|
بالنسبة إلي .... أي طريقة بتدحر الظلم هي إنسانية .
بالنهاية انا بتدايق لما يموت اي انسان بالعالم .. بس لما يكون هيدا الإنسان عنصر في جريمة يمكن هي الجريمة الأشنع في القرن العشرين ... ما بقدر غير اني ارفع بندقيتي بوجه الظلم وين ما كان تحياتي الحارة ظل جيفارا |
لحظة بس لو فعلا هو كان بس بدو الاب فيك تقلي ليش الام والطفلة الثانية اتخبو؟ وليش الام تخبت مع الطفلة الثانية وحتى انو الطفلة اختنقت بسبب محاولة الام انها تسكتها ؟؟؟؟؟؟
انا بعترف انو هو وطني مناضل بس للاسف مو كل مواقفو صح بعدين بالنسبة للمدنيين في اسرائيل شو يعني متل ما انت و انا انسان وبحقلنا نعيش كمان هني بحقلهن يعيشو و بس للعلم نسبة الشعب الي ضد هي القرارات عند اليهود مرتفعة بعدين في استاز يهودي كان يعلمني هو يساري وضد هي القرارت الظالمة بحق العرب وحتى كنت شوفو بالمظاهرات معنا ماتت بنتو بانفجار وبعدو على موقفو هاد انت شو بتحسبو ؟ :D |
اقتباس:
انا فاهمتك بس بردو ما في الا قول هيك طريق السلام والحصول على الحق مش عن طريق قتل الناس مين ما كانو :D |
اقتباس:
|
:Dهو مولود باسرائيل هاد حسب تسمياتهن بعدين شو المشكلة لما انسان يساعد انسان اخر في حل مشكلته على قكرة هي كمان ضمن الانسانية حسب رايي :D
|
اقتباس:
بغض النظر عن يلي قلتيه بهاد الرد بس بدي انصحك نصيحة لاتناقشي أيداً بموضوع قيام دولة إسرائيل على أرض فلسطين ولابوجود اليهود داخل فلسطين لأنو في حساسية عالية اتجاه هاد الموضوع من شعوبنا.. لدرجة انهون مابيقدروا يناقشو هالموضوع لأسباب تربوية وعاطفية وتاريخية و و و و و و ... حلو الواحد يناقش بعقل منفتح.. بس متل قضية فلسطين بالنسبة لشعوبنا من الحرمات اذا ماقلنا هي أعرض خط أحمر. |
اقتباس:
|
شو ناسي اني فلسطينية يعني هي بالنسبة الي مو خط احمر وبس هي قنابل عندي بس انا ما فصدت انو اليهود الهن الحق بالارض لاااااااااااااااااااااااا بنتحر ولا بقولها مع اني كتير منفتحة على المناقش او هيك بحس ما بعرف بس فلسطين بلدي وحبي الها واهتمامي بالقضية هو الي خلاني قول هيك انا كان قصدي انا لو اجا يهودي مو ضروري اسرائيلي وشارك بمظاهرة ضد حكومة اسرائيل هل بترفضو لانو يهودي ولانو ناس من شعبو قتلو اطفال ؟؟؟ هي بتصير عنصرية يعني ضد الاسانية الي عم بحكي عنها :D بالنسبة للمتل الي جبتو كان قصدي جاوبو للاخ محمد انو مهما صار المدنين ما دخلهن بالحروبات اذا كانو يهود او عرب ومن شان هيك انا ضد الي عملو سمير بس اكيد مش ضد رجعتو بالعكس انا كتير فرحانة عشانو
|
اقتباس:
بالنهاية انا وضحت من قبل انو اذا كان قتل الطفلة فاكيد هاد عمل انسان مختل ويستحق العقاب . لا تزايدي على حكيي الله يخليكي انا من ناحيتي ماني مع اي خطأ بس لحتى اقول انو فلان اخطأ لازم يكون في دليل على خطئو . اذا بدك تزايدي ؟ عراحتك بس الاولى تركزي على مئات الاطفال اللي قتلو بيد قوات الاحتلال الاسرائيلية اذا ماكانو لانون اخوتك كفلسطينيين فاتعاطفي معون انسانيا (اولى بتعاطفك هننى ) الشق الثاني والنبي يا اختي يعيشو متل مابدون بس برا ارضنا (مابعرف كيف بتعطيون الحق يعيشو هون ) يرجعو يعيشو مطرح ما اجيو هننى او ابائون او اجدادون (الاولى بالمكان ملايين اللاجئيين الفلسطينيين) اللي مشردين ومشتتين بكل دولة بالعالم (استحي الله يرضى عنك) خلي هالحكي للامريكان او اذا كان حدا عربي فياريت مايكون فلسطيني !!! |
اقتباس:
|
اقتباس:
انا ماعندي اية مشاكل مع اليهود نهائيا انا مشكلتي مع اسرائيل (سرقت ارض وقتلت ناس وشردت ناس وطردت ناس ) اي حدا بيدافع عن اسرائيل انا ضدو ولو كان ابي . |
بهديكن أغنية من وحي الموضوع:
من لوث أرضي بدمائه قد رحل الآن ... وفر كذليل تائه كأي جبان وأيقن أن ببقائه... لن يسطع نجم بسمائه...لن تأتي أبداً للقائه إلا الأحزان - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
هههه كيف طلعت معك عم بعطيهن الحق يعيشو بفلسطيييين لك الي بعطيهن الحق انا ضدووووووو انا فلسطينية بس يمكن انا ما عرفت عبر منييح انا الي قصدتو انو ليش تعتبر اليهود المولودين جديد هون هني سبب هي المشكلة الي قتلو والي دمرو وسرقو هدول ناس تانيين يعني معقول تلقي اللوم بقتل اطفال العرب على اطفال اليهود؟؟
|
مبروك ل لبنان
مبروك ل حزب الله مبروك ل سوريا الاسد هالشي اللي صار ما قدرت الجامعة العربية ولا منظمة المؤتمر الاسلامي يعملو والسلام هاكونا متاتا |
بكم يتحرر الاسرى... بكم تتحرر الأرض... بقبضتكم... بغضبتكم... عاش نصر اللة وعاشت المقاومة...
|
اقتباس:
اقتباس:
بس يظهر ان سيادتك ناسية شيئ مهم وهو انو اليهود خليني اكتب بمصطلحاتي لانها دقيقة (الاسرائيليين) المولودين جديد لازالو عايشين على ارض مسلوبة ومسروقة مننا ولازلنا بنطالب بهالارض (ولساتون عايششين عليها ) بدنا ناخد الارض بالسلام والمفاوضات وهننى ما موافقين يتركو الارض ويرحلو !! شبدنا نعمل !! ما نطالب يالارض !! نسكت !! منشان بس لساتون مولدين جديد !!! والله شي لطيف يعني ابي يسرق مصاري ابيكي ويموت ما بحقلك تستردي مصاري ابيكي وبتموتي من الجوع لانو انا (مولد جديد وماسرقت مصاري ابيكي ) بس لاحظي انا هلاء اللي معي مصاري ابيكي وما بردا الك على الرغم من مطالبتك فيها .!!!!! مافي مبرر على وجه الكرة الارضية بيبرر سلب الارض او السكوت عن المطالبة فيها والمقاومة في حالة عدم رد اللصوص للارض . |
طيب طيب انا فهمت غلط و انت كمان شوي شوي عشان فهمك انا قصدي ما تعاقب الاطفال على اغلاط اهلن وبالنسبة للمثل انا كنت بطالبك فيهن اكيد بس ما بلومك انت على سرقتهن هاد قصدي:D بعدين يا اخي انا مش ساكتة لحدا وعم طالب بحقوقي بس الفرق اني انا عم طالب عن طريق المظاهرات وكمان في اشياء تانية مو هاد موضوعنا هلق انا بس ضد القتل مش مهم شو الاسباب بعدين شو اذا ما بحمل بارودة وبقتل الناس ما بكون وطنية؟؟؟بس ومن هون انا بقول وبعلن اني كمان مستعدة للبارودة والمقاومة بس مش عن طريق قتل الاطفال والمدنيين
|
شدني كتير الفروقات الواضحة بعملية التبادل بين حزب الله ودولة اسرائيل بطرف من الارض صندوقين ملفوف عليهم علم دولة اسرائيل وبالطرف الثاني صناديق وخمسة اشخاص احياء وفيهم من يحتاج إلى برنامج تخسيس للوزن(رجيم) طبعا لزيادة وزنه الواضح الاسرى كانوا سمانين لدرجة التصور انهم كانوا في فنادق من عيار الخمس نجوم نعم هالشي كان واضح جدا
طبعا بعكس المعتقلين بسجون العرباوية الذي يخرج سوف يخرج عظم وعليه سترة من الجلد فقط (عليك بملاحظة الفرق بين دولة اسرائيل والدول العربية في معاملة الارهابيين) سمير القنطار الذي يمجده الكثير من الخلائق كبطل صنديد قام بعملية نوعية في العمق الاسرائيلي باقدامه بقتل عالم ذرة مع طفلته الصغيرة ذات 4 اعوام طبعا هالعالم ما كان ضابط ولا عنصر بالجيش ولا الطفلة كانت بالشرطة ولا الجيش، بقتله الطفلة الصغيرة ظن انه سوف يقطع نسل علماء الذرة الاسرائليين بتصوركم ما فعلت اسرائيل مقابل هذا العمل البطولي من قتل لعالم وطفلته؟ قامت باعتقاله وزجه بالسجن ومحاكمته امام القضاء برايكم لو قامت باعدام سمير هل كانت لاقت اللوم؟ لا بل اعطت الكثير لهذا المعتقل من اتاحت الفرصة له بحصوله على الشهادة الجامعية واتمام دراسته العالي وهو بالسجن املاً تحويل هذا الوحش الكاسر الى مخلوق بشري اسفي على امة تملك عقلية اضفاء المجد ووشاح البطولة واوراق الغار على مجرمين قتلة، لهي امة لا يرجى شفائها، اسرائيل يوما عن يوم تثبت انها دولة عصرية حديثة من حيث الحضارة المادية او المفهوم الانساني (لاحظ القضاء الاسرائيلي الحيادي كيف يحقق مع كبار الدولة اما في بلدان العروباية القائد مقدس في حياته ومماته والحكم وراثة لاولاده منزهون عن الخطا وحكم القضاء بل هم عماد القضاء) الحرية لكم |
| الساعة بإيدك هلق يا سيدي 08:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون