|
الساعة عند الاشارة هي....
لعما وقف الزمن.. اوف شلون وقف الزمن وبعدني عم احكي؟؟ و اذا وقف الزمن... لعما مين هالاكابر يلي وقفو... وشو الها علاقة وقفة الزمن بقطعة الكهربا.. لعما وين الساعة.. ووينني انا اصلا؟؟ يا سيدي هي اسمها معجزة.. مو باقي غير شوف الدم عم يكت من دماغي وبسدق اني قديس لعما وليش لحتى ما كون قديس.. وبكون قسيس كمان.. لك بابا او اعلى او ممكن كون الله.. وااااااااو... هي ضوا الاصنصور بتعرف شو تفسيرها هي لعما هي شغلات الاضوية ما بتصير غير مع القديسين.. وين العباد؟؟؟؟؟ |
تحشيش جديد وعمر جديد ...صايرين متل المسلسلات السورية
دائما في جزء تاني بينسي نكهة الجزء الاولاني .. بس هي هيك الحياة ببساطة كل شي فيها ببساطة .. ببساطة بتلاقي حواليك عالم ببساطة بتعيش وبتتعايش مع العالم .. ببساطة بتعيش حب ... ببساطة بتمرق اللحظات ببساطة .. بينتهي كل شي .. ببساطة بترجع بتعيش ... ببساطة ..ببساطة ... ببساطة دقلي بودعك ... |
من اليوم قررت ابدا اتمرن على كتير شغلات
اولها على التمثيل شنو التمثيل بينفع كتير وهلق صار وقته ... قريبا يعني لازم امارس هاي الهواية بس المشكلة انه ما عندي مشهد محدد او بالأحرى مشهد محدد بس مكرر بمدري كام الف مرة ومدري كام الف موقف يمكن هاد مانه حكي تحشيشي بس وسعدو اللي اخترع هال كيبورد اللي نازل طحبشة فيه ما بدك تفهم قصدي غير اذا طلعت للقصة من المنظور المحشش هلق شو هوي المنظور انا درست مادة رسم ونجحت فيها وما كنت افهم قصدهم بالمنظور يعني ضروري اناظر انا هيك شغلات واتحملها يا اخي الحياة بتروح وبتجي الشرف بروح وبيجي النجاح بروح وبيجي وان ما كبرت ما بتصغر تحيات ابو ريتا وشركائه اجمعين (( سعدو يذكرك بالخير يا ابو ريتا ... وكالة الأخبار تتحدى الملل )) :sick: |
يسعدو , ويبعدو
يما أنو ماضل بو شي نضيف وحتى الحشيش , وبما أنو المجنون ابن عم المحشش والفرق بين التنين هوّي شوية حرية يعني المجنون محشش رغماً رغماً عنه والحشاش بس رغماً "واحدة "عنه , والفرق التاني أنو العاقل بيحشش ليصير متل المجنون , بس المجنون إذا حشش , معقول بيرجع لعقلو , ولك ياشباب وحياة اللي جمعكون على هالتحشيشة عديت عالعشرة , عالمية ,عالألف , ولك عالعشرطغش ألف قبل ما خش لعندكون , ومن أول شمة قبل ما أدخل مدري شو صار يتحكم بكل كياني , وصرت نص على نص و يعني رجل لورا ورجل لقدام , يا ترى يا مجنون بيدخلو باليمين واللا باليسار , والله الشغلة مو سهلة و غلطة وحدة بتخسر الآخرة وبالأساس الأوّلي خسرانها , وصارت فكرة تجي وفكرة تروح , قلت لحالي بلا هالفوتة يامجنون وبلا هالعقل , بلا ولا شي أريح رجاع يا ولد رجاع أحسن ما تعلق وتصير مدمن , والعقل بهالأيام آآآآآآآ بينفع , لو بينفع كان نفع غيرك , والهربية تلتين المراجل باي شباب |
وقت بفيق كل صبح .. حتى احيانا ما بفيق
بس وقت بفيق .. بتكون الدنيا الوان .. احيانا بلاقيها ابيض واسود .. احيانا بلاقيها على قناة وشششششششش الفضائية المستقلة لانو صار في كتير قنوات فضائية .. ويا معلم اغلبا مستقلة .. بتجي للي فاتحها وللي ممولها بتللاقي تصريحاتو كلياتا طائفية وعنصرية .. بس ولو قناتو مستقلة .. ما بعرف ازا شرحولن شو يعني مستقلة .. لاني انا بالاساس ما بعرف لسا شو يعني مستقلة حطينا عالجزيرة طلعت مانا مستقلة ... العربية على اضرب حطينا عالرأي .. فجئة .. حطولي نجمة المخابرات .. بس طبعا واكيد هدول كلياتن مستقلات .. |
بيفتحولك هالباب الخشب الكبير هادا تبع بوابات الفيلات الكبيرة اللي بتطلع بالافلام على مصراعيه وبيبعدو عن طريقك هدول العبدين اللي اسمهن الليل وعنتر اللي حكت عنهن فيروز بغنيتها اللي بعنوان "من كل شغلة في تنين تنين الا شادي في منو واحد واذا ضاع ما الو بدل او كفالة " وبيقلولك ليك هالطريق فرشنالك يا ورد وفوق الورد حطينا زفت وانتي كل شي عليك انك تمشي بهالطريق وانتي هيك من كتر سعادتك ما بتفكر تطلع وراك انو بتكون عم تفكر بوقتها انو هاي هيي اللقطة وهادا اللي كان لازم يصير من زمان وهالعالم اللي وراك بتندهلك وانتي مانك بهالدني عم تطلع على هالطريق وعم تهم انك تقطع الباب مشان تستلم طريقك بقى يا سيدي اي وبتمشي
وبتمشي وبتمشي وبيبلش العرق يزرزب منك وانتي اسعتك عم تمشي وهون تقبرني بتبلش تطلع وراك بس وين يا حبيب معد في شي وراك غير هالطريق وما في قدامك غير شو يا حزرك هالطريق برافو عليك هلأ هني كانو مخبرينك انو الطريق زفت وتحت الزفت في ورد مو ؟ اي بس اللي ما خبروك يا يا وجه السحارة انو الطريق طالع بطلوع اهاااااااااااااااا انتي فكرتها نقشت معك بس اللي عم ينقشك معك هوي الطريق اللي عم ياكل من اجريك شقف بتقول وصلت لهالمرحلة ما رح ارجع وبتحط رابع وبتقلع يا اخي تقليعة اللي عم يشوفك من بعيد بيفكرك سونيك يعني اي والله العظيم يعني كل هالقد كانت تقليعتك سريعة و بتمشي بتمشي هلأ انتي سمعان فيها بحيرة الاحلام مهيك اي هاي ما غيرها اللي كانت بقصص ايام زمان وبحيرة الاحلام يا ولد واجمل الايام يا ولد وبس تشوفا ما بتنام يا ولد وعاللعلعي عاللعلي يا ولد وخلصت بطارية اللابتوب يا ولد اي هاي يا سيدي بحيرة الاحلام هاي طمسوك فيها قبل ما يفوتوك بهالطريق وهيك يعني اهلك كانو فرحانين فيك انك اتطمست بس ما كانو عرفانين شو اخرتك يا بخش القلب سيدي الحاصلو وبلا طول سيرة انو بس حابب قلك كلمتين انو هيك انشالله وما بيهم اينو الله بتوصل يعني وما بتخلي هالعالم اللي تركتهن وراك عند الباب يستناولوك بكف من هون وطواية تيفال لا تلصق ابدا من هون وطاخ وطيخ وطريخ يعني مشانك يا حبيب مو حلوة بعد اللي صار معك عالطريق يكملوها عليك الشباب مو حلوة بحقك يعني وانا خايف عليك وعاللي عرفني عليك |
اي خيو تعى حكيني كلمتين لقلك
خيو الحكي هيك بيناتنا وما بدي ياك تزعل مني انا بدي مصلحتك حبيبنا يعني مصلحتك انتي من مصلحة هالشعب ومصلحة الشعب من مصلحة الامة فلهيك انا مهتم والا خيو شو مالي شو مالك خليني بحالي وخليك بحالك بس وحياتك ووحياة ستك ما بيهون عليي لحالك زتك خيو انتي ريحتك طالعة لك اي شبك عم تتطلع فيني هيك وكانو عم قلك بدي اسرقك اي خيو انتي ريحتك طالعة يعني امس الشباب اجو اشتكولي عليك وندبو كتير وحكو كتير عنك وعن ريحتك اللي معباي الحارة والحواير المجاورة والصبايا كمان ما بتشوف الصبايا كل ما بتشرف حضرتك كيف بيغمو ومنضطر ندق للاسعاف هني ما بيغمو من منظر حضرتك يعني مشان ما تفكر حالك شي علاء زلزلي زمانك وانو الصبايا بيدوبو فيك وبيغمو لما يشوفوك متل ما منشوف عالتلفزيون اي لاء حبيبي هني بيغمو من ريحتك يعني امس عم احكي مع شوفير سيارة الاسعاف وعم يقلي الزلمي انو نلاقي حل معك خيو انو هيك ما بيمشي الحال يعني مقضاها الزلمة عالطريق رايح جاي كل نهار الزلمة ورا عيلة وولاد كمان ما بدو يضل اخد مرا غمت من ريحتك ومرجع مرا عاشت من بعد ما بعدت عنك دخيل عينك يعني لك حتى جارك عرفتو لجارك لاء مو هداك التاني اللي مقابيلكن امس وقفني على درج البناية وشكالي عنك الزلمي ما عم يقدر ياكل من ريحتك يا رجل وهادا جارك اللي ساكن فوقك سمعنا عم نحكي بالصدفة ولاح براسو فبرضاي عليك خيو يا اما بدك تروح تتحمم وتصير تبخبخ بارفان يا اما بدنا نلاقيلنا شي حل معك وروح من وجهي هلأ خنقتني الكمامة راح شباب وهاي رح نبخ معطر جو مشان الريحة فشششششششششششششششششت فيكن ترجعو للموضوع |
لبست اليوم زي روماني
امي قالتلي بيلبق عليكي بس بعدين شلحتو ولبست الزي البدائي شنو مهضوم وقلت لامي بدي قرد mokey يعني :sosweet: لانو المناكي حلوين ه الايام وال10 بـ 5 ليرات يعني دزينة محرزة شو تروقتو وفطرتو بالغدا اليوم شبيبة :ss: |
هات ولع لقللك ولع .. :larg:
|
عسيرة الرجعة ع الموضوع
هون التعاطي سواكير حشيش وشم :frown: ماني شايف أبر :pos: انا بدي إبرة:jakoush: إبرة أبرة أبر لك أبرة مشان الله أبرة :cry::cry::cry: أخ أخ أه ممممممممممممممممممممممممم مممممم:larg: ودورهاااااااااااااااااااا اااااااا:adal: |
لو بستان حشيش كامل دخنتو ما بيسطلني ولا بينسيني اللي لازم انساه !! :hashish::hashish::hashish:
الله ينعن :zen: بس !! شو طالع بإيدي اعمل اانا مثلا ؟؟؟؟؟؟؟؟؟؟؟؟؟؟! الله يبعتلي ابن حرام يتحركش فيي لحتى اشل املو واخليه يعد سنانو ع ايديه ويعمل منهم سنسلة!:jakoush: WAJA3 |
اقتباس:
ولي بتخوفي :cry::cry::cry::cry: :zen: بس هاد الي والحقوق محفوظة :jakoush::jakoush::jakoush::jakoush: |
اقتباس:
وبدك تسمحلي هالمرة!!!!!!!!!!!!!!! :jakoush: |
طيب بس بتاخدي تصريح مرة تانية
:pos: |
zen ما في متلو واحد بس بيرمي قنابل او رؤوس نووية !
اي اشي فعال أكتر !! ؟؟؟؟؟؟؟؟؟ |
اقتباس:
باين مو عاجبك ماراح تسكتي لتاكليلك شي  |
شو شباب و لك الكل صاير ما عم يتأثر بالحشيش , كأنو داخل نظامي عالبلد حتى مبين عليه مغشوش , واللا كل البلد ما عاد ياثر فيها بعد التخدير الجماعي , في تنين محششين بيتخانقو غيركون , له يا شاباب العبو سوا , وأنا شايفكون ها , وصاليلكون ورا الباب , وبعدين أنا متفضّيلكون , محشش بالأصل يعني حشيشتو منّو وفي , هيك خلقة
وهي من عدل الخالق , ومهارتو نسي يحط العقل , بس طلع من صالحي يا شباب هيك أحسن بكتير, شايفك أنت هونيك ها بروك عيويج وخود نفس ساوي , أيه ها , وفي خبرية جديدة , رح يستوردولنا نوع جديد متل المي بيشربو بالكاس وبس تحط عليه مي بيصير لبن , لا وأطيب بكتير |
اقتباس:
مش عارفة ازا بينفع اسمي هاي جرأة بس مرة تانية بدك تضرب اعرف اختار الهدف منيح :frown: مش كل طير بيتاكل لحمو يا اخينا.. اصبرلك اكم يوم بس اصحى من الحشيش اللي سحبتو ورح احط النقط عالحروف و أهد الروف عاللي فيه :willi: |
| الساعة بإيدك هلق يا سيدي 03:09 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون