اما انا صوتت ضد شوط ياقمر لأنو كل ما احط اكثر من مشاركة بقيم القيامة و لما غيري من الصبايا يحطو اكثر من مشاركة ما بسوي إشي

بما أنو التصويت تسكر
فـ .. رح نفتح المجال ليللي بحب من المشرفين أنو يرد .. أو يعلق على نتائج التصويت


طبعاً لا يحق لغير المشرفين المشاركة

كنت رح رد وعاتب .. بس قلت مافي فايدة لشو بدي صير كاتب ؟؟
(ملعوبة ع الوزن :o)

رح اكتفي وقول ..


لايسلم الشرف الرفيع من الأذى ... حتى يراق على جوانبه الدم


:gem:

عن زياد الرحباني ( رضي الله عنه ) .. أن فلاديمير إيليتش أوليانوف ... الملقب بـ لينين ( عليه السلام ) قال :

الوحيد اللي ما بيغلط ولا مرة .... هو الانسان اللي ما بيعمل شي ..... أبداً



بغض النظر عن موضوعية التصويت ( يللي متل مو مبين .. أغلبو كان لمواقف شخصية )
بس أنو

ما في حدا مثالي

أكيد يللي بدو يشتغل شي .... رح يغلط ...

هادا بالإضافة لأنو ... معظم الشغل يللي بيشتغلو المشرف ...ما بشوفوه الأعضاء ... وقلال يللي بلاحظوه

بدي اعرف ابو الصوت الواحد وليش مصوّت ضدّي ..:?

برافو ريمتي :gem:

من فتره كتبت رد بأحد المواضيع التانيه اللي كانت بتلمس فكره هالموضوع و حابة ارجع اقتبس الرد اللي رديته هون .. و لكن قبل فأنا بدي قول اني من الناس اللي ما اجاهم ولا صوت :ss: .. و هاد ان دل على شيئ فهو ما بدل على شي :lol: .. بمعنى آخر أنا بعرف منيح اني مش مثالية و مش رح نضحك عبعض بهي الفكره لكن صرت سمعت اكتر من مرّه مقوله بتقول اللي ما اجاه اصوات معناها مش عم يشتغل و كنت بحب اسمـع حدا يحكي بتخصيص و يقول فلان و فلان و فلان ما اجاهم اصوات لانو مقرصين بهي النقطه و هي النقطه و هي النقطه ..

يعني اذا حدا عنـده فكره شايف انو انا شخصيا ً مقصرة فيها اتجاهه كعضو متابع او اتجاه الاقسام اللي مستلمتها ( رسم وتصوير و كاركتير ) بيقدر يتفضل يعرضها بالأقسام ذاتها أو بالبريد اذا كان هون الردود مقتصره على المشرفين ..

و هي ردي اللي حابة ارجع اقتبسه هون :

بدايه ً خليني قول انو انا من وقت نزل موضوع العام الماضي عن المشرف المثالي و الغير مثالي .. و هي السنه و هيك .. يعني بسأل حالي هل أنا بدي كون مشرف مثالي ؟ فبيطلع معي الجواب لاء .. لأني انا كـشخص اساسا ً لا يؤمن بالمثاليه كنمط حياة .. المثالية يتخللها الكثير من الاشيا اللي بتتنافى معي كشخص بتتنافى مع العفويه اللي بقدر اعتبرها قانون من القوانين العامه بحياتي ..
و برأي مافي مشرف مثالي و مشرف غير مثالي و مشرف نص مثالي بهالحاله من الفوضويه بالطرح .. في انو هل القسم الفلاني ماشي صح مع فلان الفلاني ؟ في انـّو هل هالمشرف هاد عم يعطيك حقك ، عم يعطيك فرصتك ؟ و ما الى ذلك ..

اتفاجأت بموضوع التصويت بالسقيفه انو البعض كاتبين انا صوتت لفلان لانو عطاني مخالفه .. وبرأي أو هالعدد من الأشخاص انو كونهم أخدو مخالفه من هالشخص فهو سبب كافي ليصير هالمشرف غير مثالي و ما عم يقوم بواجبه .. في حدن تاني كاتب انا صوتت لفلان لانو ما عطاني مخالفه عشي كان لازم يعطيني عـنـّه مخالفه .. يا لطيف شو مشان انـّو التقيم عم يكون شخصي بحيث انو أنا كعضو ما بطرح عحالي سؤال انو فلان عطاني مخالفه لكن هل فهمني ليش أخدت المخالفه؟ هل سمحلي ناقشه ؟ هل نبهني او راسلني بغلطي قبل ما يخالفني ؟
هل المشرف هاد بيرد عالتبيلغات اللي براسله فيها و قادر اتواصل معه من خلال التبليغات او البريد ؟ هل عنده استعداد يشرحلك أمر يتعلق بـ نقل\ حزف \ تعديل .. الخ الخ من الأمور اللي انت تحتاج تعرفها ..

ثمّ لازم أيضا ً لنقدر نقيـّم بطريقه أفضل ( برأي ) ينظر الشخص اللي عم يصوت لنفسه و يقول لو كنت انا مكان هالمشرف و اجا حدن عملت اللي عملته كيف كنت تعاملت معه (من منظور اشرافي ) ..

المشرف بالنهايه عضو مع بعض الصلاحيات الترتيبه و التنسيقيه و الاشرافيه .. و لازم ما ننسى انـّه بدايه عضو و من ثمّ مشرف ..

و برأي مش رح يكون المشرف منيح و تمام لو كان متل ما انا بدي و ما خالفني و ما اليـه ..
على كلـّن أنا بانتظار اسـمع من اللي عنده اسـتعداد يحـكي بالأمور اللي ذكرتها فوق او ما شابهها مش انو خالفتولي ابن خالتي و حزفتولي رد مصيري !