حلو جدا انا سمعان عن بير عجم و في واحدة تانية اسمها البريقة كمان يمكن بس قالولي انو سكانها شراكس متعصبين و صعب تروح لحالك زيارة عليها اذا ما بتعرف حدا هنيك ؟

و شفت مجموعة من الصور الها بموقع ... كتير حلوة الضيعة و خضرا

حلو

بس انا سمعان عنها لهالضيعة و في واحدة تانية اسمها البريقة يمكن بس قالولي انو ما فيك تزورها اذا ما بتعرف حدا من هنيك لانو سكانها متعصبين
انا الصراحة ما رحت لاعرف شو الوضع ؟

و الضيع مبين انها حلوة و المعلومات اللي كاتبتيها بيتبين انو بالفعل مميزة

سلام

بس حبيت علق ع فكرة أنو الواحد ما يقدر يزور الضيعة بسبب أنو سكانها متعصبين :?

أنو أكيد فيك تروح عالضيعة بأي وقت وما حدا من بريقة أو بيرعجم الشراكس بيزعجك ولو بنظرة ..بس من زمان كانو يطلبو تصريح للدخول ليللي قيده مو تابع لمحافظة القنيطرة لأنها منطقة حدودية بالجولان.. وحاليا ما عم يدققو بنوب بقى فيك تروح وتشوف

وع فكرة :
الشركس أكتر أقلية بتعتبر حالها من البلد يلي بتعيش فيه يعني هني سوريين 100%
وفكرة التعصب أو الطائفية أو أو ... هيي كتير نادرة عنا ويمكن معدومة

و الله ما بعرف بس من فترة تعرفت عا واحد شركسي و كان يضل يحكيلنا عن البريقة و بير عجم و الضيع تبعتن و سألنا اذا فينا نطلع قال اديجا و بس اديجا يعني شراكس :shock:المهم ما دققنا كتير عالموضوع يمكن كان عم يمزح او ما بعرف:jakoush:

و شكرا عالمعلومات الحلوة و انشاء الله اول ما ارجع عا سوريا بحاول ازورها اذا ما في مشاكل :larg:

سلام:D:D:D

هلأ يمكن يكون عم يمزح ..أو بجوز هو ما بدو ياخدكن لأسباب خاصة فيه ..بس ما حدا بيزعج حدا هنيك
أنا رفقاتي راحو وانبسطو وما في أي مشاكل ..بالعكس صارو بدهن يروحو مرة تانية وتالتة :lol:
ونشالله بتزورها قريبا

هلأ ما فينا نبالغ صديقتي.. اذا كنتي انتي شركسية فمعناتا لازم تكوني بتعرفي انو في أغلبية غالبة متعصبة بين الشركس.. ولازم تكوني بتعرفي انو اذا عرفو انو الشب مو شركسي وعم يتمشى بالضيعة ونطرفت عينو على شي صبية شو ممكن يصير..
لانو الشركس متل كل الاقليات او الاكثريات فيهون ناس تافهين وناس متفضيين وفيهون الزعران كمان.. والغريب انو يتصادف انو هدول الزعران هنن الأكثر تعصبا دايما وعلى طول الخط وبكل الاقليات.. وهنن اللي بيعملو المشاكل.. والسكاكين شغالة

حلوة بير عجم..

زرناها الربيع الماضي.. وقال أخدونا الشباب تمشاية المسويات على هيدا الكورنيش الطوييييييييييييييل.. على بنا شو؟

منشرب من النبعة بآخر البلد..

إه.. طلعت النبعة منشّفة!!


قلنالهن بسيطة.. مناخدلنا بيرايتين من شي محل!!

قال هون ما في بيرة!!

شو؟ بيرة بيرة يا جماعة!!

قال هـء..

ولا محل فيها بيبيع بيرة يا إمّة الله!!


إنو بالشوب شو بيشرب الواحد؟

كولا!!


إه..

بس أبو سيزار كان نشمي.. قرط مشوار ع القنيطرة.. جابلنا ورجع :)


-------------

هلق في نقطة تانية.. بين المزح والجد.. سمعت كتير قصص عن الجان!!

في شي منها بيضحّك.. بس في كتير ناس مسدقينها :)

هلأ مشان الجان .. بقا حسب انت ومين مرافق.. يعني بيجوز رفقاتك هيك بيفكرو.. ما فيك تعمم..

ومشان النبعة مو منشفة بس كانت مغلقة عن الاستعمال العمومي لاغراض صيانة وهلأ شغالة ومرممة كون البير تبع بريقة الو طابع اثري "روماني على حد علمي"

ومشان البيرة.. مافي بيرة ببيرعجم لأنو أهل الضيعة مسلمين "سنة" يعني البيرة محرمة :o ورغم طابع الانفتاح اللي ممكن الواحد يشوفو بخصوص العلاقات بين الشباب والصبايا الا أنو المشروبات الروحية غير مستحبة اجتماعيا بين الشركس بشكل عام.. وطبعا هادا مو رأيي:larg:
والمرة الجاية بس تجي عطيني خبر بأمنلك بيرايتين:lol:

الشركس اذا بدي قلك باختصار هنن شعوب منطقة القفقاس الموجودة حاليا بروسيا بين بحر قزوين والبحر الاسود هاجرو بالنص التاني للقرن ال 19 نتيجة الحروب من قبل الروس بالمنطقة لتفريغ المنطقة من سكانها ..
وبالاتفاق مع العثمانيين تم تهجير الشركس الى الاراضي اللي واقعة تحت الحكم العثماني بوحدة من ابشع الهجرات اللي شافتها الانسانية.. وتم تهجيرهون بوقتها الى تركيا بالدرجة الاولى وسوريا "حلب دمشق الجولان حمص" والاردن وفلسطين وبلغاريا..
الشركس مسلمين سنة .. وتعصبهون الاول هوي تعصب قومي وليس ديني.. رغم انو الكل بيحب البلد اللي عايش فيها الا انو الشعب الشركسي كما كل الاقليات برأيي بيعاني من أزمة انتماء.. وبالتالي ازمة هوية..

شي حلو بالفعل ياريت لو يجي بالهم يساوو كل كم حي بدمشق قرية ويطبقوا عليها نفس مبادئ القرية الصحية لأنو الحال صاير كتير بهدلة ............

من زمان كان الي صديق شركسي كنت اعتبره الصديق الوحيد لي بمعنى الصداقة الحقيقية وكنا صغار ومابعرف شي عن اصل الشراكس فسألته سؤال طفولي ( شركاسانه اين تقع ) ضل شي نصف ساعة يضحك وحكالي قصة الشراكس ........بالفعل الشراكس من أطيب الناس وأخلصهم وأحبهم لقلبي :D

الشركس هم من الناس المظلومين في سوريا و من الناس الأكثر تهميش مثلهم مثل باقي الشعب السوري المهمش و المغلوب على أمره

هذا الرابط يحكي عن أخواننا الشركس ذاك الشعب العظيم

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

الشركس هنن أكتر أقلّية بسوريا من بين باقي الأقليات العرقية عندهم انتماء ووطنية لهالأرض وهالوطن اللي عايشين فيه

بإيامات المدرسة.. تعرّف على "بوكس" شركسي.. :abo3aen: هيك وجه لوجه.. بس مو بالضيعة.. لأ بقلب الشام..

كنا طالعين من جودت الهاشمي.. :hart: الـGـو بتاعي :hart: .. ورفيقتها.. وأنا..

رحنا قعدنا بحديقة زكي الأرسوزي.. وأكلنا درة..

هني فلّوا.. ويا غافل إلك الله.. أكلتها علقة..


عرفت بعدين إنو.. رفيقة رفيقتي.. شركسية!! :shock:

يحرق حريشك.. ولشو حضرتها تلزق فيك انت ورفيقتك مادام هيك..
يلا الحمد الله على السلامة.. ولا تؤاخذنا بما فعل السفهاء منا..