|
اقتباس:
كلامككككككك صحيح ما بيقولو وراء كل رجل عظيم امرأه عظيمه |
اقتباس:
|
المطلوب ليس تبادل بالأدوار بل مساواة بالحقوق . رأيي الشخصي بالقضية القيادية تحديداً انو المرأة لم تعطى فرصة حقيقية لتثبت بأنها قادرة على القيادة . نعم كلنا يعلم العاطفة الجياشة المسماة اصلاً في علم النفس بالقطب الانثوي والذي يتسم بالعطف والرقة واللين و وجود هذا القطب بشكل نامي عند الرجال يمنحهم صفات مثلية جنسية . و لكن ارى ان المرأة تستطيع القيادة ولا تنقصها الحكمة لذلك وانما بعض الخبرة في موازنة الأمور ومحاكمتها . فليس من المنطقي ان نخرج المرأة من القمقم المختبأة به طوال القرون بفعل التسلط الجسدي والتفوق الغريزي للرجل ونضع المرأة مباشرة لقيادة . لا أرى ان هناك مانع من التشارك في القيادة . نحن احوج ما نكون الى مشاركة حقيقية.
|
ردي صغير:
نحنا منعمل المراة قادرة عمواجهة الحياة ونحنا منهدم ومنقتل فيها هالروح وبظن انو المراة الشرقية اقدر من الغربية لان عندها ضوابط ومثالي موجود (انديرا غاندي) لقررت تدير البلد مثل ما بتدير بيتها هيدا رايي........ هاموش:بتمنى من القرصان ما يبلش فيي عالهمزات والشدات:oops: |
أول شي بدي إعتذر لأني ما كنت فعال بالنقاش بهاليومين لظروف الخاصه.... بدي حاول لخص جوابي على كل المشاركات هون:
أول شي يا جماعه ذكر أسماء كـ زنوبيا و أنديرا غاندي يضعف موقف المرأه القياديه... لأنو ببساطه نحن عم نحكي على ألاف السنين من تاريخ البشرية وانتو عم تحاكوني بأربع خمس أسماء... معناها منرجع للنقطه الأساس انو هالحالات كانو حالات شاذة.. ألاف السنين... ونحنا منحكي بكم حالة شاذة.. أنا عم احكي عن آدم وقابيل وهابيل وتوت عنخ أمون وطارق بن زياد ويسوع ومحمد وموسولوني ونابليون وهتلر وجورج بوش وروزقلت وصدام حسين وغاندي وغيفارا وكاسترو و و و و و و و و و... وملايين الأسماء... ملايين القاده والأنبياء منهم من كان بنقاوة المطر ومنهم كان بحقارة المجرمين... وانتو بتحاكوني بأربع خمس أسماء... أنا بسنة وحدة بجبلكون اسم 200 قائد رجل... وانتو عم تلاقولي كم اسم على مر التاريخ... هالقاده هدول مافي شك انو كان في دور للمرأة في دور بحياتون.. دور تكميلي دور جيد... ودور تدميري ببعض الأحيان... تاني شي ياشباب نحنا هون ماحدا منا بيقدر يسلم المرأه قيادة أي بلد.. فمشان هيك بتمنى مانزاود على بعض... المرأه غير مؤهلة لقيادة الدول... لأنو القيادة قرار وجهد وحرب وسلام وإجرام وعطاء وسفالة في بعض الأيحان... هل تستطيع المرأه أن تقود جيش من الرجال في الحروب؟؟ طيب كيف وليش؟؟ إذا الجيش أساساً كلو رجال "بتمنى ماحدا يقلي هلأ انو في كم مجندة بالجيش الأمريكي لأني عم احكي بالمطلق هون"... هالشي مو إنتقاص أبداً من قيمة المرأة بس فيكون تعتبروه تقييم ونوصيف لحالة معينة.... أنا لما قول إنو المرأه غير قادره على ثيادة الدول مو من وجهة نظر ذكورية... لأنو لا أنا عم فكر صير رئيس جمهورية ولا حبيبتي بدها تعمل إنقلاب... ويلي بيقول مبلا بتقدر هالشي مابيعمل منو انسان منفتح على قضايا المرأه وإنما بيوضح انو هو عم يعالج قضايا المرأه بدون عقلانية وتفكير منطقي من إيمانو بضرورة أخد المرأه لحقوقها... والمرأه يلي بتقول انو هيه بتقدر تكون قائد لدولة بقدر وضعها بحكم مطالباتنا المستمره بالمساواة.... بس خلونا نفكر بواقعية ومنطقية قبل ما نطلق شعارات فضفاضة وواسعه كتير... كلنا مع المساواة وكلنا مع العدالة الإجتماعية... كلنا مع رفع الحيف عن المرأه وكلنا مع الإحترام المتبادل القائم على الأسس الصحية الصحيحة... ومشان كل هالقيم لازم نكون عقلانيين وندرس المعطيات صح... مابتصور مرأة رئيس جمهورية متل مابتصور مرأه عامل تنظيفات.... مابتصور مرأه رئيس جمهورية متل مابتصورها عامل على مرجل الفحم في القطارات القديمة... الشغلة مو تمييز وإنما عوامل.. مجموعة عوامل بتتعلق بالتركيبة النفسية والفيزيولوجية للمرأه ... عوامل بمعظمها تتعلق بطبيعة المرأه... بغض النظر عن وضع المجتمع الذكوري يلي نحنا فيه... بالنتيجة المساواة بين الرجل والمرأه هي المساوات في الحقوق والواجبات... وليست مساواة تطبيقية قد تنتقص من قيمة المرأه في بعض الأحيان... صدقوني الفكرة فيها إعلاء من شأن المرأه لا نيلاً من حقوقها... وشكراً للجميع على ماقدموه لإثراء الموضوع. |
تحياتي اخي
المراة فعلا قادرة على قيادة دولة وبطرقة ناجحة جدا وان لم تستطع تصور ذلك لانها تمتلك عقل بشري امكانياته غير محدودة متل الرجل تماما ونظرة المجتمع لها بنفس نظرتك تجعل امر نجاحها وتفوقها تحديا مصيريا لابد من تخطيه رغم كل الصعاب ولانها تمتلك حس بالمسؤولية اكبر من ذاك الموجود عند الرجل فحتما ستقدم اقصى ما عندها لحماية وتطوير شعبها لاادري الى متى تظل صورة المراة في اذهانكم تلك المكينة التي تهرب باكية عند اول صيحة من رجل مع انك مقتنع بانك تحترم حرية المراة لكنك اخي تستهين بقدراتها وانا لا اتكلم عن نفسي ولا عن كل النساء بل المميزات القويات وشكرا:D |
تحياتي إلك:
بس إقري مشاركتي كامله... أنا ماعم احكي عن قدرات عقلية أبداً ووقت عم قول غير مؤهلة لقيادة الدول والجيوش مو معنا هالشي أبداً انو قدراتها العقلية محدودة بأي شكل.. بس في عوامل شارحها منيح بتصور أنا.. وشكراً |
اقتباس:
تحيا أنت وسوريا صديقي العزيز قائد يبكي عليك أليس أفضل من قائد يبكيك , قائد يخفض درجة حرارتك أليس أفضل ألف مرّة من قائد يرفع درجة حرارتك ويففض معنوياتك ما يخيفك من قيادة المرأة إن كان هذا با صديقي العزيز فهو الذي يجعلني أكثر إيمانا بقيادتها |
سلامات صديقي:
المشكله بالنسبة إلي بتنحصر بكونها غير مؤهلة لقيادة دول بحكم عدم إيماني بكونها قادرة على ضبط أمور كبيرة على مستوى دول.. هل تؤمن بإستطاعة المرأة على قيادة جيوش؟؟ هل برأيك الجيش رح يوثق بقرار قائد لإلو لايفقه شيئ عن المعارك والحروب... هل برأيك المرأه قادرة على اتخاذ قرارت قد تكون ببعض الأحيان تزهق الملايين من الأرواح دون تأثير عاطفتها سلباً أو إيجاباً؟؟ أنا هون ماعم قول شو الصح وشو الغلط... أنا هون عم حلل معطيات وعوامل واقعية. وصباح الخير مره تانيه :D |
اقتباس:
ويمكن نتفق او نختلف معك وصباح الورد مرة تانية |
اقتباس:
مين قال انو مابدي ناقش... شو كل هاد الحكي يلي فوق مو نقاش اسمو؟؟ والغريب انك مقتبسة رد لإلي كلو شرح لوجهة نظري ونقاش... ولعلمك طرح وجهات النظر وتحليلها هو أرقى نوع من أنواع النقاش... بقا مافهمت هو الفكرة بس انك تكتبي أي شي.. أو حابه تقولي شي ومالقيتي غير هالكلمتين. |
اقتباس:
|
اقتباس:
اول شي ... اذا نجي من منطلقك الاحصائي ... لازم نحسب كم حالة نجاح لكل امراة حاكمة ... . يعني انت تطلع 200 اسم قائد بسنة ... طالع لي كم واحد من ال 200 رئيس كان ناجح فعليا المجتمعات بالتاريخ مو بس كانت ذكورية و انما كانت طبقية طبقة الامراء و طبقة الرعاع تخيل شلون رح تقدر مرأة تقود بلد او تستلم منصب وزير بهكذا ظروف ... اقتباس:
هناك الرجل الاول و اللرجل الثاني و المنصب الثالث بالبلد يعني مو الا المرأة تكون رئيسة الجمهورية يعني ليش ما ممكن تكون رئيسة الوزراء او نائبة الرئيس ؟؟ او تشغل رئيسة برلمان .. وين المشكلة يعني ؟؟ كل انسان له شخصيته بالقيادة و بالادارة ..... و ما لها علاقة بجنسه بقدر اسلوبه و طريقة تعامله مع الامور يا حبيب تكوين الشخصية اكبر من العوامل الفيزيولوجية ... يعني كثير احيان نشوف زوجات تقود العائلة ....... لان شخصيتها اقوى من شخصية الزوج و هذا مو عيب اذا كان شخصيته ضعيفة ! و من ناحية الجيش ... ممكن تكون امرأة قائدة عسكرية ... و التاريخ ذكر لنا ملكات قادوا الحروب ... و انتصروا سلام :D |
انا امرأة....وافتخر... ولكن انا لا اعتقد انها تستطيع ان تحكم دولة.... وانما هي تنظم الخلية الاساسية في الدولة وهي الاسرة.... هي...لها القدرة الاكبر على التربية...وعلى التعليم... هو...له القدرة الاكبر على القيادة ....وعلى القتال.... هذا ليس انقاص من حقها....وانما هذا عبارة عن رؤيتي للواقع... واكرر.....انا امرأة وافتخر:D |
هيدا لما تطبق برنامج النقاط العشرة :
1-تبطل الروج والماكياج واكل الشوكولاته 2-تبطل الكعب العالي والعطور الباريسية والذهاب لصالون 3-تبطل تخاف من الفيران والصراصير 4-تلغي انوثتها بالكامل يعني لاتفكر باطفال وبيت واسرة 5-تبطل البكي كل ما حدن ضايقها 6-تترك عادة النظر للمرآة لاكتر من خمس مرات باليوم 7-ما تعتمد على جمالها وانوثتها في التفاوض الشخصي 8-تتحرر نهائيا من سلطة الاهل والزوج وتستقل ماديا عنهن. 9-تبطل الرقص في كل عرس لحدا بيقربلها من بعدي او قريب 10-ما تسخسخ وتغمى كل ماتوقف قدام بترينة محل صياغة ودهب. **اذا انطبقت هاي الشروط على انثى انا مستعد اجمع الها جيش عرمرم لتستلم ممكلة وانا حاجب عنده بالقصر |
على فكرة يعني الرد على كل الاسئلة والتساؤلات الي طرحتها حضرتك بهاي الموضوع جوابو اي
واذا كنت انت مو قادر تتخيل فما معناها انو مو موجود ومالازم تحاكم كل النساء على انهن متل بعض بس لانو المجتمع ذكوري وهوي فارض هالشي وبتوقع اذا رجعت لكتب قديمة متل يوم كان الرب انثى مثلا رح تلاقي انو وقتها ما كانو يتخيلو انو الزلمة يقدر يسلق بيضة وحدة او يعمل شي .... بس بما انو الزمن متغير ... فعادي نلاقي ناس ما بتثق بقدرة المراة من باب الجندر فقط ... وشغلة تانية انا قريت كل ردودك مو بس هيدا وانت نفسك قايل انا شايف هيك وانا راي هيك ... يعني الموضوع راي شخصي ... وبعتذر اذا كان انفهم اسلوبي اني عم هاجمك ولا بس لاني بدي اكتب كلمتين واطلع ولعلمك انا من النساء الي مو بس بثق بانو المراة فيها تعمل كلشي بدها ياه لا وانها هيي بهالشي الي هيي فيه عم تستغل الذكور وقدراتهن بشكل او بآخر .... طبعا هيدا بدو شرح كتير .... وآخر الشي بين انو حضرتك ما تقبلت حتى فكرة انو مرا تنقدك .... فكيف رح تقبل فكرة انو المرة تحكمك ... بس تكبر شوي رح تغير هالنظرة انا متأكدة |
اقتباس:
يكفي تقول : لما بتصير مثل كونداليزا رايس:p:p |
اقتباس:
اقتباس:
تاني شي مو زابطة هي قصة ماقبلت الحكي من مرا... لأنو مبدئياً مافي معرفة مسبقة بيناتنا لإتأكد انك انثى او لاء... بس بحب قلك انو عضويتك كصبية بأخوية خلتني كتير خفف من حدة الرد... لو كنتي شب كنت أخدت راحتي بالحكي أكتر... اقتباس:
ياهلا |
| الساعة بإيدك هلق يا سيدي 10:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون