أخوية - رجال لا استطيع احتمالهم

أخوية (http://www.akhawia.net/forum.php)

- السقيفة (http://www.akhawia.net/forumdisplay.php?f=58)

- - رجال لا استطيع احتمالهم (http://www.akhawia.net/showthread.php?t=118820)

اقتباس:

كاتب النص الأصلي : butterfly (مشاركة 1229685)

:p أي معلي ع قلبي احلى من العسل

إذا كل الزلم .. متلك :flala:

ذكرتيني بقصة بتحكي عن ثعلب .... و غابة .. و عنب حامض .... و هيك اشيا :p

لما بذكرها مزبوط .. ببقى بخبرك ياها

نسيت ضيف شي مهم لقائمتي
31- أحب الرجل الأنيق دون تكلف والوسيم

اقتباس:

كاتب النص الأصلي : butterfly (مشاركة 1229285)

لا أحب الرجل الذي ينام أكثر من ست ساعات في اليوم ..

انو هوي صحيح ما ضل حدا يعني بتكرهي كل الرجال ...:frown:
بس انو شغلة النوم شغلة خاصة جدا جزيلا ازا بنام اقل من 10 ساعات باليوم بمرض ...:sick:

اقتباس:

لا احب الرجل الذي لا يدخن
لا أحب الرجل الذي يحتفظ بعذريته ..

:?
:pos::pos:

اقتباس:

يزعجني جدا ً الرجل الذي يرمي أعقاب سيجارته داخل فنجان قهوته

عادة مقرفة جدا جدا و مزعجة جدا جدا وبكرها جدا جدا

إنتي عطيني أياس خصرو و كندرتو و طولو و بعد أربعوعشرين ساعة بيكون عندك...:lol:

يا عمي ما بيعجبون العجب و لا الصيام برجب ....:frown:

مو آلو إرضاء المرأة غاية لا تدرك ...
بس شو رأيكون بالشب لي :
بيفصفص بزر مثلاً
أو لي بيطء العلكة (( أو لي بيعلكو عموماً ))
الشب لي بيلبس مخصّر
الشب البخيل
الشب لي بيضحك على كلشي بيسمعو و أية نكتة بتخلي يفرط و ما ينلم
الشباب لي بيوأفو شعرون كأنو لاطشتون الكهربا
الشب لي بيلبس أواعي جدو
الشب لي بيتدخل بحكي النسوان
الشب لي ماعندو رأي يعني أية واحد بيأثر عليه....

ازا هيك .. انا بدي اكتب عن النسوان كمان :jakoush:

1- بكره المرا يلي بتدخن
2- ما بستهضم المرا يلي بتأركل باماكن عامة
3- بكره المرا يلي بتضحك بصوت عالي
3- بكره المرا يلي بتلبز جينز ديق...
4- بكره المرا يلي بتهتم بالموضة كتير
4- بكره المرا يلي بتلبس الوان فاقعة ( اصفر فاقع ... موف ...الخ )
5- بكره المرا المسترجلة
6- بكره المرا يلي بتلحق الرجال
7- بكره المرا المازوخية
8- بكره المرا يلي بتطبق شباب
9- ما بحب المرا يلي ما بتعرف تشتغل بالبيت او ما بتعرف تساوي فنجان قهوة !
10- بكره البنت (المرا- الانثى ... الخ) النقاقة ...
11- ما بستهضم كتير .. البنت يلي بتضل بتمدح بحبيبها
12- بكره المرا البخيلة
13- بكره المرا يلي بتسيطر عليها عواطفها
14- بكره المرا يلي راسها يابس
15- بكره المرا يلي بتساير الرجال على كل شي بيساويه
16- بكره البنت المايعة
17- بكره البنت يلي بتاكل مسكة بكثرة
18- بكره البنت المنغلقة على نفسها وتسمع وتطيع فوراً
19- ما بحب المرا الاوفر .. يعني يلي بتكون بالطريق وحاطة خرقة على جسمها وماشية
20- بكره المرا الجاهلة
21- بكره المرا المعقدة
22- ما بستهضم المرا يلي بتلبس شحاطة او صندل بالطريق
23- ما بحب المرا يلي بتكره الرجال وبتعمم تصرف رجل على كل الرجال
24- بكره المرا السلاّلة .. يعني يلي بتكون حية من تحت بنت .. وعم تتخوت علينا
25- بكره المرا يلي بتستشرف .. وهي بتكون عاملة السبعة وزمتا
26- ما بحب المرا تشتغل كرسونة
27 - انو يعني ما بفضّل المرا تسوق سيارة هون بسوريا وبسورية حصراً.. بس ما عندي مانع بكل الاحوال
28- بكره البنت يلي بتحكي عالشات .. يعني رومات الدردشة (مو المسنجر)
29- ما كتير بستهضم البنت يلي كل اصدقائها رجال !
30- بكره البنت (او الرجل على حد سواء) يلي بيعمل صداقات بسرعة ...وخصيصاً مع الجنس المعاكس
31- ما بحب البنت يلي بتحب تامر حسني
32- ما بحب البنت يلي بتموت بدباديب شي حدا مشهور لدرجة الهبل
34- بكره البنت التافهة
35- بكره البنت يلي بتمارس الجنس لمجرد الجنس
36- ما بستهضم البنت يلي بتسب وبتشتم متل الرجال .. عالعلن
37- ما بحب البنت يلي بتتابع فوتبول
38- بكره البنت يلي ليل نهار بالمقاهي
39- ما بحب البنت يلي اول مرة بتحكيها عالمسنجر بتشغلك كام وبتحط صورها وبتحكي مع عالمايك !!
40 - ما بحب البنت يلي ما بتعرف ترقص
41-ما بحب البنت يلي نحيفة كتييير وازا زادت شي كيلو بالغلط .. بدها تنحف حالها !

43- يلي بحبهن بالبنت عكس يلي فوق ..
اضافتن لـ :
44- بحب البنت المستتة والراكزة والعاقلة
45 - بحب البنت يلي ما بتحكي الا وقت اللزوم
46- بحب البنت المثقفة
47- بحب المرا يلي بتلبس رسمي (بموت عليها :sosweet:)

يعني هدول يلي بمخي ...هلأ :pos:
هي بس منشان ما تفكرو انو الطلبات التعجيزية بس عالرجال :frown:

اقتباس:

كاتب النص الأصلي : saman (مشاركة 1230098)

3- بكره المرا يلي بتلبز جينز ديق...

لسا بدك فتّ خبز منيح

اقتباس:

كاتب النص الأصلي : Marooshe (مشاركة 1229713)

بكره الرجل لي بينتف حواجبو :sly:
بكره الرجل لي بيلبس جينز ضيق :sick:

ما بحب الرجل لي بيحكي للصبايا عن علاقاتو مشان انو يعني يفرد عضلاتو
ما بحب الرجل الغامض :pos:

بحب الرجل لي بيشرب كحول
بحب الرجل المدخن
بحب الرجل الشايب :sosweet:

تمام هالوصف لألي:oops:

اقتباس:

كاتب النص الأصلي : أم الجود (مشاركة 1229759)

هو أنا ما عندي قائمة محددة بهالتفصيل هاد ... يعني الشخص هو بجملتو يا بحبو يا لأ .. و إذا حبيتو كتير و كان فيو الصفات الأساسية اللي ما ممكن أتنازل عنا (تفكيرو و منطقو و أخلاقو) ممكن أتغاضى عن بعض الصفات التانية الأقل أهمية ...

- يحب أمو من دون ما يخضعلها (احترام الرجل للمرأة يبدأ من احترامه و تقديره لأمه)
- يكون في تطابق بين أقواله و أفعاله و ما يخاف من كلمته و يكون قد المسؤولية :adal:
- رومنسي :sosweet:
- كريم بس مو مبذّر.
- يكون بيحب الكيف و البسط :yahoo:: سفر - سهر - فنون - موسيقى - و بيتذوق الشعر (إذا ما كان شاعر)

هدول مبدئياً :p

اي وهي الموصفات كمان بتنطبق عليي:oops:
بس مشان الكرم الكرم على قد الراتب لا تطمعي ام الجود :pos:

اقتباس:

1- بكره المرا يلي بتدخن

2- ما بستهضم المرا يلي بتأركل باماكن عامة
3- بكره المرا يلي بتلبز جينز ديق...

36- ما بستهضم البنت يلي بتسب وبتشتم متل الرجال .. عالعلن

متل ما ذكر اعلاه ..

اقتباس:

لسا بدك فتّ خبز منيح

أنا معك بكلشي حكيتي وبينطبق كتير منو علي هيك بظن عالأقل ( يمكن آكل مقلب بحالي ) :larg:

اقتباس:

لا أحب الرجل الذي ينام أكثر من ست ساعات في اليوم

هي صعبة شوي مو هيك أنا بحب النوم وبكرهو بنفس الوقت بحب نام بس اذا طولت بالنومة وراح علي النهار بضل مزعوج طول اليوم وتعي حليا اذا بتحليا :lol:

اقتباس:

لا أحب الرجل الذي يطيل شعره

انا بدي احكي عن الشب وعن حالي بما اني بحب جرب كلشي وبحب غير بأسلوب لبسي وشعري من فترة لفترة لهيك أنا مابشوف انو فيها شي الشب يطول شعرو لانو مارح تنقص رجولتوا بنظري طبعا :gem:

اقتباس:

لا أحب الرجل الذي يتابع بهوس مباريات الفوتبول

هي الهواية المفضلة اللي مابظن اني رح انقطع عنها بحياتي بدمي صارت الشغلة يعني :p

اقتباس:

1- بكره المرا يلي بتدخن

2- ما بستهضم المرا يلي بتأركل باماكن عامة
3- بكره المرا يلي بتلبز جينز ديق...

36- ما بستهضم البنت يلي بتسب وبتشتم متل الرجال .. عالعلن

متل ماحكو الشباب :p

اقتباس:

لسا بدك فتّ خبز منيح

اقتباس:

كاتب النص الأصلي : saman (مشاركة 1230098)

7- بكره المرا المازوخية

شو هي :shock::shock: ؟؟

اقتباس:

المازوخية

هلأ انا اخدتا انو هيي بتحب المازوط وبتصرف مازوت كتير ..
ما بعرف .. والمعنى بقلب الشاعر

اقتباس:

اكره الرجل الذي تملي عليه أمه ما يفعل
اي هي مش حلوة ... أصلا الشب بعد العشرين مالازم حدا يتدخل فيه ...
لا احب الرجل الذي لا يدخن
حيرتو الله ... كل وحدة شكل ... وحدة بتحب ووحدة بتكره ... :lol:
لا أحب الرجل الذي يحتفظ بعذريته ..
هي بأيدك فيا :lol:
لا أحب الرجل الذي يقضي وقتا أطول مني أمام المرآة ..
اي .. هي عادة كتير بشعة .. حتى قصة الجيل من أساسا بكرها أنا .. بدي قوصو للي اخترع الجيل ..
بتشوفي شب قاعد عم يمكيج حالو .. وإذا شعرة زاحت ميللي بيجيب السيشوار وبيحكمو هم كيف بدو يرجعا .. وقصص ..
أكره الرجل الذي يستمتع بالتسوق
كمان هي شغلة نسبية .. في كتير بنات بيحبو الشب ينزل معن عالتسوق ..
أكره الرجل الذي لا يقرأ .. وأكره أكثر الرجل الذي يقرأ الأبراج والمنوعات الفنية
ضروري يكون الشب مثقف ... بس للأسف بهالأيام .. البنات بدن الشب يكون مثقف بالأبراج وبس ..
أكره وبشدة الرجل الذي يسترق النظر إلى صدري .. في اللحظات التي عليه ان ينظر في عيني
بشكل عام مالازم الشب أبداً يطلع لتحت ... لازم يضل نظرو فوق .. يعني بتوقلي بحياتو ماشايف هيك شي :pos:
أكره الرجل الذي يحب التحدث عن الآخرين ..( بيحب العلاك يعني )
او انو يقعد يشرب فنجان قهوة مع ست ويقعد يبصر كمان ..
أكره وبشدة الرجل الذي يرمي .. أوساخه في الشارع ( والبنات كمان .. أنو يعني ) ..
اي هي لكلا الجنسين ..
أكره بشدة الرجل الذي يعبر عن عواطفه بإفراط .. ( سايخ )
اي معك حق فيا ..
لا أحب الرجل الذي لا يجيد الرقص
ضروري يرقص الشب ... ههه ولازم يعرف كافة الأنواع .. من الشرقي إلى السلسا ..
أكره الرجل ذو الصوت الناعم الأنثوي ..
ماحدا بيحبو هاد ..
لا استطيع احتمال الرجل الذي يتحدث في الهاتف اكثر مني
أه بفهم من حكيك انك بتحبي تحكي كتير عالتلفون ..
لا أحب الرجل الذي لا يستمع إلى فيروز ..
فيروز مقدسة برأيي ..
لا أحب الرجل الذي يعلو وجهه احمرار الخجل أكثر مني ..
اي مش حلوة ..
أكره الرجل الذي يتدخل في ثيابي ..
ممم ... إذا كان جوزك بيحقلو .. لأنك عم تلبسي لألو مش للعالم ...
أكره الرجل الذي يعتقد أن عليي أن أشبه باربي
مين قلك انو كل الرجال بيحبو باربي ..
أكره الرجل الذي يتحدث عن علاقاته .. الجنسية لأصدقائه
بشكل عام بكره الرجال اللي بيحكي أيا شي خاص فيه لرفقاتو مش بس علاقاتو ..
أكره بشدة الرجل الذي يتدخل في حياة أخوته البنات .. ليفرض عليهم ما لا يعيشه
ممم هي شغلة نسبية ... بس انو في حدود ..
أكره بشدة الرجل الذي لا ينتج ويعيش من أهلو ..
أنا بفضل الشب انو يشتغل أيا شي ومايقعد ... عالقليلة بيحس حالو انو عم ياكل من عرق ايدو ..
أكره بشدة الرجل الذي يحسب علي ّ مصروفي ..
اي مش حلوة ..
أكره الرجل .. الذي تخطى العشرين ولازال يتابع افلام وصور إباحية ..
صاير بمجتمعنا الرجال بيصل للخمسين وبيحضر هيك شغلات ..
لا أحب الرجل الذي لا يقرأ نزار ..
هلأ نزار رائع .. بس مافيكي تجبري الشخص انو يقرالو ..
لا أحب الرجل الذي يتباهى بسيارته .. أمامي
هي مابتلاقيا غير عنا ...
لا أحب الرجل الذي ينام أكثر من ست ساعات في اليوم ..
ماحبيتا منك هي .. :lol: ... بركي الزلمي كان عندو شغل بالليل .. :p
لا أحب الرجل الذي يبكي .. وأكرهه إن بكى لأجلي
أنا يمكن صرلي 10 سنين مابكيت .. وبكره الشب اللي بيبكي حتى بالتعازي ..
لا أحب الرجل الذي يستجدي عواطفي ..
مابعرف شو قللك ...
لا أحب الرجل الذي لا يجيد استخدام كلماته بدقة ..
لازم يحسب كل كلمة بيقولا ..
أكره الرجل الذي يشتم في العلن ..
هي أقرف عادة عنا ..
لا أحب الرجل الذي لا يتابع الأخبار
معناتا تعي شوفي جارنا ... بيقضي النهار كلو عالأخبار .. هيك شكلو بدك ..
لا أحب الرجل الذي لا يحب العلم ..
الرجال بلا علم مابيسوا فرنك ..
لا أحب الرجل الذي تسيطر عليه غريزته .. ( نسونجي .. وعينو زايغة )
اي بشع كتير هيك ..
لا أحب الرجل الذي يشتري لي هدية ثمينة لأجل أن يعتذر عن خطأ ..
اي بتحسي انو عم يضحك عليكي فيا ..
لا أحب الرجل الذي لا يشرب القهوة ..
كمان شغلة نسبية ... مع انو بنجان القهوة مقدس عندي الصبح .. بس بعرف كتير شباب مابيشربو قهوة ..
يزعجني جدا ً الرجل الذي يرمي أعقاب سيجارته داخل فنجان قهوته
وبكري ماكان حدو منفضدة .. :lol:
أكره الرجل المتطلب
يعني التطلب خاص بالبنت وبس :o
لا أحب الرجل الذي استطيع ابتزازه بدموعي
شكلك دايما بتعمليا ..
أكره بشدة الرجل القنوع ..
لازم الإنسان بشكل عام تكون طموحاتو غير محدودة ..
لا أحب الرجل المتواضع ..
وكمان مش حلوة شوفة الحال ..
أكره بشدة الرجل الذي يدير ظهره إلى المرأة التي مارس الجنس معها قبل قليل .. لينام .. ببساطة
مش حلوة .. :cry:
أكره الرجل الذي لا يستطيع الاحتفاظ بسر ..
بيكون منو رجال ..
أكره حتى الاشمئزاز الرجل الذي يعاكس فتاة ما هاتفيا ً ..
شو قصدك يعاكس ؟؟
لا أحب الرجل الذي يطيل شعره .. او يرتدي حلق .
هادا منو رجال .. قصدك بتكرهي المخنت اللي بيطول شعرو ..
لا أحب الرجل الذي يتابع بهوس مباريات الفوتبول
الحمداالله مابتابع ... ولابيهمني الموضوع ..
أكره الرجل الذي يفزع ... إذا زاد وزني أو وزنه كيلو واحد ..
هلأ مالازم يفزع .. بس كيلو بيجر كيلو ..
أكره الرجل الذي يقضي وقتا طويلا ً امام التلفاز ..
معك حق ...
أكره أكثر وأكثر الرجل الذي يقضي وقتا في الدردشة ..
معناتا انتي بتكرهي 99 % من رجال العالم اليوم .. وانا معك ..
اكره الرجل الذي يوافقني كل آرائي من أجل انو يعني ( يطبقني )
سدقيني احيانا مضطر ... بس بشكل عام .. الإختلاف ضروري ..
أكره الرجل الذي يخبر ابنه بحجة الواقعية ان بابا نويل غير موجود
طيب وبركي كان بدا سيارة عالعيد :cry:
أكره بشدة الرجل الذي يمارس العنف على من هم اضعف منه
اي وعأساس انو زلمي :frown:
أكره الرجل الذي يعتقد أنني لا أنفعل إلا لأسباب هرمونية
مدري ليش بحب البنت العصبية ;)

بشكل عام معك حق بمعظم الأمور ... بس في شغلات تعتبر مزاجية .. مابتقدري تخلي الغير يتصرف وفقا .. يعني مافيكي تملي ع شخص مابيحب يقرا انو يقرا .. او انو يحب شي بيكرهو .. بس في أمور فيكي تسميا مسلمات .. انو مالازم الشب يعملا .. وبس ..
THE,unforgiven ... " :D

اقتباس:

كاتب النص الأصلي : The morning (مشاركة 1231346)

شو هي :shock::shock: ؟؟

اقتباس:

كاتب النص الأصلي : LiOnHeArT.3LA2 (مشاركة 1231347)

هلأ انا اخدتا انو هيي بتحب المازوط وبتصرف مازوت كتير ..
ما بعرف .. والمعنى بقلب الشاعر

عكس السادية ... يعني يلي بتحب انو الرجال يستعبدها وهيي مروقة !:pos:

المازوخية أو المازوشية ...مأخوذة من اسم روائي نمساوي عاش في القرن التاسع عشر ويدعى : لوبولد فون ساشر ماسوش " وذلك لأن أبطال رواياته كانوا يستمتعون بالألم الجسدي والإهانات والتعذيب، وهى تنطق ماسوشية أو مازوكية أو مازوخية Masochism

يعني هي الاستمتاع بالعذاب ... يعني هون المفعول به

اما السادية : ينسب مصطلح السادية إلى المركيز دي ساد marquis de sade

وهي حب التعذيب ... و هون الفاعل

تحياتي :D