|
BL@CK
اي بدي 72 ساعة لأاقرا الرد .. انت خلصت كل هالشغل بـ 72 ساعة .. :lol: بتشكرك على هالرد العظيم .. ولو عندك وقت كنت سألتك كم سؤال .. بخصوصوه .. بس هيك سؤال عـالحارك .. 3- ما هو موقفك من هذه المسائل ..! أ) الاجهاض . ب) الابحاث العلمية بخصوص الاستنساخ . ج) موانع الحمل . د) الجنس خارج اطار الزواج . بدي جاوب برأيي بس بعد كلمتين صغار بالأول.. هذا بالظبط هاي الأسئلة شقد هيي امر صغير هيي الفارق الكبير والي بيعطينا الإنعاكاسات الكبيرة للفرق الشاسع ما بين الأوربيين والأميركان بأميركا والأميركان بعدو لليوم شغلهم الشاغل بكل انتخابات سواء لمجلس الشيوخ او لبلديات او الرئاسة .. هوي هال المواضيع هوي رأيو من الإجهاض ، ووضعو الإجتماعي وكيف علاقتو بزوجتو ، و لهيك بتلاقيهم بيحاول يظهرو بالمشهد الإجتماعي مع بنتو ومرتو وابنو وانو هني عائلة سعيدة (كل مرشحص لأي منصب) .. شوف بأوربا.. سركوزي من ام يهودية و مطلق او منفصل سابقا، سيغولين رويال عندها 4 ولاد من زوج غير متزواجاه !! وكذلك ميركل .. و و و .. ولا شفنا بالحملات في حدى عم يتهم التاني بماضيه او بعلاقة عابرة سابقا او عم بيحط من قدره لإنه ما متزوج او لإنه مطلق او او او .. يمعنى صار عند الأوربيين ثقافة المهنية، انو هذا الشخص هون جاي تيكون بنصب كذا ، فأنا بحاسبو على ما لديه في هذا ، انا مالي علاقة هل هوي متزوج من 1 او سبعة او مطلق عشر مرات، هل هوي من ام شيشانيي او يهودية او اي كان .. المهم هوي كيف ادائه، كيف رح يتشغل ، كيف بهال المنصب مؤهلاته .. هذا الفارق جدا مهم و شي غريب.. يعني غريب اليوم يكون معيار تمايز مرشح عن مرشح آخر بأميركا هوي مدى انسجامه مع زوجته بالبيت ؟؟؟ او علاقاته لمن كان شاب من 30 سنة .. ؟؟ اما الأوربيين فهني اتجاوز كل هال المسائل .. ما شفنا حدى عم يحكي عن الإجهاض ولا الإستنساخ ولا الطلاق والا المثليين جنسيا .. بأي انتخابات بالحقبة الأخيرة بأوربا .. هذا لإنهم اتجاوزو هاي الأمور .. هذا لإنهم ابناء حضارة حقيقة .. فقدرو يتجاوز موضوع انو هذا المرشح بيدعم المثليين جنسيا فهو كخي وهذا منيح لإنو ما بيدعم ، ليوصلو لمرحلة انو هذا المرشح عندو مؤهلات فكرية ، وشخصية و ايديولوجي و خبرة عملية .. ليكون بالفعل بهال المنصب وبهال المكان .. هذا بعزيه انا لإنو الأوربيين شعوب حضرية على مر مآت السنين وآلاف السنين ، هني كانو شعوب مدنية ساكنة بمناطقها من آلاف السنين وعليه كان عندهم خبرة تراكمية من جيل لجيل، عندهم تطور تراكمي من جيل لجيل عم يمتد .. على عشرات القرون الماضية .. (وفي هذا هني بيشبهو شعوب منطقتنا جدا ، فنحن بسوريا و الجزء اليسير من بلاد الشام) ابناء حضارة مدنية من آلاف السنين ، احنا هون سلالاتنا و جزورنا بهال المنطقة من آلاف السنين وعليه عنا بالفطرة خبرة تراكمية طويلة جدا جدا .. بواقع منطقة الخليج كانو بدو رحل، ومن المعروف ان الشعوب الراحلة ما عندها مفهوم الخبرة التراكمية بحكم ان لا يوجد عندها انتماء للمكان!!؟ بمعنى البدوي بينتقل من منطقة لمنطقة كل فترة وعليه ما بيترك اثر وبيطوره تراكميا من جيل لجيل ، ولهيك بتلاقي البدو ، والغجر مثلا .. هني هني على مر الأجيال .. بتلاقي الغجر اليوم بنفس الشكل والطباع والتصرفات واسلوب الحياة من 2000 سنة ، بتلاقي البدو _او سكان الجزيرة العربية عامة_ من ابناءا لقبائل ، اذا بتاخد من 2000سنة و بتاخد شخص من 50 سنة (قبل ما يستوردو الحضارة) بتلاقيه هوي هوي ، بنفس الزهنية تبع الوئد للبنات، بنفس التقاليد ، بنفس اسلوب الحياة .. هوي هوي .. ما اتطور على مدرى 2000 سنة واكثر بشيئ.. في حين خود من منطقة بلاد الشام وسوريا شخص او فئة ، وقارنها بتلاقيها من جيل لجيل عم تتطور، بالفكر و المعتقد ، والتحليل واسلوب الحياة ، والنمط الإجتماعي .. لإنهم شعوب غير راحلة ، شعوب مستقرة ، بالتالي هذا بيسمح للتطور يكون تراكمي ، ويمتد التطور من جيل لجيل ، ويمتد على عشرات القرون ..) منرجع للنقطة تبع الأميركان والأوربيين الأميركان (اميركا اليوم) هيي اي نعم وليدة مجتمعات مهاجرة من اوربا اولا .. ومنه ممكن شخص يقول مشاربهم الفكرة واحدة والخبرة التراكمية لكلى الشعبين واحدة على اعتبار الأميركان اليوم هني اوربيين مهاجرين .. بس الحقيقة لاء.. الحقيقة ان عمر الحضارة الأمريكية والخبرة التطورية او التراكمية لهال الحضارة 200 سنة فقط .. ولا يمكن جمع الخبرة التراكمية لشعوب الأوربية الي هاجرت لأميركا واضافتها لإرث اميركا التراكمي من الحضارة .. لسبب بسيط ان من هاجر لأميركا من الأوربيين بذلك الوقت كانو الشرائح او السلاات الأدنى بالمجتمع .؟؟ ببساطة مين الي هاجر من 200 سنة لأميركا من اسبانيا ؟ الي ما عندو عمل، الي ما عندو صنعة ، الي ماعندو شغل .. الي ما عامل انجاز .. ما محقق زاته .. بالنهاي هاي الشرائح الي اقل ما يمكن استفادت من الخبرة التراكمية لمجتمعاتها الأوربية .. هدول الي هاجرو على اميركا .. (بيفضل عندهم الزهنية الأوربي اكيد ، ومستفيدين بشيئ ما من التجربة التراكمية للشعوب الأوربية تبع مآت السنين هاي بس أقل استفادة هني مستفيدين ، ومتأثرين فيها اقل تاثر..) خلاصته ، االي عم قولو هون ، ان الحضارة او الإرث الحضاري التراكمي لشعب الأميركي لا يزال غير مستقر ، ولا يزالو خبيزين (من خبز و عجين انو خام) على موضوع التطور والحضارة بالمفهوم الثقافي .. بعدهم جداد .. ولهيك منشوفهم اليوم بيسألو و يهتمو بأعلى اولوية لموقف فلان من الإجهاض ، وموقف فلانة من المثليين جنسيا وزواجهم ، وموقف الفلاني من الإستنساخ و ما اليه .. شغلة تانية كنت عم حالو قولها انو كشعوب بمنطقة بلاد الشام ، عنا ارث تراكمي لمئات السنين من الحضارة والتطور متفوق على الأميركي، و موازي للأوربي وقد يضاهيه ويزيد عنه _في بسوريا عنا اكتشافات اثرية عمرها 10الاف سنة قبل الميلاد لشعوب ساكنة ، (غير متنقلة) اي انه في كان من 12 الف سنة هون شعوب وحواضر مستقرة و تم التطور التراكمي والخبرة التراكمية الي احنا خلاصتها ونتيجتها اليوم من 12 الف سنة .. معلش رح اتجاهل معك الآثارات هاي .. بالحد الأدنى خبرتنا التراكمية عمرها 5الاف سنة .. بحسب اقل التقديرات .. وهذا كله عم بحكي كشعوب غير راحلة، كشعوب مستقرة قاعدة بأرضها وعم بتورث خبرة تراكمية من تجاربها الحياتية من جيل لجيل على كل هال الألف من السنين ..) طيب منرجع للأسئلة، بالنسبة للإجهاض: * الإجهاض بدواي صحية او طبيي ..اكيد معه وما حدى بيختلف في هذا * الإجهاض لدواعي اقتصادية ايضا انا معه ، (يعني العائلة الي ما قدرتها المادية تعيش نفسها ، العائلة الي عم بتعيش خبزها كفاف يومها ، ولد جديد عندها بيعني واذا قدر يضل عيش .. بيعني انها العائلة كلها صارت مهددة بالموت ، لإنو رح يتستنزف مواردهم المالية كلها ما هني بالاصل على الحد عايشين ، وبالتالي ولد زيادة او اكثر رح يهدد وجود العائلة كلها ، رح يصير مهددة كلها بالموت (سواء احدهم يمرض وما يكون قادر يتعالج، سواء الجوع سواء اي ظروف نتيجة الشح المادي هذا ) طبيعي انا عم بحكي عن مجتمعاتنا الي لا فيها رعاية اجتماعية ولا فيها تمويل حكومي للي بيجيه ولد .. * ضد الإجهاض بالعوائل المقتدرة ان كان دواعي الإجهاض رفاهية، فهون الولد هذا ابن الحياة ، وليس ملك عائلته ، وهوي ما رح يكون عبئ على العائلة و بمجرد ولادته صار ابن المجتمع ككل، (طبعا دام عم نحكي عن ولد ما رح يكون بولادته في تهديد للأسرة وبقائها ..) * اخيرا في كتير حيثيات لا بد من التطرق لها ، الوقت ضيق هلق كنت رايد فصل اكثر. في هذا الشأن ... بالنسبة لموانع الحمل: * معها تماما وبدون مناقشة .. (اذا الدولة بمرحلة ما بدها تشجع الإنجاب ما تمنع موانع الحمل _وتتفلسف_) وانما تعمل تخفيضات ضريبي بحسب عدد الأولاد ، تعم تشجيع من نواحي معونات مادية ليلي بيجيب اولاد ، بس من حق الأهل دائما ، التحكم بمتى واين وكيف رح يجي الولد .. هذا بصالح المجتمع ككل، ما بيصير ينرك الإنجاب فوضى .. كيف يعني وزيرة مثلا للخارجية ، فجأة تصير حامل ؟؟ والبلد كلها تنشل بالسياسة الخارجية قال لإنو الوزيرة حامل و ممنوع حبوب منع الحمل ؟؟؟؟؟ بالنسبة للأبحاث العلمية بخصوص الإستنساخ: مع الأبحاث العلمية بدون ضوابط .. بدون "أُطر" ايديولوجية او دينية ، مسبقة الصنع ، بس بإطار منظم غير عشوائ. بإطار رقابة مدنية .. رقابة حكومية عليها .. فقط .. بمعنى منخلي الاابحاث تنعمل بأي شكل بأي منحى كان بدون اي تحفظات مسبقة الصنع ، بس كل الأبحاث بتكون تحت مظلة مدنية او مظلة الحكومة ، يعني ما بيحق لأي حدى لأي جهة لأي جامعة تعمل ابحاث على كيفها بأي شيئ بدها ياه ، بحقلك كجامعة كمركز بحوث كمعهد او مختبر تعمل بحوثك على كيفك ، اما في المسائل الضخمة الي انعكاساتها بتطال ابعد من معهدك و جامعتك ومركز بحوثك ، فبدو يكون البحث ونتائج البحث و كيفية والية تطويع نتائج هذا البحث بيد الحكومة المركزية .. (ما بيحقلك تتصرف بالنتائج على كيفك بس بعلم الحكومة وحتى بتمويل ما منها .. بيحقلك تعمل البحث على كيفك ..) كمان مرة اخيرة للتوضيح (لان في هذا الأمر جزء مهم)، علينا ان ننقل الضوابط من البحث الى التطبيق، ما بمنحط ضوابط على البحث العلمي بحد ذاته ، و انما على تطبيقاته فقط بمعنى آخر كيف بدك تعرف شو ممكن يصير بموضوع الإستنساخ وعلى مذا سينتهي ويَخلص اذا ما عملت البحث ؟؟ فبتترك العلماء يعملو البحوث تحت رقابتك .. بس بالتطبيق وقتها من حقنا كمجتمع نفرض كل الضوابط الي بدنا ياها (فيك تعمل بحث في ايجاد اكثر المواد سمية، واكثر الأسلحة البيوولجية فتكا .. (حقك كعالم تبحث في ما تشاء) ، بس مش من حقك تجربها واتطبقها علينا !!!.. ولا من حقك تبيع نتائج بحثك على كيفك .. ) فهيك الموضوع .. صاير.. عن الجنس خارج اطار الزواج: بحسب الإطار .. هل الإطار هو معاشرة او عيش مشترك (انهم عايشين مع بعض على عيون البشرية جمعاء) بس بدون ورقة زوارج بدون صك محكمة؟ او بإطار بغاء .. او بإطار شو ؟؟ طيب هلق كشخص شوي بمشارب فكريي ليبرالية بيجوز كون ميال اكثر لقول اني لست ضد "بالجملة" الجنس خارج اطار الزواج .. (بحسب كل المعطيات تبع مجتمعنا الحالية ، بواقع صعوبة الزواج على الصعيد المادي والإقتصادي، على صعيد الفترة العمرية الي ممكن تأهل لاشخص يتزوج الي صارت فوق ال 30 سنة .. وبواقع السلامة الجسدية و الصحة النفسية _فالجنس جزء من الصحة والعافية النفسية للأفراد_) الي عم قولو انو بالنهاي هذا الأمر عم بيتم (الجنس خارج اطار الزواج المتعارف عليه) عم بيتم بأشكال متعددة من بغاء، لأنماط مستحدثة ، لأنماط الأديان والعقائد صارت اتطورها كتطويعات للواقع هذا .. من اشكال زواج المسيار لزواج المتعة لزواج العرفي لزواج اليوم وطلاق الغد .. يعني عم بيتم تطويع "أطر" شرعية في خدمة هال الموضوع ليفضل ضمن او تحت مظلة بيعتقدو انها سليمة .. هلق بالنهاي انا مع التنظيم .. مع تنظيم الموضوع مع تنظيم البغاء (بسوريا كان في تنظيم للبغاء وكان في اماكن مرخصة من الدولة وبتخضع لرقابة صحية .. لغو الترخيصات هذه هل يا ترى راحت اماكن البغاء مع زوال التراخصي هذه ؟؟ لاء.. ابدا بالعكس زادت .. طيب ايها احسن يكون في اطار منظم وتحت رقابة صحية من الدولة يكون هذا الموضوع او يكون كما هو الآن _بطمر الرأس بالرمال كالنعامة ؟؟ وانو نغمض عيونا ونقول لاء لاء كلو تمام مافي شي؟؟_ يعني بالنهاي انا مع تنظيم الموضوع ككل ، وفق حيثياته الكثيرة هذه .. بشكل تدريجي ضمن اطار القبول الإجتماعي تبعنا ، .. (معل العلم انو اول على آخر الحرية الجنسية هذه هيي قادمة قادمة ، شاء المجتمع تنظيمها او لاء.. ) فلهيك عم نقول خلينا انظم هالموضوع .. بدون ما نغمض عيونا ونقول كلو بخير وفل الفل .. خلينا انظم موضوع الزواج و الجنس خارج الزواج كله بقوانين متطورة ، وموكبة للواقع ، و قابلة للتطوير و التطويع مع تطور الواقع .. * شغلة متل المعاشرة انا بشوفها بصراحة مافيها شيئ... يعني قبل الإسلام والمسيحة والأديان هذا ، كيف الناس كانت تتزوج .. كان شب وبنت يتفقو (وفق الأسرة والعائلة) وينتقلو ليعيشو مع بعض .. بس وين الفارق الجلل بالموضوع هو الإشهاااااار (برأيي انا الميزة الأهم او اهم محور بالزواج كلو موضوع الإشهار.. هو الفارق الأساسي الي بيميز الزواج عن اي شيئ آخر) .. طيب الي عايشين مع بعض على مرأى كل العيون و هني كبل مع بعض (تم تحقيق اهم بند هون والي هوي الإشهار).. طيب هيك فاضل وثيقة ما سواء دينية او مدنية .. اي نعم مهمة .. بس الأهم تم تحقيقه .. اي الإشهار .. .. اخيرا .. بهال البند بدي قول الزواج اول شيئ فيه ومحوره الأول هوي الإشهار واي زواج بغير اشهار عام (من انواع الزواجات الخلسة تبع شاهدين او زواجات المسيار والعرفي) هاي كلها هيي البعيدة عن الزواج وهيي الي لازم يتم اعادة توصيفها وتنظيمها ، ليفضل الزواج مرتبط بالإشهار (كما كان و استمر من ألاف السنين قبل الشرائع كلها ومع الشرائع و الآن..) يعني بدون اشهار (بمعنى الإشهار الحقيقي) ما لازم يتعبر زواج ،ولا لازم قانونيا يندرج تحت بند زواج .. ومع اشهار يمكن حتى بدون صك يتم ادراجه وفق معايير ما تحت بند زواج .. (وبنفس الوقت باقي الأنماط بتتنظم بس بتفضل خارج اطار الزواج حتى الي ديني منها كالمسيار والمتعة، والمدني منها كالعرفي ..) لازم اشهار اولا وآخرا .. ومن هون فيك تسنبط بعد بضعة سنوات شرعية ما في الجنس بين المتحابين دام في اشهار لعلاقتهم .. (مش الآن لسا المجتمع بيحتاج لوقت في هذا .. بس هو قادم).. سلامممم |
يمان Rooooonaldo
ايا سنة دراسية هلا انت ؟ سادسة و متأخر تخرجي.. اختصاص الطب بشو يعني عين رجل ادن انف ...؟ لسا لنشوف كنو منكفي .. شو رايك بالمعكرونة ...بتحبا... وايا نوع اطيب ..؟ يش يش تانج ولا شراب عمار:o سكويز انتي كرماووويييي؟؟ حمصي.. بس لمن كنا صغار كنا بالوثبة (بفريق السباحة و عملنا كتير بطولات بالصغر و اخدت كذا ميدالية على سوريا انا واخوتي كلنا كنا سباحين على ايام ما كان في ناس بتسبتح وبتسابق و تدريب وهيك .. لهيك الوثبة شوي بميل ليها اكتر بحكم انو وعينا على الوثبة .. بس ما كتير متابع حاليا للمواضع الرياضية على امل بوقت لاحق اقدر تابعها و هيك .. لإنو مهم يعني) حمص ولا مسبحة ..؟ يش يش (مافهمت) احلى رواية انجليزية قريتا وتركت شي عندك ..؟ gone with the wind بس من زمان ما عدت قريت روايات لا عربي ولا اجنباوي شو رايك بفرع المحاسبة ...!!!؟ بيطلع الواحد منو محاسب عندك استعداد لو صار جمعة كبير باخوية انك تحضر .... ما تقلي وقت لانو .. هيك شغلة بيجوز ما بتصير غير بال10 سنين مرة بقا عندك استعداد للقدوم؟؟ اكيد اكيد .. احلى كرتون عندك .. يش يش (ما بدي قول) قديش جبت مجمعك بالكلوريا ..؟ مو كتير :lol: .. ليش بتكتب بردودك شقد وهيك ما انت حومصي ّّّ!!!11! ليش هدول حمويي؟؟ مين برايك افضل رئيس مر على سوريا ..!! يش يش .. يش يش .. يش يش (بس لمن كان في حماصنة فوق كانت الأمور تسالي .. ;) .. من نور الدين للؤي لهاشم اتاسي.. ) كنت مع موقف حسن نصر الله بالحرب اللي صارت اما لا ..؟ هممم .. كنت مع الحالة الشعبيي وراء الشعب ... دريد لحام.... شو احلى شي شفتلو ياه ..؟ غربة برمضان بتابع مسلسلات والسنة الماضية شو شفت ..؟ قليل .. بس بذكر حضرت باب الحارة 2 وحستو متراجع كتير ، (مسترخصين) ، وحضرت حدائق الشيطان شوي منو و عجبني ، وواحد كمان سوري كنت احضرو لإنو بتحن للمواضيع السوريي المعاصرة و هيك بس نسيت اسمو والله .. شو رايك كبة مقلية ولا مشوية ؟ كبة مشويي صنوبر بلدي حصرا و زيادي كتير، بدون شحم ، بدون دهن ، لحم احمر، السمنة بلدي ، بس ما يكترو سمني بس دهن على الوش .. هلا بدي اكتر شي بتحبون بهدول اكلة ... جقات .. قبيواااات .. وما يستجد من ااااات شراب قهوة اذا عادي فبفضلها كولومبيي نخب اول طبعا ، اذا اسبريسو فلازم ايطالية lavazza (او انا عامل الخلطة على ايدي) برنامج تلفزيوني .. يش يش اذا بالمجمل اذا قصدك شي متل مسلسل ، ففريندز ما بمل منو ايمت ما بكون عم قلب وبلاقيهم بحضر ، و في واحد طلع اسمو لاس فيغاس .. كمان كان مسلي (خفيف و حلو) فلم جاوبت على هذا من قبل .. قلت the village و كمشة تانيي .. ممثل .. يش يش ممثلة شخصية ياسمين عبد العزيز بتعجبني كتير.. بس عم بتعفس كتير مؤخرا ، وخاصة من لمن بلشت تطلع مع مصطفى قمر، وشوية ناس مولدينين بايخين .. بس بتفضل تسالي .. بتتذكر شي موقف محرج صار معك من قبل؟وما نسيته شو هوة اي بس ما بدي احكيه.. طيب هلا ... اكتر بلد زرتا وتركت ببال شغلات حلوة يعي شفتك انك مسافر كتير ومتصور ... شو اكتر وحدة حبيتا بلجيكا (فظيعا للحياة فيها بشكل عام) هولندا (فظيعا للحياة فيها بعمر الشباب ) المانيا/فرنسا (فظيعين للحياة في مرحلة الإنتاج ..) دول بتقدر الإنتاج والمنتجين .. النمسا (فظيعا تقضي شيخوختك فيها .. دور اوبرا و تي تايم ومتوستر كونيشرتو و شمبانيا بكاسات الكريستال وتسالي :lol: .. و عناية فوق الطبيعي بالمسنين ، لدرجة مافي غير مسنين بالبلد .. شي ممل كشاب .. بس تسالي كختيار) طبعا عم قلك عن رأيي فيهم بالجملة بس ما عندي رغبة عيش بغير سوريا .. كشاب و كمنتج وكختيار و كجسد هامد بقبر ولا رماد بنهر .. ولا غيرو .. ما عاد فات لعندك حدا وانت شالح:lol: انو هاد الحرامي الصغير هق :lol: مين ممكن تزت بعدك بهالمقلاية ...؟ ما بعرف بس عم فكر بفارس بيك .. Fares خوش جاي عبالي شي حدى يتقلى مظبوووووط اخوية ممكن تحت الضغوط انو يوقف ويتسكر حسام .. كضغوط ممكن تحط، بس كحسام بعتقد رح يعرف يتأقلم و يأقلم نفسه والواقع تما يتداعى للواقع ، وانما يطوع نفسه او اسلوبه او ما اليه ليفضل كله قائم .. بتخاف من النزلة على سريا من انو حدا يمسكك ؟ يش يش(ماعندي رغبة احكي) وصار معك شي من قبل انو حدا كمشك او حكا شي معك ...؟ يش يش (ماعنديرغبة احكي) ريال مدريد ولا برشلونة ما بعرف بدي بس كلمة منك للاعضاء في حال صار معك شي وما عاد قدرت تابع اخوية حسام:D متل ما قلنا سابقا بهذا الشأن : ليس مهم من يرفع الراية ، المهم ان تبقى مرفوعة |
الموسيقار
كيفكـ حكيم ؟ (حلوي طريقة كتابتك للكاف المفتوحة .. تسالي) برأيكـ ؟ هل كونكـ مثقف موضوع بيستحق الحسد ؟ هوي موضوع بسيتحق التمثل به والسعي اليه والمسابرة والعمل على النفس لأجله .. بس انا .. مش مثقف (انا ما بشوف حالي تحت تصنيف مثقف يعني حتى لو غيري بيشوف غير هيك بس انا شايف اني مش مثقف )؟ ما مرق عليكـ يوم قلت فيه بنفسكـ (أخت الفهم وياريتني كنت أبو كعكة الأجدب ومالي فهمان البونجور من البسطرمة) ؟ اي طبعا الوعي مشكلته بالمسؤولية الي بتجي معو فقط ، مشكلته انو بيفرض عليك بحكم المعرفة او التنور اذا بدك تسميها هيك .. عمل معين ، لإصلاح الخلل الي عم بتشوفو لإنك بدرجة وعي اوسع شوي، وغيرك ما عم يشوفو او ما عنده ادوات تغييره .. يعني مشكلة الوعي او التنور او شو ما بدك تسميها انها بتفرض على الشخص مسؤولية مباشرة .. هيي هيك بتجي والمسؤولية معها .. يعني كون المثقف حالة شاذة .. و منبوذة من البعض .. و خطيرة على (البعض) ما بيخليكـ تحس أحيانا ً أنو الألز أنكـ تستقيل الهم وما تاخد شي بشي ؟ الأفكار الإنهزامية او الإستسلامية بتراود الكل ، من المثقف او المتنور او المتعلم ، للبسيط و المعرفته متواضعة وغيرهم .. بس هذا الي بيعمل الفرق فالبسيط الي ما بينهزم امام ظروفه بيصير احسن ، و بكرا (اذا عم نحكي تصنيفات من هال النوع ) بيصير مثقف والمثقف او الناشط او الواعي اكثر، الي ما بينهزم امام الظروف بكرا بيغير الظروف لتصير احسن .. بالتالي الموضوع موضوع قوة وتصميم ومالو علاقة بذهنية الفرد او درجة وعيه وثقافته او ما اليه من اصطلاحات (ما كتير شاطر فيها او ما كتير بستسيغها كتصنيفات) وآخر سؤال .. بتلاقي التناسب بين الله والثقافة .. طردي ولا عكسي ؟ همممم.. الحقيقة هو ما لو علاقة بالله ، بس بلاقي (مش عن استنتاج شخصي او من استنباطي انا وانما بقرائة لأي احصائيات عامة) بلاقي العلاقة بين التحصيل العلمي ، والثقافة والوعي تتناسب عكسا والإيمان الميتافيزيقي (كيف ما كانت تجلياته ، سواء دينية او غيرها) _كان بدوي اعطيك رابط احصائية اخيرة كبيرة جدا بمجموعة كبيرة كتير من الجامعات الأميركية عملو الإحصائية على اساتذة الجامعات .. وكانت النتائج 90% منهم ما بيآمن بالله جملاً.. و 30% من العشرة بالمية الباقية ما بتآمن بالأديان وانما بالروحانيات فقط ..) كانت الإحصائية هاي كتير مميزة فيها كتير اشياء حلوي عن كتير مسائل من الشرق الأوسط لإسرائيل للأديان .. (بحكم انها انعملت على اساتذة الجامعات فقط ) _الي هني اعلى درجة علمية و اكاديمية بالمجتمع .._ اخيرا الي عم قولو انو هيك الإحصائيات عم بتقول، بس انا ما مهتم ، يعني اصدي ما بيهمني صح هذا او غلط .. ما فكرت بالموضوع بولا وقت .. وما بحس انو بيعني شي كتير الي ، بس كإحصاء ونسب وهيك فبتحكي عن حالها .. |
sadooka
1- شو بتحس باللحظة يللي بتصلك فيها خبرية تهكير المنتدى ... وشو بتعتقد الأسباب يللي بتدفع هالأشخاص لمتل هيك عمل تخريبي .... وبصراحة ... في شي مرة تهكر فيها المنتدى وقلت لحالك ما رح ارجع افتحو وبلا وجعة هالراس انو بتدايق و كتير كتير .. الهدم دائما اسهل من البناء.. مش اسهل ، وانا اسهل بكتيييييييييير .. اما الأسباب والدوافع ، فبعذرهم انا .. يعني كل مين ليه اسلوبه بالتعبير، هوي كشخص مكبوت بالمجتمع ، ما عم بيلاقي متنفس يعبر عن حاله ، يقول فكره ، يصرح عن مكنونات نفسه ، فبيلجئ لهال الأساليب .. ليسمع الناس صوته ، متله متل الي بيعمل تفجير بمبنى ، او بيعمل عملية انتحارية .. هوي ما هدفو يموت هدول العائلة او هال كام شخص، هدفو كان يسمع صوتو ، يعبر عن فكرو ، يقول رأيو .. بس نتيجة الكبت الإجتماعي وكبت الحرياة .. ما عم بيلاقي منصة يحكي فيها ن يعبر فيها عن مكنونات نفسه غير بهذا .. فمعذورين .. اصدي انا بفهمهم .. و بفهم دوافعهم .. بس اكيد ما ابررلهم وبأكد انو هذا ما بيبرر تصرفاتهم .. اما عن انو ما نرجع نفتح .. اي بالفعل بالإختراق الأخير بفترة الشهر الأول من السنة فكرت بالفعل انو خلص .. في احتمال ما عاد نفتح .. لإنو بوقتها كان انحزفت كلشي كلشي .. وماكانفي نسخ احتياطية وما كان في شيئ.. كانت العودة تعني العودة من الصفر، وفتح المنتدى من الصفر، بدون مشاركات بدون اعضاء، بتاريخ مغيّب .. بإرث جماعي محزوف ...... .. فكان شغلة لا تطاق .. وخاصة ان هالعمل هون مانو ملك لحدى ، لو موقع شخصي لو ملكية فردية بتتحكم فيها على راحتك وعلى هواك .. بس المشاركات والعمل بأخوية ، والتفاعل تبع الأعضاء ، وهال الخط الطويل ، هوي عهدة بزمتي .. ما بيحقلك اتصرف فيها ..!! كان الموضوع صعب كتير ومؤلم جدا .. بس نشكر الله اتجاوزناه .. 2- كيف بتشوف أخوية اليوم مقارنة مع أخيوية في بدايتها ... (يعني لما كنتو شلة وحدة) (لما كان اسمو أخوية سيدة السلام حسب معلوماتي) جاوبت على هذا السؤوال من احد آخر .. 3- كونك مدير منتدى ... والأعضاء كلون بيشحدو (ما لقيت غير هالتعبير) منك شي رد على مواضيعون والكل وبدون استثناء بيعتبروك قدوة وانسان مثقف على مستوى ... بتشعر بالسعادة ؟؟ بالغرور ؟؟ بالثقة بالنفس ؟؟ ... أو ما بتشعر بشي؟؟ بشعر بحمل كبير كتير .. بشعر عم بيحطوني بغير مكاني .. (لا بدي قول اعلى و لا اخفض) بس بغير مطرحي .. بشعر بالمسؤولية اكتر ، اصدي كل ما زاد ثقة الناس فيك او تعويلهم عليك (اذا بدك) فبتحس بحمل اكبر، و مسؤولية اكبر تجاههم وتجاه نفسك وتجاه المشروع ككل ... اما الغرور .. (فبزعمي وادعائي ) بعتقد اني بعدي جدا عن هذا ، بعيد كل البعد .. الحقيقة انو كل ما الشخص عرف اكتر بيحس بالفعل شقد هوي صغير ببحر المعرفة ، وكل ما اتعلم اكتر بيحس شقد هوي ولا شي ببحر العلوم ، وكل ما شاف اكتر بيكتشف انه لسا في اكتر بكتير .. وكل ما اكتشف اكتر بيدرك انو ياااااه شقد فيه اشياء بالحياة نحنا ولا شي امامها .. وكل مرة كل مرة بتروح على Google ُEarth وبتشوف الكوكب الأرض، (الي حبة رمل بهال المجرة ما بيجي حبة رمل .. ) ، وبتقعد بتعمل زوم زوم زوم زوم زوم .. لتلاقي مطرحك على هال الخريطة .. بتعرف شقد احنا صغااااار.. وشقد الكون شاسع ، وشقد النسبة متباينة ، وشقد الحياة ممكن تكون حلوي لمن توصل لهال المعرفة .. شقد حلو تعرف انك كتير صغير ، لدرجة الولا شي .. لدرجة انك اذا ما التفتت لنفسك ، ما حدى رح يلتفتلك .. ولمن اتدوق لزة صغرك ، بهال الإبتسامة تبع (ياخخخ شقدني ولا شي) .. ما عاد بيغريك لزة اخرى .. اخيرا بهذا ، بدي قول الغرور او ما اليه ما لو علاقة بالثقة بالنفس بشيئ .. او انا بقول (عن نفسي) هيي بيجوز معرفة نفس ما او اكتر للدقة هيي موضوع رضا مااا ، عن النفس.. بالنسبة ألي هذا خط مختلف عن اخوية وعن العمل عامة وعن علاقاتي ككل ، اصدي تلحفي بعبائة من الرضى عن النفس قد لا ينفذ منهى شيئ .. هوي ما نتيجة انعكاس لتقييم الآخر لإلي او اي شيئ من الخارج، هوي شوي نابع من مصالحة ما (جزئية جدا ، وما حدى بيقدر يكون _برأيي_ متصالح مع نفسو تماما ، وانما لا بد يتصالح الشخص مع نفسو مع زاتو كما هوي بقدر طاقته ، وبفضل هذا الخط _المصالحة مع الذات_ خط دائم ) بس طبعا الواحد لازم دائما ينزع عبائة الرضى عن النفس (مهما كان نوعها) هاي .. من حين للآخر تيقدر يهوي الأجواء :lol: او الي هيي يعني ليقدر يحس بتأنيب ضمير محفز للعمل ليحس بعجز ما ، بيحتاج ليشتغل اكتر ليلبيه ويغطيه وهيك .. اوف .. مدري شقد الي صار عم بكتب .. 4- لما بتسمع موال أنا مسافر يا أمي (لجورج وسوف) بشو بتحس (انشالله ما أنبخع وتطلع ما بتعرف الموال) ولا شي .. (مرة بزمانو اول مرة بسافر سفرة بعيدة سمعتو واتأثرت فيه شوي بس بعدها ما حصل).. 5- بفضل التطور بكل أشكاله ... أم العودة الى البساطة في الحياة ؟؟ اوف .. سؤوال بالصميم .. و عني هال الجدلية بتنهض من فترة لأخرى برأسيي .. البساطة حلوي كتير ، بس التطور لا مهرب منه .. (هذا بالمنطق وهذا بالإمعرفة ولاستنتاج بتلاقيه) بس بيخطرلي دائما انو هل يا ترى في وقت ما رح يوصل الواحد فيه لمرحلة من تداعيات و انعكاسات سلبية بالتطور تضطره يتخلي عنه تماما .. تضطره ينعزل بالبساطة عنه .. (ع فكرة هاي الجدلية المطروحة بفلم The Village الي قلت انو من اكتر الأفلام الي مهمين شفتون ) من 4 اشهر اغلقت موبايلي تماما ، وهلق بدون موبايل.. و مرتاح جداااا من اشهر ايضا سكرت تلفون البيت وحطيت على التلفون الآخر انسر مشين ، ما بجاوب عليه برد على الأنسر مشين لمن بيكون في وقت .. و كثير من الأمور التكنولوجية او المواكبة للتطور اخرى صرت عم حس انها صارت عبئ عليي.. و عم بتخلي عنها .. انا بيجوز متأكد اني ما رح بتخلي تماما بأي وقت عن ما هو تحت مصطلح تقدم و تكنولوجيا، بس عم حاول قوض مساعيه للتطفل عليي قوض مساعيه بفرض نفسه بتفاصيل حياتي ، عم حاول بحسب طاقتي و قدرتي اني حافظ على حالي ببساطة ما .. ضمن الزحمة هاي.. 6- بتخاف شي لما بتفكر بمصيرك بعد الموت ؟؟ ... مين خلق ألله (في حال كنت مؤمن بشي اسمو ألله) ابدا .. ما بخاف من الموت ، ولا بخاف مما بعد الموت .. بعتقد اني عم عيش بالحياة سعادة بتكفيني في حال ما كان في شيئ بعد الموت، و بإسلوب حياة مرضي لجميع الأطراف :lol: في حال كان في شيئ بعد الموت .. (فإنو بالنهاي الأرض جنتنا الأولى ، اذا مافي جنة آخرى ، فإحنا عشنا بالجنة و خلص .. اذا في جنة آخرى ، فعااااال .. مين احسن منّا زبائن بالجنة الآخرى ؟؟) :p 7- لحد الآن ... قدرت تعرف مين انت ... قدرت تعرف انت ليش موجود عالأرض وليش عايش وليش انخلقت ... قدرت تعرف الهدف الأسمى يللي بتسعى لتحقيقو بهالكام سنة يللي رح تعيشون ؟؟ (بتمنالك طول العمر) بالمجمل لاء .. بس قطعت اشواط كتير مهمة ، وكتير منيحة و واسعة (مرضية بالنسبة الي) بهال المجال ، بمجال معرفة النفس ومجال معرفة الحكمة المطلقة في صيرورتي _كفرد_ على ما انا عليه .. |
طيب..
بعتقد جاوبت على كل الأسئلة .. شكرا للجميع ، (عذرا انو تم تسكير الموضوع .. بس لإنو كان ما عدنا نلحق، ومنشان ننتهي من الموضوع هذا .. ) ايضا شغلة انو آسف ان كان بأجوبة ما كنت مختزل او على عجالة اجبت، بس الحقيقة انو ما بعرف كام سؤوال جاوبت بعتقد فوق ال 100 او 150 سؤوال اذا مش اكتر.. فبيقى صعب تجاوب على كل الأسئلة بنفس الهمة والعزيمة والوتيرة .. فهيك صار .. عندي اقتراح ايضا اذا بيتم تحددي العدد ، يعني يكون بالمقلاي بيحق للشخص يسأل ما لا يزيد عن فرضا 7 أسئلة ، و فقط مثلا اول 7 اشخاص بيحطو اسئلة بيتم الإجابة عليهم .. انو كنوع من تحديد الموضوع شوي فلمن عم بتصير الأسئلة كثيرة جدا بالعدد ، وكثر المشاركين بيصير بيلزم وقت ما بالضروروة يقدر " المقلي "بسهولة يلاقيه .. فهيك .. ايضا بالنسبة لمين بدي حط بالمقلاي بعدي فعلى اعتبار انا العضو رقم 4 (هون) فرح حط العضو رقم 5 .. فارس بيك .. خليه يتشوالو شي شوي .. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ** اه في حال كان تم وضعو سابقا بالمقلاي او لسبب او لآخر ما مشي الحال فبوكل sweetbaby بإنها تحط شخص عني .. تحياتي :akh: |
اقتباس:
ومشان اقتراحك مرفووووض اي ع راسي بس مابيصير معقول نخجل طلبك يعني؟؟؟ احلى قلوة لاحلى فارس ولو كم فارس عنا ليش نحنا :yahoo::yahoo::yahoo: عليه شباب:yahoo::yahoo: |
فارس ممممم:lol:
|
اقتباس:
شو مشان حبيت كتير هالمقلاية ردودك عن جد ممتعة اسم الله عليك:sosweet::Dمتابعة:gem: |
اقتباس:
فارس استلم:D:gem: :hart:شو بيعنيلك طانطان:lol: :hart:شو رايك باخوية بالوقت الحالي :hart:شو سلبيات الاشراف وشو ايجابياتو :hart:مين اول عضو اتأثرت باسلوبو :hart:شو اول بيت شعري حفظتو :hart:مين في نظرك افضل مشرف او منسق وليش اخترتو :hart:مين اكتر عضو بيتواجد كتيير وكلما بتدخل بتقشع اسمو دغري:lol: :hart:ليش اخترت اسم Fares وشو اسمك الحقيقي :hart:شو بتدرس :hart:عرفنا بيك بكلمتين بس. وراجعة انشا الله:D |
اقتباس:
النقطة الأولى بخصوص تجمع ( غير نخبوي ) مقنعة جداً جداً بل أي إنسان واعي لكل التناقضات يلي عم بنمر فيها بكل لحظة و عم نعاني منها متل ما تفضلت ما بيقدر إلا أنو يرفع القبعة و ينحني أمام أنسان قاد هاي المجموعة ليعمل شي و لو كان جداً بسيط لكن منطلق من فكرة كتير عظيمة و جبارة .. بدون مجاملة و ربنا شاهد على صدق كلامي .. لو في شخص واحد من كل ألف أو عشر آلاف عربي بيفكر بهاي الطريقة ما كان وصلنا لهون !! النقطة التانية بخصوص الجولان يمكن مختلفين نوعاً ما بالنظرة بس متفقين أنو التطور و التحضر و بناء مجتمع _ سوي _ بسوريا بيعتبر أولوية من أولويات الصراع لو إفترضنا أن الصراع مانو مرتبط بالجولان .. ببساطة ما في نصر ممكن تحققه أمة ( مهزومة ) أو عم تتخبط بدروب الفساد و الرشى و المحسوبية إلى آخر أمراض العصر . طبعاً كلامي بينطبق على كل دولة عربية من المحيط للخليج ما بقصد سوريا بشكل محدد ليقيني المطلق أنو الصراع بعدو قائم حتى مع الدول _ المُطبعة _ .. النقطة التالتة بخصوص أعمدة أخوية .. رد أكتر من رائع .. يمكن عم يشعر هلاء كريم أنو عم نجيب سيرته و عم نفتقده .. أكيد إنسان متل كريم مع كل تناقضاتنا معه إلا أنو يقيناً متفقين أنو صعب نعوض إنسان متله .. ربنا يرده سالم و يطمنا و يطمن أهله و كل حدا بيحبه عليه يا رب .. ثقافتك ما شا الله واسعة أخ حسام بهنيك جداً عليها .. تمثيلك بقصة _ الكف _ وّصلت الفكرة بأكتر مما تتخيل .. شكر كتير لسعت صدرك و للوقت يلي ضاع .. بس بعتقد أنو من حقنا على أخ كبير أنو ناخد جزء من وقت و بعتقد أنو حسام بيكون جداً سعيد وقت ليعرف أنو الجزء يلي راح من وقته كان عم يفيد فيه ناس يمكن لو شافها بالشارع ما بيعرف صورة وجهها .. تحياتي إلك و كل أمنيات التقدم و النجاح دايماً بإذن الله .. :D |
لك لك لك
لك ليش موتوا يا الله .. الظاهر انو فارس مو هون او مابدو يدخل بالمقلاية زتولنا غيرو يرحم ستكن اذا مافي حدا لنزت يمان او شي حدا تاني |
يعدمني اهلك شو يمان ما انا كنت قبل حسام:x
|
بماانو حسام وكلني انو زت حدا ازا فارس مافات
فانا رح زت The morning اقلوووها كتيير منيح شباب:yahoo::yahoo::yahoo::yahoo: |
سشو شايفتلكن بردت المقلاية!!!
حمو الزيت شباب!!! ذا مورننغ بعتئد انها انقلت بمقلاية تانية من قبل!!! |
اقتباس:
ومنقدر نقليها ونحمي الزيت عليها كتيير كتيير كتيير |
اقتباس:
و الله شكلها انقلت اقتباس:
|
اقتباس:
طيب شو رايكون نشلف موسيقارنا:lol: يلا موسيقار حوول ع المقلاية ماانقلى لاتقولولي وحمووولو الزيت كتيير يعني فشولي غليلي |
لك لك
عملولنا الشغلة بالتصويت مقولنا حدا متل العالم نقلي خلونا نتسلى معو .. |
زتولنا سامر اش رايكن ؟
|
اني موافك ..
|
واني موافك:lol:
|
طيب سامر اوكي
بس مين سامر:? |
ايه ايه وانا موافئة...
يلا بلشو بسامر... :yahoo: لي عودة مع اسئلة مرتبة :p وقع وما حدا سمى عليه :clap: |
سامر madmax??>>>
|
اي هيك انا فهمت...ومشان هيك تشجعت :lol:
|
انا جايب معي قنينة زيت مازولا تازا للقلي بس انشالله يضاين الاخ ماد ماكس :lol:
|
اي بس طول بالك لا تحط الزيت ولا تشعل النار .. أحسن ما يبلش الزيت يطرطش طرطشة .. بتقوم رتوت مجبورة تمسح الغاز من الطرطشة .. و بطريقا بما أنو طرطشت زيت عـ الأرض .. بتحوسلنا أرض المطبخ كمان
|
يلا راح بلش انا بالاسئلة...:yahoo:
سامر مدري ليش بس كتير مبسوطة انك بالمقلاية :p اول شي بدي ئول شكرا للحكيم عأجوبتو عاسئلتي :D وهلأ سمور ...اسئلتي الدائمة : 1. شو الشي الي ما فيك تعيش بدونه؟ 2.ازا عندك الصلاحيات انك تغير شي واحد بسوريا شو ما كان...شو بتغير وليش؟ 3.ازا كنت لحالك عجزيرة و بدك تضل معزول عن الناس واي شي خارج الجزيرة لمدة سنة و فيك تاخد معك شخص واحد و3 اشياء من اغراضك الخاصة شو بتاخد وليه؟ (ما فيك تاخد موبايل او تلفزيون او كمبيوتر او اي وسيلة اتصال مع العالم)وطبعا مو اكل وشرب وهاي الاشيا لأنه اعتبرها مأمنة الك بس بدك تاخد شي بعز عليك وبعنيلك انه يضل معك 4.شو تعريف الغربة بالنسبة الك؟ وكمان : شو شعورك هلأ وانتا مشلوف بالمقلاية ؟ :p:p:p شو بتعنيلك أخوية واعضاء اخوية؟وازا صاتر وتركت اخوية لسبب ما راح تنزعج وتستفئدلها او عادي بالنسبة الك؟ وعنجد عنجد ئلبي معك :lol::lol::lol: :D:D:D |
اقتباس:
مبين ما حدا عرفني غيرك :sick: |
اقتباس:
ماعرفت عن حالك ابل بمرة:o |
اقتباس:
|
اقتباس:
مين قلكون تخلصو المرحلة لما انا كنت باجازتي؟؟؟ يلا الاسئلة المعهودين اي يلا كم سيجارة بتدخن بالنهار؟؟؟ انت ليش هيك؟؟؟ شو اكتر غنية بتحبا؟؟ وليش؟؟؟ مين مطربك المفضل؟؟ .شو المواضيع اللي تقراها بالمنتدى شو حلمك بهالحياة شو الصفات اللي بتكرهها بالانسان والصفات اللي بتحبها شو حكمتك بالحياة شو هيي صفات امراة احلامك اذا ربحت مليون دولار, شو بتعمل فيها؟؟ انت سعيد بحياتك وليش اذا لاء كمان ليش؟ .اذا فشلت بتحقيق حلمك شو رح تكون ردت فعلك؟ وشو هي اكتر مادة بتكرها و كمان ليش؟ هل بتامن بالابراج ؟ و علل جوابك هل بتامن بالقدر؟ علل جوابك هل بتامن بالسحر و المشعوذين؟ علل جوابك عرفلي البيروقراطية والديكتاتورية شو اكتر شي بيعصبك؟ شو اكتر شي بيفرحك؟ شو رايك بقضية الشرق الاوسط؟ شلون تعرفت على أخوية ..؟ شو هدفك بالحياة ...؟ مين أكتر أعضاء بتقارلون بالأخوية .. كم اخ و اخت عندك؟ مين من اخواتك هوي المفضل عندك وليش؟ شو هوي فيلمك المفضل وليش؟ شو هي اغنيتك المفضلة وليش؟ مين مطربك المفضل وليش؟ مين ممثلك المفضل وليش؟ شو اكتر شي بتحبو بالحياة وليش؟ شو امنيتك بالحياة؟ شو ناوي تدرس؟ شو أكتر معادلة كيمياء حفظتها بحياتك؟ شو أحلى قصيدة مرقت معك؟ شو درس العلوم المفضل يلي حفظتو؟ شو حدود سوريا الجغرافية؟ شو طبيعة لبسك : سبور -فنكي -رسمي ؟ شو اكتر موقف محرج صار معك؟ بتعتبر حالك ن الناس ياللي بيحكو كتير؟ شو اكتر اسم بتحب للشب وللبنت؟ مين قضوتك بالحياة ؟ شو رأيك بالطفولة و الولاد ؟ مين أعز شخص على قلبك و ليش ؟ إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟ شو حكمتك بالحياة؟ شو أحلا أيام حياتك؟ شو الحياه بالنسبه إليك؟ شو بنظرك دموع الفرح أم بسمة الفرح؟ شوالشي الذي تتمنى أن يرجع؟ مين أعز إنسان لقلبك؟ موقف صار لك ولا تقدر تنساه؟ شو أفضل لديك بمراحل النمو هل هو الطفوله ام المراهقه ام الشباب أم الشيب؟ زيت المقلاية عم يحرقك شي؟ يمكن هالسؤال كان في مين يحطو بزماناتو بس يلا انا سرقتو:p شو رايك بالاعضاء التالية Gazita Reemi marioma alghzayala hanny dagher Willi layla sezar sweetbaby الحاج متولي توت توت توت butterfly Varon ghazool Majood Hashtnasht Kakabouda Godfather (فراس) Fares Geeny yass كهربجي here i am SABE HUS Barleb tony 124 the light سرسورة محمد ابراهيم goverment صياد الطيور اسير التشرد المستحيل the morrning COSTA YaSeR handsome abosleman منوشه spector yamen_h - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ماد ماكس وائل76 مسطول ع طول شامي من طوكيو أمرأة من ورق دلوعه سوريا مايا* لبندا fofo besset syria Abu Guzef |
اقتباس:
 اقتباس:
اقتباس:
اقتباس:
بس بالنسبة للأغراض أول شي I POT عليه موسيقى بس تاني شي عدة الرسم ...لأني من زمان ما رسمت ....و هيك جو أكيد رح بشجع عالرسم و كتاب ... ما بعرف شو رح اختار ... حسب حالتي النفسية لما بروح بس عالأغلب شي لتشيخوف ...لأني صاير سريع الملل و ما بحب اقرا شي طويل اقتباس:
يعني قد ماكان الواحد سعيد .... بضل حاسس أنو ناقصو شي ....أو أنو تارك وراه شي و الوطن بالنهاية متل الام ..... يعني الواحد (قد ما كبر ) بس يرجع لعند امو بحس بشيء من الأمان أو أنو مو ناقصو شي ........مع انو يمكن هاد مجرد شعور اقتباس:
اقتباس:
و بصراحة عم قضي وقت فيها أكتر من يللي عم قضيه مع عيلتي و أكيد مو عادي بالنسبة الي اذا بترك أخوية و أكيد اذا اضطريت اتركها كتير رح اشتقلها و اشتاق لأعضاءها اقتباس:
|
اقتباس:
|
ياااااااااا سامر ...
بعض الكلمات ............شو بتعنيلك الله الدين الأيمان الوطن الصداقة الأنسان الرياضيات السماء الطفولة الكبرياء من أنت الحلم الفقر الكذب |
لك لك لك
ليش هالاضهاد هادا ؟ هلأ تركتو كل الاسئلة اللي بالعالم واللي خلقا الله لعبت عينك ع سؤالي :pos: سؤال واحد بس ضروري 50 سؤال :pos: نهيبة لانو مو ؟ |
اقتباس:
وانا قلت اني نهبتو شو اعملك ازا انت كنت مدري وينك:angel::angel: |
اقتباس:
يلا ع كلن دخيلك مي هالقصة العظيمة بتموني ..:D |
اقتباس:
بس تسلملي شو مزوق بس بيني وبينك انا مابتذكر مين كان حاطون بعدي بعدين انا زدت عالم ع الليست ;) |
اقتباس:
ايواااااااااااااااااااااا اااااااااااااااااااااا وانا عبقول لحالي هي ليش طولانة غير كل مرة وقت بنسخا :lol::lol: يلا هلأ خلينا نشوف هالجغل اب سمرا (ماد ماكس ) شلون بدو يجاوب عليها |
| الساعة بإيدك هلق يا سيدي 07:39 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون