اها .. لا انا اخد ببالي جزر هاواي وهديك المناطق برد قرصان :lol:
بس لما شفت رد ياس عرفت انو شي متعلق بمناطق سورية بما انو هوي من منطقة سورية

-----------

طيب ادا الرقة ودير الزور جزراويين .. ليه بيجاكرو بعض بالمقلاية :p

مين؟! ريم! لك شو جابك بين الحلبيّة؟ جايبة سكور أدّي يعني شاطرة وبري عليكِ :lol:.
شفتِ اشقد أنا متواضع لدرجة الانسحاق!


زيروكولد معنا... يا أهلا وميت السلامة بهالقامة!
لا تزعلي كتير أكيد أنت الوحيدة الصادقة والشباب كل واحد زودلوا علامة أو تنين :p.


حمصي بس نصك حلبي بحكم العلامات!


اعذرني خاي واللهِ ما شفتو وإذا مكرر فخلي الشباب الطيبة يكبوه بالزبالة!
أصلاً أنت طلعت الأخير 6 يا عيب الشوم عليك وأنا اللي بفتخر فيك قال :pos:.


طيّب هاد امتحان لأهل اللاذقيّة:
بحسب كتب التاريخ في 2 "لاذقيّة" في العالم، وحدة عنا بسوريّة والتانية وين؟!
السؤال التاني: اذكر الرواية الأولى اللي كتبها اللاذقاني حنا مينه!
التالت: كتب حنا مينه حياتو ضمن روايتين شو هنّ؟!


الجزيرة مصطلح جغرافي لهضبة صحراويّة تقع بين نهري دجلة والفرات. سكنها السريان أولاً فالأكراد، وأتتها العشائر العربيّة وسكنتها ديار ربيعة في شرقها، وديار مُضر في غربها، وديار بكر في الشّمال. فتحها عيّاض ابن غنم 639- 641. كانت مناطقها تتوزّع بين العراق وتركيّا وسورية (اليوم). إلا أنّها حديثاً أصبحت مصطلحاً جغرافياً للمنطقة الشمالية الشرقيّة من سورية: محافظة الحسكة كاملةً وأجزاء من محافظتي الرقّة ودير الزور. (يعني نحن الأصل :p).
بالنسبة للمجاكرة ففي عداوة تاريخيّة بين هالمحافظات الثلاث!
محافظة الحسكة خليط كبير من الأديان والمذاهب والأقوام والعشائر: الأكراد والعرب والسريان والكلدان والآشوريون والأرمن والدروز والإيزيد والجركس... إلخ. عدا أهل المحافظات الأخرى يللي عاملين تجمعات خاصة بكل بلد!!!
محافظة دير الزور فغالبيتا عشائر عربيّة لكن بيعتبروا حالهن أهل مدينة وبيذموا أهل الرقة يللي هن كمان عشائر عربيّة بس معتبرين من قبل أهل المحافظتين لسّاتن ريفيّين!

scori ana 15..
lool bs ma kanet mama janbi

لعما .. افرنجية .. طلعت بندورة .. كنت رح حطا سيارة ..

سوس ما رح كمل بالاختبار مفهومة النتيجة :p

لك كملي كملي :p لأن بس تخلصي بيقولولك النتيجة الصح وهيك بتتعلمي
بس على فكرة مصطلح ر"اس بعب" يلي بعرفو بيعني أنو بالزور جاب نتيجة أو حقق مرادو ...يادوب يعني :?
بس مدري ليش بين الاختيارات الموجودة ما كان في هيك شي فشلفناها بوقتا شلف وطلع غلط :pos:

ههه لا ما رح كمل .. ادا هي يللي معناها بندورة فكرناها سيارة .. بعدين شو :lol:

* انتي مانك حلبية 100% .. قلتلك ياها .. من شوي ولو :p

اقتباس:

إلا أنّها حديثاً أصبحت مصطلحاً جغرافياً للمنطقة الشمالية الشرقيّة من سورية: محافظة الحسكة كاملةً وأجزاء من محافظتي الرقّة ودير الزور. (يعني نحن الأصل :p).

والقامشلي ؟ ساندرا قالت كمان القامشلي .. انا واثقة بـ سوس :p


بيعتبروا؟ يعني هني بالحقيقة مش هيك؟ :?

----------

شو رايكن نحول مسار الموضوع لـ سؤال جواب :p

القامشلي مدينة (مديرية منطقة) ضمن محافظة الحسكة... كأنو بدي علمك جغرافيّة سوريّة؟!
عالدرس 100 ليرة إيوا :D.

اقتباس:

بيعتبروا؟ يعني هني بالحقيقة مش هيك؟ :?

أنا قلت بيعتبروا حالهن، وما حكيت عن شو هنّ!!!
هالشي بيعود لتقييم علم الاجتماع وبلالك المشاكل متّوشكا!

هلا أنت "تُوَيْج" بس أنا بشوفك "تاج"!
أنت معناتها، بحسب الاختبار، مانك حلبيّة بس عايشة بحلب!
وبلا زوغلة شو ماما ما بابا؟!

اقتباس:

القامشلي مدينة (مديرية منطقة) ضمن محافظة الحسكة... كأنو بدي علمك جغرافيّة سوريّة؟!عالدرس 100 ليرة إيوا :D.

:frown:


لا قول شو هنّي؟:p.. هلاء مرة ياس قال عن دير الزور انو بالزور اعتبروها مدينة .. كان عم يمزح بقصة بالزور
بس نتيجة الحكي انو اعتبروها مدينة .. بقا هيك سؤالي .. انو اعتبارها مدينة اعتبار عام ولا خاص فيهن هني وبس..
انو يعني الكل معتبرهن هيك لما بس هني شايفين حالهن مدينة؟

جاوب جاوب .. آخر سؤال طيب :lol: لانو ع الاغلب تنحذف الردود :p

مع أنّو أنت مزعلتيني :p، بس رح جاوب!
دير الزور شبه مدينة عايشة لساتا على أنظمة القبليّة والعشائريّة.
وبالنسبة ألي طريقة تعامل الديريّة (أهل الدير) مع الغرباء فجّة جداً وقاسية وبحس حالي بعصور ما قبل التاريخ، على عكس أهل الرقّة، بساطة في التعامل وطيبة وضيافة وترحيب!

اسمعي هالقصّة: مرّة اشتغلت بتركيب منجور لحساب "مؤسّسة الإسكان العسكري" بحقل "العُمر" وهو حقل نفط يبعد تقريباً ساعة عن "الدير". فبطبيعة الحال المؤسسة متعاقدة مع أوتيل نزلونا فيه لحتى ننهي الشغل. فتت عالأوضة أنا وزميلي "محمّد" وردنا نغسل فما كان في صابون، شلت هالسمّاعة وحكيت مع السنترال تحت وطلبت "صابونة"!!! راحتلا الحكاية شي نص ساعة ولا حس ولا خبر ونحن ناطرين "الصابونة".
قمت رجعت تلفنت لتحت وسألت عن "الصابونة" وانفتحت عليّ طاقة جهنّم، عشوي كان رح يطلع يقوّصني :shock:.
العفا إذا صابونة هيك ساوت لو طلبت شي تاني شو كان ساوى؟!
المهم حملت حالي ونزلت عدكان قريب تبضعت منو وريحت راسي ووفرت معركة محسومة مسبقاً :lol:.

اها .. ميرسي قرصان وما تزعل :p

0 .. علمًا اني ما اختبرت حالي بس حاسمتها

:lol:

قرصان يتكلم العامية؟؟؟محال هذا ويجب أن يكون هناكـ شخص متطفل حصل على كلمة السر خاصته و شاركـ معنا,,,,

الرجاء التأكد من هويته:o

عرض ممتاز جدا أخي القرصان..

حابب بس قول انو بعتقد انو المجاكرة التاريخية هي لأهل الدير (أهل المدينة حصرا) مع أهل ريف الدير و أهل الحسكة و الرقة (هنن يعتبرو انو هنن عاصمة شرق سوريا و كل ما حولهم هو عبارة عن ريف تابع لهم)

الرقة تاريخيا أهم من دير الزور (من ايام توتول و دورا أوروبوس)

الحسكة و القامشلي فيها موزاييك ثقافي و حضاري رهيب و جميل جدا, أغنى تنوّع ثقافي بسوريا

شو عندا الدير؟ عندا كومة حقوقيين, هنن الناس الوحيدين بالجزيرة اللي انخرطو بالدولة و أجهزتها, لما باقي أهل الجزيرة عندون موروث عثماني يخليهون يخافو من كل شي اسمو دولة و موظفين و شرطة و عسكر.. فلذلك كانو واصلين و عندون امتيازات أكثر من باقي الجزيرة


للأسف صحيح هالحكي, يعني مبدئيا كل الناس خير و بركة طبعا, و عندي أصدقاء ديرية رائعين...

لكن ما بعرف, في شي من الفوقية عاجزين عن انو يتخلو عنو حتى لو حاولو, خصوصي مع الرقاوية.. و خصوصا خصوصا مع أهل الريف


هامش: من نواحي الدير عندك الميادين و العشارة هدول بدهون قصة لحالون..

و في قرية اسمها "الموحسن", معروفة من قبل أهل الجزيرة باسم "موسكو الصغرى" .. لأنو كل سكانها ضباط جيش أو شرطة, و شيوعيين

لَه لَه له يا وشّوم! وأنا اللي عم قول أنت سندي الأكبر!
حتى أنت بلشتِ ترشقيني بحجارتك؟! الله يسامحك!
هلا ما بعرف ليش بحس ناحيتك بحب غامر وعاطفة بس أكيد لأن في أشيا مشتركة.
وبعدين المثل بيقول: "عاشر القوم أربعين يوماً... ". حلي أحكي عامي يعني ما هيك؟!
بس كل شي بمكانو المناسب تصوري مثلاً كون عم أعمل تشات وأحكي فصحى :shock:.
أنت بتستاهلي باقات ورد بس هاد الموجود :D. :p.

لك واه على هيك سند مانو ساند حالو بس والله معزتك كبيرة خيو وكبيرة كتير كمان

بس جد جد لما قريت ردك هاد تأكدت انك قرصان بتعرف ليه؟؟؟

الهمزات ما تعديت على حرمتها :lol:

وانا كمان مشاعري تجاهك والله يا اخي رائعة بعد المقلاية ها :oops:

واي بصحلك تحكي متل القوم كيف لكان وانا بحب الورد الحقيقي ها بس مقبولة منك

وكيف اللهجة الحلبية معك:p

كلامك صحيح! هلا أكيد تاريخياً الرقّة والمجدل (الحسكة حالياً) كانوا أهمّ وبدلالة القصور الآشوريّة والآثار الرومانية اللي عم تطلع يوم بعد يوم!
بس بالدولة العثمانية الدير كان ألها مكانة أكبر واستمرّت هالمكانة مع الفرنسيين يللي عملوا فيها مطار عسكري. وكمان هيك مع الدولة السورية! برغم أنو متل ما قلت ما ألها ماضي تاريخي كبير متل الرقّة. وهاد سبب رئيسي بنظرة أهالي الدير للبقيّة وخصوصاً أنو مدن محافظة الحسكة ما عمرها أكتر من ميت سنة!!! بعد المذابح والنزوحات الشماليّة.
وبكل الأحوال السلوك عامة من قبل الدولة السورية لهلا هو سلوك سيء جداً تجاه المنطقة الشرقية كاملةً. يللي هي أغنى منطقة بالنفط والغاز والثروات الباطنية عدا عن المنتوجات الزراعيّة. يللي مخلية سوريّة عم تاكل خبز وتطعمي غيرا كمان.
تصور يا رجل محافظة بأكملها ما كان فيها جامعة وحدة والبركة بالخاص يللي جبر الحكومة تفتحلنا جامعة وكليات!
وتخيل أنو محافظة الحسكة يللي فيها أكثر من 700 تل أثري من بيناتهن تلال تعود لأقدم من الحضارة السومرية، وتعتبر من أغنى المناطق السوريّة بالعصر التاريخي الأول؛ ما فيها متحف :shock:.
ألن عشرين سنة وهن عم يبنوا بهالمتحف وما كان يخلصوا... الله يسامحن بس ما رح قول أكتر من هيك.

هدول بنحسبن على أهل محافظة الرمادي العراقيّة :lol:.
وعلى فكرة باتفاقية سايكس بيكو بين فرنسا وإنكلترا تمّ التبادل بين محافظة دير الزور والموصل! الأولى راحت لسورية والتانية للعراق!
يا ريت كان العكس :lol: وللديريّة :p.