منكمل الجزء التاني من المصطلحات

خسكار

كمية من العمل المقرر ليوم واحد أو بضاعة معدّة للبيع ضمن اليوم


· من دهنو سئّيلو
تعبير يفيد الكحتنة والجرب وصرف النقود على الشخص أو الشيء بعد أخذها منه دون التكلف عليه بقرش

· ما صرلو بالأصر إلا مبارح العصر
يعني أنه جديد على أمر ما وغرّ فيه وأحياناً تكون إشارة للنفاريش أي باللاتينية nouveau riche

· ولاد آدو
يعني المشكلجية والعونطجية وولادين الحرام (يالطيف الله يبعدون عنا وعنكن أولو آمين)


· سبرتاكو
القطعة الصغيرة التي تكون مسمّرة في كعب الكندرة النسائية من الأسفل (وبتطلع عند أول لبسة بالكنادر الوطنية)


· قراضة
يعني نوع عاشر، شي تعبان بنوب (متل الكنادر المذكورة آنفاً والمسمّاة عند البعض: بضاعة لا حول)


· متمسح
يعني واحد متبلد المشاعر والأحاسيس متل التمساح بفرد شكل (وبمعنى آخر: لا الحر بحرّو ولا البرد بضرّو)


· كل ما حدو بيت السلطان خيلهن بتمد الخنفسة رجلها

مثل شعبي يقال كناية لمن يحب الاشتراك دوماً في أمور لا ناقة له فيها ولا جمل، ولا فهم ولا علم له بها وهو يعتقد أن له ما للآخرين


· اندفس
أي: نام أحسنلك، انقبر


· تكورت
متل تدولق، فعل يفيد تناول الطعام، وتزهرم مثله أيضاً


· من بيت شقاع لبيت رقاع (وهي تقرأ كالعادة: من بيت شآع لبيت رآع

تعبير نسواني عن المرأة الشطاطة النطاطة التي تنتقل من بيت لآخر ولو بالشحاطة


· عم يحاسب القاضي
أي يقوم بقضاء حاجته في بيت الخلاء


·
· يلي ببالك منو

كناية عن أمر يتعذّر ذكره لأسباب عديدة


· انطمز

أي انزعج وبوزم وقلب خلقتو وما عاد يتحاكا


· مطهمز

أي مطأطأ أو مطأطئ الرأس

· شامم ريحه كرهه

تطلق على المتكبر يلي رافع مخاره وقالب وجهه


· آكل كم بحالو

انظر تفسير شامم ريحه كرهه


· خود منّي
إنهاء للنقاش ودعوة الطرف الآخر للثقة بما يقول المتكلم دون نقاش.


· دواليب الجنة

مصطلح جديد للفلافل ومحاولة لرفع شأن هذه الأكلة الشعبية


· عليّي ما عليّي

قسم يريد به المتكلم أن يحلف بالطلاق ولكن سمع أنو هذا لا يجوز فبطلها واستعاض عنها بهذه العبارة.


· سم الكرّاتي
تقال عندما يكثر الطرف الآخر من الأكل.

· فجعان
أي الحالوش أو الشره


· مكلولك
أي اللألوء الذي يحب تمسيح الجوخ.


· كعي في

يعني كثير ألح وأصر عليه ولكن الطرف الآخر يرفض


· طرفنده

تعبير مؤنث يدل على أنه شيء جميل جداً ومميز

شو من شان انو كيفك

صباح الخير يا شام


:D

عتيق بدال ما تلقي خطب :frown:


ائلي كيف الشام هلئ

مبروكين الكنزات

اكيد شربت من نبعة بقين والله مشوار حلو بحسدك عليه

:D

اولتك يلا الجايات اكتر من الرايحات :D

صباح الخير ... :D
كيفكم .. كيف الشام ... مو معقول قديش مشتاقتلكم ... وقديش مشتاقة للشام ..
ما كانو يمرقو هالأسبوعين :cry:

صباح النور

فتحي عين وغمضي عين ما بتلاقي حالك غير صرتي بشام :D

:D
عم بحلم انا ونايمة كل يوم بالليلة يلي رح اوصل فيها عمطار دمشق .. :lol:
بس داقت خلاقي من كتر الملل هون :cry:

بس توصلي عالمطار بتفولي ياريتني ما اجيت :lol:

تذكري كلامي

ليش .. كل هالقد الأحوال بالشام صعبة ..
بس ما بظن بحياتي قول هالكلمة .. لانو لو شو ماكان بتضل أحسن من هون ,,حياة ملل بملل هون

بس اجي على حفلة زياد عزموني على قاسيون ولو

اي تسلم عين عمتك
اي طالعة قبل مرة بس كان برد وما استمتعت بالقعدة

بحبها على علاتها.................:hart::hart::hart::ha rt::hart::hart:للشام.

يا جماعة انا لما حكيت ما كان ائصدي من الشام

كان ائصدي المطار يعني بخلو الواحديندم عالساعة يلي يفكر فيها يجي عشام

كرمال عين تكرم مرج عيون.:D

لك اي مو تكرم عيونكم ... عازمتكم على احلى سهرة باحلى مكان عقاسيون ..
اخيرا اجا هالنهار .. وليكني رايحة هلا عالمطار ...
مو مصدقة حالي بعد كم ساعة رح كون بالشام .. :clap:
اخيييييييييييرا ..
يالله ,... بااااااااي .. رايحة عالمطار هلا .. :yahoo:

بوسيلنا طرابا وقوليلها لا شافت عيني مثلك ولا قلبي حب غيرك

وان الله كتب لي زورك بتستنيني عالباب ياغاليه.:hart::hart::hart::hart:

توصلي بسلامة :D

كيفكم يا شوام :D

شو اخبار الشام؟

يااااااااااااااااااا صارلي سنه ما شفت الشام ورح تكمل معي في ادامي سنتين كمان

مساء الشام والفل والياسمين الشامي والله اسم الشام لحاله بيروحن القلب ادعولنا نقدر ننزل هالسنة عالشام وسلام للكل
شامي جديد

منيح رديتو وعبرتونا :jakoush:

ولو لك ابو حميد انت زعيم الشلة الشامية وما عبرك بس كان عندي بسبس (يعني بزنس :larg:) ما قدرت فوت نت من مبارح لليوم
صباح الشام واهل الشام واحلا شلة شامية باخوية :D

اذا الشغلة فيها شغل معك
مسامحة

بس العتب على كتر المحبة يعني ماعاد بين حدا فيكم والاعداء صارو كتار