اقتباس:

بس مشان ما تقلب القصة تشات : كيف قدرت توصل لكل المعاجم والقواميس بنفس الوقت وتكتب الرد ؟! في شي موقع على الانترنت بيعطيك هال ميزة ولا انت سوبر قرصان ومالي خبر

لأ... قصدي إي! والله ما بعرف لأ ولا إي!!!
يللي بدي قولو أنّو ماني سوى قرصان فصعون لسّاتو مبتدئ... بالنسبة للمعاجم فهيّ موجودة عالكومبيوتر عندي بشكل ملفات PDF. وإذا بتحبّ رح أنسخلك ياها (لأن حجما كبير شوي) على شي CD وأنسفلك ياها... قصدي أبعتلك ياها، أنت بس أشّر بأصبعتك الصغيرة ودير بالك ما تخربط بالأصابع ترى أنا عقلي جوزتين بخرج!!!

اقتباس:

بعض الكلمات أولها الناس بعيدا جدا عن معناها الاصلي دخلك بتعرفلي شو يعني شرموطة ,,,, هاي الكلمة اذا سمعها احد ستستنفر أعضائه التناسلية كلها قبل ان يعلم بأن معناها قطعة القماش المستعملة المصدر " جدتي"

يقولُ اللبنانيُّ أنيس فريحة في كتابِه "معجم الألفاظ العاميّة":
شَرْمَطَ: على وزن فَعْمَلَ (نقلاً عن "محيط المحيط" للمعلّم بطرس البستانيّ)، شرمطَ الشيءَ مَزّقَه وقطّعه، فتشرمط. وشَرْمَطَ لفلان سبَّه وشتمه بكلامٍ بذيء.
ثمَّ يُكمل ويقول: شرموطة جمع شراميط: عاهرة، مومس.

بينما يُضيف على ذلك ياسين عبد الرّحيم في كتابه "موسوعة العاميّة السوريّة" قائلاً:
شَرْمَطَ فعلٌ مشتقّ من شرموطة والمصدر "شَرْمَطَة". وشَرْمطَ الثوبَ شقّه من الفعل شرّط.
وكلام عبد الرّحيم هنا يوافق البستانيّ في وزن الفعلِ وإعادته إلى الجذر "شرط".
وهذا ما يوافق المعنى الذي حدّثنا عنه صديقُنا أرسلان نقلاً عن جدّته. فـ"الشرموطة" هي قطعة الثوب الممزّقة أو المشروطة.

وهي إذ تختلف في اللفظ والجذر الثلاثيّ مع كلمتي "شرطوطة" و"شمطوطة" إلا أنّها تشترك معهما في المعنى والثنائيّة. وهي الشماطيط لا مفرد لها عند سيبوَيه، وهي الثياب الخلقة المتشقّقة مفردها شِمطاط عند اللحيانيّ وكما جاءَ في "الصّحاح" و"لسان العرب". إلا أنّ ياسين عبد الرّحيم في موسوعته المذكورة أعلاه يناقض نفسَه عندما يذكر أنَّ أصل كلمة "شرموطة" فارسيٌّ من سَرْموزه sarmooze والتي تتألّف من كلمتين "سر" وتعني فوق، و"موزه" وتعني حذاء. وهي نوع من الأحذية شُبّهت العاهرة به تحقيراً لها. ولا أرى هذا التفسيرَ معادلاً لما سبق!

ويرى آخرون أنَّ أصلَ الكلمة فرنسيّ من Charmant وتأتي بمعنى الجمال والفتنة.

هذا وأختمُ بالسّلام .

شكرا لكل اللي شاركو بالموضوع بس ما بدنا يصير مشاكل

و يا abu toni اذا بتنتبه الموضوع منقول يعني ممكن يكون صحيح و ممكن لأ

هلأ اذا صحيح منيح منكون اخدنا معلومة اما اذا لأ منكون حركنا مخنا و عرفنا كمان معناها الصحيح مع احترامي لرايك

و برجع بشكر كل من :

ابو عمير السوري
يمان ronaldo
باشق مجروح
sandra
دلوعة سوريا
hanny dagher
مايا
marwa hanna
مسطول على طول
abu toni
قرصان الادرياتيك
ahmad
ارسلان

و اسف اذا نسيت حدا :D

مشكور على النقل

أنا بشوف إنو الموضوع مو ضعفنا باللغة العربية وقوة البجيرمي, أنا بشوف أنها كلمة حق أريد بها باطل, اللي مابديو يحترم الطلاب اللي قدامن, يحترم نفسو مكانتو العلمية والتربوية ع القليل. هو مربي, مو عاررض عظلات:adal::adal:

بصير أشّر أنا باصبعتي ؟

اقتباس:

نعم... ولأنّك الأقرب إلى أصبعك فأشر بها وضعها في المكان المناسب الأقرب!!!

إصبعك *

:D

يعني كلمة صغير ما فيها شي بس لما تحكيها لمسؤول كبير بتصير مسبة بقى هالسيبويه العظيم بده ينعش مصطلحات ماتت بقاموس اللغة؟هيدي لغم ولازم كحشوه من الجامعة.....قحباء؟له

الأَصبَعُ: واحدةُ الأصابعِ، تُذكَّر وتُؤنَّث، وفيه لغاتٌ: الإصبَعُ والأُصبَعُ، بكسرِ الهمزةِ وضمّها والباءُ مفتوحةٌ، والأَصبُعُ والأُصبِعُ والأَصبِعُ والإِصبِعُ... والأُصبُعُ بضمِّ الهمزةِ والباءِ... إلخ.

فأرجو منكَ يا سيّد أحمد أن ترتديَ ثيابَ المعركةِ كاملةً قبل أن تطأَ أرضَ المعركةِ، وأرى ألا تنسى الخوذةَ فضربةُ سيفي ثقيلةٌ على رؤوسِ الأغرار!

خلقَ اللهُ للحروبِ رجالاً ..... ورجالاً لقَصْعةٍ وثريدِ.
:D.

قرصان عتيق....يمكن فرقت ضمة او فتحة او سكووووووووووووووون:?