|
الاستقرار قبل كل شي لازم يكون استقرار نفسي ..... و استقرار مكاني و استقرار عاطفي !
الاستقرار النفسي لازم الشخص يكون مقتنع بنفسو و يطمح للافضل و الانجرار وي التيارات يتعبك صدقني يا ابو وليم ! |
بس السؤال كيف تحقق الاستقرار؟
سهل تعريفو وتقول شو هو وتوصفو بس كيف بتحققو وبتنالو؟! |
اعذروني لهذا الانقطاع بس الخط !
الاستقرار النفسي برأيي يتحقق لمن الشخص يحقق الاهداف الرئيسية بالحياة .. حتى يقدر يكون شخصية مستقلة |
يعني الشخص اذا قدر يدخل الكلية اللي هو يحبها ...... و حقق مرادو
يمكن يحقق جزء كبير من الاستقرار النفسي و الاجتماعي |
ممكن
بس بعتقد انّو الاستقرار بيتحقق اكتر وقت يقتنع الانسان باللي فيه ويتماشى مع اوضاعو حتى يحس باستقرار نفس على الاقل ولا شو رأيك انت؟! |
هو الاستقرار برأيي اساسو نفسي
يعني اذا الشخص مقتنع بحياتو .... يرتاح نفسيا ..... و يستقر فكريا و من ناحية اخرى و اذا الشخص ما حس بالامان مثلا ...... رح يخسر الاستقرار النفسي ايضا ! و عليه يظل يفكر بالمجهول |
حلو كتير يعني اتفقنا انّو هو امر متعلق بالانسان نفسو
بكيفية تماشيه مع اوضاعو وكيف عم يتصرف بظروفو وادا عم يقتنع بوضعو ولا لا و و و من هالامور بس ملاحظ انّو مقترح هالموضوع ما عم يناقش فيه؟!:lol: |
يمكن يريد يشوف وين رح نصل بالموضوع بس ........ !
صدق وين راح ؟ |
اقتباس:
طيب ننتقل لشي آخر؟! |
هي لهجة الموصل !
انتي اختاري شي موضوع جديد |
حابة نكمّل موضوع سوء الفهم
بشكل عام مش عنك |
اي كثير حلو ......... و بوقتو!
|
انّو بلش بوجهة نظرك
شو ممكن تكون حلوله شو ممكن تكون اسبابو |
انا اللي اعرفو Ladies First !!
بس مع ذلك انا رح بلش قبل الليدي ماتيا! انا برأيي .... هو الو عدة اسباب شخصية و ظرفية ...... يعني شخصية بسبب موقف مسبق و ظرفية يعني يصير حدث معين و يصير موقف محرج للشخص الاول بدون ذنب! خلي نشوف اولياتك عن سوء الفهم ! |
اقتباس:
يعني بوذا هو الرجل اللي طلع المذهب الفلسفي اللي إلو اكتر نسبة أتباع بالعالم كله .... ممكن اعرف حضرتك شو عملتي :p:p:p:p:p:p يلا معلش رح اتركك تفضي نرجسية هون " هيدا بعلم النفس بنسميه " إنكار " :lol::lol: علمونا إنو لازم نخلي الشخص اللي عم يتعرض لهيك حالة يفرغ كل الإنكار لحتى يعرف وين هو :lol: بعدين عمتي انا على حسب علمي إنو هيدول السمايليات إسمهن ضارب بوز و هاها ما بعرف اسمهن الجديد Matya :p حلم حياتي هلأ على الماسنجر كمان :sosweet: تحياتي الحارة ظل جيفارا |
لك العمى فينا العمى شو منحب نحكي بطعمة وبلا طعمة...انو خلال اسبوع موضوع يصير 22 صفحةو لسى الخير لقدام :shock:
|
اقتباس:
طبعا انا بشوف الأسباب اكبر من ان يوجد لها حلول خصوصا بهالموضوع لإنو بمعظم الحالات السبب موضوعي بحت وصعب تفوت لتشتغل على هيك شغلة يعني معظم الأحيان بكون رفض من شخصية لشخصية اخرى وبيكون الناتج سوء فهم .. احيانا بيكون شرود في لحظات معينة احيانا بيكون الإختلاف بالمستوى الثقافي بين شخصين عم يحاكوا بعض ... بشكل عام صعبة الحلول انا من جهتي قدمت تلات اسباب بس ما بقدر قدم إلا حل واحد وهو حل للسبب الأخير .. انو يعرف كل شخص مستوى ثقافة اللي قدامه .. تحياتي الحارة ظل جيفارا |
اقتباس:
وبلا فلسفتك هلأ عيمللي علم نفس..روح عيلج حالك بالاول :pقال انكار قال:p ما علموكن عن النرجسية المقصودة عميمة؟!:larg: وهلأ بنجي للجد:::::::pos: اقتباس:
بس اللي صار معي مش نتيجة اختلاف ثقافة..لانّو الثقافة تقريباً شبه متساوية ... واللي صار سببو ولا ويحد من الاسباب الـ 3 اللي انذكرت بالرغم من صدقيتها وصحتها بس ما بتنطبق على اللي صار :D او يمكن هو مش سوء فهم من اصلو :lol: |
| الساعة بإيدك هلق يا سيدي 02:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون