|
اقتباس:
.. :بحبك .. :وانا بحبك أكتر .. :بعرف بس شو الفايدة ازا الله بالنص وأهالينا بالنص والناس بالنص والقوانين بالنص والعادات والتقاليد بالنص وأوراقنا الثبوتية بالنص والدم بالنص .. وكل شي بنص الطريق للحلم .. هلكتو ربنا مشان كلمة .. ! .. يمكن الانتحار شجاعة .. بس كمان هوي ألم .. لو حدا كتير بتحبو انتحر ... ما رح تتحمل هالفكرة .. الموت .. الانتحار .. الموت ... الموت .. الموت !!!!!!!!! ... في شي حلو بعدين!؟! الحلو انو انت عم تتمقلب لانو ما في شي بعدين .. ما في شي .. هيك احساسي بقول .. لانو بآخر الرواية رح نكتشف هالخدعة الكبيرة اللي عايشينها .. انا بسميها حياة ... انت بتسميها مرحلة .. وغيرنا ممكن يسميها عبور .. اعطيني عيونك اشوف فيها لاني مو شايفة شي ..!!! ... وانا رح ضل حبك بالرغم من كل شي ومن اي شي .. الحب ملكي وحدي .. الحب الي .. ما حدا بيقدر يزرع حب جواتي ولا يشيلو من قلبي ... وحدي انا بقدر حب ... بقدر حبك .. وبحبك .. لآآآآآخر نفس فيي .. ... :hashish: |
اقتباس:
فايق لما راحو اهلينا مشوار .. تركونا و راحو قالو ولاد صغار .. خلص المشوار.. و كبرو الصغار .. كل شي تغير .. كل شي .. بس انا رح ضل حبك .. و انتي الي .. انا لوحدي .. انا الأناني .. ألي لوحدي .. بقلبي .. .. حاولت افهم الحياة , تعبت كتير .. بدي حاول مع الموت .. بس رح استنا .. .. ما بعرف ليش .. بس بدي قلك .. كان في واحد بيحب وحدي كتير .. وما كان يقلا .. بيوم من الأيام خطبت .. راح لـ عندا ( و هوي مالو خبر انو خطبت ) قلها بـحبك .. قالتلو .. انا انخطبت .. ليش ما حكيت من أول هي : شبيك يا بعد عمري .. لونك تغير .. عندي خوات تنين .. اطلب و وتخيّر هو : و العباس ما أخدن خواتك .. أنتظر سنين .. و اتني بناتك .. تجوزت و صار عنا بنت قمر .. كبرت البنت .. هو :يا بنت .. هي .. نعم عمو .. هو : عمن يعميك .. انا مو عمك .. بس هاذ 10 سنين .. كبرني همك .. و جلجل علي .. يـا الرمان .. و دوني لـ هلي .. .. بعد على بالي .. يا قمر الحلوين .. انو ليش ؟ .... أهلينا ؟ دمنا ؟ اقوى من عشقنا .. انتي يلي مسكتي ايدي .. و سوا تحدينا كل العالم .. طيب ليش ؟ .. انا فكرت .. و عرفت .. انو انتو ما عندكون فيروز .. يا حلو يا مغرور .. يا حبئ و منتور |
اقتباس:
ما بيعرفو يغنو فيروز .. يسمعو فيروز أو يعيشو فيروز ... نحنا بس اللي منعيش بحلم انو الواقع يصير متل الحلم .. .. ما في احلا من الانانية بالحب .. وانا لما بحبك بكون حبيت نفسي أكتر .. انتا انانيتي .. وانانيتي فيك هي تتويج لرجولتك .. .. انا بقول اللي بدو يعيش ما يفكر بالحياة كتير أو بالموت .. يفكر كيف بدو يعيش وبس .. انا من جهتي بعيش كل لحظة بلحظتها .. .. قصتك عجيبة .. كل قصصنا عجيبة .. لانو ولا بمرة كانت النهاية سعيدة .. أصلا لو مشي الحال ما بكون في قصص لنحكيها .. .. وهلا بقلك .. نحنا لا تحدينا العالم ولا شي .. اصلا نحنا لما بنتحدى بنتحدى انفسنا .. ويا ريت عم نقدر نتحدى ... تعا نتحدى .. بس نتحدى مين !!! :nirvana: |
عيناكي تراقب شفافي .. و عيناني .. تنظر للقاء الشفاف .. انت خائفة .. و انا اكتر خائف ..
قاعد كل عم انطر .. شي .. انا عندي هدف .. انو يجي هل شي .. شي غير محدد .. بس انو حلوة النطرة .. و الحلو .. انو انتي صفيتي معي .. و نطرتي معي .. اكيد رح نتغرب و نترك بعض .. و اكيد انت اللي رح تتركيني .. بس يا ترى ... لو انتي كنتي ناطرة شي .. و انا صفيت معك .. رح اتركك ؟ ما بظن .. أنو الشي يلي انا عم انطرو اهم بكتير من الشي يلي انت عم تنطريه .. بس انا ناطر معك .. لنو حابب .. بس هيك .. ولول للحظة .. كون جنبك و صف معك .. انا بحبك .. وكتير .. وبلا ولا شي |
احساسي واحساسك اكبر من هالنطرة .. وحدو الاحساس اللي بخلي النطرة حلوة ..
مو مهم شو عم ننطر .. مدام قلبنا عم يدق .. عم يحلم .. عم ينطر شي .. انو .. يعني لسا باقيلنا شي .. خلينا ننطرو .. هوي الهدف .. هوي اللي عم يخلينا نقدر نعيش .. ولوما هالشي كنا أكيد تركنا بعض وتركنا كل شي حتى الحياة .. وكنا وقتا صرنا ولا شي .. وبلا شي .. وفوق كل شي بلا حب ! .. شفافك عم تتململ .. وانا عم شوف هالشي .. حتى شفافك عم ينطرو .. وانا عيوني ما عم تقدر تتطلع بعيونك .. زمان كانت العيون تحكي لانو ما في لغة إلا الخوف .. بس هلا كل شي تغير حتى نظرة العيون .. وصارت الشفاف هي اللي تحكي .. |
بعمري ما فكرت انو رح قلك بحبك ..
انو انا بحبك اي .. مو بس بحبك .. اكيد .. انو .. مافي كلمة أكبر من بحبك .. انا نزار ما كتب ألا عني و عنك .. أوا كانو يظنون أن قصة مجنون ليلى هي قصة الحب الأعظم ؟ حبي الك .. بيتعدى كل شي .. كتابات القباني .. و كلمات روميو .. و اغاني فيروز .. ألا انه توقف .. عند لمسة يديك .. و ضحكت عينيك .. و نبرات صوتك .. كنتي صغيرة .. و ستبقين هكذا .. لن تكبري ابداً .. وستظل لمعة عينك .. تأسرني .. تقتلي .. تقسمني نصفين .. كـ الهلال .. قولي احبك .. كي تزيد وسامتي .. |
أحبك !!
كما لم يخلق حب من قبل .. يتوقف الزمن عند هذه اللحظة وتستيقظ أسرار الحياة .. كذلك نحن نبعث من قلب الحب لنشرق على الأرض كالشمس .. ونوقظ باقي الكائنات .. طفولتي تنام بين يديك وتستقبل نهارها بحنانك .. وأنا كما لم اكن يوماً .. اسيرة حبك ووسامتك وكلامك ! |
تحت اصوات تراتيل الحب .. و الهدايا .. و قبل .. و التهاني ..
جلست وحيداً .. مبتسماً .. متخيلاً .. ماذا كان سيحدث لو كنا في مطرح هذين الشخصين .. ما بعرف .. و ما بتخيل حالي ألا معك .. ماسك ايدك .. وعما اعلن سراً .. قدام كل هل عالم .. انو انتي الي .. الي و بس .. مسكة ايادينا .. اهم بكتير من المحبس .. اهم بكتير .. من صلاة الكاهن .. و اهم من وثيقة سخيفة بتثبت زواجنا .. مسكة أيدك .. كانت السر المقدس الوحيد .. اللي وثقت فيه .. و عرفت .. انو ومن هل لحظة .. رح ابدا .. حياة .. بغير منظور .. بغير صيغة .. بس رح تكون اجمل .. و احلى .. طالما واقف معي .. اقوى و أعظم .. أوفى و اطيب ... احلى و أروع انسان انا ممكن قابلو .. بحبك .. بكل ما تحوي سوا .. |
شو مشان
مرحبا كيفكون قلبتوها نزار :lol: |
وأنا بحبك
عم تحكو عالسيكارة شي؟ |
اقتباس:
|
اديه مرئ جمل حلوه....
. |
اقتباس:
كاس الحب رح نشربو سوا وعلى الحلوة والمرة .. أسرار الأرض والسماء كلها ما بتقدر تعبر عن هالسر اللي جمعنا .. وبكرا مع اول طلعة شمس على حبنا .. العالم كلو رح يتغير .. :hashish: |
اقتباس:
بس انا كتير حبيت هيك .. :D |
العمى شو عم شوف انا هون.........بارليب و نيرفانا محششين عالاخر و مطفيين بالمرة:shock::shock::shock:
|
اقتباس:
|
اقتباس:
عاست وتاخد عمرها |
اقتباس:
لـ اول مرة منذ اعوام طويلة .. سـ أصبح بوجه لـ طالما عشقته .. لم تكن تلك القبلة التي نراها دائماً على التلفاز .. ممتعة كـ قبلتي على وجنتيك .. يكفني حباً .. رأسي على رأسك ..و يدك بيدي .. تبددت كل أفكار الموت .. وماذا بعد هذه الحياة .. علمت الأن أن الحياة الجديدة تبدأ بين يديكي .. تلك هي جنتي التي وعِدتُ بها .. ورح ابقى قلك .. بحبك |
| الساعة بإيدك هلق يا سيدي 01:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون