|
لئلك... انت بتعرف حالك... مبارح قلتلك اني بحبك بس خايفة لانك بعيد عني... وانت لا صدقت خوفي ولا مستوعب قديش انا بحبك...
|
ايهاب... بدي قلك شو قالتلي وانا بعرف انك ما رح تقرا يللي قالتو ولا يللي بدي اكتبو بس حابة احكيه... هيي بتعرف انكم رفقات وانو علاقتكم من الاول كانت مبنية على اساس الرفقة وبس ...بتعرف انو من البداية ولغاية فترة قريبة وهيي كل تصرف بتتصرفو بداعي الصداقة مو اكتر ...بس بلشت تحس انو هيي بتحبك مو كرفيق لكن كحبيب...حاولت كتير تقمع هالفكرة من بالها بس مشكلتها انو لما تتعلق بحدا بتتعلق...صرت احلى شي بدنيتها يللي بضوي حياتها...صرت التفاؤل والسعادة... حتى الضحكة ما بتطلع من جوات قلبا الا اذا كانت الك الك انت وبس...ولما تسمع صوتك بتحس انا طلعت لسابع سما....ممكن انو كل واحد منكن من طائفة هاد يللي مخوفها وممكن كمان انو طبيعة حياتها هاد يللي مخوفك وممكن كمان انو انت ما بتحبها وهاد يللي مخوفها....رح تضل تحاول تكون رفيقتك وبس بالرغم من انو انت صرت حبيبها.... يا رب تسامحني على عملتي بس هيي لو ما حكت انا لازم احكي.... |
لحدا ما بعرف حالو...
انا تعبانة كتير وحاسة بفوضى حواس كتير فظيع ..ما بعرف شو بدي ورح حاول ابعد لانو مو قد الوجع |
موجة بحر :
للاسف يا موجة رسالتك ما وصلتي قالولي الرابط خطا خير سلامتك حبيبتي؟ |
اصدقائي بحبكن كتيييييييير كتيييييير
وبحترمكون كتير كتير ظل جيفارا ياصديقي الغالي لما قلتلي انك رح تسافر وتكفي درسك برا حسيت اني بحبك كتير ومابدي ياك تترك البلد بس بعدين حسيت اني بحبك اكتر وانو لازم تروح وتدرس وترجع كفاءة علمية برتبة بروفيسور:lol: صحيح مش رح تحضر حفلة عيد ميلادي بس يلي بيعزيني انو رح تكون قريب على اممي وابقو اذكروني هنيك بحبك كتير:D |
الى Reemi
بنت العم.. ام علي الامورة .. انتِ عنجد بتجنني بتجنني شكلاً خارجياً وباطنياً .. يعني بتجنني قلباً وقالباً يتهنى ابو علي فيكِ يا بنت العم هوّي صحي نزعتيها بتفكيرك الغلط بـ نك نيمي.. بس بتضلك حبابة ومنيح اني صلحتلك مفهومك الخاطئ عن نك نيمي وتمام انو فهمناكِ الوضع :lol: |
لك أحبابي بتعرفو أني بحبكم
بدون ما أكتب أسماء :D |
بدي اعمل مشر وع بس ما رح قلك ياه عليه هلق لخلصو رح ابقى خبرك اي ؟بدي يكون مفاجاة حلوة كتييير...
و بعتقد وقتا رح تحبني و رح تحبني اكترر..و ازا ما حبيتني اكتر معليه منكتفي بالكتير من بالعشق :p:D |
ليلة ومضت
وبتصير بأجسن العائلات فضوا لنا السيرة وهي بوسة من الشوارب الحلوة مممممممممممموا |
كمان مرة لئلك... قلي شو لازم اعمل لحتى تعرف قديش انا صايرة بحبك...
|
اقتباس:
|
لزميلي يلي مفكر اذا علق اجازة طب الاسنان على الحيط صار من صفوة المجتمع
واخرتا معك اتصالاتك اخر الليل عم تزعجني وانا مش عم رد عليك ومع هيك مزعوجة شو اعمل يعني غيرلك رقم تلفوني لتعرف انو لازم تحل عني طيب دقيت مرة وتنين وتلاتة ولا رديت عليك واكتر من مرة اتكرر الموضوع واخرتها معك يعني انت بنظري رح تبقى شخص منحط حتى لو صرت بعد كم سنة بروفيسور بس لوفي موضوع رسالة الى من تكره ما كنت بعتلك الرسالة هون |
اقتباس:
و بكرا بعد شهر شهرين بتشوفي انتيت حملي هلق تشوفي نمرتو بس بعدين خلص اي ؟ روقي روقي ...ما بيصير مشانك بس |
to my dad
i love you and miss you sooooo much :cry::sosweet: |
حاسه انى مصدومه مش عارفه ليه
بس خلااص كل شى انقضى يعنى ولا شى |
زهقت مليت ايمتى بدي ضل هيك بهي الحالة
والله الموت بحسو مرات ارحم حراام هالشي اللي عم يصير :cry: |
ل حبيبتي فرناندا وبسومة:D
ألف ألف مبروك النجاح انشالله:clap: وعقبال شهادات الجامعة وعقبال ما تطلع عنا النتائج وبجد سوري كتير لني ما باركتلكم من قبل:sick: ولكل يللي نجحو بالبكالوريا او اللي ما حالفو الحظ الف مبرووك:yahoo: |
بدي ئلك الله يحميك..ويحفظك .. ويقدملك كل شي فيو خير الك
صعبة انك تشوف رسالتي..بعرف هالشي.. بس وانت بتعرف انو ما عم بنسى ادعيلك انو الله دخيلو يحميك وبعرف انك بتدعيلي .. بعرف هالشي .. الله يحميك وانشالله عن قريب برجع بقدر شوفك وهي :D من ئلبي الك |
لشخص ما ..
انا ما بكرهك لانك من ديانة ثانية ... بس ردودك وافكارك .. بتثيرني كثير .. لانها بتهين معتقداتي .. وبشعر انك مستقصدة هالشي .. الله يوفقك بحياتك .. |
لدونالد... انا بردودي وافكاري ما بعمري تعديت على حدا ولا على معتقدات حدا... انا مجرد انسانة بدافع عن معتقداتي وعن الاشيا يلي بآمن فيها وغالبيتها متل ما الكل صار يعرف بتتمحور حول حرية المرأة... ازا انت بتشعر بأي اهانة لمعتقداتك فبحب انك تعرف انها مش مستقصدة الا ازا بوجهلك انا اي شي بشكل خاص... انا اصلا الدين كلو ما بيلعب اي دور بحياتي بس انت الظاهر بتتحسس من هاد الشي زيادة عن اللزوم وبتصور لهيك دائما بتحاول انك تستفزني... بكل الاحوال انا ما عندي اي شي ضدك او اي شي ضد حدا من الاخوية ويلي عندي معو مشكلة بقلو ياها بوجهو... موفق انت كمان بكل خطوة بتمشيها...
|
للتنين يلي قبلي:
مو ملاحظين إنو الموضوع أخد أكبر من حجمه شوي؟؟ القصه مو مستاهله |
فيفا... اول شي شتقتلك انا كتير... وتاني شي بالنسبة للموضوع ما بعرف ازا اخد اكبر من حجمو بس ازا كنو دونالد لساتو بيحكي فيو معناتو الموضوع لساتو مضايقو.... ولا تنسى انو هوي اضلا متحسس مني بهلموضوع... بس للاسف حساسيتو لا تمت للواقع بصلة... انو كلياتها هيك شغلة فاضية...
|
احتراماً لرغبة صاحب الموضوع..ابن العم اممي..بتمنى تحلو قضاياكون بالمكان المناسب
لانو حسب ما حكي صاحب الموضوع ، انو هون لتوجيه رسالة لحدا ، مو لنرد على بعض ونتناقش رسالة الى اممي نفسو : يمكن هيدي اول مرة ببعتلك رسالة هون بس لقلك هون ، سوري انو شارطتك بالاول :lol: بس انت عنجد انسان بيظهر انك حباب هالئد "كتير يعني" :D |
لماتيا.... يلي كانو قبلك كانو ازا كنك ما انتبهتي عم يوجهو رسايل لبعض... ولانهن بيحبو بعض... وبعتقد هاد اكتر مطرح مناسب انو نوجة فيو رسايل للناس يلي منحبها مشان نقول شي يمكن مانكون قادرين نقولو بمطارح تانية... وانا بدوري هلأ كمان عم وجهلك رسالة وبطلب منك انو كنتي قبل وا تردي هيك رد تشوفي نحنا شو كتبنا لبعض... ورح تعرفي انو عمليا نحنا كنا عم نوجة رسايل لبعض ومرة اخرى لانو منحب بعض... بتأمل تكون رسالتي وصلت...
|
لبنفسجة
لمى ، عنجد اشتئتلك وانشالله بتلاقي وقت تجي لنحكي ونشبع منك مع العلم انو اكيد اكيد ما رح اشبع منك لانو ما بينشبع منك :D لساندرا : توصلي بالسلامة يا رب وعنجد هالكم يوم رح يكون كتير مملين اذا ما بنشوفك فيهن ضليكي طلّي اقتباس:
وبتمنى ما تكتبيلي هيك رسايل هون ، لاني بعتبرها نقاش في غير موضعه "بــ حـُـكم طلب الكاتب" فـ تلبية مني لرغبة صاحب الموضوع ، ما رح رد عليكِ بعد هلأ على هيك نوعية من الرسائل |
اقتباس:
رح اشتقلك أنا كمان ... كلا كم يوم وبرجع :D ولشخص هون كمان بدي قلو إني رح اشتقلو وميرسي كتير عالأغاني ولا تنسى اللي وعدتني فيه :oops: :D |
لسراب... بعرف انو ظروفك كتير صعبة وما بعرف ايمتى رح ارجع شوفك هون باخوية او حتى ع الماسنجر... بس حبيت قلك ولو اني عارفة انك ما حتشوفي رسالتي... اني كتير شتقتلك... وانو قلبي معك وخليكي قوية وصبري شوي لبين ما تشوفي كيف بتقدري تحليها...
|
لشخص مو من هون :
برجع بقلك الله يحميك..وحيات الله اشتئت لحكياتك :cry: بعرف ما رح تشوف هالرسالة بسبب ظروف.. بس بئلبي بدعيلك كالعادة انو الله يحميك لشخص من هون : لعما كيف صار هيك؟:? يعني حسب خبرتي المتواضعة جدا بعالم النت وحسب تحليلي لامور عدّة خاصة تصرفاتك ، ومن ومن ومن ... استنتجت او على الاقل حسيت انك عم تكذب عليها :pos: حرام ولا..:frown: ، بعدين على فكرة انت بتطلع كذاب بالحالتين ، يعني اذا مو على هي عم تكذب بتكون كذبت على هيديك واذا مو على هيديك كذبت بتكون عم تكذب على هي يعني بتطلع كذاب بالحالتين.. واللي بيكذب مرة بيكذب اكتر من مرة وَ عليه بقلك : انو على هيك صار معقول يكون كذب كل شي قلتو عن !...! وعن !....! كلّو كذب!!!!!!!! ينعن رفك :frown: |
لبو حرب .. وقلّو عراسي يا معليم .. واحلا بو شريك ..
لرؤوشة .. حمد لله عسلامتك ورجعتك .. ويعدمني طولك .. شو فايتة بالحيط اخر كم يوم :p لمتوش .. بدي قلّا .. ثانكس كتير .. اكبر بكتير من المرة اللي قبلها .. :D |
ريتك معي هلق
|
بشتقلك مابقدر شوفك ولا بقدر أحكيك بندهلك خلف الطرقات وخلف الشبابيك بجرب اني انسى بتسرق النسيان وبفتكر لقيتك حبيتك....حبيتك.....أنا حبيتك حبيتك |
اقو ليها ربنا يسامحك ويوفقك:D
|
وهذه أول إطلالة لي على أخوية أهدي الجميع باقة ورد، وأرجو أن أمر من هنا ذات يوم وقد كونت ألف ألف صداقة، وقد زرعت محبتي في قلوب الجميع.
تقبلوا فائق الاحترام |
لالي ولكل حدا :
لانو العمر بأي لحظة ممكن ينتهي و لانو الحياة بأي لحظة بتصير ماضي ما لازم نخلّي حدا يضل زعلان منّا ولازم نحاكي ونصالح ونراضي بس المشكلة انو " ما فيي " وانا متدايقة احكي مع ذلك اسفة لكل شخص دايقتو وزعلتو MaTyA |
لـ احمد :
نعيماًًًًًً |
لـ ساندرا :sosweet::
رح نشتقلك ... ابقي طلّي علينا .... ما حلوة القطيعة .... وما حلوة اخوية من دونك ....:D |
ليمان :
ما رح كتر حكي بس بقلك : هيدي :D الك احلى يمان بالدنيا او متل ما متعودة قلك احلى "يمون" بالدنيا .. :D |
لماتيا
حياتو انتي بليييز ماتزعلي مابيهون شوف الغوالي زعلانين :D الرسالة التانية لوهج البراءة : الله يشفيكي حياتو ونرجع نشوفك بالمنتدى متل العادة |
إلى من سكن قلبي .. أقول لك وبكل أنانيّة.. " اشــتقت لك ... " أين أستطيع أن أراك ...؟ ومتى ؟ وكيف ؟.. كل هذا وأنا حائرة ٌ به.. وأسـأل نفسي يومياً هذا السؤال المعقّد.. أين أنت ؟ لماذا لم تعود كما كنت سـابقاً.. وهل سأبقى على هذه الحالة عدة ُ شهور ٍ أخريات ؟!.. أجبني في الحال ... أريد سماع صوت ضحكتك ... أريد أن أراك ملاكاً أمامي.. نعم ملااك.. إنني أنتظرك .. أجل.. أنتظرك ...وبكل هـدوء ..أتمنى رجوعك...:D
من : ياسمين 13-7-08 |
مع انو الحياة قصيرة ...
ومع انو من بعدك ما عاد في صديقة... بس انا ما عاد متقبلة وجودك بحياتي يمكن عم اقسى عليكي.. يمكن عم اقسى على حالي... بس هاد اللي لازم يصير انت كتير غلطتي اسفة |
| الساعة بإيدك هلق يا سيدي 17:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون