|
اقتباس:
بانصحهم يقرؤو نص اتفاقية عباس - بيلين :cry: ازا سمعو فيها |
اقتباس:
انو لأ احنا عالم جاهلة ومش سامعين بولا اتفاقيات ولا اشي وحاشاكو الانهزامية والتشاؤم !! احنا شعب لئيم ومسؤول عن كل شي بيصير فيه ! احنا السبب في انو تركتو كل شي وطلعتو وصار عنا مشكلة لاجئين واحنا اللي كنا ورا توقيع كل الاتفاقيات !! واحنا اللي طالبنا ببناء الجدار العازل عشان نطبق المثل اللي معناتو انو كل جار بحالو!! واحنا اللي قررنا انو كل زعيم بيجينا بيقعد عالكرسي وما بيقوم وبينهب فينا وبيوقع في اتفاقيات من راسو !! انا اللي عملنا كل هالحكي واحنا مؤيدين للمفاوضات ولحل الدولتين !! عالم الخيانة بدمنا وتركنا الوطنية لصحابها !!!!!!!!!!!!!!!!!!! السؤال كان للاجئ الفلسطيني لا لابو مازن ولا لحدا تاني فبلا منها المزايدة والحكي الفاضي اللي ما الو معنى ولا نكهة ولا لون وبلا من الاستهزاء الفارط !! هيك البلد وهاد الوضع اللي فيها وينعن اللي عايش ببلد عربي ولا مهجّر ع بلد اجنبي ورضيان بالحالة اللي هو فيها والو ايد بسياسة البلد ولا بقرارات اللي فوق !! احنا مش شاذين عن القاعدة احنا كمان ما النا ايد باللي بيصير فوق !! ولا كانلنا ايد باتفاقية اوسلو!! احنا زينا زيكو تماما بأي بلد عربي النا موقف ولحكوماتنا موقف تاني مختلف كليا !! هاي اول رد الي اقتباس:
هه! العالم بهالبلد بطل فيها حيل حتى تنتهك !! وبعيد وبكرر مرة تانية عشان اللي ثقافتو سنسكريتي فش مواطن فلسطيني ممكن يفرّط بحق العودة ولا اي انسان فلسطيني بيسكت ازا واحد من ولاد ال** اللي ماسكين البلد بيفرط فيه !! اما الاخ اللي بيحب نحرقو ببنزين اقتباس:
في مثل شعبي بيقول احترنا يا قرعة من وين نمشطك واعزرني ازا اسلوب الكلام بيلقش بمستوى القسم ازا انت عايش بغزة مفروض لاحظت انو ع ايام دحلان الناس كانت تحلف باسمو و ع ايام هنية الناس هلأ بتحلف باسمو زينا زي ا حدا تاني بنهلل وبنكبر للحاكم مين ما كان !! ولو لاحظت كمان انو دايما في مواطن بيأيد ومقرب من الحاكم بيستفيد عالجهتين الغزيين مش كسبانين اشي وما الهمش باشي ومش عارفين شو اللي بيصير ! اما نحلم انو اللاجئين يرجعوا فمش حكي شعارات بس هاد هدف اكتر منو حلم حتى لو كان صعب كتير يتحقق بيضل الهدف اللي موجودين عشانو لما بنتخلى عن هيك اهداف بل القضية واشر ب ميتها او احرقها ببنزين بدل ما نحرقك فيه احنا مقاومتنا عشان شو بدها تكون ؟؟! اما الاخت اللي بتحب الغبرة فيا ريت ما تحاولي تحرفي الكلام ابدا !! ويا ريت ما تحاولي تستنبطي اشياء منو ويا ريت نحاول نبعد الذكاء الخارق عنو كمان اقتباس:
بعدين عارفين شو هي مفاوضات الحل النهائي وعارفين شو يعني حل دولتين وعلى حد علمي بنضطر نقرأ اخبار البلد لأنها بتأثر ع ابسط اشي بيومنا .. تاريخنا بنعرفو وشايفينو والبعبعة عالفاضي مش اسلوبي!! يا ريت بلا منو الانفعال والاستعراض والحكي الفاضي هاد كلو ويا ريت تعرفو ع ايش بتردو قبل ما تردو !! حاليا انا عاطلة عن العمل يعني لا بمثل سلطة وطنية ولا اي حركة فلسطينية تانية انا بحكي بلساني انا مواطنة فلسطينية عندها افكارها وقناعاتها وبتقرأ اخبار بين الفترة والتانية ;) |
والله انا سوري بس برجع معكم000 اذا صار رجعه
|
اقتباس:
بلا التعصيب رجاء ... بداية ما حدا زاود على حدا ... وازا في بكلامي شيء استفزك ... فانا باعتزر عنو مقدما ومؤخرا ... وكل شي :mimo: احنا بنحكي بالواقع .. مو بالشعارات المرتبطة بالعاطفة ... العاطفة ما بتغير شي من الواقع ... عم تحكي انو حق العودة هدف ... بس انا باعرف انو لحتى الهدف يكون هدف بدو يكون في الو استراتيجية مرحلية لتطبيقو ... ويكون قابل للتطبيق ... اما ازا شي من هالشرطين كان فيه خلل .. فالهدف ما بيكون اي شيء اكتر من شعار ... لهيك عم بحكي كتير ... حق العودة حق مُكَدّس ... يعني مُخَزّن ... بيطلع من المرطبان حسب الحاجة والطلب ... في مواسم التنظير السياسي او الفكري ... لا اكثر ولا اقل ... باتمنى ما كون ازعجتك بكلامي السابق ... أو اللاحق ... :D |
بيب بيب .....غبرة غبرة.....بيب بيب......غبرة غبرة ...بيـــــــــب
هه وصلنااااااا ورجعنا يابا رجعنا تعصبيش عليي يا صديقتي والله ما قصدت اتمسخر بشي ولا اني استتفه حدا بس انا محبطة كبشات كبشات ويا ستي خلص والله ما برجع على هالصفحة نهائي بس تزعليش مني بعتزر منك انا :D هادي الوردة زنبق لونها ابيض جبتلك ياها من على شط غزة كانت مفتحة قبل المغرب بنص ساعة خديها مني لانها بتدبل بسرعة . تحياتي الك |
بدكم الدغري ولا ابن عمه ؟؟؟؟
ابن عمه بيقول انه ياللي ملائي شغل برنجي بشي دوله انكليزية ماممكن يرجع ... لكن الحكي المزبوط او الكلام الدغري انه كل واحد من القبضايات الفلسطينية وين ما كانوا لازم يرجعوا لبلدن مهمن كانت الزروف وياخدو من الأحوال المدنيه بطائات هوية وباسبورات ويسافروا بعدا وين ما بدن متلن متل كل الناس بكل البلاد ، يعني يرجعو لازمن يرجعو غصبن عن اللي بدو وياللي ما بدو :x |
| الساعة بإيدك هلق يا سيدي 22:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
ازا سمعو فيها
بس يوم ما ترجعو تعالو احرقوني ببنزين
