ما كان ناقش بهالاسلوب لانو غالبا منحب نحكي بهالشكل عن الاخرين لنغطي شي من عورتنا هيي هيي المشكلة الاساسية بين حزب الله ودول الاعتدال العربي وهي مشكلة مصر حاليا .. لانو عمليا طلعت برا مركز اللعبة السياسية برايي انو اذا رح نضل نرد ع بعض الحكي يلي انطرح هون ما رح نخلص كل العمر يعني ناس حاسة انو انفضحت وانحطت ع الرف بسبب مقاومة حقيقية .. فشو متوقع يطلع منها غير هيك اراء ؟؟؟؟ يعني رغم النقد الجوهري لحزب الله كحزب ديني ( من وجهة نظري طبعا ) بس بموضوع المقاومة ما فيي قول الا .. ربها يحميها |
اقتباس:
وهه :lol: بس والله تعبت من هالاسطوانة وانا معك يعني نحنا مو باطار تقييموا دينيا هون عم نحكي عن عمل سياسي او مقاومة ضد محتل يكون مهما يكون طالما انو عم يسعى للهدف يلي عم اسعالو انا . طالما انو عدونا مشترك . يعني انا بستغرب انو عادة وقت بيكون في عدو خارجي لازم وقف مع جاري وبس يروح هالعدو الخارجي بتناقش انا وجاري ولك بتخانق انا وجاري بس مو ونحنا وايدينا بالنار سوا."طبعا عم احكي عن مقاومة مو عن دول" |
اقتباس:
الكلام لـ yass : اقتباس:
اقتباس:
أولاً الموضوع تم تخصيصه للحديث عن الأزمة بين مصر وحزب الله . وليس للدفاع عن مواقف دول ا خرى . نعم سوريا ايضاً تمنع تمرير الاسلحة عبر اراضيها ولها تحالفات تكتيكية للضغط من اجل السلام خارج اراضيها ارى ان بامكاننا التمييز بين ما هو صحيح وما هو خطأ ان كنا لا نتعصب لأي موقف اقتباس:
هاموش : ليس بالضرورة معنى الوقوف مع حزب الله هو العمالة لايران او نظام اي دولة اخرى . ولا الوقوف كجزء من المخطط الايراني في المنطقة . وليس معنى الوقوف مع حزب الله هو موافقة الحزب على كل ما يصدر عنه من تصرفات او اعطاءه اي قدسية ولكن االاعتدال والحيادية في النظر الى الامور يوضح الحقائق .. وليس بالضرورة معنى الوقوف ضد حزب الله ومعاداة تصرفاته هو وقوف مع اسرائيل و انظمة بعض الدول العربية ولا رضا بالمشروع الامريكي بالمنطقة . لسنا مضطرين للوقوف بأي صف أو تكتل موجود . بوسعنا ان نخلق رؤيتنا المستقلة للأمور كلما كانت زاوية نظرنا اليها أوسع . |
مرحبا ... :lol:
قرأت الموضوع وقرأت المشاركات حتى ما أعيد الحكي .... فـــ هلأ من الآخر ... شو الحل ؟؟ طيب ببساطة خلينا نتطلع حوالينا ونشوف الوضع .... أنو لوين وصلنا بالعجقة !!! أحنا مش موحدين .... العرب مقسومين مليوم قسم يا ريت تنين ولا تلات !!! هلأ أنا بالبداية لازم أحكي أني مش مع أي حكومة عربية على الاطلاق ولا مع أي زعيم عربي لأنو ببساطة بموت وبحط أبنو يحكمنا .... واحنا "اللي بحكمنا بنزقفلو" ع قولة عادل امام ، والله ما فارقة مع الله تبعنا ! هيك عشان ما حد يتهمني اني مع الحكام ... بس على الطرف التاني .... هل أنا مع ما تسمي نفسها "المقاومة" ... !!! كمان لأ في كلمة نذكرت بالمشاركات "بخصوص العاهرة" عجبتني كتير بس هاي بتنطبق على "الوطن العربي" فــ مرة بحكي أنا وصحابي -للأسف- بالسياسة ف منحكي عن طمع ايران بالمنطقة الجديد ... ف نط واحد من صحابي وحكا : " احنا احتلتنا تركيا وجربناها ، وبريطانيا وجربناها ، وامريكا واسرائيل وفرنسا وايطاليا ،،، ف هلأ وقفت ع ايران ! خلينا نجربها ما بنخسر :o " درر يا عمي !! فــ شو بدك بشعب صار يعتبر حالو "عاهر" ... والكل يشوط عليه !!! قلة وعي .... طيب ماشي بما أنو ايران أنشأت حزب الله في لبنان و حماس في فلسطين ، وهي متحالفة مع "الاخوان المسلمين" ك ممثل غير وحيد عن السنة .... ف هي الها اطماع ب هل "عاهرة" ... متلها متل باقي الدول !! ف لازم تحارب الانظمة العربية - اللي أنا مش معها - أنا ما بدي أحكي ولا عن اي طرف لأني ضدهم تنيناتهم !!!! وما بدي أدخل بالردح لأنو كل واحد واقف مع طرف عندو حجج قوية ومقنعة وبالتالي أنا بدي أحكي : لمتى احنا بدنا نضل هيك ؟؟؟ متى بدنا نصير وطن عربي موحد فيه حرية حقيقية وما فيو قمع وفي حرية تفكير وابداع !! أنا اقتراحي بصورة مبسطة أنو : وجود معارضة حقيقية ، مش وهمية ، يعني معارضة تنزل ع الانتخابات عندها فكر وثقافة ووعي ، مش متل الاخوان المسلمين المنتشرين باسم المعارضة وهم اذناب للحكومات ، ومكملين لمتطلبات الدولة الديمقراطية ! زيادة الوعي عند الشعب المسكين حتى ما يكون مقلد ويزقف طول الوقت وهو فاتح تمو مدري شو بستتنى :pos: وبستنى شخص يعبدو من فترة لفترة ليشبع ضعفو الشخصي والمجتمعي : ويغير صورة الفيس بوك تبعو ما بين صدام الى منتظر الزيدي الى اردوغان .... become a fan of خخخخخخخخخخ ... !!! خلص بكفي ... :gem: |
بالنسبة لمسألة استخدام المجال الجوي المصري لقصف القافلة السودانية فهذا ليس مبررا ابدا لاستباحة الحدود المصرية والانتقاص من سيادتها, فكما تعلم اخي الكريم ان الاراضي السورية يااااما تم استباحتها من قبل الطائرات الاسرائيلية التي قصفت دير الزور وعين الصاحب وطارت فوق قصر الديكتاتور في اللاذقية ,
بالاضافة الى الطائرات الامريكية التي قصفت البوكمال وقتلت تسعة سوريين والنظام السوري لم يقم بأية رد فعل أبدا, لكن كل ذلك لا يعني أن يتم استباحة الحدود السورية من قبل الارهابيين بحجة ان سورية ناقصة السيادة والسماح مثلا لجماعة القاعدة بالمرور عبر الحدود السورية العراقية لقتل العراقيين او السوريين داخل سوريا وزعزعة الاستقرار ضمن سورية بالنسبة للحدود المصرية الفلسطينية فأنا ما أعلمه أن من يسيطر عليها حاليا الحرس المصري من جهة مصر وحماس من جهة غزة ولا وجود لقوات امريكية او اسرائيلية على أي من الطرفين. بالنسبة لحزب الله هل هو مقاومة او ارهاب هادا موضوع طويل مكانو مو هون ويمكن تم النقاش فيه سابقا ما رح افتحوا من جديد . |
عزيزي قمح
تسلتلي على الحكي ، وصحيح أنا بطجّلك الختم على الكل باستثناء أنو نحنا بسوريا عم يتم انتهاك فضاءنا وما عم نرد , بس عم نستفيد من هالموضوع وكتير عم نستفيد كيف ؟؟؟؟؟؟؟؟؟؟؟!!!!!!!!!!!!!!!!!!!!!!!!!! لا تتعجب حبيب انقر هون وشوف شلون - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
عزيزي قمح
تسلملي على الحكي ، وصحيح أنا بطجّلك الختم على الكل باستثناء أنو نحنا بسوريا عم يتم انتهاك فضاءنا وما عم نرد , بس عم نستفيد من هالموضوع وكتير عم نستفيد كيف ؟؟؟؟؟؟؟؟؟؟؟!!!!!!!!!!!!!!!!!!!!!!!!!! لا تتعجب حبيب انقر هون وشوف شلون - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
لك بشرفي لما بشوف تعلياقاتكن عالموضوع بزعل من كل قلبي
للأسف كل العالم عمتابع أخبار للأسف كل واحد بيفكر حسب طريقة أبو والشيخ تبعو والدين تبعو يعني بتلائي السني بيكره ايران وبيتهمها أنو عندا أطماع بالوطن العربي والشيعي بيكره السعودية لأنو بيعتبرا سبب البلاوي العربية والمسيحي لا حول ولا قوة بس ان حبكت بيضب الشنتة وبيسلح على شي بلد غربي والخونجي بيكره بشار الأسد لأنو علوي وحسب اعتقادن هاد هوي الحكم الكافر الزنديق هاموش : هداك اليوم ضحكني واحد من السعودية عميسأل رائد فضاء أندونيسي أنو كيف كنت تصلي لمن كنت بالفضاء ...............ز فاااااااااااااااااااااااا اا تفضل يا رعاك الللللله وانشاله هيك قنبلة نووية تهفي الوطن العربي من المحيط للخليج ونرتاح من ربكن |
أخي " مجنون يحكي وعاقل يسمع " ....... آخخخخخ بس
بس بهالحالة احنا عنا أكبر مخزون حقوقي بالعالم .... متل العراق لما كان عندها اكبر مخزون نفطي بالعالم اجت امريكا واحتلتها .... يعني رأيك بيجو يحتلونا ت ياخدو هالميزة !!! :lol: الله الله .... |
يعني اذا المقاومة بتبرر التهجم على العاصمة اللبنانية !! ...مرحبا مقاومة !!
اذا مفكرين انو حزب الله و حماس قادرين يعملوا شي ,,,غلطانيين ,,,لأنو رهنوا حالون لنظامين الخميني والأسد يلي همهم الرئيسي يلعبوها صح مشان يبقوا عالكرسي ...او مشان النووي ,,,, القصة واضحة ,,,,يعني ما في داعي نلف و ندور ,,, عبر المحيط عطى رأي صحيح مية بالمية ... يلي بشوف حماس و حزب الله كمخلصيين للشعوب العربية ...بقول .. الله يكون معهون حتى موت اخر فلسطيني و اخر لبناني ,,,!! ,,,و خلي غيرون يقبض حقها متل ما قبض حق اراضي غيرها ما منسمع اي طلقة رصاص منها !! يسعد مساكون |
اقتباس:
|
اللهم انصر السيد حسن نصر الله على اعداء الاسلام والمسلمين
الرئيس المصري حسني مبارك عميل لاسرائيل |
اقتباس:
يعني رح يكون الرد على قولة المثل دان من طين ودان من عجين يا اخي باشق :pos: لانو فالج لا تعالج :lol: |
اقتباس:
وانا عم قول سوريا اراضيها مستباحة على اكتر من اسرائيل و امريكا فهل هذا يبرر ان تقوم مجموعات مسلحة غير سورية بادخال اسلحة الى داخل سورية بدون علم السلطات السورية؟؟ انا كمواطن سوري لا أقبل ذلك |
اقتباس:
انت تتكلم صح وراعي منطق صحيح...وما يحق لحزب cowboy iran في بلدة ((هذا اذا كان يحق له)) فلا يحق له في بلد اخر ... ولكن الميزان اعور الكفة;) فقط تابع معنا مسلسل الشاطر حسن حتى النهاية واستمع لمحبية ومشجعية والحلقة الاخيرة هي الفالج اقصد الفاصل;) |
اقتباس:
لا يا عيوني .. حماس وحيدة في مواجهة اسرائيل وحزب الله قدم لها المساعدة عبر اراضي مصر ولم يقدم سلاح لاي طرف مصري . ولكن ليس له الا هذا المنفذ البري الوحيد للوصول والمساعدة بما تمكن من المساعدة بعد مشاركة مصر في حصار غزة الاخير . هذا هو فقط حجم الموضوع . تقديم سلاح لمحاربة اسرائيل . انا برأيي ان هذه ليست جريمة بل على العكس . وعلى كل حال مصر عملت على تأليف فيلم هوليودي لسناريو انقلابي يسعى الى تنفيذه لبناني وحيد في رفح المصرية . وموضوع سوريا لم يفتحه احد في هذا النقاش سواك . ولو كان مثلاً النظام في سوريا يمنع المساعدة لحزب الله اللبناني وقامت حماس بتهريب الاسلحة له عبر سوريا لكان موقفي هو نفسه . |
| الساعة بإيدك هلق يا سيدي 13:49 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون