|
اقتباس:
الزبالة اللي بنشتريها من اسرائيل الي على اساس زبالة المستوطنات أحسن من احسن صننع وطني وحياتك انا ماعندي استعداد اشتري سائل جلي شغل هون لأنو ريحتو لحالها متل ريحة الجرابات وبعدين مين قال انو احنا عم نتحجج اى لا ستي ما عم نتحجج احنا بحصار ومحاصرين وماعنا شي واذا بتحبي كمان البوت اللي لابستو هلا صارلو 3 سنين برجلي وممزوع وحالتو بالويل وبخجل امشي فيه بالشارع بس مارح اشتري اي بوت تاني لا شغل مصري ولاا شي اذا بدي غيرو بدي اشتري شي منيح مو شي كبو بعد يومين تلاتة وطالما قلبك مو مطاوعك تشتري صناعة اسرائيلية وتدعمي اقتصادها حاولو تعمل حزب بينادي بتغير العملة المتداولة في فلسطين خلونا نبطل نستعمل عملتهن أقلا مافيها ولا احنا بنفهم الاقتصاد الاسرائيلي بالأكل والشرب بس |
اقتباس:
لابسة فستان قطني صناعة اسرائيلية... :cry: |
لابسة ميني عباية ما بعرف كيف بتقولولا بس هون بتنال قوالون بيعيطولها Miami
صناعة سورية وزرقا |
صناعة البالة المتحدة :cry:
|
اي وحياتك ما في احلى من البالة
لك يا زلمة رحت ع معرض كانو بيعرضو فيو كل شي ومان في Solde تخفيضات يعني شفت الناس ملتمين ع ملابس البالة قلت بشوف شو فيا لقيت فيا المودرن لاله وكيلك ما ارتحت لشتريت 3 قطع وكل وحدة اضرب من التانية يعني شغلةةةةةةةةةةةةةة |
من الجواريب للكلسون مرورا بالبيجاما والبنطرون كلهن صناعة سوريا رغم اني صارلي عايش سنة ونص بالمانيا:gem:
يعني لاتفكرو القصة اني وطني كتير بس مونت تياب قبل ما اطلع وباعتباري مابشتري شي اميركي من لما كان عمري 6 سنين فمالك غير السوري :cry: عفكرة القطنيات السورية مابيلبسها غير اولاد العيل هون لان بالفعل غالية رغم عدم ووجود اي دعاية الها بهالبلد:D |
اقتباس:
|
اقتباس:
والله عراسي |
اقتباس:
صناعتنا على قدنا وما رح تتطور وتكبر طالما احنا مش داعمينها !! و ع فكرة مش كل الصناعات الوطنية سيئة في كتير منتجات النا بتتصدر برا البلد!! لما بتشتري بضاعة مستوطنات انت لسة بتدعمي احقر انواع الاسرئيليين اللي هم المستوطنين وما اتخيلش في فلسطيني بيعرفش شو الفرق بين اي اسرائيلي عادي وبين اسرائيلي مستوطن !! اما بالنسبة للعملة بدي اعطيك كمان معلومة اتخيل واصلتك الغاز بناخدو منهم والبترول وبندفعلهم ضرايب ومصاري حق اي اشي بنستخدمو ! احنا امكانياتنا متواضعة واللي معو مصاري كتير قليل ما يستثمر بمنطقة زي منطقتنا !! بس الواحد بيعمل اللي بيقدر عليه صعب اجي انا اغير العملة وابني لكيان مش دولة لسة زينا (لسة كنا كيان هلأ كيانين ) عملة واقتصاد مستقل بس مش صعب عليي كمواطنة ادعم صناعة بلدي ومش صعب علي كمواطنة فلسطينية لفلسطين حق علي احاول اأثر عاللي حوالي عشان يقاطعو هيك منتوجات !! بالاخر قبل ما نطالب العرب والعالم يوقفوا معنا ويحسوا بمعاناتنا وع شوي بدنا نطالبهم يجو محلنا ونروح محلهم نعمل جزء من اللي علينا ونعمل اللي بنقدر عليه !! المقاطعة لاسرائيل بالاكل والشرب بتضر اقتصادهم لأنو السوق الفلسطيني غرقان بهيك منتجات وكل شي بأولو بيبدا زغير وبيكبر هلأ بنعمل اللي بنقدر عليه ولما نقدر ع اشي اكتر منو بنعملو !!! بتمنى بيوم نقدر نستوعب انو الامور ما بتيجي مرة وحدة بتيجي بالتدريج وانو اي نشاط بيبين زغير زي المقاطعة للبضائع الاسرائيلية بيأثر ع الاقتصاد الاسرائيلي وع صحاب المصانع الاسرائيليين !!! أكيد كل واحد حر شو يعمل وكيف بيفكر والله يكون بالعون !!!!!!!!!!!!!!!!!!!!!!!!!!!!!!!! |
اقتباس:
|
اقتباس:
|
مش لابس شي بس البوكسر مش عارف وين صنع
|
اقتباس:
بس أنا عايشة بغزةة يعني يعني يعني صعب كتير اشرح اي شي اللي بدو يفهم يجي يعيش اسبوع بغزة بيفهم انو مافي معنى لأي شي لا وطن ولا شعب ولا حتى دين يلعن دين هيك وطن وبدك يانا نتخانق عاللبس وعالبضاعة وعالاقتصاد الاسرائيلي الي احنا داعمينو |
labse jeans Benetton (made in Syria ), Mango T-shirt ( made in Spain) ,socks made in Syria
2/3 syrian |
اقتباس:
انا ما بتخانق معك ابدا بس برضو سؤالك عن بتطلعي لابسة صناعة وطنية او لأ سؤال بيستفز اي انسان !! الظروف صعبة والأمور بغزة معقدة كتير وحاسين فيكو بس اللي بعرفو انو لما بدنا يكون عنا ارادة بنخلي لكل شي معنى والحكي مش حكي جرايد وبس ! بهالبلد عمرو ما كانت طريقنا ورود وامورنا سهلة وماشية!! بكل لحظة بنتهاجم عسكريا وثقافيا ومن كل النواحي بس هاي هي الحرب ومفروض نتحمل :smile:... الله يكون معكو :D |
لحظه لشوف...
انا لابس كنزة مألمه شغل ستيفانيل (اكيد السوري) مو الايطالي وبنطلون على زمّة بينيتون الشعلان انو تركي... حقو هديك الحسبة .. وقتها كان اول راتب هههههه وبوط اديداس شغل اندونيسيا و... عيب ما دخلون هدول !! |
مششششششششش :o...صنع الرب
|
يعني انا لابسة بلوزة وبنطلون يمكن من الصين بس انا اصلا بغدرش البس صناعة وطنية لانو ما في صناعة فلسطينية واسرائيل الدولة الي عايشة فيها اذا بتحسبوها هيك ما لبست من صناعتها ولا بدي البس :pos:
|
| الساعة بإيدك هلق يا سيدي 22:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون