|
اقتباس:
المهم ما علينا على كلن أنا قريت مذكرات طلاس مرآة حياتي وفطست من الضحك كمان أما بالنسبة لأنو ما بتعرف انو قرارات القمة العربية ملزمة لأعضائها فمعناها أنولا تناقش بشي ما بتعرفو أما بالنسبة لاكتمال النصاب فمعليش روح دور على مصطلحات سياسية بلكي بتسمع فيه , وكل حوصة السعودية مشان ما تأمن النصاب اللازم لعقد مؤتمر القمة لحتى ما يطلع بالقرارات يلي طلع فيها والشي الاهم بالقرارات يلي طلعت هيي الغاء المبادرة العربية والي سوريا هيي المطالب الرئيسي بالغائها وبظن الخطاب مبارح بين هالشي , وايقاف كافة اشكال التطبيع والجماعة ما كانو عم ينظرو على حدا بالعكس بلشو بحالن وهاد موقف كتير كبير ولنشوف بقمة الكويت اذا مصر والاردن لح يعملو نفس الشي بما أنو الصباح قال سنناقش مواضيع لم تناقش في أي قمة (لننطر ونشوف وهلا لح أرجع لهل الفكرة بعد شوي ) ونقلاً عن لسان رئيس الوزراء القطري : طلبنا من المكتب التجاري الاسرائيلي المغادرة . هلا منجي لقمة الكويت إذا رجعت حضرتك لتصريحات محمد أبو الغيط يلي كان عم يحكي فيها على قمة الكويت فكان حديثو على الشكل التالي أن العرب سيناقشون في قمة الكويت موضوع غزة على هامش القمة " الاقتصادية " تمام ولما دعت قطر لعقد القمة العربية تغير الحديث مية وتمانين درجة لا صارت قمة الكويت ما اقتصادية بالعكس هيي قمة عن غزة وصار الموضوع الاقتصادي على الهامش , غريب ما هيك معقول غزة ما بتستاهل قمة طارئة لعقدها ودخلك مين هنن الدول يلي رفضو عقد قمة طارئة من الاول لا تعزب راسك بالتفكير أنا لح قلك الدول هنن السعودية ومصر ودول الاعتلال العربي , وفضلو يعقدو قمة الكويت الاقتصادية ويناقشو فيها قضية غزة كأنو الدم الفلسطيني صار يناقش كأسهم البورصة أو السلع . كمان عمر موسى مبارح اذهلنا بحياديتو لما قال قمة الدوحة ليست عربية . حاج تكذبو ولا عم تطبقو شعار اكذب اكذب حتى يصدقك الاخرون وعلى فكرة حاج تلعب على الوتر الطائفي أوكي ذكرتني بأيام الاتحاد السوفييتي , والهجمة العربية على الشيوعية , وهلا كل ما نحكي بموضوع بتدق حضرتك على الوتر الطائفي , وهاد شي ما مستغربو فكل اناء بما فيه ينضح وبالمناسبة أخيراً شكراً على زوقك وعلى المستوى الرفيع بالنقاش والحوار |
اقتباس:
|
  مع أنو هون ما قسم الكريكاتير بس لازم ينحطو هون .... لا تعليق |
اقتباس:
هدول واحدهن لما ينحشك ما بيلاقي غير هالوتر الوسخ ليلعب عليه لا تسم بدنك مو مستاهلي المستوى الرفيع بالنقاش من قبل هالشب بيجبرنا نحترموا و نرفع له القبعات دمت حبيب |
اقتباس:
|
| الساعة بإيدك هلق يا سيدي 18:22 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون