|
اقتباس:
من شوي شفت وعد البحري بمقابلة معها ومع فراس واحمد يللي مثل دور فريد .. غنت اغاني المسلسل وقالت انو الناس خلطت بين صوتها وصوت اسمهان الحقيقة بتجنن وعد .. بس لولا العلة يللي اسمها سلاف فواخرجي :p |
انا حبيت زهرة النرجس كتير
ما بعرف بس يمكن لأني بحب كاريس بشار كتير بس عندي ملاحظة مستر مصطفى انو كان لازم تسمح باكتر من خيار مو بس خيار واحد و مشان باب الحارة و اهل الراية فأنا من اعداء المسلسلات القديمة و اللي بتحكي عن الماضي :jakoush: |
انتهى منذ قليل عرض الجزء الثالث من باب الحارة نهاية تقليدية لم تختلف عن نهاية الجزء الثاني بل وكانت مفتوحة على احداث مشابهة لهذا الجزء فلم يختم الكاتب المسلسل ختاماً كاملاً كما في الجزء الثاني . و الـ mbc تعد بجزء رابع في رمضان المقبل . بما انو في جزء رابع منتمنا يكون افضل من الي شفناه هالسنة .. اقتباس:
اقتباس:
يعني بيكفي انك تشوف اكتر عمل متكامل من وجهة نظرك وتصوتله. :larg: |
ليس سرابا
بس مش موجود بالقائمة وكمان رياح الخماسين وقصة اهل الراية حلوة وبتشد :D |
اقتباس:
|
اقتباس:
لكن شو عم تعمل ابو ريتا :p وراي مين هاد شو بدك تجنني ابو ريتا شو القصة :shock: |
اقتباس:
ومشان ليس سراباً ما في غير 16 خيار حاولت نوعهون و ما قدرت ضم كل الاعمال. |
احلا شي (( قال يعني اني لحقت شوف شي ))
بقعة ضوء عرب لندن كنت ناوي تابعو بس ما شفت منو غير كم حلقة هيك وناوي تابعو كنت :frown: |
اقتباس:
متل الجوكر.. اي دور بتمثلو بتتقنو بابداع.. و انا يمكن لهل السبب حبيت زهرة النرجس كمان.. لاني ما بتصور اي ممثلة بتمثل دورها كان رح يطلع احلى من ما هي أدتو.. كاريس بشار و باسم ياخور من الممثلين المفضلين عندي.. :sosweet: |
ابو جعفر المنصور: حسيت انن مانقّو الممثل المناسب لهيك دور وازا كان الممثل مو مناسب ما بقدر كفّي متابعة للمسلسل وبتزكر اني حضرتو 20 يوم ووقفتو صرت مرة بحضرو مرة لاء
باب الحارة: صح ماكان فيو تناسق كتير واحداثو مو مترابطة باعتبار انو معظم الشخصيات ماتو بالمسلسل رياح الخماسين : مسلسل حلو كتير وبيعئد وعرفو كيف بينقو الشخصيات وبيحكي الواقع اهل الراية : لا تعليق حلو كتيير ليس سرابا:حسيتو فيو اعتداء كتير كبير عالدين وصارو يطوّلو فيو ليوصل 31 حلقة لانو بصراحة يستاهل شي 15 حلقة وبس... الخط الاحمر : تابعتو لانو كنت déjà متابعة حاجز الصمت فلازم كفي القصة لاعرف شو بيصير الممثلين اخدو دورن وعرفو كيف بيمثلوه ...ماشي حالو يعني يسلمو صافو عالموضوع الحلو هيكي منقدر نشوف راي الاعضاء بمسلسلات رمضان |
ع سيرة اهل الراية .. حكولي قصة قطر الندى
|
اقتباس:
هاد ياستي قطر الندى البنت الرقيقة الطاهرة العفيفة الشريفة بنت الزعيم ابو الحسن زعيم الاخلاق والشرف والمروة هاد لما تجوز ابوها ومرة ابوها صار بدها تستفرد بابو الحسن ( مدري ليش ) دبرلتها دوبارة راحت عند الداية وخلتها تجيب شب اذعر يجي ويتهم قطر الندى بارتكاب العيبة معه ( الزنا يعني ) وجاب 4 شهود وشهدوا طبعا كذابين ودفعت مرة ابوها المال الوفير للداية لحتى تقول انه ( البنت مو بنت ) وجابت داية تانية كمان متامرة معهن وقالت ( البنت مو بنت ) فابو الحسن ما استحمل واقام عليها الحد وقتلها وبعت رجالو يشلفوها بالمقبرة بشي قبر فاضي فشاءت الصدف انه يكون رضا الحر ابن الحرة هنيك ويشوفهن ويجي يطالعها من القبر بعد ما اكتشف انها حية ومتل القمر اخدها على البيت وبقيت عند امه لبين ما بان الحق وانكشف المستور بان للخلايق انها طاهرة شريفة عفيفية والمكروه الي حصل معها ما هو الا فعل نس من تدبير نرة ابوها هي هي القصة كلها على بعضها :D |
اقتباس:
طيب وابو الحسن شو عمل مع مرتو لما عرف انها تآمرت وكذبت؟ |
اقتباس:
تصير خصوصي ايام زمان (لانو كانوا يطلعولنا ياهن كتير مؤمنين و بخافوا الله) و بغض النظر عن هاد كلو.. يعني بدي افهم شو هل الصدفة انو اربع شهود شافوا البنت و هي عم تعمل العيبة.. :? اقتباس:
|
اقتباس:
بس صار معها متل عمارة يعقوبيان اجاها العقاب الرباني وفقدت عقلها :lol::lol::lol: السؤال التالت بمصاري هااااا ايوا ما عم نتابع بلوشي نحن :p |
اقتباس:
سمعت انو قطر الندى بترجع لاهلها ومعها طفل.. ابن رضا.. هو ابنها كمان؟ |
اقتباس:
بس على حسب ما فهمت انه هو الي خلاهن يشوفوهن قاصد يعني كنوع من اظاهر الرجولة هيك فهمت الفكرة انا بس في كتير من هي العيوب بالمسلسل بس اجمالا مقبول احسن من طاقة الحارة بسنوات ضوئية :larg: |
اقتباس:
وتخلي المشرفين يقيمو علينا الحد لان حولنا الموضوع لشات بس انا بدي افهم منين جبتي هاد الخبر اي ولد واي مدري مين مافي من هالحكي بس هو بنفس الوقت بيرجع اخوها الحسن الي مرة الاب خلت الغجر يخطفوه يمكن بتقصدي عليه على الهامش : انت شو شايفة من المسلسل غير الشارة ؟؟؟:p |
| الساعة بإيدك هلق يا سيدي 14:28 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
