|
اقتباس:
كلام منطقي لا غُبار عليه لكن هون في حريات ومسؤليات يعني البنت يلي حابة تصير قبيسيية هي حرة وعندها عقل حط عقلك براسك بتعرف خلاصك وانت شايف انهم خراب للمجتمع بنشرهم لاشياء بتخرب المجتمع السوري الفظيع؟؟؟ انت برايك عبدة الشيطان ماعم يخربو نفوس شباب وعقول شباب بعمر الورد شباب عم تموت من ورا جرعة هلوسة لحتى يرتقوا ل الله تبعون ولله القصة هون مغايرة والها علاقة بالدين الاسلامي |
اقتباس:
الدولة داعمة اي نشاط بحدود وها الشي مو على كيفها متل ما عم تدعم الحزب الشيوعي وتدعم حزب البعث والقومي السوري لازم تعطي كمان بعض الحرية لكل انسان حابب يعيش على كيفه انشا الله بصير قبيسي وهابي صوفي الانسان حر طالما عقله تمام |
اقتباس:
|
اقتباس:
جماعة احرار مو نحنا عم نطالب بمجتمع علماني مدني معناها يصطفلوا بيلي بيفكرو فيه وتكون قصة الحيط صحيحة في معتقدات وافكار لديانات بتفرط من الضحك مالي متذكرتها للبوذيين و الهندوس رح بحبش عليهم |
مابدي قول اسم طائفة معروفة
من احدى قوانينها المخزية والمثيرة للأشمئزاز انه كل شاب لما ينوي الزواج لازم زوجته تنام مع رئيس القبيلة تبعهم او يمكن الله تبعهم يعني يشوفها اذا عذراء وبعدين بقلو مبروك مدامتك شريفة وريحتك من مهمة صعبة خلينا نشوف الاوساط بالمجتمع بعيون كتيرة ونتفتح كمان ابواب اكتر للموضوعية ونظرتنا لبشر من ناحية انسانية |
انو الجماعة يمكن عندون شوية تخبيص وهو انو الانسة كلامها مسموع دايما بس اللي مو مقتنع فيو يتركون ما بيقتلو حدا الله وكيلكن واكبر مثال حضرتي ليكني عايشة واسم الله حولي
بس هالشي ما بيسوغ الاشاعات والخزعبلات يللي عم يحكوها العالم وبيكفي انهن ما بيكفروا اي طائفة شو ما كانت بذكر انو الانسة كانت تقول :"مين نحنا لنقول هاد عالنار وهاد عالجنة بركي الزلمة عامل شي لوجه الله قام الله ببركة هالعمل الصالح غفرلو ذنوبو " يعني ما بظن انو هالحكي بيطلع من عالم منغلقين على حالون وما بيشوفوا انو غيرهن بيفوت عالجنة |
اقتباس:
بعمرو ما كان التعصب والدفاع عن الرأي نفس الشي في خطوط بتفصل بيناتهم بيكفي أنو التعصب بيحض على رفض الآخر ;) قلتلك ما رح حول الموضوع عن القبيسيات وهيك بس أنو ياريت ترجعني لرد Urhoy |
اقتباس:
يعني لو أنون مجرد مجموعة عم تمارس معتقداتها بطريقة معينة .. أو بوجهة نظر معينة ... فهي تعتبر حرية شخصية أما قصة تحويل المجتمع الى مجتمع اسلامي ملتزم .... فهي تتعدى الحرية الشخصية |
اقتباس:
|
اقتباس:
حلقة مفرغة ممكن كون عم دور فيها كلياتنا اسيرين لافكار وقصص وسجناء تحت سلطة بصير ومابصير انا وانتي الآن في حالة تعصب ودفاع عن فكّرنا ورأينا وباعتبار اتهمتيني اني انا يلي عم دور :Dفنقاشنا عقيم |
اقتباس:
|
اقتباس:
شو هي هالطرق يا ترى ..؟؟ و بما أنو عندك فكرة عنهون .. ممكن تحكيلنا شو رأيهون بالغير محجبات أو بالغير ملتزمات دينياً |
اقتباس:
المجتمع انا وانت مثلا.. انا اذا دعوني مابقبل...لي اسبابي رغم اني مو شايفتون غلط وانت اذا دعوك اكيد مابتقبل الك اسبابك وشايفهون غلط معناها هون هنن ماعم يتعدوا الحرية الشخصية لانهم ماسلبوني ولا سلبوك حريتك ولعلمك القبيسيات ماعندهم دعوة لنهجهم وفكرهم ابدا هم متلهم متل اي بيئة مسلمة محافظة وهلا:D |
اقتباس:
هون المشكلة والفرق بيناتهم وعالهامش الدفاع عن الرأي ما بيعني إني أجبر الواحد على اعتناقو |
اقتباس:
هني عم يعملوا ع نشر الكره و البغض بين أفراد المجتمع لما بيوصفوا كل سافرة (غير حجبة ) بانها كافرة ... و يللي بتحط ماكياج ......بانها ساقطة و نتف الحوجب = التعري و نشر هالتعاليم عم يصير عن طريق استغلال الدين ..و الترهيب من العقاب و هي لاتعتبر طرق اقناع أصلاً أسهل شي بمجتمعنا هو استغلال الدين و الروحانيات بشكل عام |
انو مين قال هنن هيك بيحكو
ولا مرة الانسة قالت عن وحدة سافرة انها كافرة ولا نتف الحواجب = التعري يعني عن جد الجماعة مشوهة صورتون عالخالص تاري |
اقتباس:
وبهيك حالات (يلي بتقصديها)، الدفاع بيكون لما واحد من دين تاني بيجي يعتدي على دينك فانتي بالتالي رح تدافعي عن دينك صح؟. .. هيي شغلة الدفاع عن الاديان (بالصورة الي دحشتيها بالموضوع) بعتبرها وبكل بساطة قتالة وبس! يعني معركة عالفاضي, خلص الطرفين مؤمنين بأديانن... فالله يرضى عليكي لا تحاولي تقنعينا انو هيك قتالات هيي نقاش! لأ وقال نقاش بطريقة محترمة... اقتباس:
بس شايفة كيف خلطتي التعصب مع الالتزام بمادئ اساسية لدين معين واعتبرتي انو الي بيتبع مبادئ دينو بشكل عام فهو عم يدافع عن دينو :shock: :? وبالتالي الي بيدافع عن دينو هو متعصب.... وهكذا دورتينا معك... |
بما انو في حكي واسقاطات فاشلة متل العادة بس حبيت وضح شغلة:
يلي بدو يقارن موضوع صلب المسيح عند المسيحين بمعتقدات القبيسيات شخص يفتقر للمنطق لعدة أسباب حوضحها شوي: أول شي المسيح هو ركيزة الدين المسيحي والمسيحين هم أدرى بطريقة معتقدهم حول صلبه من عدمه طالما أن هذا الشيئ لا يسبب مشكلة للأخرين... أما موضوعنا هون عن القبيسيات يلي حتى أغلب المسلمين رافضين معتقدتاهن المتخلفة وتعصبهن الأعمى وتراجعهن عن ركب التطور والانسانية ألف سنة لورا... تاني شي وجب أن تكون المقارنة بين حالتين من نفس النوع حتى نقدر نقارن... المسيحين ما إجو حاولو يقنعو القبيسيات انو محمد ما طلع عالبراق بالإسراء والمعراج حتى يتدافع عن الحالة بطريق اقناع المسييحين انو المسيح ما انصلب... تالت شي ما عم افهم شو الهدف من الدفاع عن الحالة الغلط دائماً بس رح كون صافي النية وقول انو طريقة للإستثارة الانتباه مع العلم انو صارت مملة شوي. |
| الساعة بإيدك هلق يا سيدي 16:29 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون