بتعرفي ألي زمان ما فرحت متل هاللحظة... كأنّي كنت مضيع كنز والتقى :D.
بكلّ الأحوال شايفك صايرة سنفور غضبان... مو عاجبك العجب ولا الصيام برجب!!!
على فكرة هلكت وأنا حاول ركب على اسمك بيت شعر وما عم يزبط، غيريه!
كامل احترامي ومحبتي... :D.

إي والله يا هدى في بيناتنا شاعرة ونحن مو دريانين بس يا ريت تعدّل اعوجاج قلمها شوي :p.

ما هذا يا هدى؟؟ هل أنتِ معنا أم علينا؟:jakoush::jakoush:
و كتبالي معلقة؟ و لك بدي أعلقك أنا على جدران الكعبة !!:lol::lol:

هلا من ناحية الشّعر وبكل أمانة عندك قدرة على اختيار تعابير وجمل بتناسب هدف القصيدة ووحدتها المتماسكة مالبداية وحتى النهاية، وكنت رح أكتب شوي عن اللي شفت فيكِ بصفحة الأشعار اللي عم تكتبيها، بس انقطاع العلاقات الديبلوماسيّة، وسحب السفارات، والمعركة اللي علقت عند الحدود، منعني عبر عن هالشي...
من جهتي والحمد لله أنا ماني شاعر ولا كاتب ولا شي وبعترف بكل صدق بهالشي، ولما بحاول أكتب بعض الأحايين بفشل لأسباب، أنو الأدب اليوم صار بدو دراسة قبل أي بداية، هاد عدا عن الاطلاع والاختزان... إلخ.
من ناحية الاعوجاج الرسول محمّد قال بحديث شهير: "خُلقتْ المرأةُ من ضلعٍ أعوج وإن أَعوج ما في الضّلع أعلاه فإذا ذهبت تقيمه كسرته". طبعاً هوّ يقصد بأعلى الضّلع راسكن يلي بعمرو ما بيتصلّح، وإذا حاولنا نصلحو انكسر :lol:.
أحمدُك يا إلهي على أنّك خلقتَني ذكراً لا اعوجاجَ فيَّ ولا ما يحزنون :p.

يعني عجبك اللقب؟ صراحة هو عن استحقاق و جدارة، و مادام هيك لابِقلك، ليش ما تغير أنت الاسم؟ بس مش العجب هو اللي مو عاجبني، أنت عارف شو يا اللي ما عجبني!
لا مو عاجبني اللقب بنوب... واللي مو عاجبك حقك عليّ بتاخديه من رقبتي! بدك ياه فراطة ولا خمسات؟! :D.

و من امتى حضرتك بتؤمن بياللي حكاه الرسول محمد؟ :lol:و لا صاير مرجعيتك العليا هلا؟ على كل،إذا كانت من ضلع أعوج فلمين الضلع أصلا؟ و إذا ماخذين احنا منكو ضلع، مش حضراتكو رح يصير عندكو اعوجاج لأنو ناقصكو ضلع؟
فبلاش تهلل كتير لأنك ذكر لا اعوجاج فيه، لأنو حالتك أنت بالذات هي حالة "اعوجاج مستعصية":p

لا مو عاجبني اللقب بنوب... واللي مو عاجبك حقك عليّ بتاخديه من رقبتي! بدك ياه فراطة ولا خمسات؟!


لا هذا و لا ذاك: بدي اياه "تقويم اعوجاج" (اعوجاجك أنت يعني) :sly:

قرصان حكيت معو شوي مرة بالجروب ... وحكياتو حلوين .. واستغربت بس شفتو بيحكي متلنا (عامية) فكرتو ع طول بيحكي فصحى ... :lol:
بحترمو وبحترم اسلوبو بالنقاش وطريقتو الراقية...:D

الإنسان بياخد الحكمة ويستفيد منها من كل مكان وبكل زمان، والمرأة ضلع عوجا هي أكبر حكمة عرفها التاريخ، ورح تضلا هيك للأبد بدون استقامة... وكلمة تانية خلي غضب نبيك ينزل عليكِ من الصبح للمسا! إيوا :larg:.

سوا ربينا خجلتني يا رجل... الله وكيلك لو ما هالبيرسونيتا المميزة عم تقاتل ما كنت رديت بالموضوع وخليتو بالوج قدامكن... ! بتشكرك تشكرات حارّة من عندي لعندك، وإنشالله نفرح فيك بكل حال وحال. :D.

أجل يا شرشبيلي العزيز، الإنسان الحكيم هو الذي يأخذ الحكمة أينما كانت، و من كل زمان و مكان، و مثل هذه الحكم البليغة و الدرر الفريدة، قد نطق بها حكماء أجلاء قبل الرسول محمد، فانظر ما يقوله يوحنا (فم الذهب):

البيان الصحيح لدين المسيح: ياسر جبر، ص. 32

و يقول بولس (و هو الآخر صاحب فم ذهبي لا يقول إلا دررا كهذه):

فطوبى لمن أخذ الحكمة أينما كانت ليستفيد منها في كل زمان و مكان!:p

أنتِ بعلقك في عيوني:hart:! و منيح أنك خادتي بالك من أهداف شرشبيلو الشريرة:yahoo:!

ايمت تنصيبو نبي ؟

قبلو ولا بعدو... ها شو رأيك؟! موافقة؟! السؤال بيحتاج لجواب مو لسؤال... إذا حابّة نحكي باللي طرحتين فأهلا وسهلا بس بعد ما نخلص من المرحلة الأولى... شو رأيك يا ضلع عوجا؟! المشكلة يا برسونتي أنّو ما فيّ حط سمايليّات ولا فيّ رتّب السّطور فاعذريني لأنّ كان ناقصك بهالردّ ستلاف مدّة لسان. بكل الأحوال رح جاوبك باختصار شديد على أنّو يلي ذكرتين هنّ مجرد آباء كنيسة ومار بولس هو رسول وتلميذ كتير من كلامن مجرد شرائع زمنيّة وآنيّة قابلة للتغيير وخاصّة إذا كان فيها أشيا ثانويّة تشريعيّة ما بتخصّ العقيدة (وضعت لما يناسب زمانها ومكانها فقط). وإذا جيتِ لرأيي بصراحة لقلك أنّو أنا بشوف ما في فرق، لأن بالخلق نقول خلق الله الإنسان على صورته ومثاله، ذكراً وأنثى خلقه. وهاي من أحلى العبارات يلي بتعتبر الذكر والأنثى وحدة على صورة الله. مع أحلى وردة.

شكراً شكراً للمعونات... بعدين فشر اللي بدو يقرب عليكِ أو يرميكي بوردة مين ما كان يكون!!! بالحرام أقوصو! هلا أنت تموتي ما رح يصير كل ما أنتِ بقلبي وصلاتي، وأنا بعيش حر طليق هالأمر طبيعي، فأما بيرسونيتا تدخل السّجن فمن تمّك لباب السّما... إلهي استجب هدى ولو للمرّة الأخيرة... إلهي أدعوك استجبها واجعل من طلبها وقولها أمراً مفعولا... إلهي أنتَ فأدخل من لا تُسمّى السّجنَ وإن لم تستطع فعل ذلك فعليك بالإعدام فهو أسرع وخير قرار.

أنّو حضرتك عم تنكّت ولا عم تعزّي؟! بتعرف علاء... ولا قلّك بلاها، خيرا بغيرا، اليوم مالي مراق.

أنا ما عملت شي أكثر من الأخذ بمبدأ "أخذ الحكمة" من مين ما كان، و الاستفادة منها في كل زمان و مكان على رأيك، و بما أنو ها الحكي كلو "درر"، فخلينا نستفيد من "المصادر" كلها..
ثم إذا هدولا كلامن شرائع زمنية آنية، قابلة للتغيير (مع العلم أنو ما بعرف كيف قابلة للتغيير، إذا كان القصد أنو ممكن تنحذف النصوص من متن الكتاب و لا شو بالضبط)، المهم، إذا كانت قابلة للتغيير، ليش حديث ينسب إلى الرسول محمد، مع العلم أنو في قاعدة فقهية تنص على أنو كل ما ينافي العقل، فهو ينافي الحديث، ليش هاي هي غير قابلة للتغيير؟
و آسفة كتير أني طلعت عن صلب الموضوع اللي انفتح أصلا ل "تأبين" شرشبيل (العفو، قرصان)، بس أنت بديت، و أنا "سرت على الدرب":gem:
فخلينا في موضوعك أحسن، و أحلى شرشبيلو (و لو أنك دعيت علي بالحبس و الإعدام:pos:)، شفت كيف بيكون العفو عند المقدرة؟ :p:p