المشكلة انو عنا في كتير تفاوت بين اهل القرى والمدينه بس مع الانفتاح والتعليم بطلت القرية بنفس الدلالة غير الناس اللي منغلقين وما بدهم يطورو هدول غير عن المثقفين وطلاب الجامعات

في متل اهل المدن بفلسطين بحكو هو الدودة قالت للبقه عمرو الفلاح ما بترقى

نحنا عنا .. وخاصة بحمص.. عنا ضيع بترقى عن المدن بشكل واضح ... اذا كان الرقي يقاس بالعلم والثقافي و الاخلاق والموسيقى او حتى الموضة و الفاشن... لدرجة انك بهيك ضيع بتشعري انو المدينة متخلفة بالنسبة الهن!.. انا ما بنسى من كم سني وقت اجت مطربة لبنانية شابة (لابسي عادي).. وغنت باحدى ساحات حمص... وقتها الحماصنة "المدنيين" عبرو عن تخلف فظيع!!!

هلق بدي ذكر انو ام الجود:D كانت بموضوعها عم تحكي عن الجرائم من سرقة وقتل و عن غياب الامان المعهود و ازدياد الوحشية وما من رادع.. وغياب نخوة و شجاعة ايام زمان.. وهذا هو محور الموضوع.

نرجع لموضوعنا
الجريمة على علاقة طردية مع الحالة الاقتصادية لناس
لنكون صريحيين وناخد المواطن العادي اللي بيتخرج وبيشتغل (مو اللي عاطل عن العمل)
ببلادنا العربية دخلو فيه يعيشو حياة كريمة الجواب لأ
طول ما الجواب لأ رح يضل عنا جريمة وزيادة بالجرائم والسرقات والدعارة
سواء بحلب او غير حلب بالمدينه او بالقرية
يعني ممكن واحد حالتو الاقتصادية زفت فيقرر يسرق بيت ويستنى صحاب البيت يطلعو منو بفوت ممكن بصدفه بنت صاحب البيت تكون ما طلعت مع اهلها يلاقيها بوشو فيقرر يعتدي عليها وبعدين يقتلها ........ هو بفوت ليسرق بيطلع سارق ومغتصب وقاتل

مشكلة حلب في تفاقم لانو الجهات الثقافية والتربوية ما عم تاخد دورا الفاعل في الارتقاء بالشعب عم يتم التعامل مع حلب كخراج معزول لا تلمسه ليقوم ينفجر

واضح من هادا الرد انو لحد الان مصرة نور على هيدي النظرة.. لذا ما حسيت انو لازم ارجع للب الموضوع
هادا الكلام مانو دقيق ما حبيت فوت بالموضوع قبل.. بس انا بعرف ناس حلبية من اكتر الناس تخلفا وتعصبا وعايشين بأرقى احياء حلب بالمقابل بعرف اكتر من اربع عائلات من الشوايا من ارقى الناس اللي شفتون بحياتي..ومستغربة التحدث عن التحرر وانك عم تقرنيه بأهل حلب يعني معروف انو اهل حلب هنن الاكثر تعصبا بسورية
تعميم النظرة هوي طريقة سطحية كتير للحكم على الامور والزعرنة مانا مرتبطة بالفقر.. اللي واضح كتير انك معتبرة انو اهل المناطق الفقيرة هنن الشراشيح.. واذا كان اهل الريف بحلب او بغير منطقة متخلفين فهي مسؤولية عليي وعليكي وعلى الكل.. والتهكم فيهون مانو دليل رقي ولا دليل تحرر ابدا..
وعلى الهامش... الريف السوري هوي اكبر منتج للمثقفين بسوريا مو المدن.. وليد معماري وحيدر حيدر وممدوح عدوان ادونيس زكريا تامر وسعد الله ونوس.. كمان الممثلين السوريين والفنانين

بعتذر اذا كان لهجتي بالرد قاسية او اذا فلتت مني كلمة او تنتين .. بس انت عم تهيني ناس كتير بكلامك الغير مدروس وما لك حاسة..

مين قال انو شباب ريف حلب ما بيتعلموا ولا بيروحوا عالجامعات ؟!! بس يا ترى قديش نسبتن إلى عدد سكان قراهم ؟!! و مين قال انو التخلف معناه الأميّة ؟!! التخلّف علّة بتصيب التفكير و نظرتنا للأمور و تقييمنا إلها و هي مو حكر على الأميين ولا على أهل الريف .. فينو شخص جامعي و من المدينة يكون متخلّف إذا *مثلاً* بيعتدي ع أختو بالضرب على خلفية اكتشافو لأنها على علاقة بشب ... بس اللي قصدو BLACK و اللي بأيدو فيه انو ريف حلب من أشد الأرياف السورية تخلفاً (و بنفس الوقت بأكد على عدم تعميم صفة التخلف و الجهل على كل الأرياف لأنه متل ما سبق و حكى inodessa في قرى سورية أهلا بشر و عالم أكتر بكتير من سكان بعض المدن) و من فترة كام سنة صار في هجمة قوية من أهل الريف على حلب و ترافق هالشي بازدياد ملحوظ للجرائم و الاعتداءات .. فكان الربط بين هالتغييرين جائز كتير و منطقي ... هلأ هالناس إذا أجت من الحيدرية (بصرف النظر عن كونها ضيعة أو منطقة بالنهاية النتيجة وحدة) أو أجت من تل رفعت ولا من عفرين .. إذا سؤالك انو شو خص هالشي بانعدام الأمن اللي صاير ؟ فأنا بقلك انو قسم من هالناس ما عم يتحمل عقلن الشوفات اللي عم يشوفوها و معروف انو أهل نسبة منيحة من سكان حلب ميسورين مادياً و بناتن آخدين راحتن شوي بلبسن ...

و مين قلك انو بدنا ننتقد بس لننتقد ؟!! هي بلدنا و ما حدا بيشمت بعزا ستو ولا بيبزق بالصحن اللي بياكل فيه .. نحن منى عيننا يكون كل شي متل ما عم تقول .. و الحمد لله يلي ما صار معك و مع عيلتك قصص و تجارب مريرة .. بس أنت مانك عايش لحالك بحلب و الناس اللي حوالينا و عم تحكيلنا القصص اللي عم تصير معها معانيّة لشبعانة و مانا مدسوسة من جهات معادية لتشوّه سمعة البلد و تطيح بالنظام !!


:shock: :? :shock:
ما في رابط برأيك ؟؟!!!
لما المجرم بيشوف انو في أمن و شرطة تحاسبو على جريمتو برأيك ما رح يفكر كام مرة زيادة قبل ما يرتكب جريمتو ؟!! إذا لأ لكن بلا ما ننفخ قلبنا و نحارب الفساد .. منتركو .. بشو زاجعنا ؟!!

مو ملاحظ انو أسلوبك تهكمي زيادة عن اللزوم و مسيئ ؟!!
إذا ما عجبك الكلام و كان الك رأي تاني هادا حقك بس ما في لزوم لهالردود المستفزة ..

:cry::cry::cry:
يــــــــــــــــا جمــــــــــــــــاعة ...
كرااااامة ل الله لا بقى حدا يقلي خلي الناس تطالب بحقوقها .. الحلبي ما بيقبل حدا يدعسلو على طرف بس المخافر و الدعاوي بحلب صايرة اللهم لا أسألك رد القضاء و لكن أسألك اللطف فيه .. طيب أنا رح أحكيلكن قصة صارت مع شخص منعرفو :

الزلمة واقف مع واحد رفيقو تحت بناية بالشيخ طه قريب سوبر ماركت ال24 .. انكب عليون زبالة من بلكون أول طابق .. بهيك حالة ردة الفعل الطبيعية انو الني آدم يستهجن و يعيّط .. و اللي بيصير انو بظرف دقيقتين بيخلق قدامو رجال مترين بمتر عالكيلوت و بإيدو شي متل الساطور و صرخلك بعلو صوتو : اللــــــــــــــــه أكبر .. و نزلك سلخ و تشطيب هو و 2 من جماعتو على هون بيوجعك و هون ما بيوجعك ...
راحوا الشباب عالمستشفى و هونيك رفضوا يطببوهن قال لازم يروحوا عالمخفر بالأول .. راحوا عالمخفر انلطعوا ساعتين *و هنن مدماميين و لازمن إسعاف* لوقت ما لقوا حدا يرد عليون و بعدين أخدوا إفادتن و قالولن روحوا بس يصير معنا شي منخبركن .. نامت القصة أسبوع كامل لا حس ولا خبر (هيك و المدّعي مبلّغ عن عنوان المعتدي) و ضل شهر جيتك خدني عالمخفر و هنيك يقولوله على ما لقيناه بالبيت .. على تركنالو خبر و ما أجا .. و كان واضح متل العين المقلوعة انو الزلمة مفيّش و حاطط جماعة المخفر بجيبو و لا حياة لمن تنادي .. آخر شي قالوله أنت الحق عليك كنت مسنود على باب بنايتو و عم تحكي بصوت عالي و تتصحصن و تسبب إزعاج !!!!!!!!!!!!!!!!!!!!!!!!!!!!!!!!!!!!!!!!!!
هادا ما عدا التهديدات اللي صارت تجيه انو اسقط حقك و نحنا ناس واصلين و منكمّل عليك و على عيلتك و من هالحكي هاد ...
المهم الزلمة كبرت براسو و ما راد يبيّت القصة و ضل يدّور بين معارفو و معارف معارفو على واسطة تقيلة تحكي بموضوعه مع الأمن و الداخلية هيـــــــــــك لحتى وصل الموضوع لمكتب السيدة الأولى و لما هونيك عملوا اتصالاتن راحت دورية من المخفر حاوطت البيت نهار كامل و ما لقطوا المعتدي و أهل بيتو ضلّوا يدّعوا انو مسافر .. آخر شي المسا دخلوا العناصر فتشوا الببت و لاقوا العينتين متخبي بقلب سجادة ملفوفة !!

السطر هاد بيستاهل يصير عليه موضوع كامل يا عم وبيفتح مدري كام الف باب
الواقع المتردي لجهات التوعية واقع لا يمكن تجميله بأي شكل من الاشكال
لكن ليش حلب بالذات ؟

انا شايف انو الشباب اتفقوا... اول مرة..:clap::deal:

عارفه شو المشكله انك فهمتيني غلط
هلا انا حكتلك عن نظرة ابن المدينه للفلاح ويا ريت ينفتحلو موضوع لحالو
ولتتأكدي اني ما بحب هالنظرة لسبب بسيط هو اني فلاحه هاي الشغلة موجودة عند اهل فلسطين بس احنا كوننا كنا محظوظين وما شفنا بلدنا لا المدن ولا القرى بس طبعا النا اقارب بعانو من هاي الشغله وبيتألف كتب على النظرة الدونية لأهل القرى
بس كمان قرى عن قرى بتفرق متلا عندك لبنان اغلب المفكرين طلعو من القرى بس بنفس الوقت هدول الناس قراهم مو جاهلين وكمان مناطق كتير بسوريا
بس لما الجهل يكون مستفحل بالقرية متلا بمصر في فلاح اجا ع القاهرة طبعا من وقت مو بعيد وبفكر لسا مصر بيحكمها الملك فاروق!!! غير مصايب الختان وما خفي اعظم
:D

المشكلة ليست محصورة فقط بالريف المشكلة موزعة على أرجاء حلب كافة التفاوت الاجتماعي بنمط الحياة بحلب مرعب ضمن حدود المدينة ذاتها والهوة في اتساع مستمر

على سيرة الانفتاح والمبدعين السوريين تم ايقاف عرض مسرحية طقوس الاشارات والتحولات للراحل سعد الله ونوس في حلب على الرغم من أنه كان قد سبق عرضها في حماة ودمشق وذلك بعد أول عرض لها بناء على ضغط مشايخ حلب على الرغم أن المسرحية موافق عليها من الرقابة أصولا وألفها ومثلها وأخرجها سوريون.

يبدو أن إمارة حلب المستقلة تحت رعاية مشايخها لم تعد تستطيع تحمل سقف الرقابة المرتفع جدا فمن أين سيأتي الانفتاح بس قولولي إن كان المسرح (أصلا في حلب لا يوجد مسرح) ممنوع عن العمل.

بظن يا بلاك أنّو الأسباب التلاتة اللي طرحتا هون بتشترك فيها محافظات عدّة ومن بينها "الحسكة" و"دير الزور"... إلخ. بس معدل الجريمة بحلب أعلى بكتير من المحافظات المذكورة...
أنا بشوف السبب الرئيسي هو البون الاقتصادي الشاسع بين أهل مدينة حلب وبقيّة المدن السوريّة (وأسباب أخرى)، ولهالسبب في هجمة ريفيّة خاصّة عالمدينة، ولهالسبب كمان معدل الجريمة أعلى من بقيّة المحافظات، إذا صحّت نظرة أمّ الجود!!!

وأنا كمان يا أم الجود ما بشوف في رابط، لأن أنتِ عم تحكي عن معدل جريمة في مدينة سورية مقارنةً بباقي المدن أو المحافظات، وما عم تحكي عن بلد بحالو!!! لو كان البلد كلو فيو إجرام كان قلنا "الفساد" وأمرنا لرب القرج والغجر وما إلى هنالك من شعوب بلا هوية، بس تمييز مدينة عن أخرى ما ممكن يرتبط بالفساد!!!
وللتأكيد في كتير بلدان الأمن فيها تقريباً عال ومقبول متل أميركا ومع هالشي تعتبر من بلدان الجريمة الأولى في العالم...!!!
فأمّا أنّو الجريمة غير مرتبطة بالفساد معناتو ما نحاول السير نحو الإصلاح فهالشي ما بوافقك عليه كمان، إذا كان الفساد غير مرتبط بالجريمة بمدينة حلب على سبيل المثال (أو الأفضل نقول أنّو هو بآخر الأسباب المؤدية لهالشي)، فمو معناتو أنو ما ألو آثار سلبية على النواحي الأخرى في البلد، ومو معناتو "بشو زاعجنا" ونتركو بحالو... بالعكس كل خلل بيخلق خلل بالأطراف الأخرى... وعلى كل حال "الفساد" مو موضوعنا لنتعمق فيه أكتر!

سلام... :D.

أخونا حضرتك فيك تنزل على طريق الباب على سبيل المثال قلوّن أنا "أبو توني" شفلي كم ولد رح يركدو وراك و يدقولك بالتنكة . :lol:

شوف لأحكيلك أزا إنت قاعد بالعزيزية أو بالسليمانية أو حتى بالميدان أو أي منطقة من هالمناطق يستر عالموالي لا تعمم , شو بتعرف بحلب نازل شي بعمرلك على منطقة إسما "المغاير" أو نازل على "حارة الشحادين" أو نازل على "ارض الحمرا" ماني طالب منك شي بس قوم أنت و أي صبية رفيقتك نزيل على وحدي من هالمناطق و ردلي خبر شو حيصير معك , أزا عم تشوف أبناء الريف اللي بالجامعة و شايفون ملايكي فيك تنزل على أي منطقة من اللي زكرتون و شرطي معك صبية و ردلي خبر شو بصير معك هاي أزا شفناك .:bye::bye: ( صحيح و مبروك الحمل مسبقا ً . )


مين متضحك عليي ؟! بتحب تجرّب هالشي ؟ قوم هلأ تعرّف عا مساعد بأي مخفر قلو هاي خمسين ألف و نوملي فلان عندك بالقسم أسبوع على زمة التحقيق و بعدين طلعو براءة , شوفو كيف بناما ؟

بتحب أكتر من هيك , قوم ديـّن سين من الناس مليون ليرة و بيكتبلك الزلمي سندات بمليونين ليرة و أزا أنت زلمي أبن ستين زلمي حصلون , و إلك عليه كل يوم يمرق يسلم عليك ,

و حصل . :lol:
هع , هاي مشكلة آل بري و آل حميدة . ( مشان أوضحلك و ما تقول إحدى العشائر .) و المشكلة مانا بمشفى حلب الجامعي بغير مشفى . فعلا ً ألتمو شباب العيلتين و بعد تدخل سلطات عليا من الشام تصالحو على أساس و في حال رجع تكرر هالشي رح يصير شي كتير كبير . و بعد ما صارت المشكلة لحد الآن صار مقتول ست أشخاص من العيلتين . و ما أستفادت الشرطة من لمة الأشخاص لا القراب و لا البعاد , فا مشان موضوع الحكي المنطقي بظن مشكلة ما بتعرف عنا شي لا تحكي عنا لأني إلي معرفة شخصيّة بأشخاص هالعيلة و هالعيلة . و الدولة ساكتة و ساكتة و ساكتة . و التار ما زال قائم و التوعدات و التهديدات ما زالت قائمة بقا برضاي عليك ركــّز , و لا تقطف الكبة من راس الماعون .

لا معلم بيجوز أنت طالب أو ما إلى زالك ما عندك هالخبرة أو يجوز ما أختلطت بسلك الدولة , بدك تقوم تنزل تعمل معاملات مثلا ً بالمواصلات أو بالبلدية بتشوف هالشي بعينك , أو مثلا ً قوم تعرف عا شي كم ضابط مرور بقلك أنا دفعت المبلغ الفلان لأجي عا حلب و يا عمي بحلب عندكون الرزق غير شكل , أما شو الرابط , فلما بيختفي الرادع بتكتر الجريمة , و لما بينشرا القانون و القضاء بالعملة حصرا ً بدا تكتر الجريمة , عرفت شو الرابط ؟!

هوي يا عزيزيي لما عرف أنو القانون أنصف أخواتك التنين و أقام الحد على السارق سماها المدينة الفاضلة بسبب أخواتك بس , عرفت ليه ؟! :lol:

لا محشوم أنت و البقر حبيب .

بس طبع اللي عايشيين بحلب غير طبايع اللي عايشين بريف حلب أو بالمناطق الشرقية . بالنهاية أبن مدينة حلب غير إبن ريفا كليا ً , ما فيك تشبه حالك بإبن منبج أصلا ً ما فيك تمشي معو حتى , ما فيك تقارن حالك بواحد مقضى عمرو عم يزرع بواحد بيقضي نص ساعة قدام المرايي مشان شعراية نزلت و شعراية مش بمحلا . ما عم ننقص من قدر

سلملنا على توني و على أم توني و قلون يديرو بالون على حالون صايرة البلد بتخوّف .

ريجائن جدا جزيلا عدم تعميم التجارب الشخصية على الآخرين :lol:
اما بخصوص اهل الضيع فانه ريجائن عدم تلفيق الاكاذيب على لساني بحكي انا ماني حاكيه . عيب مشان صورة الادارة بنظر الاعضاء .


هاموش : ما بعرف ليش العالم بتتعجب ليش وضع الاخوية مزري بهلفترة وخصوصا المنبر :lol:


هديلي حالك مافي عنتريات هون عنا بالمنبر فما بدا كل هلحمقة
يفترض انك تكون قاري المقال الاصلي على اقل تقدير :lol:
والله عيب اقعد فهمك تفاصيل الخبر بالمعلقة :pos: بس كوننا بفترة اعياد واسبوع آلام حبينا نرجع لأصولنا المسيحية بركدا طلعت قصة المسيح مزبوطة وهيك منطرقه منية .. المهم

الاخبار بشكل عام بتحكي على :

إصابة 3 أشخاص بجروح في عملية سرقة بمنطقة الجلوم بحلب
مقتل عضو مجلس شعب سابق و زوجته في عملية سطو مسلح على منزلهما
مقتل صائغ و إصابة 4 مواطنين آخرين بينهم أطفال في عملية سطو مسلح
... الخ


يعني " اذا " بتلاحظ الاخبار اكبر من قصص القاء القبض على مهرب فتاش بليلة راس السنة ، او على انهاء اشتباك دموي والقاء القبض على x زلمة

ما بدا آنشتائن ليحلل واقع سوريا ويقلك انه في عمليات فساد وفي عمليات كيل بمكيالين وتلاتة واربعة .. بس ما بعتقد هلشي بيمشي بقصص من رتبة سرقة مسلحة او عمليات قتل .. لأن بالقصص هي في اخلال بأمن الدولة .. وحضرتك ادرى بوضع الجهاز الامني بالدولة اللي ما بيرضى تمر نملة عليه .

برجع بقلك مين متضحك عليك بهلقصص هي :lol:
على علمي بان والدي بشكل مباشر كان عنده حادثة مشابهة جدا ومن فترة اسبوعين تقريبا المصاري صارت بجيبتنا وهلق عما نفكر نشتريلنا سيارة .. فانه خيو ريجائن بلا تخبيص كتير وبلا حكي بلا طعمة .. ما عما احكي مشان صورتك .. مشان صورة الادارة .

انطلاقا من مصداقية معلوماتك الموضحة بالخبر كون الحادثة جارية بمشفى حلب الجامعي بعكس عما قلت ..بعتذر من التعليق على اخبار ما بعرف من فين جايبا حرصن على ضياع وقتي ال"س"مين .

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

على زمن الانترنت ما عاد في " سمعت وقالولي ومتأكد من الحكي بس ما بعرف من وين"
عيني رب الارشيف الالكتروني شو انه اختراع عظم :lol:

والله انت من حلب اما انا من سنسكريتي فانت ادرى بالاوضاع .. مع العلم انه مصداقية المعلومة السابقة " صفر " يفترض تكون سامع بشي اسمه " نشر الاكاذيب " كون احد ارباب المنبر اللي هلق حضرتك مستلمه تم تلفيق التهمة هي عليه .. فانه شو متوقع يصير بشخص ما عارف الله وين حاطته وعما يحكي معلومات مصداقيتا معدومة :lol:

وقت بيستخدم مصطلح " رادع وجريمة " منكون عما نحكي على اساليب توعية وطرق تعليم شعبوية حديثا اطلق على لقب التعليم بالاسلوب هاد " بالهمجي " يعني مافي داعي خوزقلي كام واحد بساحة عامة حتى " ربّي " بقية العالم
وقت منحكي على القضاء والعملة منكون عما نحكي على الفساد اللي بتعاني منه البلد من عقدين على الاقل ومع هلشي هلق حتى ظهرت مشاكل النهب والسرقة المسلحة اللي بتترافق مع تعمد بالقتل .

وقت بصير سلسلة احداث من نفس النوع يفترض اننا نشوف آخر التطورات اللي صارت وآخر الاخطاء اللي صارت .. ما يفترض نشوف اخطاء الحرب العالمية التانية لنحدد فين المشكلة

آخر التغيرات كانت الغلاء المو طبيعي الصاير بالبلد وحالات الكساد بسوق العمل اللي ادت لفقدان كتير من العالم اعمالن ومصدر رزقن الامر اللي ادى لتزايد الجريمة ... الغلاء دائما ما بيترافق اما مع المظاهرات والاحتجاجات او ازدياد عمليات النهب والسرقة .. وقت بيصل لحد غير مقبول ولا يمكن التعايش معه منصل لمرحلة بيستسهل الانسان عملية النهب والقتل ..
وشعبنا المصون ما آخدة رجله على المظاهرات وعلى الاحتجاجات .. فاخدت رجله على السرقة والنهب ورجاع للأخبار بتشوف اغلبها بدور حول فلك السرقة " اثناء سطول مسلح قتل ... "

لو بعرفك هيك بدك تحلل الجملة كنت فكرت سهلتلك ياها اكتر لتفهما بشكل اوضح :lol:

بخصوص الموضوع وربط السرقة بهمجية اهل الريف وهجرتن
1 - ما في ولا "سطر " بدل على ان الجناة من ارياف حلب .. يعني القصة كلها عبارة عن فرضية بفرضية
2 - ابن الريف سابقا كان يعتبر " دنيوي المستوى " بنظر أهل المدينة كونه عايش ببيئة متخلفة تقنيا وخدميا .. بس هلق ما عاد في هلفرق العظيم بالدرجات اللي انت متخيله ... فينك مثلا هلق بالاخوية تميز ابن الريف من ابن المدينة من خلال عرض افكاره ؟ مثال بسيط لا يراد فيه الشخص انما الفكرة .. العضوة ناي فينك تستشف من كتاباتا انها من قرية لو ما هية مصرحة بهلشي ؟


علاك مو بايدك :lol:

صار لازم رياح التغيير تهب صوب الأخوية :larg:

بدنا اتخابات حرة مستئلة :clap:والجيل الجديد ياخد فرصتو :clap:وختايرت اخوية يرتاحو (تعب مخهم حرام ):sick:
يعني حلو التغيير :yahoo:

بالمناسبة هي حلب يلي عم تحكو عنها بسوريا ولا بشيكاغو ؟؟:?

هلاء ازا المشرف عمل سبام مين بيقدحو مخالفة بالله:pو لا هون كمان في فيتامين وااااااااااااااااااااااو

تماما حطيتي ايدك على الوجع
الأرياف والمدن حاليا ما عاد في فرق بالوعي ومنهجية التعامل شبه واحدة بيناتن
يعني التخلف موجود بناء على واقع الريف والمدينة مشترك تماما من ناحية التوعية
المستوى جدا متردي يعني عدد جمعيات الشبيبة اصحاب الراسائل الاجتماعية في سوريا يقارب الصفر ..بالريف والمدينة نفس الواقع ونفس المشكلة الهم عدا هلكام حركة كشفية اللي هدفا تنشئة شبيبة كشفية بتحترم قدسية النظام والانضباط بعيدا عن اي قيمة اجتماعية تذكر
فالكل بالهوا سوا الهم التجمعات " وليس المجتمعات " المسيحية عندا نقطة جدا ايجابية في سجلها وهية ضم الشباب بحركات اجتماعية تحت رعاية الكنسية " كون التجمعات غير الرسمية مرفوضة جدا في سوريا " منقدر نقول عما تلعب دور بشكل او بآخر بتوعية ونشر قيمة ايجابية بالشباب .. بغض النظر على دورا الاساسي بتنشئة سليمة تحت اشراف كوادر مدربة اجتماعيا ...

بخصوص المواضيع المدرجة بالخبر فهية بعيدة جدا عن فرضية اهل الريف لمتخلفين وتزايد الهجراة نحو حلب
من جهتي ما لاحظت زيادة عددية بالفترة الاخيرة ... قد ما لاحظت بأن سعر المازوت نط من الـ 8 لل 25
الشي اللي غلي معه كلشي بدأ من السرافيس انتهائية بربطة الخبز .

اما بخصوص سرافيس الحيدرية وباب النيرب وهنانو " وايام زمان كان يضاف الن الشيخ مقصود والاشرفية :lol: "
مع فرض خط مسير الن بمناطق التجمعات المسيحية " او اوروbبا متل ما الشباب بسموها :lol: "
فمشكلتن بأن الانسان الناشئ ببيئة متعصبة صار بيقدر بـ 3 ليرات ينزل " يجلي عيونه "( آسف على التعبير البقرف بس حبيت انقله بحرفيته ) ويرجع لبيته بعد فتلة من العمر .. فينك تشوفي مقال لزين على مدونته

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

ممكن يختصر عني كتيرحكي .. بتمنى تقريه قبل ما نتابع بالكتابة لأن فيه اكتر من نقطة مهمة .:D

طولي بالك ما حدا عما يخون حدا هون :lol:
بس القصة صايرة بأن الشباب كلما دق الكوس بالجرة بغنوا الموال نفسه " رشاوي فساد قانون طوارئ حرية راي معتقلين سياسيين "
وتم ذكر الرشاوي والفساد بما يتعلق بالموضوع .. لهيك قلت انه النقد كان بهدف النقد .. يعني سيدي حفظناه من كتر ما اتكرر ... بس اكيد ما كنت عما احكي على نقد جانب كثرة الجنايات بحلب بالمخصوص :cry: لأن فعليا الموضوع بهمني تماما متل ما بمهم .. وبهمني جدا انقده وحاول اوجده حلول بعيدا عن سيديات اللي شبعنا منها ومن الاسطوانة اللي فيها الما عاد تخلص :pos:

حكيت فوق عن راي بالقصة .
لا تعتلي هم هلناحية :lol:
في متل بقلك لبوس اللي بريحك واحكي يللي بريحني :lol:
الزلمة هيك متعود يناقش فانه عادي عما نحاول نتواصل معه باسلوب كتابته :p