|
انا وعزرائيل صحبه يعني بس بده مني شي بيحكيلي الخوف عليكن انتووووو :P : :P :P :P :P
|
انا من ناحيتي اذا امنت بالفكرة بضل عادي
بتعرف ليش لانو انا من الناس الي بيئمنوا بأنوا الموت اقرب من بياض العين لسوادها يعني يعني ما بعز علي بكل الدني الا امي هي الوحيدة الي بتعز علي وبتمنى انو التقي معها بالجنة انشالله :D :D :D :D :D :D :D :D :D :D :D :D :D |
لو كنت نايم رح تم نايم
لو كنت عم اكل رح تم عم اكل لو كنت عم اشتغل رح تم عم اشتغل ... يعني شو ما كنت عم ساوي رح تم عم ساويه لانو ما حدا بيعرف ايمت الموت بيجيه :D |
اقتباس:
و كاتوا ما طلبت منك حكمة حول " متى يأتي الموت " ع كل الاحوال مشكور ....ابو فهمي :D :D |
اقتباس:
|
يعني ما فيني اتوقع شو بيطلع معي تماماً ...بس الشي اللي انا متأكد منو ...انو اول ما اسمع الخبر رح شعل سيجارة سيدرز....هاي اذا كانت مطفية ..و اذا ما كانت مطفية رح اطفي السيجارة و شعل سيجارة سيدرز ...بعد شي خمس سحبات ...رح طلع بالساعة وشوف قديش باقي معي وقت ....اذا كانت الدنيا ليل ...رح اطلع ع الشارع ...هاد اذا كنت بالبيت ..و اذا كنت براة البيت رح ارجع فوراً ع البيت
اذا كان الوقت نهار و الشمي طالعة ...رح ارجع ع البيت وين ما كنت كون ...و ققعد قدام التلفزيون ...بس بدون ما شغل التلفزيون ....و ارجع طلع بالساعة و شوف قديش باقي وقت ...رح ضل هيك لحتى يبقى عشر دقايق ...بعدين رح اخد ورقة وقلم و اكتب بعشر دقايق كلشي كنتت بدي قولو وما قلتو....رسالة مفتوحة لمن يهمه الامر....بوح الهي .... و ع الاكتر اني رح امسك الورقة والقلم و ما اكتب شي ...بيني و بين حالي رح قول ...اللي ضل ساكت كل هالعمر ....بيسكت كمان عشر دقايق :frown: |
اقتباس:
يعني ما بيصير الواحد يعمم ؟؟ :? |
هلق منشان قصة السيدرز ...طلعت اشاعة انو بتخلي الواحد يفقد خصوبتو منشان هيك بلالك ياها بلا ما بسكت شي تاني ...
.......................... اقتباس:
اقتباس:
ع الورقة ..................... اقتباس:
الهي( سعدو الميت ) ياخدك ..................................... اقتباس:
|
اقتباس:
و الله يا شريك صرلي 8 سنين عم دخن سيدرز...و ليكني متل التور بس بتعرف كيف التقلبات السياسية و توازنات العلاقة الاخوية مع لبنان الشقيق بتخلي بعض الاطراف المغرضة تعمل على نشر اشاعات و بث بيانات تهذف الى ضرب القطاع الاقتصادي اللبناني من جهي و القطاع الصحي السوري من جهة اخرى :gem: |
free
|
يحرأ حريشك يا أبو طريق على هالمواضيع النهفة :o :o أنتي من وين بتطلعلك هلأفكار النهفة؟ :lol: :lol:
شوف خلال ساعتين ما بلحق أوصل على سوريا حبي الوحيد و الأكيد :cry: :cry: بس يعني أنا إذا كان عندي خيار المكان باختار الضيعة تحت شجرة الخرنوب اللي بالظهر :pos: يعني ساعتين مو كفاية بوضعي الحالي لحاول شوف اللي بدي شوفون، بس بتمنى ضم الماما اللي صرلي شهور ما شفتها :cry: و البابا و أخواتي و خالتي ش و عمتي (ب) و بقية خالاتي عماتي و من بين أصحابي تحديدا أنوس لأنوا عاطفي و بحبني كثير و تمتوم رفيق غربتي و لولو لأنا رح تزعل علي كثير ووووووووووووووووووووووووو وووو بعني هذا غيض من فيض بس على الأغلب باخدلي شي كاس على رواق و يعني هيك ريلاكس بكمل عادي و بتسمع على الـ 999 غينة المفضلين عندي و خاصة Tears in heaven لإريك كلابتون حاكم أنا مارح أدخلها هيهيهيهي و بحاول أسترجع مهاراتي بالدبكة :dr: حاكم معلومك رح يكون في عرس بجهنم بس موت 8) و ما حلوة من الشان الشباب و الصبايا اللي ناطرين إذا مسكنا على الأول ما نكون عند حسن ظنون :oops: و بودعك آخر وداع آخر وداع يا عمري ضايع يا عمري ضايع ... |
والله انا اول شغلي بعملة متل م قال طارق بتصل بحبيبتي وبتقاتل معا و بخليا تكرهني وبروح بعمل لعبة سلة شي نص ساعة و برتية تركس على السريع بعدين ابضل اعد مع الشباب على سي ارغيلة لحتى الله يفرجى........ :angel:
|
و الله ان رح اعمل غالبا متل حشت نشت
بس مع شوية تعديلات يعني بدل السيدرز شربورو و بدل ما خلي التلفزيون مسكر رح شغلو و رح حط كالعادة ع الجزيرة لايف و بدل الورقة بآخر عشر دقايق رح اتصل " بالآنسة " ماريا ديب و اطلب غنية "فطوم " للمطرب الصاعد دريد لحام و رح اهديها لاخواتي و امي و ابي و خالاتي ايميه و فريال و فاديا و تريز و جواز خالاتي ناجح و ميشيل و عماتي هيفاء و فاديا و ناديا و سميرة و عمي سمير و بنات عماتي روا و روبا و لما و رنا و لينا و ماريا بمناسبة الخطوبة و كارولين و ريم و شذا و ميسا و دينا بمناسبة المولود الجديد و غادا و و ازواجهن و خطباءهن و ابناءهن و بناتهن و عموم عائلات عربجي و سلطان و نزها و سارة و ابو عضل و سابا و يارد و سلوم و بيطار و توكاجيان و ابو سمرة و حداد و عبسي و يازجي و كساب و ارمني و بسيط و حتمل ..... و هود و صنيج في الغربة و جميع القبائل العربية المتناحرة و المتناخرة هلق اذا ضل معي وأت و خلتني " الانسة " ماريا ديب اني كمل رح اهديها كمان لمدير وكالة ناسا بمناسبة طلاق ستو .... عفوا بمناسبة اطلاق ستة صواريخ للمريخ و كمان بهديها لاعضاء الاخوية و لعائلة المرحوم اديب الدايخ :shock: (هي مشان ابو دجو :P ) حاج هيك بدنا نلحق نسمع الغنية قبل ما نتكل :cry: استروا ما شفتوا منا امانة يا شباب :cry: :cry: :cry: يالله منشوفكم يا فوق يا تحت :D |
اية ابو طريق الك شغلات نهفة
يمكن روح شوف احمد العجمي و خليه يحكيلي مع صاحبة عزرائيل بالكي بيأخرلي الموته لبعد الدوري الاسباني و الانكليزي و الفرنسي و الايطالي و و و و و و اذا في مجال يأجل الموضوع لبعد كأس العالم و نحن ما منقصر معه يعني منعطية كم اسم يدبر راسه فيهم ( عزرائيل ) لبينما يخلص الدوري و الكأس لك لأ عم نمزح ولووووووووووووووو انا اذا عرفت حالي بدي موت بعد ساعتين اول و آخر شي بدي دبر شي تلفزيون يعمل معي مقابلة و بدي اطلع لايف و ما خليهم يقطعوا الارسال ( شلون ما بعرف لوقتها منحكي فيها ) و بس اتاكد انوا كلا شي تمام الارسال تمام و العالم عم تشوف ( كمان ما بعرف كيف ) بدي احكي و قول لكل الرؤساء انكم خونة و . و . و . و . و . و . و . و . و . و . و . ىالخ و متمردين ووصوليين و قطاع طرق و حرامية و انبطاحية و ملعون ابو الساعة اللي وصلتوا فيها للحكم و . و . و . و . و . و . و . و . و . و اذا كانت الساعتين خلصوا رح موت و ارتاح و اذا ما خلصوا اية غير الله ما بقى يعرف ويني لك حتى عزرائيل مارح يقدر يعرف وين انا و هيك ما رح موت مرة رح يموتوني شي 100 الف مرة حزركم وين رح كون :?: |
لن أفعل شيئا لسببين
1- لانه مرت ساعتان ولم أمت وهذا دليل اني انسان واهم ولي خوف من خطاياي 2- القلب الطاهر يسمع انغام الرياح وحتى صوت الموت قبل ان يأتي بألف عام حتى النفس الاخير لذلك ..... ليس جميلا ان يصبح الرجل ابنة بحر واهيدك مصير المسيح.....يعلم مصيره قبل اعلانه وقبله طوعا من تلك الأرض انطلق المسيح ، ذات يوم من شتاء سنة 27م، وشخص إلى مخاضة " بيت عَبرا " ، حيث كان ينتظره ، مع المعمدان ، اعتلان مصيره . . . "هو ذا الزارع قد خرج ليزرع . .. (مرقس4 : 3 ). ولكن في أي تربة . سوف يقع ذاك البذار ؟ |
اقتباس:
المسيح يحميكي ويحرسك :D :D :D :D :D |
شو بدي اعمل :confo: :confo: شو بدي اعمل :confo: :confo:
بدي موت على صوت حبيب القلب شخص واحد رح ودعوا بس لاني بحب اسمع صوتوا كتير وبعدين بتكل :cry: :cry: |
من نحيتي بروح عند صاحبتي و..... ما في داعي اكمل احسن ههههه
:o :o |
| الساعة بإيدك هلق يا سيدي 16:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون