|
اقتباس:
|
طيب.. طيب صار وقت نحط الحل.. (بما إنو ماري بيل ملتهية بعيد ميلادها.. ما رح تفضى للمسألة :) )
اقتباس:
فـ منفرض إنو عدد القطع من فئة الـ 500 هو س وعدد القطع من فئة الـ 200 هو ع وعدد القطع من فئة الـ 50 هو ص هيك فينا نكتب الـ 5000 ع الشكل: 500 × س + 200 × ع + 50 × ص = 5000 وبالاختصار بيطلع معنا: 10 × س + 4 × ع + ص = 100 ولكن.. س + ع + ص = 20 فـ إذا طرحنا المعادلة الأخيرة من المعادلة اللي قبلها.. رح يطلع معنا: 9 × س + 3 × ع = 80 منقسم طرفي المعادلة على 3 فـ منلاقي إنو: 3 × س + ع = 26.66 ولكن.. طرف المعادلة الأول هو عدد صحيح.. لأن ( 3 × س ) عدد صحيح.. و ( ع ) عدد صحيح أيضاً.. في حين أن طرف المعادلة الثاني هو عدد كسري!! إذن؟ تقودنا هذه النتيجة إلى إنو الافتراض الأول بإنو الشرط محقق.. هو افتراض غير صحيح إذن.. الشرط غير قابل للتحقيق.. (ونفس طريقة الحل هاي فينا نساويها مع الـ 2000 ) |
:jakoush:المهم انو ما بتزبط ع 20و هلشي قالو اكتر من حدا مرء من هون!:sly:
و يعني ما رح نعطيك فراطه!:p |
اقتباس:
هون الـ.. إس بالقصة :) |
طيب وحدة جديدة
قال هاد كان في مرة ختيارة.. قاعد بسوق الهال عم تبيع بيض بلدي.. وإذ.. طحش زلمة يمتطي كديش مطهّم.. وكسّرلها كل البيضات!! هلق الجيّد بالموضوع.. إنو صاحب الكديش طلع أكابرلي.. قلها: "حقّك على طربوشي يا خانم.. قديش كان عدد البيضات اللي عندك؟ حتى إدفعلك حقهن على دوووووز بارة" قالتلو: "بس أنا ما بعرف قديش بالزبط كان عدد البيضات.. بس بعرف إنهن كتار" قلها: "إي.. والعمل؟ كيف بدنا نحسبهن؟" قالتلو: "مممممممممم.. هلق أنا صحيح ما بعرف قديش كان عدد البيضات بالزبط.. بس بعرف ما يلي: إذا قسمت البيضات لـ كومتين قد بعض.. رح يزيد معي بيضة.. وإذا قسمت البيضات لـ تلات كومات قد بعض.. رح يزيد معي بيضة.. وإذا قسمت البيضات لـ أربع كومات قد بعض.. رح يزيد معي بيضة.. وإذا قسمت البيضات لـ خمس كومات قد بعض.. رح يزيد معي بيضة.. وإذا قسمت البيضات لـ ست كومات قد بعض.. رح يزيد معي بيضة.. وإذا قسمت البيضات لـ سبع كومات قد بعض.. ما رح يزيد معي ولا بيضة.. وإنت باين عليك -من الكديش اللي راكبو- فهيم وذكي.. فـ احسبهن.. وحاسبني" --------------------- ملحوظة: ممكن يطلع مع صاحب الكديش أكتر من جواب.. بس إذا ما كان مطهّم متل كديشو.. لازم يقلها للختيارة جواب واحد وحيد وهاد الجواب الواحد الوحيد.. هو المطلوب --------------------- فـ هاتوا لنشوف.. |
في 301 بيضات!!:gem:
لأنو الواحد لزياده هيدا هو البيضه الزياده! و هيك ال300 بيضه بنقسم ع 2 لأنو العدد مزوج! و ع5 بينقسم و كمان ع 3 و4 و6 ازا قسمناها بتزبط! |
اقتباس:
طيب.. للأعزاء المشاهدين.. الفكرة وين؟ صاحب الكديش.. كان ممكن يطلع معو أكتر من رقم.. بيناسب الحكي اللي قالتو الختيارة.. مثلاً: 301 ، 602 ، 1204 ، 2408 ، 4816 ، الخ بس هو المفروض يقدّم الرقم الأصغر.. مشان ما يتخورف.. فـ.. بيروح بيدوّر ع المضاعف المشترك الأصغر للأرقام ( 2 ، 3 ، 4 ، 5 ، 6 ) وبيجمعلو ( 1 ) ولازم يكون يقبل القسمة على 7 فـ الجواب الواحد الوحيد.. هو 301 متل ما قالت المزميل ماري بيل |
اقتباس:
قال يا سيدي عندك غرفة.. فيها 100 لمبة.. مرقمين هاللمبات من 1 حتى 100 وعندك 100 زلمة.. كمان مرقمين هالزلم من 1 حتى 100 اللمبات مطفايين.. بيفوت الزلمة رقم 1 ع الغرفة.. شو بيعمل؟ بيطلّع ع اللمبة رقم 1 .. إذا كانت مطفاية.. بيضوّيها.. وبيضوّي كل مضاعفات الرقم 1 وإذا كانت مضوّاية.. بيطفّيها.. وبيطفّي كل مضاعفات الرقم 1 بعدين.. بيدخل الزلمة رقم 2 بيطلّع ع اللمبة رقم 2 إذا كانت مطفّاية.. بيضوّيها.. وبيضوّي كل مضاعفات الـ 2 وإذا كانت مضوّاية.. بيطفّيها.. وبيطفّي كل مضاعفات الـ 2 وهكذا دواليك.. بيدخل الزلمة رقم 3 بيطلع ع اللمبة رقم 3 إذا كذا.. كذا.. وإذا كذا.. مذا السؤال هلق.. بالنهاية.. يعني بآخر الآخر.. وبحقول الزمان.. بعد ما يفوتوا الـ 100 شخص ع الغرفة.. ويطفّوا ويضوّوا بهاللمبات.. شو هي اللمبات اللي رح تكون مضوّاية؟ |
اللمبات اللي ارقامها هي أعداد " أولية " :humm:
|
اقتباس:
|
اقتباس:
مش قليل.. |
جرّبت بـ هاي أبو حميد؟
هاي حطيتها بهالموضوع.. وما حدا حلّها.. وأنا قدّمت جزء من الحل.. اقتباس:
|
حلّوا هاي ت نشوف  |
اي مارئه معي من قبل!..:p
1. الباقيين هني (F S S (FRIDAY SATURDAY SUNDAY 2. بسير 550=5+545 3. منكتب anything 4. منرسم ل rectangle و منرسم في 3 خطوط!! :gem: |
اقتباس:
 |
خاوخو تخوّخو.... قصدي حاولو تحلّو هالحزّيرة اللزيزي
43 خوخة تخوّج الجوح 41 خوخة تحوّخ الخوج 49 خوخة تخوّح الحوح 17 خوخة تخوّج الجوح وتحوّخ الخوج 27 خوخة تخوّج الجوح وتخوّح الحوح 21 خوخة تحوّخ الخوج وتخوّح الحوح 6 خوخة تخوّج الجوح وتحوّخ الخوج وتخوّح الحوح 8 خوخة ما بيعملو ولا شي كم خوخة في معنا؟ :larg: |
فيني قول شي؟
|
اقتباس:
بس كأنّو حاسس في ورا سؤالك شي مسبة:lol: طيب روق وشرب معنا عصير خوخ |
| الساعة بإيدك هلق يا سيدي 01:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون