|
صبــــاح ضبابي متل الـذكرى ..  هامش .. صباح خــاص ... لـ حسن و ميمو .. :p |
صبــــاحك ام الشوش ..(منورة)
وصبــــاحك اخوية .. وللكل .. :D |
صباح الرفقة والنجوم :fwink: ميمو افندي قلا انو اشتقنالا لأشراقتي الصباحية :mimo:  |
والله ياشريك انت اسم على مسمى
ومني احلى تحية لحسن وميمو ومو لباشق:larg: |
صباح الورد لكل الي بيحبوني وبحبهون :D |
واقفين عالباب ؟!
اقتباس:
:ss::ss: يسـعد صـباحك اقتباس:
صباح النجوم :p |
اقتباس:
اقتباس:
صباح النور :D |
اقتباس:
كمان أنا استغربت عدد مشاركاتك وما حصلي الشرف أعرفك على كل صباح الورد لأنو صار فيه تعارفنا ......... :deal: |
اقتباس:
ع راسي معلم .. صباحك ياباشا انت وباشق .. :D |
اقتباس:
تسلم يا زوووووووء صباح الورد وتصبح على ورد :D |
  أحلى صباح مع أحلى كاسة متة و فيروز بغنية يا مختار المخاتير :dabeek: وأحلى صباح لباشق وماتيا وأم الجماجم و سامان و وسيم و ماجد :D :D  |
اقتباس:
انو ابم خااااااااااالتيييي شو مفيقك الصبح :o يسعد صباحو ز صباح كاسة المتة بس انا هلق عم اشرب قهوة....بن السقا و حياتك :lol: صباحو للجميع :oops: |
صباح الخير والنق والليستة المعفنة
السلام عليكم
أصبحنا وأصبح الملك لله صباح الخير يا منتدى صباح الخير يا أعضاء ويا مشرفين صباح الخير يا بلدي يا حلب وحمص وحماه صباح الياسمين يا شام صباحكم سكر يا جزيرة ودير الزور والحسكة والدرابسية وراس العين والحدود التركية والحدود الأردنية والجولان صباح الفول والحمص والبصل الأخضر والزيت العفريني والخبز المقأمر والبصل المشمر صباح لأهل النسكافيه والكوفي ميلك والكروسان والدايت صباح الورد لأهل فناجين القهوة بأدنين وبلا أدنين بكاسة الشاي والركوة صباح القيمق لأهل المامونية والشعيبيات والدبس بطحينة والجبنة المشلشلة والعكاوية والزيتون والمكدوس والزيت زعتر صباحك سيغنل وسانسودين وصابون لفرشاية الأسنان قومو ويلا بدنا نتيسر على الشغل قومي يا مرة جوزك قام من تخته على مهل منشان ما يفيقك قومو يا ولاد عندكم مدرسة قومو أبوي العلم نور والجهل ضلام لا تكونو متل أبوكم أكل طنجرة جهل من ساسه لراسه بدينا طلبات البيت طولي بالك يا مرة يستر حريمك شو هالليستة تقول جريدة الجماهير أختصريها جلبنيا هي مقص أو ملقط أها هيك صار حلو بطاطا 2 كيلو بانجان مقعور بدي أعمل محشي ...(قلتلها خلينا نمون , كيلو المحشي المعقور 75 ليرة يحرق تم حظي ) بندورة 1كيلو لا تجيب أكتر عبيخمخم بالبراد بقلة بقدونس شم ريحتها قبل ما تشتريها ليمون بدي مليان مي حفوضات للأطفال 12/25 ( مابقى تنضفه دبحتني وكسرت ضهري صارت موضة هههه أنا نضفت بالشتاء من تاني شحاطة ) بهار 100 غرام كمون 120 غرام ( تقول عنده ميزان دهب السمان ) كيلو زيت زيتون وهي القنينة قلتلك جيب تنكة (طبعا تنكة قال الض ... على المرتكي هينة لك التنكة 3500 ورقة ) زيت قلي القنادر عند القندرجي (طبعا من كتر اللقلقة بيهرو القنادر والزفت بالشوارع ) سطل الزبالة انتخم ( ايه طبعا بده ينتخم ما تركت بلاستيك بللور خشب إلا ما كبته الله يستر ماتكبني ) ودي طجونة الفاصوليه لعند أمي تكرم عيونك (حسبى الله ونعم الوكيل ليش عبيصير معي أنا ) جبلي جاكيت أختي اليوم عندي أصتقبال ( ناقصنا أصتقبالات وقبولات تقول مؤتمر قمة للشلي ) هي الطلبات وفي توقيع قد يافطة الشوارع اتركلي 500 ورقة مدينة من الجارة ( تفضلو مية مرة قلتلا لا تدينني بربربربربر) هي الطلبات موجودة يوم أيه ويوم أيه قال جازة يحرق تم هداك اليوم سمعتني مرتي ولي ولي أسمعو اشو قالت هلق عبتسب بالجازة لك قتلت لبين ما أخدتني طولي بالك يا مرة من وين بدي أطول بالي لك مالك شايف عيشتنا يخرب ديارك ويطفي نارك مالك شايف العالم شلون عايشة لك نحنا اسمنا عايشين جارنا ايو صالح جاب لمرته اندونسية والمرة متل النفجة كل مالها عبتحلا انا عبقول بسري يخرب دياره ابو صالح صار متل حمصة الكي بلسان مرتي والا جارنا ابو صبحي دخيله شقد جومرت وأبضاي لك بيت احماه ما بيطلعو من عنده مو متلك كل أسبوع مرة حسبى الله ونعم الوكيل مرتي ممكن أسئلك سؤال بس براس هالأولاد بتجاوبيني عليه بصراحة أسأل بتحبيني ؟ بحبك طبعا بس انت أوقات .. هس ما بدي أسمع ولا كلمة أنا رايح أدعيلي يرحم والديكي أدعيلي روح الله يوفقك ويرزقك من نعيمه يا جوزي الله يرضى عليكي سامحينا السلام عليكم وعليكم السلام وتعشبقت بدربزون البناية وقلت يا كريم هي أوكسجين صباحي حبينا نكتبه ألكم تراني أوقات مودي بيكون مقلقل يعني بيجوز يجي موضوع نطب فيو كلياتنا ببير الهم والغم تحياتي لكم دمتم تقبلو تحياتي وثماجة كرياتي السلام عليكم |
صباح قهوة امي وخبزكـ يا وطني صباحكم |
صباح الخير للكل
صباحك وسيم ارسلان علاء صباحك نيبو:sosweet: صباح كل المشرفين خاصة ريمي:hart: |
صباح الورد على الجميع
على السور الصم ذي الروح الميتة اخذت قطع الثلج تتلاشى كما لو مست باشعة موت (دابوووووو التلجات) |
صباح الخير للكل والله مو هاين علي ما اذكركم بس بدي اذكر هلأ واحد سوري ظل جيفارا بايونيير حكومة
والله الك وحشة لك حسسون |
صباحكون جميعا...
صباح الخير..ارسلان..نبيل..وشم..بيت ي..باشق...وسيمو..حسون..ولصاحب هالصفحة هي مورنينج بس مع اني ما بعرفها بس انو اسلوبها رائع.. مين كمان لسا في كتير..ماتيا..بيرين..ريحانا... تيييييير كتييييييير اخواتي بهالمنتدى الحلو.. المشرفين..والزعماء..آش صرلو زمان ما شرف..بلاك..ماد ماكس ..بترفلاي..سرسورة...ريمي..ولل بح يعني كل شي موجود باخوية وبيعرفني ..واللي ما بيعرفني صبااح خاص للحشرات اللتي تقرص آمالنا..وهي مستعدة للموت ولكن بشرط ان تقتل معها احلامنا... صباح الخير |
| الساعة بإيدك هلق يا سيدي 19:38 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون