|
اقتباس:
جوابك (sandy ahlawya) مالو علاقة بارادة الله، لانو الانسان بالعصور القديمة صحيح ماكان يعرف وسائل الاتصال السريعة والبنايات العالية وكان معرض للخطر من قبل الحيوانات المفترسة... بس هو كمان كان يعتبر نفسو متطور عن قبل وكان تسهل حياتو مع اكتشاف كل أداة جديدة.. وماكان عندو المشاكل الي عند الانسان الحالي, متل ما نحنا كمان ما عنا مشاكل الانسان القديم... المهم وبلا طولة سيرة : الانسان القديم كان يعمر الارض أيضاً ولكن الفرق الوحيد (عن الانسان الحالي)هو أنه لم يفسدها , وانتي قلتي (رغم اننا بدأنا نفسد فيها الا اننا برضه بنعمرها) واكدتي هالشي... واذا اخذنا بعين الاعتبار التلوثات والاضرار البيئية الي عم نشوفا ... معناها فعلا ارادة الله غير موجودة (!!) يعني بشكل عام نحنا عم ندخل الله بامور مالاداعي ابدا وبالتالي عم نهينو بهالشكل... وننسى نعمة العقل الي اعطانا ياها.. مثال تاني: لما بنشوف ثمرة اووردة او نبتة غريبة عن صنفها من ناحية الالوان او الحجم بنقول (سبحان الله شو قادر على كل شيء) :o طيب الله قادر على كل شيء بس شو مخلاه يشغل حالو بالنباتات وما شابه؟ طيب الانسان بيقدر (كأبسط مثال) ينتج زنابق بألوان جديدة وبعدة ألوان ... معناها الانسان عندو قدرة الاهية؟ :shock: حاصلو: مالازم ندخل الله بكل شغلة صغيرة لانو بعدين رح يزعل منّا :pos: ويقول: "نسبتولي اشياء تافهة بينما انتو فيكون تعملو اكبر منها , وخليتوني كون سبب تخلفكون لانكن استخدمتن العقل بطريقة خاطئة و انا عاطيكون ياه لتطورو انفسكن.. فيا حبابين بدل ما تفكرو ليش الله خلقنا فكرو ليش الله عطانا العقل"...:jakoush: |
كل انسان له دور في الحياة مهما صغر حجم هذا الدور ...
|
اقتباس:
انا اسفة على هيك جملة بس انا احيانا اغلط شوي لما اتحاور مع حدا ثاني لاني تكون عندي ردة فعل قوية كتير واحكي يلي يطلع معي بسرعة.......واسفة من الجميع بس برضه يا اخ صوري انا ما قصدت هيك...........وشو عرفك اني مسلمة.....وشو دخل المسلمين بالموضوع انا الي احكي في هو وجود الله وبس.....وهاد يامنو فيه الاسلام والمسيحية واليهود ومين حكالك انه اغلب المسلمين هيك....هي انت عم تناقض حالك....على اي اساس كمان تحكي انه اغلب المسلمين هيك وانت ما قابلت منهم حدا....واذا شفت غلط من حدا لا تعمم على الكل وهلا رح احكي رايي بالموضوع من دون اي مهاجمة لحد: اول شي انا مؤمنة بانه الله خلقني منشان اعبده وقمة العبادة انك تقوم باعمار واصلاح الارض وثانيا كلنا نعرف انه الدنيا بما انها فانية ولا تدوم فيها الخير والشر والمحسن والمسيء والظالم والمظلوم.......الخ،والغرض من اسنان قوانين الله عز وجل في الارض هي تنظيم شؤون البشر لكن الحكمة من وجود النار والجنة هي ان يكون هناك جزاء ولاحقاق العدل. هاي هيا الاشياء الي اامن فيها......ويمكن غيري يامن بشي ثاني زي انه لا وجود للخالق او هناك ظلم وانه احنا خلقنا تسليةو....و......"تعالى الله عما يقولون"....ابن تيمية والغزالي وكثير من العلماء الفوا كتب للرد عليهم واقناعهم. وانا برايي الانسان العاقل لو بس يشوف فيلم وثائقي عن جسم الانسان وعن عمل الاجهزة والخلايا يقنع انه في خالق وانه الله سبحان وتعالى ما خلقني عبث بالهالدنيا.....والانسان متل ما قال سوريويو اله دور مهما كان صغير. ملاحظة مهمة:انا هون عم احكي لاني اامن بوجود الله مش لاني مسلمة يعني كتبتون بس عشان وضح شو يلي بدي احكيه. |
اقتباس:
الشغلات يلي الكل فكر فيها انا فكرت فيها....ليش انخلقت ومين خلقنا ولوين رايحين.....احيانا كنت فكر انه هي مجرد تسلية وهيك بس لما فكر فيا مرة ثانية ارجع اقتنع بلي امنت فيه. كنت فكر انه هل هناك خالق؟؟وليش انخلقنا؟؟ولوين رايحين؟؟طيب مدامه الله بالاخير رح يجازينا كلنا وكل واحد رح ياخد حقه....ليش من البداية صار هيك وشو كان صار لو ما انخلقنا؟؟؟مدامه الله مو ناقصه عبادة ليش خلقنا؟؟وكمان كان يمر ببالي السؤال انه الله من وين وجد؟؟ بس ارجع اقتنع انه البشر هاي غاية خلقهن....عبادة الله واعمار الارض.....واعرف كمان انه العقل البشري في خطوط حمرا ما يقدر يستوعبها....الله خلق العقل البشري هيك...ولما الواحد تمو بباله هالاسئلة لازم ما يتعمق فيا لانه رح يوصل لدرجة الكفر وممكن لدرجة الجنون لانه العقل البشري مهما كبر في امور ما رح يقدر يستوعبها. |
صحيح أنا بأمن بوجود الله ... بس سؤالي ...
إذا الله نفسوا بالقرأن بيقول لازم كلشي يكون عن اقتناع ... طيب هل انتو حقيقة مقتنعين انو في النهاية في حقا جنة ونار ؟؟؟ لأنو هل الموضوع من المسلمات فوين الاقناع بالموضوع ؟؟؟ شو الدليل ؟؟؟ صحيح أنو كل شي في أله حكمة متل ما بيقولوا بس بنفس الوقت الدنيا ما فيها عدل بالمرة ... فشو الحكمة بهل الموضوع ؟؟؟ ----------------------------- على الهامش: غريبة yass فات على الموضوع ولسا ما قفلو مع انو ممنوع حوار الاديان بالصالون ؟؟ |
انا بالنسبة الي مقتنعة في لدرجة كبيرة
والدنيا لانه ما فيا عدل في جنة ونار عشان يتحقق العدل وهون مش حوار اديان...هون عم نناقش ليش انخلقنا؟؟وكل واحد يحكي الشي يلي مقتنع فيه. |
اقتباس:
قلت انا من البداية انو التفكير بهل الأمور تؤدي الى الإلحاد والكفر وليس الى الإيمان كما يقول البعض ... احنا واسفة على هل الكلمة عم نمشي على اشياء مكتوبة بكتب ان كان انجيل او توراة او قرأن وعم نمشي عليها لآنو الاجيال الي قبلنا كلها عملت هيك مو لأنو حقيقة مقتنعين بالموضوع ... وهل الافلام والقصص الي عم تطلع عم تزيدنا تفكير والحاد .. عفوا بس شو السر الإلاهي بالتناقض حتى بين الاديان؟؟ القرأن بيقول المسيح ما صلب مع انو هي اساس الدين المسيحي كلو ... والمسيحيين بيقولوا القرأن مو من عند الله وكتب عن طريق راهب مع انو هو معجزة الاسلام واساس الدين كمان .... واحنا الاتنين بنكره اليهود ...وكل دين فيو عشرين مذهب كل واحد بيختلف عن التاني ... حقيقة شي بيدعوا للتفكير ... طيب مو يمكن هي الكتب كلها في النهاية كتبت بأيادي بشرية وعاى مر الاجيال ترسخ بالعقل انها إلاهية ؟؟؟ أرجوا انو حقيقة نكمل النقاش بهل الموضوع يمكن نوصل لحالة اقتناع في النهاية ... ------------------------------- على الهامش: اتمنى من كل قلبي من المشرفين ما يحزفوا الموضوع لأنو حقيقة مهم ... ورح نضل بحدود الحوار الحضاري .... |
اقتباس:
كلما ازاددنا علم كلما ازددنا قربا من صفات الله |
اقتباس:
ليش الخلق ما بيعتبر حوار أديان ؟؟ |
اقتباس:
صديقتي....معك حق احنا اخدنا وامنا بهاي الاشياء لانه وجدنا اباءنا واجدادنا مامنين فيها....بس وين الغلط اذا بحثنا فيها وناخدها عن اقتناع بدل تبعية الاجداد. الحياة ما فيا عدل اكيد....لكن بما انك تامني بالله فاكيد تامني بالاخرة...وتامني انه رح يجي يوم ونتحاسب وياخد كل واحد حقه وبالعدل. |
اقتباس:
لا انه قصدي هون كل واحد عم يحكي راييه بانه ليش انخلق يعني بغض النظر شو ديانتك او ما عندك ديانة.....شو حاس سبب وجودك بالحياة هل انه لهدف زي ما يعتقد البعض....ولا هيك ما الك اهمية ووجودك كان غلط ومحض الصدفة كما يعتقد البعض الاخر |
اقتباس:
هاد السؤال لماذا خلقت ولما وجدت وشو دوري بالحياة مو ضروري يكون متصل بالدين كل الفلاسفة والمفكرين حتى الملحدين منهم اهتموا بهالسؤال وحاولوا يوجدوا الو إجابة بغض النظر عن الدين شو بيقول يعني بعتقد شي حلو أنو الواحد يفكر بالأشياء ومسبباتها وغايتها بالاعتماد عالعقل والمنطق والتفكير ومو بالاعتماد فقط على الإيمان |
يعني اذا في الله
فالجواب عنده مو عندي |
لا حول ولا قوة الا بالله
عملت هالموضوع قبل فترة ونسيتو لأني ما عدت فتت عالمنتدى اليوم لما فتت خطرلي انو شوف شو صار ويا ريتني ما فتت ولا شفت هالشوفة يا لطيف!!!!!!!!!! يعني نيتي من البداية اني اعطي مفهوم جديد يخلينا نعيش بمتعة اكبر بس سامحني يارب بسبب موضوعي اتعرضت ل...ما بعرف شو بدي اوصف هالكلام يللي انقال يعني لو كان في ملحدين وما بيعترفوا بالله على الاقل يحترموا المؤمنين ولو كان في غير مسلمين على الاقل يحترموا المسلمين لك المنتدى اسمو اخوية يعني كمثال: اذا بعرف حدى بحب وبيحترم انسان معين ما بيجي انا وبسب هالانسان قدامو يعني هي اسمها قلة زووووووق يعني وما بالك اذا كانت هالمسبات اجت في ماهو اهم من نفسي بالنسبة لي ما عندي شي ضيفو سوى حسبي الله ونعم الوكيل ويلي مانو مؤمن بالله فأنا متأكدة انو بيؤمن بالاخلاق فبقلو انو الاخلاق ما بيرضيها هالشي مع احترامي للجميع واعتذاري لكل من تعرض للاهانة بسبب موضوعي |
اقتباس:
|
هلا الواحد مو معترض على خلقة الله....بس ليش ماشاورونا باسامينا والطبقة الاجتماعية يللي بينتميلها الواحد.....؟؟؟؟هيك خبط لزق لقي حاله الواحد بيدب على الارض متل السلحفا واسمه فلان لونه مدري شو؟؟؟
|
عندي شي عم اشتغلو...
عم دوّر ع شغل |
اقتباس:
|
| الساعة بإيدك هلق يا سيدي 04:32 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون