|
الاصرار على فرض الرأي ماهي طريقة للمناقشة
و كل واحد وعندو وجهة نظر في الموضوع الرجاء احترام الرأي الآخر اجت على رسمه يعني ؟؟؟؟؟ في بعض البلدان فيها تماثيل في نص الشارع لرجال عراة و ماحد شافها و كتب شيء غير أخلاقي ولا انحطاط بالعكس في مين بيتصور عندها ;) |
هههههههههههه
اي بيصير انا مش متابعتو الا لقطات من باب الفضول ما شفت هيك لقطة بس بالمجمل المسلسل عم يعتمد الابهار الشكلي والغريزي ليوصل لان اذا بلاتحظو مافيه اي فكرة ممكن تكون بتمس مجتمعنا او حتى ممكن يكون لهالفكرة معنى هو فقط قصة حب وناس عم تتقاتل مع بعضها بداعي الحب |
اقتباس:
قال وبيتصوروا عندها قال ولله تسالي |
المشكلة اخي مالك مش باللأنحطاط
المشكله بتقبل هل الأنحطاط فا كل واحد بيقبل الي بناسبو ودمتم |
انو باختصار ..... الانحطاط مو انو بصفتي كـ رسام هاوي ..... ارسم شخص عاري بغض النظر شب او بنت لاني عمارسم هاللوحة العارية لاستمتع باللوحة مو لاستمتع بالجسم العاري اللي باللوحة ....... بس الانحطاط بيتجلى باكبر رموزو ......... لما هالمخ البشري المتحجر .... بينسى كل شي رموز جمال باللوحة من دقة او بعد او مساحات لون او او او او ...وبيلتفت عهيك تفصيل صغير اللي هوي التعري .
تحياتي :D |
اقتباس:
|
أنا بعتقد أن هادا المسلسل تركي أوربي .. غربي ..يعني ما بيمت لعاداتنا ولا لتقالدينا بصلة لا من قريب ولا من بعيد ...
فكيف خرج انو الواحد يقيس ردة فعل أو تصرف غريب ...عن مجتمعنا بمعتقدات المجتمع أو الدين أو الأخلاق ... أساساً المفاهيم مختلفة و المبادئ مختلفة... بالأساس المقارنة ماهي صحيحة ... و اذا كان الواحد عمب يتابع هالمسلسل و ضمنون أنا لمجرد التسلية فقط مو لحتى ناخود منون مبادئ وقيم نتبعها بحياتنا ..... |
اقتباس:
اقتباس:
خلينا نعرب كلمة نعري ابل ما نشطح كتير بخيلنا ونوصف الأمور بغير اوصفها التعري اقسى كلمة ممكن ينوصف فيها التخلي عن الشيئ في الغة العربيه حتى سئلوا راديا :p فا اذا كان رسم انسان عاري بغض النظر عن جنسو مجرد فن فا انا اتحدى اي واحد فيكم من الي عم يكحي ان هاد فن , يقبل ان يُرسم او ينرسم بهل الشكل المخذي. لك امانه بصدركم وين الفن برسم عورة الرجل وين الفن برسم عوره المرأة ومفاتنها والأهم شو الهدف من هل الرسم انكم تخلدوا عوراة الناس؟؟؟؟ اذا كان الهدف من هل الفن هو الأستمتاع اي بنائص عن هيك فنانين لما بدي استمتع بهيك فن بتعرى من تيابي و بوقف ادام المرايه وبستمتع ع كيفي لأول بس وبلاش نهاية الحديث العقل زينه تقبلوا مروري |
اقتباس:
يعني معقول تشرد من الرسم على الجسم!!! تفصيل على سيرة التفصيل سمعت سمعة قال أنه التفصيلة هي صار في منها جاهز ديلفري يعني تحياتك:D |
اقتباس:
اقتباس:
بالفعل هزلــــــــــــت تحياتي :D |
اقتباس:
ما بتفسد القضية بس في عندي نقطة أستغراب كتير كبيرة مو بس من هالأقتباس من كتير ردود نزلت بهالموضوع وبغير موضوع ليش لما بينزل موضوع بيمس الأخلاق بينزل ألف مقاتل وبيعقد بدخل الدين بالموضوع يا جماعة في نقطة الأديان كلها عندها أخلاق وخلينا نفصل الدين عن الأخلاق بس ولو لمرة واحدة المهم هالمقاتلين هدول ألي عبستغربه منهم أنه بيجي واحد بيدافع عن الفكرة هي وبغض النظر عن هالفكرة وبيقاتل من أجل هالفكرة بأبعد الحدود ولما بتجي بتقول تبناها عملي يعني متل ما صار فوق بالردود بيقوم بيقلك أنا ما بعمل هيك وما بقبل حدا يرسمني عارية أو أرسم حدا عاري طيب مادام هيك شو سبب الدفاع عن الفكرة لكن وليش أنا عبدافع عن فكرة أنا مالي متبنيها وما بقبلها على حالي فهون بيجي الدليل القاطع أنه الفكرة ألي عبيدافعوا عنا فكرة خاطئة مئة بمئة وعبيناقضوا حالهم بحالهم وبيثبتوا عكس ما هنن عبيفكروا باللاشعور يمكن طيب ما دام الفكرة غلط ومادام أنت عبتأثبت أني ما عبتقبلها على حالك ليش عبتدافع عنا بالأساس ولا على مبدأ خالف تعرف ولا بس شاطرين ننعت بعضنا بالتخلف خلي واحد من الأعضاء ألي عبيدافعوا عن الفكرة يروح على كلية الفنون ويشلح قدام 50 رسام ويعقدوا يرسموه ويصوروه على الموبايل شو فيا والفكرة عاجبته ولا بيقلي تفصيل صغير يعني العورة تفصيل صغير نحنا من جماعة الأنس هذا التفصيل الصغير لو ما كان فتنة للرجل والمرأة ما كان أنوجدت سلالة أدم وحواء هذا التفصيل الصغير ألي عبتحكوا عنه وعلى قولة وايت روز الأنحطاط وبضيف عليه أنحطاط حتى النخاع وللخواصر كمان :p |
انا عندي تعقيب عالموضوع
الاخت وايت روز بديت الموضوع باذا انتو مع هالشي ولا لاء يعني انو نعطي راينا بس طيب ليش كل هالئد عم تجرحو ببعض ؟ الي مع هو حر ..... والي ضد هو كمان حر لازم يتحول الموضوع لاهانات وشتاءم بصراحة براي هدا هو "الانحطاط" تقبلو مروري |
اقتباس:
اذا انت متجرد من اخلاقك ومتحجر بفسقك وسخيف بطرحك فا هي مشكلتك لا تجيرها علي الله يرضى عليك الحكي الي حكيتو انت يعتبر سب وقذف علني انا ما بئبلو بتاتا عندك حكي متل العالم تحكيه اهلا وسهلا ما عندك بعيد عني واحكي الي بدك ياه |
اقتباس:
:D |
شكرا سندرا ... الحمد الله لئيت حدا هيك رايو:D
وحياتو ماغنوم روء والله ما مستاهل الموضوع :D يلا عازمتكن على قهوة لتروءو |
اقتباس:
اقتباس:
مشكورة كتير على طرحك ...... اكيد ماغنوم لما انتقد ولما جرح ما جرح فيني كشخص ..... بس التجريح صار بشي فيكن تعتبروه وصف او هواية او مهنة متل ما بدكن تعتبروها اعتبروها ..... بس بأي حال هالتجريح اللي صار مسني وبشكل كبير .. هالتوضيح بس مشان ما يسود تفكير انا عمهاجم ماغنوم بزاتو. اقتباس:
ما رح كبر الموضوع .. واخرج عن النقطة الاساسية ..... بس بحب وضحلك فكرة ..... انا بعتبر حالي رسام ..... وانت جرحت بالرسامين ..... فهاد بيعني انك جرحت فيني .... كشخص... بشكل غير مباشر ... فـ لزلك ... لما بدنا نجرح بشيئ ما او بشخص ما ..... بدنا نكون بنفس الوقت .... جاهزين لنتقبل التجريح .... بالنسبة لتجريدي من اخلاقي وفسقي وسخيف بطرحي ...... فهاد يا سيدي بضل رأيك الشخصي .. وماني متعطل كتير عالآراء الشخصية .... وبشرفني اني كون ماشي عهي الجملة "Be what you want to be ... not what the others want you to be " بالاخير على اعتبار اني جرحتك ...... بقدملك اعتزاري استازنا العظيم ماغنوم ..... تحياتي :D |
انا بعرف بتم النظر للأمور بحسب وجهة تظر اللي قالها ما بحسب ما منفهمها يعني واحد يمكن يقول لك كلمة بالانجليزي تطلع بالعربي سبة شو معناها عبسبّك !!!!
اما بخصوص الانحطاط والقذارة الأوروبية ما بعرف شو بدي قول بعتقد القذرين اللي عمنحكي عليهم ارقى ممننا بكتير فما نتفزلك عليهم وعلى سيرة التعري وربطه بالانحطاط على مقياسكم هاد طلع كل العبر والتقاليد والاساطير الاغريقية منحطة سافرة ولا تزعلوا يا سيدي نادرا ما تشوف تمثال او لوحة بتوصف لحظة بالاساطير الاغريقية الا ويكون صاحبها متعري لابل ابشع من هيك ومرسوم الأعضاء التناسلية بادق التفاصيل شو معناها منحطة الاساطير والتقاليد الاغريقية الي تعتبر كنز عالمي ومن اهم المراجع لمعرفة تاريخ البشرية ولحد اللحظة يستخرج منها اجمل المعاني والعبر اللي خليني ساكت حكيت كفاية :jakoush: |
اقتباس:
بتشتغلي في مراكز الاستفتائات انتي !!! غريبة يعني .. !!!! |
| الساعة بإيدك هلق يا سيدي 08:26 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون