أخوية - 'أنا من رفع صورة أبو عمار في المدرسة'

أخوية (http://www.akhawia.net/forum.php)

- منبــر أخويـــة الحــــــر (http://www.akhawia.net/forumdisplay.php?f=15)

- - 'أنا من رفع صورة أبو عمار في المدرسة' (http://www.akhawia.net/showthread.php?t=112852)

فلسطين رح تموت ...
فيني وبعلانية وبدون خجل قول " طز على فتح ووحدة متلها على حماس"
لإنهم رمز للقرف المطلق
فتح حفنة بورجوازية إمتصت دماء الشعب لاكثر من خمسة عشر عاما وكان في حينها أبو عمار قائدا للنهب بعد ماضي نضالي
وكان الإجتقان في الشارع
لفت الإحتقان نظر تلك الفئة الإسلامية " التي لا يختلف إقتصادها عن الإقتصاد الفتحاوي في شيء ففي الحالتين رأسمالية مقرفة" فإستمالت الشعب بوعي مزيف وكان ما كان
في البداية لا تلوموا حماس وجنودها بوعيهم المزيف بل لوموا أنفسكم على ما إقترفتموه من ذنب بحق الشعب الفلسطيني
تحياتي الحارة
ظل جيفارا

يا سيدتي ان الذين أوغلوا سفكا في دمائنا وشرفنا وعاثو قطعا وبترا في اوصال القضية الوطنية وأطراف شبابها

يريدون لو يكون العالم بأسره قتلة

يذكرونني بمصاصي الدماء وهل يقبل مصاص الدماء بأن يرى غيره غير نبلى بعلته لا وهكذا هي حماس مصاصة لدماء وتاريخ هذا الشعب ليست أكثر من شجرة عليق طفيلية تمتص خير هذا الشعب وتنسبه لنفسها كما تنسب الدين لشجرتها فساء الدين بها وسائت به

منبع حقدهم على فتح كونها سحبت كل القيادات الشبابية من الاخوان المسلمين امثال أبو جهاد وابو عمار
وأبقت الاخوان جماعة من "الطهابيب" وزادت احقادهم حتى أصببح الحقد دينهم وديدنهم

حركة حماس التي ما اشتركة في الانتفاضة الاولى الا خوف من ان تسحب حركة الجهاد الاسلامي شباب المجمع لحضنها وتبقى صومعاتهم فارغة الا من دروسهم الفارغة عن الحيض والنفاس فالتحقو في الانتفاضة على الرغم منهم وبدون اقتناع

اعتذر بداية صديقي ارسلان عن تأخري بالرد ...

لم لا ننظر للموضوع من وجهة نظر انسانية بحتة ؟ بغض النظر من الجاني ومن المجني عليه ... هو في النهاية طفل ... وليس من النبل ان يصفق عديمي الانسانية " برافو عليهم " كمن يحتفل بنصر مبين او فتح من الله قريب ... القصة لا يفهمها من فقدو انسانيتهم ... بغض النظر من هم ...
على الجانبين خطأ وانا لا ادافع ولا اقف في صف احد منهم ... ولكن لكل المتشدقين بعبارات الخيانة او التصفيق والتهليل بالنصر الرباني على براءة الطفولة ... ان يدركو ... انهم في قلاعهم العاجية .. في سوريا او في غيرها ... انهم لن يستطيعو ان يدركو او يعيشو ما يعيشه المواطن ... ولا يرى الحقيقة سوى من يعيشها ... والالعلام ابدا لم يكن في يوم من الايام حيادي ... يعني ما يصلكم من اخبار يصلكم بعد التنميق والتزويق وخلافو ...
يا سادة وليكن عرفات خائن جدلا ... يا من تتشدق ... قل لي ماذا قدمت انت ؟؟ من انت اصلا ؟؟ حتى تتكلم عن عرفات او غير عرفات ؟؟ (( من لا يعيش الواقع ، لا يحق له التحدث عن هذا الواقع ))

اليوم غزة بغض النظر عن طفولتها ... تحتفل كما احتفلتم بتكسير عظام طفل ... تحتفل بانضمام خمسين الف من شبابها لقائمة الادمان ... ترومان او غير تروماتن ... لا يختلف في كونه مخدرا ... الانسان البسيط هو الضحية دوما ... هو القمع الازلي اذا ؟ بالهروات مرة ؟ وبالمخدرات والترومان مرات اخرى ؟

نأتي لموضوع عباس ... والله من تابع وسمع خطاب عباس بدون افكار مسبقة عن الرجل ... سيعجب ويجل بل ويقدس الرجل ... لم اكن مناصر ا لفتح يوما ... ولكن بالصدفة اجبرتني جارتنا على الاستماع لخطابه ... واصفه بالخطاب التاريخي ... لانه كان خطابا وحدويا خالصا ... ينبع من باب المسؤولية الكاملة عن شعب ككل ولم يكن خطابا حركيا مفرغا كخطابات من خرج ليعلق على خطابه لاحقا ... ولا حاجة لفتح ابواب القذارات التي اعتدنا سماعها من مسؤولين هنا او هناك لم نعرف اسمائهم سوى بدماء ابناء غزة ...

الاتفاقيات الامنية ... بشوف ان في مبالغة استاذ مارسيلو ... بس لنحكي بفضفضة اكثر يعني وافتح الجعبة عن كل شيء ... هلا بس قامت الانتفاضة العبثية "الغبية" ما قامت ببرنامج ... ولا باستراتيجية ولا حتى بهدف معين ... انو بس هيك بدنا نعمل انتفاضة ... الفصائل كلها بلا استثناء ... اخذت الموضوع كنوع من التجارة ... ابعت انتحاري ... بيموت بنجيب على دمو مصاري من الخارج ... ولا داعي لتفاصيل اكثر ... تضليل الشباب تحت اسم الشرف الوطني الكاذب ... او الغيبيات اللا واقعية ...

قامت الانتفاضة ... كل عملية انتحارية بتسكر اسرائيل المعابر ... بيقعد عشرات الآلاف من العمال في بيوتهم ... يعني اغلب الشعب بيصير عاطل عن العمل ... وآخر مرة ... كانت من شي ثلاث سنوات ... وكانت الانتحارية ريم الرياشي حسب ما اذكر ... هالعملية البطولية ... ما بعرف شو اسميها بس باعرف انها انتحارية ... كانت نتيجتها مقتل منفذتها واصابة عمال فلسطينيين كانو يبحثو عن لقمة عيش لابنائهم ...

الاتفاقيات الامنية ... وان كنت قلت انك بالغت فيها ... هدفها حياة كريمة لاكثر من اربعين الف عامل وشوف كل واحد عن كم قطعة لحم صغيرة مسؤول ؟ ؟ ؟ اذا حماس ؟ اذا فتح ؟ إذا الله بيقدر يوفرلهم لقمة عيش ؟ يتفضل ... بس حسب معلوماتي ... ما حدا مدور على ربون ...

وهلا ما حدا يسوق علينا وينظرلنا شرف وطني ... وشرف مو وطني ... وغيرو من الكليشيها ت اللي عفينا ربها ... :pos: باعتقادي سقطت اكاذيب الثورة ... وسقطت اكاذيب خير امة اخرجت للناس ... وخيار امتي وفقوسها ... :o

موضوع الحقد التاريخي ... اممم بلا ما احكي وجهة نظري بالموضوع ... بس انو ناس بدها تغنى ... شوف شو مراكزهم هلا .. شو سياراتهم .. شو مواكبهم ... :oops: شو هجماتهم على الجامعات كل يوم والتاني ... يعني غزوات ربانية على جامعة الأزهر مرة ... على جامعة الأقصى مرة ... على جامعة القدس المفتوحة مرة ... يعني ما بيمر اسبوع بدون غزوة من هالغزوات ... ;) ويأتي متشدقون ليسوقو علينا الشرف الوطني ....

اخت الشرف الوطني لاخت الوطن الذي لا يقدم لي كرامتي وحريتي أولا .... على اخت المتفيهقين والضاحكين على جراحات طفل ...

تضرب فتح لتلحق حماس

وتستمر مهازلنا....

اقتباس:

كاتب النص الأصلي : مايسترو (مشاركة 1162247)

تضرب فتح لتلحق حماس

وتستمر مهازلنا....

ما عم اختلف معك بان كل شي عم بيصير هو اقل من مهزلة ... بس شو بدك تحكي عن ياللي بيتشمت بضرب طفل صغير ...

يعني يا شباب وين كنتو أول الشي أول الشي كنت لحالي بهالفكرة
يلي بتقول
الله يلعن حماس بعد و قبل فتح يعني بقلب بعض
خليتوني أفقد الأمل انو في ناس بستخدم العقل هالأيام
بس هلأ مشي الحال
و عادت الفسحة
دمتم:D

اقتباس:

كاتب النص الأصلي : stormsmaker (مشاركة 1162425)

يعني يا شباب وين كنتو أول الشي أول الشي كنت لحالي بهالفكرة

يلي بتقول
الله يلعن حماس بعد و قبل فتح يعني بقلب بعض
خليتوني أفقد الأمل انو في ناس بستخدم العقل هالأيام
بس هلأ مشي الحال
و عادت الفسحة

دمتم:D

الأمل موجود طالما لسا في ناس بتقدر تشوف من بعيد شوي
تحياتي الحارة
ظل جيفارا

الاخ المتشائل أحترم وجودك دوما رغم افتقادي لعقلك المتزن بين ذاك الضجيج.
جُل المداخلين تدخلو مدفوعين بحقدٍ مسبق جعلهم يحللون دماء الطفولة وقتلها لمجرد انها حبها الطفولي لقائد ربما مات ذاك القائد قبل أن يبلغ الطفل الحٌلم لكن البعض ينسى بأن مجتمعنا يُرضع اطفاله مفاهيم سياسية قبل ارضاعه حليب أمه
يتبع

و لا شي لانو تعودت عالمهازل

وخدي تعود عاللطم

كلما تصفحت واقعنا السياسي واستمعت لإنبيائه الجُدد أصاب بالغثيان
وانها لمن هزلية القدر أن يبتلينا الله بانبياء مرتدين
وانها لمن المهزلة أيضا أن نُعذب ونُشبح ونُسلخ
في سبيل هديهم وارشادهم وتصويب طريقهم
ووالله انها لمهزلة

وتستمر المهازل

مليشا حماس تختطف طالبة مدرسة وتصف الرئيس الراحل عرفات بالكافر وان الله لم يقبل توبته

غزة –فلسطين برس- في ذكرى رحيل الرئيس الراحل ياسر عرفات ، الطالبة ليلى الحلو .. الصف العاشر المدرسة : الرملة العليا . قامت هذه الفتاة بإلقاء كلمة رثاء في الإذاعة المدرسية يوم الثلاثاء الموافق 11/11/2008 بمناسبة ذكرى استشهاد أبو عمار .

بعد العودة من المدرسة وفي تمام الساعة الثالثة من عصر نفس اليوم قامت مجموعة من ما يسمى ( الشرطة النسائية ) التابعة لميشيا حماس باقتحام منزل المذكورة وقاموا باعتقالها ( في الوقت الذي كان والدها – ولي أمرها خارج البيت)
.
وقام نساء حماس باقتحام المنزل بسحب الفتاة وجرها امام اعين الناس بتعصيب عينيها وأقتادوها الى مركز مليشيا حماس "العباس".

وتفيد مصادر من قطاع غزة أن الفتاة .. بعد اطلاق سراحها قالت :"انها شاهدت في هذا المركز وسمعت اصوات العديد من البنات والنساء اللواتي يتعرضن للضرب والتعذيب على يد حماس .

وأضافت مصادر في غزة أن مليشيا حماس قاموا بالتحقيق مع الطالبة حول الكلمة التي ألقتها في المدرسة ومن كتبها واتهموها في أخلاقها... وقالو لها ان الشخص الذي قمت برثائه ( ابو عمار) شخص كافر ولم يسلم الا قبل وفاته بشهر واحد فقط وان الله لم يقبل توبته .

اوضحت المصادر:" عندما حاولت الرد عليهم أوسعوها ضربا ، وقاموا بشتم الرئيس أبو مازن والقيادة الموجودة في رام الله بألفاظ غير أخلاقيه علي الإطلاق .

اقتباس:

كاتب النص الأصلي : Marcello (مشاركة 1161659)

يعني صاحب هالقصة تبع الصورة خيالو واسع جدا و فاشل بنفس الوقت .. ما بعرف ليش هيك حسيت اني بتفرج على فيلم متل ماتريكس او 300 و حسيت في انميشن كتير بالموضوع

عموما

كل المسبات و الشتائم على هالشخص ياسر عرفات بتصور انو ما الها داعي .. ولا يلجأ الى السباب و الشتائم الا ساقط الحجة ... انا حابب رد بشوية اقتباسات و بترك للرفاق و الرفيقات و الأخوة و الأخوات و الزملاء و الزميلات و كل أصحاب الألقاب الحزبية و المهنية و النقابية و بيشملهون التافهين و التفاهات ان وجدوا

بحب ابدأ بشوية تصريحات و مقابلات لشخصيات بالسلطة الفلسطينية الحالية

أولا: اللواء ذياب العلي( ابو الفتح ) << هيك بينادولو.. قائد الأمن الوطني في السلطة الفلسطينية

بيقول العينتين بلقاء مع صحفي اسرائيل وزنو كبير( و ما بتكبر الا المزبلة بعيد عن السامعين و القاريين سوا ) اسمو ناحوم برنياع و نشر هاللقاء بجريدة يدعوت احرنوت الاسرائيلية بتاريخ 19\9\2ليس هناك خصام بيننا، لدينا عدو مشترك... أنا سأفعل كل ما أستطيعه لكي أمنع العمليات، أنتم تدركون أننا أفضل من السابق، وأنتم تمدحون ذلك. بفضل عملياتنا أصبحتم أقل حاجة لقواتكم".

بيرد الصحفي الاسرئيلي معلقا على اللي سمعو_ لانو شي بيخلي الواحد يعلئ و يطبئ و يلف يبرئ كمان_ قائلا :-

"لم أسمع بمثل هذا الاستعداد المفرط للعمل مع إسرائيل من القيادة الفلسطينية في أية مرة من المرات باستثناء فترة قصيرة في ربيع 1996 عندما لوحت إسرائيل لعرفات بأن إرهاب الانتحاريين سيؤدي إلى إبعاده. جبريل الرجوب وأتباعه قضوا على مخربي حماس فوق تلة بيتونيا. في شهرين إلى ثلاثة انتهت الحكاية".

ثانيا :- رئيس الاستخبارات العسكرية مجيد فراج <<< هالحباب متحمس أكتر شوي من اللواء اللي قبلو

شو بيقول صاحبنا :- "قررنا خوض الصراع حتى النهاية، قررنا وضع مشاكلنا على الطاولة. كل شيء علني وظاهر، وأنا أقول لكم، لن يكون هناك أي حوار معهم، فمن يريد قتلك عليك أن تبكّر بقتله". ويضيف "أنتم توصلتم إلى هدنة معهم، أما نحن فلا. توخيا للصدق أقول إننا تصرفنا بصورة مغايرة في الماضي. الآن نقوم بتولي أمر كل مؤسسة حمساوية ترسلون اسمها إلينا. أعطيتمونا في الآونة الأخيرة أسماء 64 مؤسسة، وقد انتهينا من معالجة 50 منها. بعض هذه المؤسسات أغلقت، والبعض الآخر استبدلنا إدارتها. كما وضعنا أيدينا على أموالهم (إسرائيل حولت للسلطة 150 حسابا بنكيا يشتبه بعلاقاتها بالتنظيمات الإرهابية. السلطة أغلقت 300 حساب)".

بعد اللي ورد بجريدة يديعوت احرنوت مننتقل للقاء مع اللواء ذياب العلي بجريدة القدس العربي و منشور بتاريخ 9\10\2008 و عمل هاللقاء صحفي اسمو زهير أندراوس،

بيقول اللواء : "نحن قمنا بأول انتفاضة، وقمنا بالانتفاضة الثانية، وماذا جلبنا؟ جلبنا الويل للشعب الفلسطيني والمصائب. الأكثرية الساحقة من الفلسطينيين لا يعرفون ما هو سبب قرار إسرائيل بالانسحاب من غزة". والسبب باختصار، حسب رأيه، هو الخوف من أغلبية فلسطينية بين البحر والنهر تضطر إسرائيل بضغط العالم إلى إجراء انتخابات مثل جنوب أفريقيا

ورده على سؤال المراسل حول فوز حماس ديمقراطيا، والذي قال فيه "إن النمسا انتخب فيها الرئيس ديمقراطيا، وعندما قال العالم إنه لا يريده قدّم استقالته لأنه فضّل مصلحة الشعب على مصلحته. الشعب انتخبه، وأنا أسأل من قال إن العالم قابل بحركة حماس؟". ومن ثم نشير إلى رفضه دخول حماس في منظمة التحرير بقوله "حماس ليست جزءا من المنظمة ولن تكون" والسبب برأيه أن "الوضع الدولي غير مناسب" لذلك

موقفه من المقاومة والكفاح المسلح، ومن ثم التعاون الأمني ومهمة قواته <<< هالمقاومة و الكفاح المسلح موضوع كتير كبير و مهم و هاد الموضوع اللي بيهمني انا marcello شخصيا اذا كان الي موقع من الاعراب او الوجود

عموما منحكي موقف اللواء من هالموضوع :-

"نحن ضد إطلاق النار على الإسرائيليين، وضد العمل التفجيري وضد الانتحاريين ونريد الأمن في البلد، نحن لسنا جواسيس، نحن أعلنا عن ذلك وهذه سياسة عامة، والأخ الرئيس يجتمع كل يوم في القدس مع إيهود أولمرت، ونحن نجتمع إلى قيادة الجيش الإسرائيلي، ليس سرا. نحن أعلنا أننا نريد الضفة الغربية وقطاع غزة دولة، وفي هذه الدولة ممنوع إطلاق النار وأعمال الولدنة. التعاون مع الأميركيين والإسرائيليين ليس أمرا اكتشف بالسر. مع من تريد أن أنسق؟ إن الاحتلال موجود في أرضي، وكيف سأحمي شعبي، هذه هي الطريقة الوحيدة، جربنا جميع الطرق ولم ننجح، وأنا أقول لك بصريح العبارة: الكفاح المسلح ليس من خياراتي، والشعب الفلسطيني يعرف ذلك، وأقصد الجميع بما في ذلك حماس، لأنّ الكفاح المسلح أنتج قتلة ومجموعة من الصبيان، كل من اختار الكفاح المسلح استشهد، أما المجموعة التي بقيت فلا أعلم إلى أين ذاهبة".

طبعا هالأشخاص اللي أوردنا كلامهون يعتبرو وريثين ياسر عرفات السياسيين ( علما انو ياسر عرفات ما فرط بالمقاومة )

بحب حط رأي لكاتب فلسطيني اسمو ياسر الزعاترة و بشوف انو موضوعي نوعا ما حتى لو كان هالكاتب ضد السلطة ( و انا شخصيا ما بعرف مين صفي مو ضد السلطة الفلسطينية على المستوى الشعبي لانو اللي بيعرف الفتحاوية منيح اكيد لازم يعرف انو لو ستين فصيل متل حماس ما بيقدرو يعملو اللي عملو بالسلطة الفلسطينية بغزة لو كانو هالفتحاوية فعلا مع هالسلطة الفلسطينية .. حتى فتح منقسمة على نفسها ( فتح السلطة و فتح ابو اللطف اللي هني جماعة فاروق القدومي رئيس حركة فتح و مقيم بسوريا حاليا و بالمناسبة فاروق القدومي مثلو الأعلى عرفات بالرغم من اعتراضو على اتفاقات اوسلو )

منرجع للكاتب ياسر الزعاترة اللي بيقول بمقال منشور على الجزيرة نت :-

هذه المواقف ليس فريدة، بل هي تعبير عن السياسات العامة التي تتبناها المجموعة التي ورثت ياسر عرفات وتدير السلطة هذه الأيام، فهي عارضت المقاومة المسلحة واعتبرتها لونا من العبث، حتى عندما أجمع الشعب الفلسطيني كله عليها خلال انتفاضة الأقصى، بل إن الرئيس الفلسطيني (محمود عباس) لا يتورع عن ترديد مقولاته حول هذه القضية مكررا أنه يتحدث عن البرنامج الذي انتخب على أساسه، الأمر الذي لا يبدو صحيحا بحال، لأنه انتخب بوصفه مرشح حركة فتح، في غياب مرشح قوي آخر، ولو رشحت فتح شخصا آخر يؤمن بالمقاومة لكانت نتيجته أفضل بكثير. ونتذكر في هذا السياق كيف اضطرت السلطة من أجل رفع نسبة المقترعين إلى قبول بطاقة الهوية بدل بطاقة الانتخاب، فضلاً عن تمديد مهلة التصويت من أجل تأمين فوز معقول له.

ثالثا:- ابو مازن ( محمود عباس ) بيقول اخونا بحوار منشور بجريدة الحياة :- "مجريات الانتفاضة دمرتنا، ونحن لسنا مستعدين أن نُدمّر مرة أخرى. يعني دمرت كل البنية التحتية التي بنيت ليس فقط أيام السلطة، بل قبلها. ولسنا على استعداد للعودة مرة أخرى". ثم أوضح مساره السياسي قائلاً "همنا الأساسي في الضفة الغربية يتركز على أمرين: الأول هو استتباب الأمن، واعتقد أن الأمن مستتب بنسبة أكثر من 90% في الضفة. والأمر الثاني هو التطوير الاقتصادي" <<< ركزولي على موضوع التطوير الاقتصادي ( على اساس انو رجعت الدولة و الأمور متل اللوز و القشة معدن و عم يطالعو مصاريفهون الجماعة و الدولة الها ميزانية محترمة و متفقين على كل شي حتى على لون البرادي متفقين و ما صفيان الا تلبيس المحابس و قراية الفاتحة و كتب الكتاب )

برجع لمقال الكاتب الفلسطيني ياسر الزعاترة اللي بيقول فيه :- هذا الهجاء لخيار المقاومة كما يتردد على لسان قادة السلطة الأمنيين والسياسيين، يشكل إهانة للشعب الفلسطيني وشهدائه وأسراه، فضلاً عما ينطوي عليه من منطق بائس. ولعل أي عاقل يسأل: هل ثمة محتل يرشق الشعب الذي يقاومه بالورود، أم أن الوضع الطبيعي هو أن تكثر المعاناة والتضحيات مع تصاعد المقاومة؟! أما القول إن أهل الكفاح المسلح قد استشهدوا، فتلك إهانة أخرى، لأن الشعوب الحرة لا ينضب معينها من الأبطال والشرفاء، في ذات الوقت الذي يتوفر فيه القتلة والصبيان في كل مرحلة.

تمنحنا المواقف المشار إليها لمحة بالغة الأهمية عن نمط التفكير لدى هؤلاء، ومن ثم المسار السياسي الذي يتبنونه، ما يعكس طبيعة السلطة القائمة وخياراتها السياسية التي لا تعدو أن تكون القبول بما هو متوفر، مع السعي إلى تحسينه ما أمكن من دون أية أدوات ضغط، اللهم سوى استجداء الدعم الدولي. وهو ذاته مسار خريطة الطريق الذي ينبذ المقاومة ويكرس سلطة الأمن والمعونات (الأمن للإسرائيليين والمعونات للسلطة).

في المقابل يشير ذلك إلى بؤس القرار السياسي الذي اتخذته حماس بالمشاركة في ديمقراطية صيغت لخدمة الاحتلال، وفي سلطة مصممة لخدمته أيضا، رغم قناعتنا بأنه اجتهاد سياسي، مع العلم أن بؤس القرار لم يكن ليتغير لو جاءت النتيجة مغايرة وحصلت حركة فتح وحلفاؤها على الغالبية.

من المهم هنا التذكير بسيرة الديمقراطية الفلسطينية العتيدة تحت الاحتلال، إذ فاز الرئيس الفلسطيني الراحل بانتخابات حرة ونزيهة، ومعه مجلس تشريعي هيمنت عليه فتح عام 96 (حماس قاطعت) وكان هناك قانون للسلطة، وافق عليه الإسرائيليون والأميركان وسائر المانحين، ومضى كل شيء على ما يرام حتى جاء الرفض الفلسطيني لعرض كامب ديفد صيف العام 2000، وصولا إلى انتفاضة الأقصى.
بعد اجتياح الضفة الغربية ربيع العام 2002 وحصار عرفات، بدأت عملية الانقلاب على الديمقراطية العتيدة، وصار على السلطة أن تعيد هيكلة نفسها على أساس يحجّم صلاحيات الرئيس المنتخب (عارضوا الانتخابات الجديدة كيلا يحصل عرفات على مزيد من الشرعية). وقد أقرّ شيء من ذلك بالفعل على أمل تخفيف الحصار، ووصل الأمر حد محاولة أبطال المرحلة الجديدة بالانقلاب عسكريا على الرئيس، بينما كان أبو مازن قد قاطعه نهائيا ولم يعد إليه إلا وهو على فراش الموت.
خلاصة القول هي أننا إزاء ديمقراطية إما أن تكون على مقاس الاحتلال وداعميه أو لا تكون، والسبب هو أن تصميم السلطة قائم على هذه المعادلة، ولا يمكن للمحتلين أن يقبلوا بحال تحوّلها إلى عبء عليهم، وإذا ما وقع ذلك في لحظة ما، فالاجتياح والعزل والحصار هو الرد؛ كما وقع عندما تسامحت قيادتها مع خيار المقاومة أثناء انتفاضة الأقصى، وكما وقع من جديد عندما فازت حماس، بينما عاد الوضع إلى سيرته شيئا ما في الضفة الغربية عندما تحكمت بالسلطة تلك القوى الأمينة على مسارها كسلطة أمن ومعونات، بينما تواصل التفاوض من دون سقف زمني، ومن دون التلويح بخيار المقاومة، فضلا عن التسامح معه أو تبنيه.
كل ذلك يثبت عبثية الديمقراطية تحت الاحتلال وفي ظل تحكّمه بكل شيء، وبالتالي عبثية اعتبار الانتخابات حلا لمشكلة الانقسام، هي التي ينبغي أن تخدم الاحتلال، وليس الشعب الفلسطيني.
لقد مللنا القول إننا إزاء سلطة صممت لخدمة الاحتلال (أمنيا وسياسياً واقتصادياً) وليس لخدمة الشعب الفلسطيني، حتى لو انطوى وجودها على بعض المكاسب، وبالتالي فإن حلّها هو الحل، وأقله تحويلها إلى سلطة مقاومة بصرف النظر عن رد فعل الاحتلال، وليس الذهاب إلى انتخابات مبكرة أو غير مبكرة، لأنها انتخابات إما أن تفضي إلى نتائج تكرس السلطة بطبعتها الحالية في الضفة الغربية، وإما أن يتواصل الحصار وتستمر الأزمة.

أما حماس، فعليها الخروج من روحية الهيمنة على قطاع غزة على حساب القضية برمتها، وإلا فإن الموقف الشعبي والعربي والإسلامي منها سيتغير، لاسيما أن بقاءها أسيرة هذا التفكير سيعني هدنة دائمة يريدها الاحتلال، مع نسيان القضية المركزية أو تركها لمسار خريطة الطريق العبثي.
لقد آن أن تعترف قيادة حماس بخطأ المشاركة في انتخابات سلطة أوسلو، ومن تشكيل الحكومة، وبعد ذلك الحسم العسكري، أقله في دوائرها الداخلية، وإذا لم تفعل فستواصل مسلسل الأخطاء الناتج عن حشر الذات في قطاع غزة واعتباره خاتمة المطاف، أقله بلسان الحال، وإن قيل غير ذلك بلسان المقال (هناك من يعتبرون ما جرى إنجازا، وشخصيا أقسم أنني أدعو الله من كل قلبي أن يكون كذلك، وأن يثبت صحة اجتهادهم وخطأ التحليل الذي تبنيناه) وهو مسلسل أفضى إلى نسيان القضية الحقيقية التي تأسست الحركة لأجلها، والهدف الذي من أجله دفعت أروع الشهداء وأعظم الضحيات التي توجتها سيدة لسائر الحركات الإسلامية بلا منازع طوال ما يزيد على عقد ونصف العقد من السنوات

أما أولئك الذين تابعنا بعض مواقفهم ورؤاهم، فنحن لم ننتظر منهم غير ذلك، ولطالما تمنينا لو تركوا يطبقون رؤيتهم المعروفة النتيجة، وذلك حتى يصلوا الجدار المسدود وينقلب الشعب عليهم، ويعيد القيادة إلى من يستحقونها من الأوفياء لخيار المقاومة؛ القابضين على جمر فلسطين، كل فلسطين، من البحر إلى النهر

و اخيرا على زمن ابو عمار ما حصل فتنة ولا اقتتال بالرغم من اختلاف الفصائل معو و مع انو أخطأ اخطاء كبيرة كتير و خصوصا اتفاقات اوسلو الا انو ما كان في تفريط بموضوع المقاومة .. و هالموضوع ما كان انو في كاريزما عند ياسر عرفات ( هو مو جورج كلوني ولا توم كروز ) ببعض الاحيان بيكون في تهدئة مع الابقاء على خيار المقاومة ... بيستحق انو نوصفو بالشهيد بدال ما نسبو ..( المشكلة انو الولاء صار للحزب مو للأرض و الانتماء للفصيل مو لفلسطين وكأنو نحنا انخلقنا منشان نتعلئ بالرموز و ننسى انو في ارض و محترفين نحنا بموضوع الاختزال .. منختزل مسيرة ثورة و كفاح و نضال و سمي مسميات قد ما بدك منختزلها بشخص او بحزب او بفصيل معين ) و قيمونا من هالخيالات و التخيلات و المسبات

أخونا فلسطيني؟!
:D

اقتباس:

كاتب النص الأصلي : المتشائل (مشاركة 1162387)

ما عم اختلف معك بان كل شي عم بيصير هو اقل من مهزلة ... بس شو بدك تحكي عن ياللي بيتشمت بضرب طفل صغير ...

شفت الضرب أنتا بعينك؟!
شفت صورة مثلاً؟!
كاتب الموضوع يستقي أخباره من مصدر مشبوه ومحط سخرية لناشطي الإنترنت!لدينا زميلة و أقسم على ذلك، كانت تكتب الخبر وترسله لهذا الموقع المشبوه، بعد ساعة كنا نقرأ الخبر على صفحة الموقع منشور بصيغة عاجل جائنا من غزة!من الطرائف التي أذكرها، أنها كتبت ذات مرة، مليشيات حماس الظلامية تعتقل عضو قيادة إقليم حركة فتح في خانيونس الأخ "خليل شعت":lol:تاني يوم حذفوا الخبر البهايم بعد ما عرفوا مين خليل شعت :cry:ومرة أرسلت خبر لهم عن إستشهاد أحد قادة كتائب شهداء الأقصى أثناء التحقيق معه عند مليشيات حماس!بعد كم ساعة حذفوا الخبر لما عرفوا أنو الشخص المقصود متوفي من عدة سنوات وهو رجل كبير بالسن:cry:الفضايح هاي موثقة صوت وصورة ، راح أحاول أجيب جزء منها للترفيه وحتى ما نشد على حالنا كتير :sick:

صحيح، الكوفية برس ليش انقسمت نصفين وصار كوفية ما بعرف شو و كوفية ما بعرف شو؟!:larg:

اقتباس:

كاتب النص الأصلي : ارسلان (مشاركة 1162941)

سبحان الله،، :lol:
الشخص اللي بيكتب هاي الأخبار إما غضيب والدين وإما بيكتب الخبر قبل أن يغتسل من الجنابة :sly:
لازم يكون في نكشة بالخبر تفضح ولاياه . :sick:

يا صاحب الألب الرووهيف::hart:
أتحدى ثم أتحدى ثم أتحدى ثم أتحدى ومن على هذا المنبر أن يكون في مركز شرطة العباس قسم للشرطة النسائية! :sly:
وأقبل بأن يذهب أحد الأعضاء "بس يكون محايد" من الذين يسكنون غزة و يتأكد من الأمر. :jakoush:
الشرطة النسائية موجودة يا شطور فقط في مقر الإدارة العامة "الجوازات" :?

اقتباس:

كاتب النص الأصلي : Marcello (مشاركة 1161659)

متع ناظريك :sick:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

اقتباس:

كاتب النص الأصلي : ظل جيفارا (مشاركة 1161937)

لفت الإحتقان نظر تلك الفئة الإسلامية " التي لا يختلف إقتصادها عن الإقتصاد الفتحاوي في شيء ففي الحالتين رأسمالية مقرفة" فإستمالت الشعب بوعي مزيف وكان ما كان

اها يعني لو كانت حماس تتبع النظام الاشتراكي في اقتصادها وصار فيها نفس اللي بصير هالاء ...ياترى رح تعلق عليها بنفس التعليق هاد!؟

-------------

اقتباس:

كاتب النص الأصلي : ارسلان (مشاركة 1161940)

وهكذا هي حماس مصاصة لدماء وتاريخ هذا الشعب ليست أكثر من شجرة عليق طفيلية تمتص خير هذا الشعب وتنسبه لنفسها كما تنسب الدين لشجرتها فساء الدين بها وسائت به

ياراجل حماس ماصارلها سنتين بالحكم ..وهي ماحكمت شي اصلا ..ستلمت الخزينة متل جيبة الشحاد (بكون قالبها لبرى ) ..وقبل ما تاخد كراسي الشتريعي شكل ط××هم للنواب تبعون حماس كانت اسرائيل لاممتهم باتفاق مع عبوس !..ونقلب عليها الساقطون(بالمعنيين)في الانتخابات فزاد ذلك من عمالتهم للاحتلال فاصبحو عدوا اخر لحماس .....اغلق في وجهها كل طريق يدخل عليها المال او العلاقات الخارجية مع دول العالم لكي لا تقوم لها قائمة حتى وصل الاغلاق للقمة الخبز متل ماعم يصير في غزة (والهدف منو جعل الناس يكرهون حماس) ...فشو بدها حماس تمص لتمص بدهم هالشعب يلي اصلا مافي دم شنو فتح صرلها بتمصمص فيه(بالمعنيين مص1-دم الشعب 2- أ×× اسرائيل وامريكا ) 15 عاما ولسا ما شبعت مصمصة

ويلي مص التاريخ وسرقوا هو منظمة التحرير بدئا بسرقة الكوفية ...وانتهاء بسرقة اموال الشعب نفسه ...ولسا فلم السرقة ماشي ... ضرايب ومكوس ومقاصات وفواتير على البضائع يلي بتفوت من المعابر للضفه وال كأنو نحنا عايشين بدولة فلسطينية مستكله طز بهيك دولة عهر :frown:

اما مشان الدين ...عهوى كلامك معناتها الدين صار فارط (هات تنبطل عنو شنو صار سيء بنظرك).يا معلم الدين ليس حركة حماس ولا حماس هي الدين ..
انا مش فاهم كيف بتفكروا ...حزب الله مقاوم للاحتلال (بيعجبكوا)وهو شيعي وبتجوا بتبلشو نتف ريش بالشيعة اللي عكلامو ا هم طامعين في المنطئه _وحزب الله حركة اسلامية
حماس مقاومة للاحتلال (مابتعجبكوا)وهي من السنة وبتجو نتف ريش فيها وبتقولو عنها شيعة او هي يد الشيعه في المنطئه _وحماس كما تقول حركة اسلامية
الجوز حركات اسلامية وخليهم مسيئين للدين وما بيتبعوه بشكل صح لنمشي عفرضيتك بحماس .. ماعلينا ...بس من انتم يا فتاتيح ل حتى تتكلموا وتقفوا وقفة الحريص على الدين يامن تتبعون العلمانية المخالفة لهذا الدين الذي تتكلمون عنه !!

اقتباس:

حركة حماس التي ما اشتركة في الانتفاضة الاولى الا خوف

هه طيب يا عزيزي هي الانتفاضة التانية (مابعرف ازا لسا شغاله او وقفت في ظل فرض الامن تبع عباس بالضفة) ورجونا المقاومة الفتحاوية ، أوشو بتسمي توقف حركة فتح عن المشاركة فيها للانتفاضة التانية عندما بدأ شبيحة فتح تسليم اسلحتهم من مده !!(يمكن وقوفهم ماكان الا صمود في وجه العدو وليس خوفا منه !

عزيزي وائل 76... أعزائي أجمعين

تحيّة وبعد.

أنا لستُ فلسطينياً لكني أذكر عندما كنتُ طالباً في الابتدائيّة كيف كنتُ أقدّم دفتراً وقلماً وممحاةً ومبراة بالإضافة إلى ليرة سورية واحدة من أجلِ طالبٍ فلسطينيّ... وما زالت هذه الذكريات عندي تولّد تعاطفاً مع أهل فلسطين وحنيناً إلى وطنهم المفقود!

يؤسفني أنّكم تمزّقون بعضكم بهذا الشّكل... يؤسفني جداً!
وبغضّ النظر عن صحّة مواقفك أنت أم مواقف أرسلان وكل من في طرفيكما... هذا لا يفيد شيئاً الآن بعدما باعَ كلا الطرفين وطنهما بقليلٍ من الدولارات والأهواء الدينيّة والسياسيّة والمناصب والكراسي وكثير من أوهام هذا العالم!

ليس عندي ما أضيفه على ردودِكم إلا قول الشّاعر:

وظلمُ ذوي القربى أشدّ مضاضةً ..... عليّ من وقعِ الحسامِ المهنّدِ

ولتحيا فلسطين المجروحة الممزقة بأنياب أبنائها وخناجرِ عشّاقها.

:D.

اقتباس:

يا سادة وليكن عرفات خائن جدلا ... يا من تتشدق ... قل لي ماذا قدمت انت ؟؟ من انت اصلا ؟؟ حتى تتكلم عن عرفات او غير عرفات ؟؟ (( من لا يعيش الواقع ، لا يحق له التحدث عن هذا الواقع ))

الم يكن واقعكم أفضل بظل الانتفاضة الأولى وقبل أوسلو ! على الاقل كانت اسرائيل المسؤلة عن كل مايحصل والعدو واحد والأن من عدوكم ؟

ويحق لنا التحدث على عرفات وغيره أياً كان ولا تسأل مواطن ماقدم.. قدم لي ما قدم لعرفات حينها ثم حاسب

1- عرفات ومنظمة التحرير هم كانو السبب (إ لاقلة) بما حصل بأيلول الاسود وقدمت للأردن الذريعة لما حصل والنتيجة كارثة على الشعب الفلسطيني

2- كم معركة خاضة فتح ضد الفصائل الفلسطينية في لبنان !

3- كم معركة خاضتم ضد المسيحيين في لبنان !

4- كم معركة جرت بين حركة أمل وفتح !

5- ياسر عرفات هوي الذي أيد صدام حسين بغزوة للكويت وشو كانت النتيجة طرد عشرات الالوف من الفلسطينين ، قطع المساعدات عن المنظمة وعن الشعب الفلسطيني ... مابيعرف يوقف على الحياد ولا صعبة !

بالنسبة لانسان غبي متلي سمحلي قلك هي مو ثورة .. كل القتلى الاسرائيليين بما فيهم حرب تموز الاخيرة وصلو لــ1600 قتيل أما ملفات منظمة التحرير عن حروب المخيمات يعبر عن مدى الانفشاخ الثوري والحس الوطني وكرامة الانسان الفلسطيني ..

راجعو تاريخكم وشوفو كم فلسطيني قتل على يد الفلسطيني ، وكذالك كم عربي قتل على يد هذة الثورة !

التخوين بين بعضكم هوي عادة اصيلة فيكم الكراهيه لخصومكم السياسيين متجذرة بنفوس كل الفصائل

وبالنسبة للحكمة والخيار السلمي وعلى سيرة الوطن نشالله عشر سنوات بظل المفاوضات مالح تلاقو شي اسمو الضفة الغربية أو القدس ويلي بعيش بيشوف

القضية صارة مسخرة بوجود جيل بدو يعيش ويفرفش ال وطن ال صدقاً مابتستاهلو لانكم لح دبحو بعض على السلطة .

اقتباس:

على اخت المتفيهقين والضاحكين على جراحات طفل ...

لو كان الخبر جايه من البي بي سي مو من حقك تسبنا

بتريد سب اختك ؟