|
اقتباس:
بس يعني مو كلو مجرد تأليف قصص |
هون حابب وضح هيك متل حادثة زغيرة التاني : تعا لعندي الاول : لأ ماني فاضي التاني : اي معلش يلا منتسلى الاول : ( بعد صفنة ) اي ماشي الاول جاية عالطريق دق عالانترفون التاني : اهلين الاول : الباب مسكر التاني : هههه مو معقول ( شنو قبل شوي التاني نزل و فتحو ) الاول : والله التاني : ماشي ( و نزل يفتح ) الاول انطمز و رجع على بيتو ( عقلو زغير ) التاني نزل ما لقى حدا تاني يوم شافو بعض قام الاول ضرب بوز يتبع ......... |
حبيباتي هي القصة بس للتوضيح انو صغر العقل و العناد بيدمر اكبر علاقة بين اي اتنين مهما كان بيحبو بعض بس يلا قربت تخلص |
على حساباتي ممكن خلصها شي يومين كمان
بس يلي ما استوعب منيح يقرأها من الاول ;) |
هلأ بيكون كل شي صار واضح انو العلاقات مدمرة بس التاني بيحب التالت و بدو يصالحو لذلك قرر يتصل فيه ( رغم الاهانات ) التاني : مرحبا التالت : اهلين ( بنشافة ) التاني :شو ليش زعلان مني التالت : مو مشان شي ( بحيونة ) التاني : عن جد بلا غلاظة التالت : لأنك بتضل بتكذب و لأنك كذا و كذا .........( بيطلعو شي ميت تهمة ) التاني : و الله معك حق و انا غلطان و بعتذر و ندمان عن كل شي صار التالت : للأسف ما بيفيدك التاني : ليش التالت : خلص انت ما بتعنيلي شي التاني : طيب عطيني فرصة ( التاني بدو يحافظ عالعلاقة ) التالت : خلص انا هلأ مشغول يلا باي التاني : استنى شوي التالت : شو انت ما بتفهم عربي العمى ( و خبط السماعة ) يتبع ................ |
الظاهر ما حدا بدي يقرا :pos:
|
اقتباس:
|
:shock:
وبعدين؟؟ |
هههههههه قصة غير شكل عنجد يسلموووووووو :D
بس حطلنا اسامي والله دخت |
يسلموووو شكلها القصة حلوة....بس وين النهاية!!!
|
اقتباس:
|
لا شو ملينا يا اخي ولوووو الله يسامحك .......... يلا انا بنتظررررررررررررررر بدنا نشوف النهاية ....
|
يعطيك العافية وطول بالقصة قد مافيك نحنا مستمتعين :D
|
اقتباس:
عم فكر اعمل اتصالاتي مشان جيب احداث :lol: |
هلأ التاني خلص صار منبوذ من الاتنين بس مع هيك ما خلص الاول كتير وضيع و حقير و بدو يتغالظ عالتاني مع انو خلص يعني كل مين راح بسبيلو بس الاول حقود ساعة يحطلو زء مشان يتفركش ساعة يكتبلو سب و شتم على ورق و يلحشلو ياهون و التالت عم يشاهد من بعيد لبعيد و مروق التاني ما حكى شي و طنش الاول جن و قرر يتقاتل مع التاني ( يعني رفس و ضرب بالايدين الخ ........ ) يتبع ............... |
:?:shock::pos:
متابع بس دايخ..او دايخ بس متابع المهم معك |
صرعتونا انو دختو العمى :pos:
و الله فهمت :frown: |
بعد مرور ستة اشهر التاني ( الغبي جدا ) قرر يتصل بالتالت يعني هيك مشان يصالحو التاني : مرحبا التالت : مين عم يحكي التاني : انا شو ماعرفتني التالت : ما بعرف حدا بهالاسم التاني : ( انصدم ) هلأ ما عاد تعرفني التالت : ليش انا بعرفك اصلا ( عم يتغابى ) التاني : مممممممم التالت : يلا اذا بدك تحكي شي روح لأنو انا مشغول كتير التاني : انت لساتك على موقفك القديم ( بيقصد هاد الموقف يلي بالازرق تحت ) التاني : مرحبا التالت : اهلين ( بنشافة ) التاني :شو ليش زعلان مني التالت : مو مشان شي ( بحيونة ) التاني : عن جد بلا غلاظة التالت : لأنك بتضل بتكذب و لأنك كذا و كذا .........( بيطلعو شي ميت تهمة ) التاني : و الله معك حق و انا غلطان و بعتذر و ندمان عن كل شي صار التالت : للأسف ما بيفيدك التاني : ليش التالت : خلص انت ما بتعنيلي شي التاني : طيب عطيني فرصة ( التاني بدو يحافظ عالعلاقة ) التالت : خلص انا هلأ مشغول يلا باي التاني : استنى شوي التالت : شو انت ما بتفهم عربي العمى ( و خبط السماعة ) التالت : اي موقف ليش انا ايمتى حكيت معك التاني : حاجة مسخرة و احكي جد التالت : ما دخلك فيني التاني : طيب قلي لساتك التالت : ( عم يتمسخر بس انا رح اختصر العلاك تبعو ) قلي هلأ شو بدك التاني : انا مرة اتصلت بدي صالحك بس انت رفضت يعني لساتك رافض التالت : طبعا ما بدي صالح ما احلاني , شو الي مصلحة ؟ التاني : يعني قلي اي او لأ التالت : (عم يعلك ) اخي لأ التاني سكر بوجهو من غيظو و لساتهن لحد الآن على ما هنن The End ...... |
| الساعة بإيدك هلق يا سيدي 08:29 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون