|
انا لا اجد قناة اعلامية حيادية ولا وجود لها اصلا .... جميع القنوات لها توجهاتها غربية وعربية
حتى الصحافة قليل جدا تلك الصحف الحيادية .... والغالبية العظمى موجهة ويتم تحريكها بالريموت |
يا اخي ما بدي ئاطعها ...ولا بدي صوت انو هيه قناه تمام.. مو عاجبني اخبارها ..بس عاجبني البرامج العلميه الموثقه فيها .. ما رح ناقش زياده لانو راسي بيوجعني .. |
اقتباس:
جيزيل خوري انسانة مهنية رائعة وراقية وياريت تجيب الدليل انو حكت عن الشعب السوري قطيع بدون القاء الاتهامات جزافا. بالنسبة للسيد وليد بيك جنبلاط فإنه لم يسيء ابدا الى الشعب السوري بل على العكس ان هذا الرجل العظيم يقول ما لا يجرئ المواطن السوري على قوله من الخوف و يجعلنا نتنفس الصعداء عندما نراه يتكلم على التلفاز فاضحا نظام بشار الاسد الملكي القمعي فقلوبنا معه و ليحفظه الرب. بالنسبة لخبر ارتفاع مستوى الجريمة في الجالية السورية بالسعودية , شو بعرفك يمكن في دراسة تثبت هالشي , وياريت تلاقي النص الدليل لحتى نحكم و لا تلقي الكلام جزافا |
اقتباس:
كمان فيك تطالع لقاءها مع احمد الجلبي بتاريخ 20 / 3 / 2008 بدي ارجع لورا شوي كمان استازنا الكريم بنفس البرنامج فيك تلاقي بتاريخ 30 / 10 / 2005 مع وليد جنبلاط بتاريخ 25 / 10 / 2005 مع فؤاد السنيورة و و و وو و .......... واي لقاء للراقية شيتك جيزيل خوري بتثبت مدى صحة كلامك ومدى اخلاقيات ورقي هالاعلامية هي ... على كل حال بتمنى بس تطالع هاللقاءات كلها ......... تتأكد من جملتك انو انحكى عن سوريا كنظام بس وليس كنظام + شعب + وطن + كل شيئ بيمت بصلة لسوريا ........ تاني شغلة : مافي أي فرد سوري محتاج واحد متل وليد جنبلاط ليحكي بأسمو ويحكي اللي الشعب بيخاف يحكيه ... فضح نظام بشار الأسد ما هو عبارة إلا عن اظهار مدى غباء وتفاهة هالانسان هاد ..... وأد ما كنت ( أنا ) معارض للنظام . ما بيشرفني ابداً يجيني هيك حثالة لينطق باسمي ......... بالنسبة لاخر شطر بحديثك تجاه مستوى الجريمة في الجالية السورية بالسعودية ..... مافي ولا دولة خالية من هيك نشاطات بس انو العتب مو على جالية بترتكب جرائم ....... العتب على مجموعة افراد بينتقو زبالة المجتمع ليعمموها على المجتمع كاملاً ......... لكن القافلة تسير والكلاب تنبح وبالنهاية لا دمتم بــــــود |
[
بالنسبة للسيد وليد بيك جنبلاط فإنه لم يسيء ابدا الى الشعب السوري بل على العكس ان هذا الرجل العظيم يقول ما لا يجرئ المواطن السوري على قوله من الخوف و يجعلنا نتنفس الصعداء عندما نراه يتكلم على التلفاز فاضحا نظام بشار الاسد الملكي القمعي فقلوبنا معه و ليحفظه الرب. انو هاد اكتر شي عجبني السيد وليد بيك جنبلاط كل يلي عملوا وما اساء ومن وين لوين عملتو عظيم ما هو اسخف بني ادم شفتو حكيوا كلو عبارة عن صيفة صهيونية بيكره الشعب السوري وحكومتو وعا اولة تعا تعا روح روح انا براي هيك انسان ما بيشرفني ابدا انو بنطئ عن الشعب السوري لانو ابل ما يحكي بنياية عنا روح يركز امور بلدو المحللة ويلي ما عم تركز |
وليد بيك... مع احترامي للدروز اللي بيني و بينهم رابطة دم و حديثي عن وليد جنبلاط لا يعني الحديث عن الدروز... مرتزقة من كومة هالمرتزقات اللي بالساحة السياسية اللبنانية... يبيع حالو للمشتري الأفضل... طوال سنين طويلة كان رجل سوريا في لبنان بلا منازع.. و هلأ صار معارض للنظام السوري, و بالعكس من كان يخطب أمام الكونغرس الأمريكي مناشدا التدخل العسكري لطرد الجيش السوري للبنان (مع احترامي الو... ميشيل عون) صار حليف النظام السوري بلبنان.. مع الحفاظ على مسافات محددة و مع احترام انو ما صالح سوريا لحد ما خرجت من لبنان... لكن هذا الواقع, مو هيك؟ و مو مستبعد أبدا تنقلب الآية بعد كذا من الوقت... عم تنعاد نفس المسرحية تبعيت اغتيال والدو... كمال جنبلاط مناهض للسوريين.. وليد معهم... كمال يموت و يستلم وليد و تنقلب القصة... هلأ نفس الحكي.. وليد مناهض و تيمور بدو يلعب عالوتر السوري... يا ترى راح يعيد التاريخ نفسو.. أنا اعتقد انو نعم
هاي من ناحية السياسيين... من زمن ليس ببعيد.. لما كنا صحاب و حبايب مع لبنان... كانت جيزيل خوري .. يجوز مو صاحبتنا, بس يعني مانها عدوتنا... و بتذكر لحد الآن مقالة غزلية جدا لبسام طالب في زاوية حكي مخملي بجريدة الدومري الله يرحمها عم يتغزل فيها و يحكي عن مقابلة عملتها مع كوليت خوري.. برجع لوليد بيك... كسوري أولا, كمعارض ثانيا... أرفض و بشكل قاطع جدا يحكي باسمي و يجيب سيرتي... مالي دخل شو يعمل ببلدو و كيف يعارض ببلدو... بس سوريا ليست شأنا له مثل ما لبنان مو شأني و اذا بدك رأيي فوقها فيه... مصداقيتو صفر... واحد اقطاعي و طائفي (حقو) بس قائد حزب يقال عنه انه اشتراكي (في سباق اشتراكية بينو و بين حزب البعث:lol:) و جميع ما يملكه من مناصب و جاه استلمه من والده كمال جنبلاط... لذلك يمكن لما يحكي عن توريث الحكم بسوريا هو ما بيطلعلو يحكي كتير... و دمتم.... دائما بود |
احترم مشاركات كل الاخوة فيما يخص السيد وليد بيك جنبلاط , و طبعا هذا رأيكم وانا احترمه ولكن رأيي انا ربما مختلف ,فهذا الرجل يقول علنا كل ما يجول في قلبي ولا استطيع قوله انا .
من المعروف ان كل من يهاجم وليد بيك يستند الى تاريخه في الحرب الاهلية , طيب الحرب الاهلية اللبنانية كل الاطراف كانت مشتركة فيها , لماذا حلفاء النظام السوري و المعارضة اللبنانية دائما ينعتون السيد وليد و الدكتور سمير جعجع بالاجرام بينما لا احد منهم ياتي بكلمة واحدة عن حركة امل مثلا التي من المعروف انها كانت من اقوى الميليشيات الاجرامية التي قتلت الاف الفلسطينيين و اللبنانيين لماذا؟ طبعا لانهم حلفاء النظام السوري. هادا الزمن هو زمن التنضيف في لبنان , حيث يلجا كل زعيم سياسي شارك في الحرب الاهلية بالتكفير عن خطاياه سابقا بالتمسك بلبنان كوطن وتفضيله فوق كل شيء , وهذا ما يفعله وليد بيك و قوى 14 اذار الشريفة على عكس المعارضة المستعدة لتخريب لبنان وقتل اللبنايين كرمال عيون خامنئي وبشار الاسد. شغلة تانية , وليد بيك مانو طائفي بل هو قمة في الوطنية لذا تجد في حزبه تنوعا طائفيا فريدا الدروز مع الشيعة مع السنة والمسيحيين كلهم يحبونه و يتبعون نهجه. ونفس هذا التنوع تجده في تيار المستقبل على عكس قوى المعارضة الطائفية كحركة امل و حزب الله الذي يحملون الصبغة الشيعية الكاملة. |
لبنان تحديداً خليط غريب من الصراعات الاقليمية . لا يمكنك أخ بيبرس اخفاء التأثير السعودي على حركة 14 اذار التي بطبيعة الحال يحكمها اجتماع مصالح محدد. ولا يمكنك نكران وليد جنبلاط ومواقفه المتبدلة . يعني أرى انو اتوماتيكياً تغيير الموقف بتغير الظروف يفقد الشخص مصداقيتو وخصوصاً ان كان زعيم سياسي.
ولا يمكننا اخفاء تأثير سوريا وايران على المعارضة اللبنانية وبعض اطرافها وربما الصبغة الطائفية ايضاً لبعض الأطراف. في لبنان لا يوجد من يعمل للبنان للأسف . أدوات لصراع على أرض لبنانية. ع الهامش : مو كأنو طلعنا عن الموضوع شوي ونسينا انو النقاش بقناة العربية . يعني مو غلط أخد المسألة كمثال بس الاسهاب فيها يبعد الحوار تماماً عن صلب الموضوع. |
اقتباس:
بالنسبة لتغيير المواقف , فهادا ميشيل عون اكبر مثال مهندس القرار 1559 والذي كان ينادي دائما بانسحاب سوريا و نزع سلاح حزب الله و فلسطينيين , نجده الان قد تحول 180 درجة , وانت قلت اخ باشق ان من يغير مواقفه يفقد مصداقيته و مع ذلك نرى المعارضة تتمسك بهذا الشخص الفاقد المصداقية رئيسا؟ |
مش عم دافع عن العربية بس خليني احكي كم شغلة
اول محطة عربية عمل معها الرئيس الاسد حوار كانت العربية كل هالحركات اللي عاملتا العربية ؟ طب ليش ما يتسكر مكتبها علما انو مكتب الجزيرة اتسكر اكتر من مرة بعدين العربية قدمت تقارير كتير مهمة عن سوريا يعني كمان ما فينا ننكر هالشي يعني بمعنى اخر المحطة الها توجها والها حركاتها |
اقتباس:
أنا اعتقد ان التسليح السوري لحلفاء النظام شأن آخر تماماً ويخص المقاومة التي تحارب اسرائيل ولم يلاحظ أي تحرك معادي ولم يتم التلويح باستخدام هذا السلاح لتصفية الحسابات السياسية لكن أجل هناك سيطرة سورية على مركز قرار المعارضة . وسيطرة مقابلة سعودية أمريكية على مركز قرار 14 آذار التي أكدت كثير من البيانات وصول دفعات من السلاح لها للدعم وهنا نجد السلاح والتدريب غير نظيف نهائياً. اقتباس:
نعم أنا لا أنكر أن كلاهما بدلا موقفيهما وكلاهما لا تنبع قرارتهما من منطلق لبناني وأن لبنان ساحة صراع دولية على أرض محايدة وبأدوات لبنانية. بالعودة الى قناة العربية أرى أن في تغطيتها لمعظم الأحداث التي تجري على الساحة اللبنانية وآراء محلليها ومراسليها انحياز لفريق 14 آذار أكثر وحتى في أخبار الموقع وذلك لمصلحة النظام السعودي وذلك وحده يفقدها عنصر الاعلام المحايد. |
يا جماعة نقاشكون جميل و تشكرون على الأفكار لكن يبدو انو الموضوع تشعّب أكثر من اللازم لذلك أرجوكم نحاول نرجع للموضوع الأساسي و اذا حابين تكملو نقاش حول هالأمور اللي عم تحكو فيها فيكون تفتحو موضوع خاص فيها...
مشكورين |
استهزاء "العربيه " برسول الله صلى الله عليه وسلم
السلام عليكم ورحمة الله وبركاته على قناة العربية الإخبارية وفي برنامج عرض صباح يوم الجمعة 7/4/ 2008 (تناول لقاءات مع أناس من جنوب العراق (منطقة الاهوار ) وكان عنوان حلقة البرنامج (( اهواز العراق وأيام في مملكة الماء)) و بينما مراسل العربية المدعو نجاح محمد علي جالس على المائدة قال وهو جالسا بطريقة ساخرة من أطعم إخوانه صلت عليه الملائكة إلا جبريل يظل واقفاً قيل: لم ظل جبريل واقفاً يا رسول الله؟ قال: ينتظر الشاي ثم تبادلوا الضحك والسخرية ثم قال المذيع أخيرا رواه مسلم مو إنا مسلم هذا حديث صحيح.. بالنسبة إلي فالأولى أن نقاطعها من أجل رسول الله - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
بس أنو عالهامش ... بما انك حاطت علم تركيا ...انت تركي يعني ..؟؟ و لا سوري و تنادي باقليم تركستاني ..؟؟ |
أنا ما صوتت لأن مااقتنعت
طيب انو و اي لنفرض قاطعناها .. رح تنحل المشكلة..؟ولا مجرد حل معنوي ؟ او موقصة حل مجرد تحديد موقف من هالقناة ؟يعني احصائيات مو اكتر؟ انو اي في بعض الاشيا اذا قاطعناها فينا نهزمها. .-اذا قاطعناها كحكومات مو كشعوب - بس نحنا شوي عم نزودها لما منفكر انو فينا اذا قاطعنا كلشي نحلو انو أحيانا بيشطح فينا الخيال انو"مثلا نحنا - كأفراد- اذا قاطعنا منتوجات الدنمارك رح نربيهم ! وصارت سياسة المقاطعة بتفكيرنا قوية زيادة عن اللزوم . لأنها متل ما قالو " حل الضعفاء "برأيي مالنا مضطرين نقاطعها.. - ببساطة لان ما رح نستفيد شي- واكيد نحنا مالنا خايفين من أخبارها الملفقة مثلا لحتى نقاطعها لان نحنا المفروض عنا قدرة على اختيار الصح من الخطأ.. مجرد رأي:D |
اقتباس:
هي الفكرة .. بس أنو نطلع طبعا ً لازم نطلع .. حتى الاعلام الاسرائيلي (واللي ما بيفرق عن العربية كتير) لازم نطلع عليه .. يعني شي منو ولا كلو ... مو يا طخو يا كسور مخو . :D |
المشكلة انو في كتير اشخاص بتعتبر انو الأخبار التي بتوصلها كلها صحيحة بالمجمل لهيك انا صوتت ضد العربية
بس انا برأيي كان في بنود ناقصة من الإستبيان واهمها ليس لدي مشكل مع العربية كقناة ولكن لدي مشكل مع وعي عام يصدق سلفا كل ما يسمع هلأ في مشكلة إنو عنجد لو بنقلب كل قنوات الإعلام بنلاحظ انو فوق التسعين بالمية منها موجه بشكل عنجد عم يؤثر كتير على مجتمعنا تحياتي الحارة ظل جيفارا |
اقتباس:
هلق في شي غريب النقطة من حق كل قناة تنقل الخبر على طريقته وباسلوبها الخاص بالاخير في قناة وفي ومراسلين كون القناة ما عبتنقل الاخبار بالشكل اللي عبيعجبنا هاد ما بيعني ان القناة منحطة بالاخير في وقائع وفي اسلوب يمكن كان البعض بيعترض على اسلوبها بس انا بقو لكم اقناة هي متفردة باسلوبها الشي اللي ما بيتفق معنا ما بيعني نه لازم نقاطعه ولازم مدري شو نعم معه وننسبه للصهيونية والامبريالية ومدري لفين بكرا بدها تنسب ادارة القناة . بالاخير القناة تنقل الوقائع باسلوبها اخص وهاد حقها ما بحق لنا نتفلسف ونعترض عليه . |
| الساعة بإيدك هلق يا سيدي 00:08 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون