أخوية

أخوية (http://www.akhawia.net/forum.php)
-   الصـــــــــــالون (http://www.akhawia.net/forumdisplay.php?f=11)
-   -   هنيه ..غزه ....أيه ؟؟؟؟؟ (http://www.akhawia.net/showthread.php?t=116252)

روح المها 16/01/2009 03:11


لا حول ولا قوة إلا بالله


دخيلكم سمعونا سكوتكم :cry:

والله رح طق

ذاكرة النرجس 16/01/2009 05:18

هالمقاومة رح تعطيكم درس لن تنسوه ابدا ً

تحية اجلال واكبار لرجال المقاومة

وهاد المتشائل عم شك فيه .... بس فهمني شو عم تساوي بغزة

ذاكرة النرجس 16/01/2009 05:53

في حوار مع احد مقاتلي القسام في الجهة الأمامية أجاب عن السؤال المطروح

بعيداً عن المبالغات هل أنتم قادرين على صد العدوان على غزة ؟

فأجاب بعيداً عن المبالغات نحن قادردون على أن نصمد ونصبر وألا نُهزم حتى لو قتلنا جميعاً ثقتنا بالله كبيرة


ثقتنا بنصر الله كبيرة ، أن لانخذل كبيرة ، حتى لو تخلى عنا القريب والبعيد .

كما أجاب عن سؤال آخر - كنتم أطلقتم على العملية العسكرية الا سرائيلية ، اسم الفرقان ماسر هذه التسمية ؟

فأجاب :اسماعيل هنية هو من أطلق الفرقان على هذه المعركة في احد خطاباته ونحن نتداولها اسوة به

لأن هذه المعركة ستفرق بين الحق والباطل وهي من أيام الله وسيكتب عنها التاريخ كما كتب عن عين جالوت

واليرموك .

sandra 16/01/2009 05:57

اقتباس:

كاتب النص الأصلي : ذاكرة النرجس (مشاركة 1200970)

وهاد المتشائل عم شك فيه .... بس فهمني شو عم تساوي بغزة


يعني هو مواطن بغزة
:?

Marcello 16/01/2009 06:05

اقتباس:

كاتب النص الأصلي : sandra (مشاركة 1200980)
يعني هو مواطن بغزة :?

اي نعم هيك بقول بنص غزة

Sun Shine Art 16/01/2009 09:10

ماشاء الله بغيب كم ساعه وبلاقي الموضوع رايح بميه اتجاه ..

بدكون تسمحلولي ..انه ما لح رد ع كل واحد برد ....لان اول شغله انا عم احكي باتجاه ومنحى تاني ...

بس الي شايفتو انه حولتو ربو للموضوع .باكتر من اتجاه ..مع احترامي لكل رأي ...وبرجع بحط ردي السابق بركي بتوصل الفكره ..

بس الي شايفتو انه عن جد نحن منضل متل ما نحنا ..

ومشان هيك بشعل شمعه لكل روح طفل وأمراه ....بغزه ..ولكل واب ام في غزه أقول ...عذرا ...انتم وشهدائكم خير البشر ......


اقتباس:

كاتب النص الأصلي : Sun Shine Art (مشاركة 1199733)
أذا عذرا ....لانني اسمح لنفسي بالقهر عندما ارى أشلاء الاطفال
عذرا لانني أسمح لنفسي بتفكير منطقي وعاطفي ..ام ان المنطق لم يعد له مكان في حياتنا
عذرا لانني لست مع اي قائد او حاكم امام اطفال اجساد اطفال كفرت بالحرب
عذرا لانني اشعر بالقرف من السياسه واهل السياسه امام نساء يقتلون كل دقيقه
عذرا لانني لست مع اي حزب او منظمه ..
عذرا لانني انسانه غاضبه لاتستيطع ان تفعل شي سوى الكلام
امام بشر يدبحون ويبادون بدون أنسانيه
عذرا لاني اشك بوجود الله واياته عند عاهات اطفال لاذنب لها بشي

عذرا لانني امام اجساد لا استطيع التصفيق لاي قائد ...

............................................



المتشائل 16/01/2009 15:52

اقتباس:

عندما تنتهي الحرب بأمكانك أن تهاجمهم كما شئت ، الامر نفسه حدث مع حزب الله ، بالتالي أنا مافيني هاجم النظام السوري وحاسبو ونحن مازلنا بالمعركة
نفسي اصفق لك ... بس للاسف مش طالعة معي ... يعني هلق النظام السوري بمعركة ؟ ونعم المعارك ....

اقتباس:

الحرب كانت من أجل فتح المعبر من وجهة نظر ليس حماس فحسب بل الجهاد والشعبية والوية الناصر الخ...

والحصار أسواء من الحرب ودمار الاقتصاد يعني بالتالي دمار المجتمع تدريجياً حتى تنكسر المقاومة وتنتهى قضية الشعب الفلسطيني على الطريقة الاسرائيلية ،
كلام جميل جدا جدا ... انا بدي احكي بهالموضوع ... واذا بدنا نحكي فيه ما بنخلص ... ابان فترة التهدئة ارجع لوكالات الانباء ... اسرائيل كانت تفتح المعابر ياللي هي بتتحكم فيها ... صوفا كرم ابو سالم المنطار ... وخلافو ... بس شو كان يصير ؟؟؟ كان الله ما بيعرف من وين ... في حدا بيضرب المعبر بصاروخ ... مشان ترجع المعابر تتسكر ... بس ليش ؟؟؟ في سبب منطقي جدا !!! انا راح احكيلك عليه ....

لان معابر اسرائيل لو فتحت ... تجارة الانفاق رح تضرب ... بما ان السلع بتيجي من الانفاق بسعر معين ... وبيتم بيعها بالسوق السوداء هون بغزة ... بنسب ارباح 500% احيانا ... بتعرف شو يعني 500% ؟؟؟ هالمعابر لو فتحت ... رح تخرب تجارة التجار ياللي بيتحكمو بالانفاق ... وياللي اغلبهم حماس ... او موالين لحماس ... والمسرحية بتشتغل ... وبتستمر ...

بس انو مشان نختم الجولة بهالموضوع ... وما نشتتو باكثر من اتجاه ... حاب انهي هالقصة بمداخلة ... مفصلية ... مقدمة خصيصا لجهابذة المقاومة والثورة والوطنية ... ياللي عم يتشدقوا بالشعارات ...


اقتباس:

قال الأديب الفرنسي اليهودي، مارك هالتر، أمس، انه التقى مساء يوم الجمعة الماضية في دمشق مع رئيس المكتب السياسي لحركة حماس خالد مشعل، وانه عاد من لقائه برسالة سلام إلى إسرائيل والى ذوي الجندي الإسرائيلي الأسير، جلعاد شليط.

وقال هالتر، في حديث أجرته معه إذاعة إسرائيل الرسمية، تكلم خلاله باللغة العبرية، انه هو الذي بادر إلى لقاء مشعل لأنه لا يؤمن بسياسة المقاطعة التي يستخدمها بعض السياسيين في هذا العصر. ونظم اللقاء بواسطة مساعدي الرئيس السوري بشار الأسد. وأضاف هالتر: «خلال اللقاء بدا مشعل شخصية مهمة. تكلم بطريقة معتدلة. وطلب مني ايصال رسالة الى الرئيس الفرنسي نيكولا ساركوزي يبلغه فيها انه، أي مشعل، معني بإداء دور في قضية الشرق الأوسط. ثم قال لي انه مستعد للتفاوض مع اسرائيل على سلام يقوم على أساس حدود سنة 1967».

وواصل مشعل يقول بحرارة ان اسرائيل بإدارتها المفاوضات السلمية مع الرئيس محمود عباس (أبو مازن)، انما تضيع الوقت هباء. فأبو مازن ـ حسب مشعل ـ ليس قويا ولا يتمتع بقدرات ونفوذ الرئيس الراحل ياسر عرفات. وفقط «حماس» هي التي تستطيع اليوم استيفاء الشروط للمفاوضات. وقال مشعل، حسب الأديب الفرنسي هالتر، ان حماس لم تكن قد خططت لادارة حرب مع اسرائيل، وكل ما أرادته هو اجراء استفزاز بسيط لا أكثر. ولم تتوقع أبدا ان يأتي ردها بهذه الضخامة.

وتطرق مشعل بمبادرته الى موضوع الجندي الاسرائيلي، جلعاد شليط، الرازح في أسر «حماس». فقال: «شليط هو جندي أسير لدينا ويؤسفني اننا بالصدفة أسرنا جنديا اسرائيليا يحمل أيضا الجنسية الفرنسية. ولذلك يضطر الرئيس ساركوزي الى التدخل من أجله. لكن عليكم أن تعرفوا ان «حماس» لا تخطف مدنيين، لأنها ليست تنظيما ارهابيا. وعليه فإن شليط هو أسير حرب ويمكن مبادلته بأسرى الحرب الفلسطينيين».

وأضاف هالتر ان مشعل أكد ان شليط محبوس في ظروف انسانية وان وضعه الصحي جيد، وانه يتحمل شخصيا مسؤولية أمان شليط. ودعاه ان يتصل مع ذوي شليط ويخبرهم بأنهم يستطيعون متى يريدون ان يرسلوا الرسائل الى ابنهم الأسير. وقال له: «أرسل لي أنت الرسائل بواسطة الرئيس ساركوزي وأنا أضمن وصولها الى جلعاد واعادة رد عليها منه الى والديه». وقال هالتر انه أبلغ الرئيس ساركوزي وكذلك وزيرة الخارجية الاسرائيلية، تسيبي ليفني، بمضمون هذا اللقاء. وانه بعث بمضمون الرسالة الى عائلة شليط عبر السفير الاسرائيلي في باريس.

*الشرق الأوسط.
منشان نحط النقاط على الحروف ....
1. عم يعتبر مشعل ان الفلسطينيين في السجون الاسرائيلية اسرى حرب ... بمعنى شرعنة بشكل او بآخر السجون الاسرائيلية وعمليات خطف المواطنين من بيوتهن ... "لانهن" عم بيحاربو وهن نيام ...

2. مشعل مستعد للتفاوض والقبول بحل على اساس حدود عام 1967 ... وهون الحديث فيه تشعبات ...
أ- للي رح يحكيلي مو صحيح هالحكي ... رح انصحو بما انو سياسي فذ ... يرجع لوثيقة الوفاق الوطني ... او وثيقة الاسرى ياللي وقعتها حماس في غزة في يناير 2006 ... ياللي تنص صراحة وعلانية على ان العمل المقاوم هدفه هو دولة في حدود 1967 وحصر العمل المقاوم في داخل مناطق 1967 .... بامكانكم بحث بسيط على غووغل عن نص الوثيقة مثل ما بحكي ... نصها ... وليس تحليلات وخنفشاريات ....
ب- ان حقيقة الانقلاب الذي جرى في غزة ... لم يكن لوجود تيار خياني ... بل هو استمرار لمسلسل العمليات الانتحارية الموسمية التي قامت بها حماس في عهد السلطة كلما اقتربنا من حل للقضية والوصول لدولة ... بمعنى ان العمليات تلك كان هدفها التخريب ... والتخريب فقط ... لكي لا يوقع الحل احد غير ... حماس ... وإلا ما هو تفسير اقوال مشعل ؟ وتفسير وثيقة الوفاق الوطني ؟
ج- حل على اساس حدود 1967 ... وهالمصطلح فضفاض جدا ... هل هو على حدود 1967 ام انه ضمن حدود 1967 ... مثل وثيقة احمد بحر ... ياللي قدم فيها مشروع دولة ضمن حدود 1967 وليس عليها ... مع تجاهل مواضيع القدس واللاجئين والمياه والمستوطنات الكبرى في الضفة ...

بناء على ما سبق ... هل يستطيع جهابذة السياسة بالمنتدى ... وجهابذة الشعارات المقاومة ... ان يقول لي ما هو الفرق بين حماس ياللي بتقوم بمفاوضات غير مباشرة ... وفتح ياللي بتقوم بمفاوضات مباشرة ؟ ان كان هدف الاثنين في النهاية هو دولة على اساس 1967 بغض النظر عن ان حضرة الانسان بالمفاوضات المباشرة بيقدر يشرح ويطرح نفسو افضل من وسيط بينو وبين الآخر ...

المتنبي قتله شعره .... وانتم شعوب قتلتها وشتظل تقتلها شعاراتها الكذابة ....
والسلام ختام ...
ودمتم ودام ممشاكم ...

المتشائل 16/01/2009 16:09

مشان التوضيح للي ما رح يستوعب الرد السابق ... ان حماس استفزت اسرائيل ... وجلبت الدمار والقتل لنساء واطفال غزة ... ليس لفتح المعابر كما تدعي ... لان تجارة الانفاق معيشاهم ... وخلقت مليونيرات جدد ... في منطقتي لوحدها 20 من اكبر مليونيرات المناطق الفلسطينية ... وانما كل هالحرب ... مشان تطرح حماس نفسها بديل عن منظمة التحرير ... :lol: يعني حماس اتخذت اطفال غزة مطية وضحت فيهم لتحقيق مصلحة فئوية ... ضيقة ....

مايا * 16/01/2009 16:09

اقتباس:

كاتب النص الأصلي : المتشائل (مشاركة 1201220)
ودمتم ودام ممشاكم ...


آميــــن !!


و / . /

عزيزتي
اقتباس:

Sun Shine Art
هاد جواب تساؤلك .. و أنت حكمي إن كانت آيـــة أو لا ! :)

اقتباس:

يعني عدم قدرة الصهيونيين على احتلالها بعد عشرين يوم من القصف بكافة أنواع الأسلحة المسموحة والمحظورة
و ما قدرو يحتلوها أو يقضو عالمقاومة فيها وهاد هو المقصود بالآية
* :

اقتباس:

حماس استفزت اسرائيل ..
بالفعل إسرائيل طلعت ما بتلقى مزح نهائيـــاً , يحرء حريشها ..

مسطول على طول 16/01/2009 20:58

اقتباس:

نفسي اصفق لك ... بس للاسف مش طالعة معي ... يعني هلق النظام السوري بمعركة ؟ ونعم المعارك ....
بايخه في احدث منها ؟ نفسي شوفكم ع الواقع

الرد بتلاقيه هون مافي داعي لتعب

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -




اقتباس:

بالفعل إسرائيل طلعت ما بتلقى مزح نهائيـــاً , يحرء حريشها ..
والولايات المتحدة بتعتبرها تحرش بطفلها القاصر

جاد81 17/01/2009 01:59

اقتباس:

كاتب النص الأصلي : Sun Shine Art (مشاركة 1198912)
ان ما يحصل في غزه هو أيه من أيات الله



هي الجمله ...الي قالها هنيه في خطابه اليوم على التفاز ....

مع كل احترامي لكل الديانات والمعتقدات ...

وانا ماني هون عم احكم على حدا او اتهم حدا او حتى اجزم بشي ...بس الصراحه شي بجنن وبيفزور ..
انا كانسانه عندي عقل ومبدا وفكر وعيون عم شوفها ...مابقدر اتقبل هلالحكي الي قاله انه يكون أيه ...
اي ايه عم تحكي فيها ...ايه انه يموت اكتر من 300 طفل بهيك وحشيه ...
ايه ايه بتقول اطفال اضل متمسكه بجثث امهاتهون ل 3 ايام ...
ايه ايه بتقول ..قتل وتقطيع اطفال ..شو هل الايه الي بتقو ل : اطفال ورضع عم تموت ونساء عم تدفن اطفالها ..دمار ...جوع ..
اذا هي الايه ..فا سمحلي أكفر فيها ...
انا ماعم اتهم حدا وماعم قول انه هدا السبب او هداك ..
بس مو معقول يعني بهيك مناظر وظرف ..يطلع ع التلفزيون ويقول الي عم يصير يغزه ..ايه من ايات الله ....شو ما يكون قصدو ...


يعني مع احترامي لألك ...هلئ ما بدنا نتفلسف على بعض ...شو بدك يااه يئول ...ما لازم يرفع من معنويات الناس ..يعني اذا الناس ما ماتت من الصواريخ بتموت من الحالة العصبية و الانهيارات النفسية ...هيدا خطاب لرفع الهمم وتحمل المصاب ...يسلم تموا شو ما قال ..لانو انسان مقاوم بيرفع من همة شعبوا ليصبر و يتحمل و مو هلئ وقت لتفسير الكلمات ...انا صحيح بعيد عن ساحة المعركة ...بس تحت النار الوضع بيختلف...
أنا بحيي كل اهلنا بغزة وبحيي المقاومة و قياداتها ...هلئ في حرب يا أنسة

بعد ما تنتهي هل المجازر منحكي شو حماس وشو هنية ...وليش عملوا بالناس هيك

Sun Shine Art 17/01/2009 12:06

اقتباس:

كاتب النص الأصلي : جاد81 (مشاركة 1201543)
يعني مع احترامي لألك ...هلئ ما بدنا نتفلسف على بعض ...شو بدك يااه يئول ...ما لازم يرفع من معنويات الناس ..يعني اذا الناس ما ماتت من الصواريخ بتموت من الحالة العصبية و الانهيارات النفسية ...هيدا خطاب لرفع الهمم وتحمل المصاب ...يسلم تموا شو ما قال ..لانو انسان مقاوم بيرفع من همة شعبوا ليصبر و يتحمل و مو هلئ وقت لتفسير الكلمات ...انا صحيح بعيد عن ساحة المعركة ...بس تحت النار الوضع بيختلف...
أنا بحيي كل اهلنا بغزة وبحيي المقاومة و قياداتها ...هلئ في حرب يا أنسة

بعد ما تنتهي هل المجازر منحكي شو حماس وشو هنية ...وليش عملوا بالناس هيك

اذا شايف قهري وغضبي وحزني ع الاطفال والنساء والشهداء بغزه هو فلسفه عليك ..
فا ياريت قبل الوطنيات والحكي الي عم نسمعو من الكل تعرف شو قصدي من الموضوع وبانه محور عم احكي فيه ..مو بس رمي اتهامات ومحاضرات ......وبتعرف شو رب السياسه والخطابات وصف الحكي ....عند اجساد اطفال رميت بالرصاص وكانها دمى ....فاياريت تقرأ منيح حكي وافهم شو قصدي مره تانيه وتجي توزع علي وطنيات وحكي ...

واهلين:D

Sun Shine Art 17/01/2009 12:25

اقتباس:

كاتب النص الأصلي : مايا * (مشاركة 1201231)
آميــــن !!


و / . /

عزيزتي

هاد جواب تساؤلك .. و أنت حكمي إن كانت آيـــة أو لا ! :)



* :




بالفعل إسرائيل طلعت ما بتلقى مزح نهائيـــاً , يحرء حريشها ..


ممكن وجهه نظر منطقيه ...
بس للاسف لما عم شوف اطفال متل الورده كيف عم تموت ..ماعم اقدر اعتبرها شي ....غير القهر والحقد والكره والغضب ...عم اشعر فيون .....

صمود اهل غزه اكبر من انه ينحكى فيه ...من اي حدا ...
ونحن ماعم نحس بالي هنون عم يعيشو. ويشفو والي عم يفقدو ...وهدا الشي الي بخلني قول لو الله موجود ما بيرضى يكون عذابون والنار الي هنون فيها ...تكون ايه او قدر او حتى اختبار...لان مو منطق ابدا ....

وعذريني لتشأمي وقرفي من الحاله الي نحن فيها .....:D

Marcello 17/01/2009 17:09

ياخيي صدق القائل .. الثقافة صارت متل المناقيش

جاد81 17/01/2009 18:34

اقتباس:

كاتب النص الأصلي : Sun Shine Art (مشاركة 1201684)
اذا شايف قهري وغضبي وحزني ع الاطفال والنساء والشهداء بغزه هو فلسفه عليك ..
فا ياريت قبل الوطنيات والحكي الي عم نسمعو من الكل تعرف شو قصدي من الموضوع وبانه محور عم احكي فيه ..مو بس رمي اتهامات ومحاضرات ......وبتعرف شو رب السياسه والخطابات وصف الحكي ....عند اجساد اطفال رميت بالرصاص وكانها دمى ....فاياريت تقرأ منيح حكي وافهم شو قصدي مره تانيه وتجي توزع علي وطنيات وحكي ...

واهلين:D


أنا ما عمن بيعك وطنيات ولا محاضرات ولا إتهامات..ما أنا مقهور أكتر منك ...ورح جن من يلي عمن يصر هلئ بغزة..بس بدي ئول و بشكل صريح وواضح مش هلئ وقت لنعلق على حكي هنية ولا مشعل ولا نزال...

هلئ وقت حرب ...في ناس عمن تموت ( أطفال ونساء و رجال مقاومين ) يعني بدك ياني أزعل على الأطفال والنساء ولا أزعل على هل الشباب المقاوم يلي تحت النار من 3 اسابيع...

كمينا أنا مع كل واحد بيئول لازم نجهز حالنا ئبل ما نتخذ قرار الحرب والمواجهة مع هل العدو المجرم ...بس وين يلي بدو يجهز حالوا ...يعني حماس لو أنها لاقت مين يدعمها رح بتئول لاء ...فهموني لشوف...ما تئولولي سلام وغيروا...غزة تحت الحصار من شهور وعمل تموت هي واهلها موت بطئ ...ولا وئتها ما حدن منا كان مفكر بغزة..

واقع عربي تعيس...عالم عربي إما نعجة مذبوحة أو حاكم قصاب....

أنا مابدي وزع وطنيات على حدى ...بس يلي بعرفوا أنو الدم ساخن والتلفزيونات دمرت أعصابنا ...بهل الوضع المؤلم شو بدنا نحكي ...منحكي على بناء الانسان العربي المقاوم و المجهز للدفاع عن نفسوا


برجع بئلك يمكن أنا ما ئصدت بكلامك التقليل من مشاعرك بس والله شي بيجنن وبس

Sun Shine Art 17/01/2009 21:15

اقتباس:

كاتب النص الأصلي : جاد81 (مشاركة 1201878)


برجع بئلك يمكن أنا ما ئصدت بكلامك التقليل من مشاعرك بس والله شي بيجنن وبس

شي بجنن ..وبكفر ..مشان هيك بتشوف كل واحد طاقق عقلو من المناظر الي عم نشوفها ..ومن الوضع الي نحن فيه

Reemi 17/01/2009 21:54

تم اغلاق الموضوع بناءً على طلب صاحبته ... :D


الساعة بإيدك هلق يا سيدي 16:08 (بحسب عمك غرينتش الكبير +3)

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.04154 seconds with 10 queries