|
لاتواخذنا جرحنا شعور الموضوع
|
اقتباس:
غياب البعض أكيد مـش من الاشيا الجيده و لكن انت وقت عم تقولي اخويه مش جيده عم تشملي عام ٢٠٠٨ كلّو و تعب هالاشخاص بهالعام عم يروح بالاراضي .. ما شي بيسعدني اني قول انو اخويه فيّ و بلايّ نفسها اخويه .. و لكن هي هيّ الحقيقه.. يوسف العظمه مات " مشان الشام " بس الشام فيه و بلاه ما تغيرت .. انا بهالحاله مش عم وافق على حكي يمان عن ما يخص الاشخاص و ما اليه و لكن ماني شايفه انّو الوضع بالعام ٢٠٠٨ كان سيئ !! اقتباس:
اقتباس:
أنت عم تلخصي عام كامل بفتره صغيره .. أضافه لهيك كل الاشـخاص اللي بتـجي رح بيجي يوم و تروح و بعدين ترجع أو تكمّل طريقها لناس تانين .. تقبّل انو الناس الها حياه بعيد عننا شي مش دائما سهل المنال و لكنّه الواقع .. نحنا - كبـشر و كسورين تحديدا - عنّا عاده نتطلع عالامور من خلال الاشـخاص يعني بس تقولي أميركا بيقلولك كيفو جورج بوش .. و كأنّو الله ما خلق باميركا غير جورج بوش .. لنعبّر عن وطنيتنا بنحط صور الرئيس عباب سياره التكسي من جوّا و منجلدها .. و ما اليه .. و هالـشي مش تمام لانو الاشخـاص بيجو ليروحو أمّـا الاماكن فتبخلق لتضل و غلط غلط غلط تغيب الاماكن بغياب الاشخاص .. هلئ ما بدّي كتير أحكي بهالموضوع بحيث انّـو الاشـخاص اللي عم تحكي عنهم بيعرفو كتير منيح رأي فيهم و بـانجازاتهم و غيرهم بيعرف و اللي ما بيعرف يعرف .. و فيما يخص الرايه فللاسف نعم, الرايه مرفوعه فيهم و بلاهم و فيّ و بلايّ و فيكي و بلاكي و يوم اللي بدها تبطّل الرايه مرفوعه كل واحد فينا بيروح عبيته و بنفضها سيره :pos:.. اقتباس:
اقتباس:
|
اقتباس:
الكلام سهل اي بس التحدّي انو يتم تنفيذ الكلام و أنا ما شايفه حدا هون قد التحدي .. عزيزتي انا مش عم احكي حكي , أنا هيك فعلا بشوف اخويه و هيك بشوف الوضع ما عم اطلب من ايّ شخص تاني يكون متلي بس ما حدا يجي يقنعني غصب عنّي انو الوضع بأخويه ميؤوس منّه !!! أي في ناس مش منيحه و بتلعب بطرق وسخه بس هالناس موجوده بكل محل و ما فينا نخلق مدينه افلاطون الفاضله و يعني نحنا او انا شخصيا يعني ما بدّي مدينه افلاطون الفاضله لانو ما عندها شي تعلمني ياه امّا التعامل مع الناس - المنيحه و المش منيحه - بيعلّمني كتير اضافه لانّو المجتمع برّا مش افلاطوني و اذا امكن لشخص انو ييأس و يسلّم بالوضع الكائن بالعالم الافتراضي فهوّ اكيد مش رح يقدر يمارس هالشي بارض الواقع |
شوش نادره الوجود
اقتباس:
|
اقتباس:
welcome!!! :lol: بخصوص الموضوع : ما كان بدي شارك فيه وخصوصا بعد لما كل اللي ناقشو كتبو اغلب اللي بدي قولو ، اعتقد كل شخص حط فكرة او اكثر من اللي بدي قولو وانا متفق معكون . لكن احب اضيف قصة طريفة ما الها علاقة باختلافكون هون مطلقا ،بس بدي حطها غلاظه مابأيدي . في احدى المرات (لاء مارح اكتب فصحى )بس من باب الغلاظهمش اكتر :o بيقولو انو وجد قديما فيل ، و3 عميان وطلبو من ال 3 عميان انو كل واحد يدخل للفيل ويحاول يكتشفو ويخرج يوصف شكل الفيل الون ، خرج الاول وقال انو الفيل اربعه عمدان على الارض والتاني قال يشبه للافعى والتالت قال يشبه المكنسة ولما لاحظ التلاته اختلاف وصف كل شخص منهم اختلاف واضح وكبير ، اتجادلو وما في فايدة كل واحد مقتنع باللي بيقولو عن شكل الفيل ، ووصل الامر انو يتهمو بعض بالكذب والتضليل ... والسؤال هل ال 3 بيكذبو ؟ الاجابة لاء الاول تحسس ارجل الفيل ، ولاحظ انها 4 وعلى شكل قوائم تشبه الاعمدة والتاني تحسس خرطوم الفيل ، لقى الخرطوم اشبه بالافعى والتالت تحسس ذيل الفيل ولاقاه اشبه بالمكنسة التلاته كانو بيوصفو اللي ادركوه بالفعل وما كانو بيكذبو . ******** ممكن نختلف ويكون كل منا صح (الحقيقة اللي بتفهموها ،مش مطلقة) الحقيقة لها عدة اوجه . * لما بنيجي نحكم على الامور ، غصب عنا او بارادتنا بنعتقد انو عنا كل اللي بيلزمنا منشان نصدر حكم قاطع بيعبر عن الواقع والحقيقة ،وان رأينا هاد هو الحقيقة فقط واي شيئ رح يختلف عنه ...مارح يكون الحقيقة، ولكن الحقيقه انو لو غاب عنا معلومه صغيرة او فكرة بسيطة "قد" تجعل رؤيتنا للأمور رؤية غير واقعية وبعيدة عن الحقيقة الى حد ما ، وبهالاثناء "قد"يعرف شخص غيرنا هالمعلومة ويقدر يشوف الامور برؤية مخالفة لرؤيتنا .وطبعا مارح يكون كداب .ولكن بالنهاية مين عندو كل المعلومات والافكار والاراء لحتى يشوف الامور على حقيقتها الكاملة ؟ كان الي توقيع بالاخوية من زمن بقول فيه "انت ترى الاشياء كما تريد ان تراها ،وليس كما هي ، تذكر ان هناك حدا فاصلا بين ماتريده وبين ماهو كائن " أعتقد ان الحقيقةكما بتعرفوها انتم هي شيئ نسبي وغير مطلق ، الحقيقة بالنسبة الك غير الحقيقة بالنسبة الي غير الحقيقة بالنسبة لشخص تالت ومستحيل نوصل لحقيقة وحدة الا اذا ظروفنا وتفكيرنا صارو متل بعض ولكن بالنهاية مافي حدا كذاب مهما اختلفنا قد يرى كل شخص منا "احد اوجه الحقيقة" ولايراها الباقون فقد نختلف ويصيب كل منا احد أوجه الحقيقة . أما بخصوص الموضوع ، فشكرا لانكم عبرتم عن اللي بدي قولو بارائكم دون استثناء . |
اقتباس:
أنا أبداًَ ما قلت أنو عام مش جيد و لا عادي و لا حتى سيئ .. لأني هون بوافقك تماماً بأنو : اقتباس:
_ فكرتي كانت تحديداً أنو أخوية فيها شي .. مو هيي هيي نفسها متل ما قال يمان هاي النقطة الي ما قدرت مرّقها بمخي فقط .. تركيزي علـ الوضع هلا , و حملة هلـ الهجرة الجماعية .. و غير هيك أنا متفقة معك شوش حتاتي .. ! * : بعدين تعي لهون , من شو بيشكو نظاراتي .. :pos: .. / يا أم نضارات سود :lol: / أخ على ما إجي إلطش منك شوية تفاؤل .. . |
انا حابه اعطي رأي بالموضوع ....
انا ماصرلي فتره كتير باخويه ...وبعتبر حالي لهلأ جديده ... بس بحب قول شغله ... انه اخويه ...هي انتم ...كل واحد فيكون .... باختلافاتكم...بخناقتكم ..بحبكم ..بحزنكم ....بطق الحنك تبعكون .... متل ما بهل الدنيا في رحيل وحزن ..وفراق ...اكيد هون كمان لح نشوفو ... انا بشوف اخويه جيده بكل واحد فيكون قديم وجديد ..عضو ..ومنسق ..ومشرف .... هي مو لحدا معين ..ولا من حدا معين ....هي منكم انتم ..... فا اكيد اخويه جيده ...كل واحد فيكون بحاول يعطي اقوى ماعندو بكل شي ان كانت ايجابيات ولا سلبيات ... فا شوفها بطريقه حلوه ...لان بتستاهل انه تكون بهل الطريقه ..... |
اقتباس:
 |
اقتباس:
لو كنتي شخص قريب مني متل ابو ويلم مثلا وحكى هي الكلمة كنت شرشحته وفلتت عليه بس كونك شخص بعيد عني بدي احكي معك بالرسميات والبروتوكولات ببساطة شو معنى كلمة عراب !؟ العراب = godfather = الاب الروحي = الاشبين نقي الاسم اللي بيعجبك لقب مسيحي بيطلقوا على شخص قريب من العائلة (( بس شرط ما يكون لا الأب ولا الأم )) بتختاره العائلة لتمثيل الطفل امام الكنسية وامام الله ، كون الطفل ما بيقدر يحكي وما بيقدر ياخد قرارات فيدخل العراب لياخد القرارات عوضا عن الطفل لحتى يكبر الاخير ويصير عنده القدرات العقلية المكتملة والقدرة على اتخاذ قرار منطقي وتحمل نتائج قراراته فبهاد الخصوص مين ما كان يكون المقصود ومين ما كان يكون المعنى في الكلام ما حدا بيقدر يفكر يسمي حاله عراب الاخوية الاخوية كبيرة قبل ما هوي يوعى على الدنيا الاخوية بتحكي عن حالها وصفحاتها شاهد اثبات عليها الاخوية بتقدّم خدماتها (( كعراب )) للأشخاص اللي ما بيقدروا يوصلوا صوتن للأشخاص اللي بحاجة يعبر حدا عن افكارن بشكل افضل الاخوية عراب كل عضو فيها وما بحياته كان للأخوية عراب .. لا اليوم ولا امبارح ولا حتى بكرا .. فشر واذا كنتي بتشوفي بأن الاخوية بحاجة لعراب .. فهاد هوي السواد بعينه |
جيدة
ايجابيات كتير واهما انو فيها حركة قوية للاعضاء وعم شوف انو كل يوم عم تزيد الروابط الاجتماعية فيها بالنسبة الي قدمتلي هالسنة كتير اشيا باخوية وحسيت انها بيتي التاني سلبيات اخوية انو في اشيا عم تصير والاعضاء عم تسمع عنها من بعيد لبعيد وبدون ماتفهم شي وفي قرارات عم تتخذ بناء على اشيا عم تصير بالخفا والاعضاء مش عم يلاقولا تفسير المهم بالاخير ما نلاقي اي خلاف ياثر على مسيرة اخوية الناجحة بالنسبة ل2009 بتمنى تستمر اخوية بالتالق اكتر واكتر وشوي تخف المشاركات بقسم المسابقات:lol: عالهامش :احدى سيئات اخوية او بالاحرى اعضاء اخوية انو عم يحاولو يربطو اخوية باشخاص كانو فاعلين وهلق مش عم يفوتو وكانو المطلوب انو توقف حركة اخوية بتوقف هؤلاء عن الكتابة لا انكر اثر غيابون السلبي على اخوية بس هاد ما بيعني انو الاعضاء الجدد لايشكلون نقاط ايجابية تضمن استمرار اخوية وكل سنة واخوية وانتو بخير:D |
اقتباس:
أهم شي الروابط الاجتماعية :p |
لك لاء منيح بيسلي الواح شوي
|
اقتباس:
|
اقتباس:
:pos::pos::pos: اب سمرا:sly: |
للاسف سيئة .. وكتير كتير .. وهالسنة ماحسيت انو الاخوية هي نفسا الاخوية يادوب شهر او شهرين
بس بشكل عام كانت سيئة .. وكزا واحد تركوا فيا ,, وحل محلن ناس تانيين (بس مو بنفس القيمة ) يعني مابعرف بس المستوى عبينزل نوعا ما .. بس انا كمان ماكتير دقيق الحكي انو الاخوية ماعبتتغير .. الاخوية عبتتغير .. وعبتغيرنا معا وان شاء الله شوي ترجع الاخوية متل ماكانت او يرتفع المستوى شوي .. او ماعبعرف انو كيف عبر بس انو يا اخي كنت استمتع كتير لما اسهر وقضي ساعات ورا الكمبيوتر وع الاخوية .. كنت اعد ع هالكرسي بال6 وال7 ساعات ما اتحرك اما هلأ .. عبعد ساعة وبحس حالي ضجران .. مابعرف شلون بس هيك صارت القصة وبالمقابل اخوية كل شهر عن شهر افكارا وتطلعاتا عبتغيرني وبتغير فيني شغلات ماكنت اتصور انو تتغير فيني شي نهار .. |
| الساعة بإيدك هلق يا سيدي 07:32 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون