شو بخصوص النوم ولي على تولي صارت الساعة وحدة المسا وما في حدا :frown:
وينكون شلة:D شتقتلكون محارب عتيئ وهدوء البحر وبلاكو ودلوعة الشام (وينك:frown:) وسوزانو (كيف الدراسة;))

يسعدلي مساكم ..
شو أخباركم .. يالله مو مصدقة ايمتى ينقضى هالشهر وسافر عسوريا بقا ..
والله داقت خلاقي
:D

كيفكم يا شوام

:D

مسيكم بالخير ياأهل الشام ومن لف لفكم

ابو عمير الغالي وين هالغيبة


:D

الفجر كيفو بشام هلئ

لك صبااااااح السلام والتضامن العربي :p عن جد عم بحكي :pos: عليك محارب (وينك شتقنالك ) وعلى الماسة شامةي وعلى بكتيريا وبلاك اورشيد وام الجود وابو العبد وعدي ومادماكس وسوزان ودلوعة لشام وهدوء البحر وليليان وفراشة وريمي ومريومة وشمس سوريا و وشم الجمال حبيبتي :D

[quote=المحارب العتيق;1272758]



[/quote ا
كل الياسمينات اللي فتحوا اليوم الصبح الكن,محارب ,وكل الغاليين يللي هون ,:D:D:D:D

اخ شو شتأت لشام......صوت تذكير قبل اذن الفجر.......دمشق معنا جميل للحياة.....ريحة الصبح غير......كل شي غير
يسعد صباحك يا شام

سلام عليكم يا شام

يا سلام عليكي طيب عطينا كم وحدة

كيفكون ياأهل الشام ؟؟

يا لطيف شو بخيلة بدي وحدة بس :jakoush:

اديش بتدفع:pos:

بيرضيكي تاخدي مني

مو شايفتيني مغترب :cry:

انا منيحة

أنت كيفك ياقمر ؟

انا دايما مشتاقة للحلوين وروحي بتفرك على ما شووفون:sosweet:
بعدين هدوء تعا لهون ما انا مغتربة كمان يعني تنيناتنا مغتربين وعايفين التنكة :cry:لهيك اديش بتدفع :pos:

ليش عم تتقتلوا عياسميناتي , هي اليوم قطفتلكن كمان وزعوهن على كل الشله . هدوء ومحارب وجوفيا
وسوزان :Dوهي الدلوعه, وكل اللي ماذكرت اساميهن.:D

:mimo::mimo::mimo::mimo::mimo:

والله انتي مافي منك يسلمو كتير


مو متل بعض جماعة :jakoush:

:shock::shock::?:shock::?:shock: ليكونو بعض الجماعة انا منون
بدي انحرك هدوء :pos:

انا شامي البي كبير
مالح قول غير
الله يسامحكم

بعدين بدنا نحرك الشلة شوي

بدنا نجيب جميع الكلمات الشامية الئديمة والاغاني والدئات متل دئة ستي ومابعرف شو

والله واحد ماخرج يوصيكم بشي :frown:


هي المصطلحات الشامية المعتئة

شاضومة
تعبير مؤنث لا مذكر له يفيد كون المرأة غير مرتبة وليست من الأكابر وتحب الكلام غير المنمق وكثرته

· شرنه
(إنظر الشرح في تفسير مصطلح شاضومه )

· ملحو على ديلو
يعني لا يقيم وزناً للعشرة والخبز والملح


· يلي بالي بالك
كناية عن أمر يتعذر ذكره


· معصمص
نحيل بارز العظام صغيرها


· يا إيدكم!
تعبير عن الهرب من شيء ما بسرعة

· زمئ
أي هرب ببراعة وحذق، وزمط شرحو

· سرّي مرّي
أي جيئة وذهاباً بشكل متكرر إلى حد الغلاظة وتتبعها أحياناً أو تنوب عنها (خدني جيتك) و(كيلي ميلي)

· حط بالخرج
أي لا تعبأ بما يقال

· على قفا مين يشيل
كناية عن كثرة الشيء وشيوعه و(قابر القنى) مثلها

· مأنّف
يعني لا يعجبه العجب ولا الصيام برجب

· فش نيعو
يعني انتقم منه شر انتقام وهي بالحلبي: يفشر حنكو

· أزّت نفسو
أي نفر من الشيء نفوراً كأنه رأى صرصوراً

· جفص
صفة للجلف غليظ الروح

· حنتر
أي "تيّس" و"بوزم" في الوقت نفسه

· طلع من عيونو عامص
يعني دفع ثمناً غالياً وندم على ما نالتحديث لمفردات القاموس الشامي ومع أنه بسيط إلا أننا أضفنا في شهر أكثر مما يضيفه "المورد" في سنة

· كل طلقة براحة
أي يقوم بالشيء رويداً رويداً بين الفينة والأخرى

· يلي بدو يموت يوصّيك بولادو
ذم بصيغة المدح يعني أن المذكور غير أهل لحمل المسؤولية

· على كراريت حلقو
يعني مصاب بغثيان شديد وإقياء لا يستطيع كبحه لا بحلال ولا بحرام

· لا تكرّك عليه
يعني لا تلح عليه إصراراً

· قلبه عميقول حق بق (كما قلنا أن القاف تقرأ ء)
يعني أنه يريد أمراً بشدّة لكنه يضمره إضماراً ولا يظهره إظهاراً ( مشان ما يزعل سيبويه)

· لحم السير عالقبقاب وصاروا المبغضين صحاب
مبينه وما بدها شرح

· يلي بيجي منمدلّه فرشة ويلي ما بيجي منرتاح من وشه
مثل نسائي بحت يفيد عدم الترحيب بأشخاص معينين ما عم يجوا أصلاً

· شو هالتجرة
يعني الأفندي ما عجبته هالحكاية كلها وحاسس إنو تعبو ذهب سدى أو أدراج الرياح (كمان مشان سيبويه الله يرحموا)

· وحياة خالقك ماني مفارقك
تعبير يفيد غلاظة المتكلم وتغالظه على المتكلم عنه ويتبعه عادة: مومحبة فيك بس بدي دايئك

· العين الطرّاءة
عبارة عن التمسخر على المتكلم عنه وأن لا شيء فيه بينحسد عليه

· بيقطش وبيلحش
يعني المهذار كثير الهفوات ومن يهرف بما لا يعرف ولسانه يسبق عقله

ولي على كسرتو
تعبير يفيد التحسّر على شخص ما مع لومه على ما فعل (في تناقض، مهيك؟)

· كـــــــن
بكسر الكاف وتسكين النون يعني اهدأ أحسنلك

· كروج
يعني درمل، وبتعبير أفصح افرنقع من هنا، وادحال مثلها

· فــز
كمان بكسر الفاء يعني قوم (أوقف وانت بتكلمني)

· جماش
أي همجٌ رعاع مستجحشون

· مصطهج
يعني مسلطن، مكيّف، مبسوط أو كما قال سيبويه: منتشي

· أفّّعت معو
يعني حمل القشة التي قصمت ظهر البعير وبلغ السيل الذبى

· مو نفعان لا للخل ولا للخردل
يعني بلا فائدة تذكر، وأحياناً بقولو من نافع لألله بنافعة

· لاطيلو
يعني كمن له منتظراً ومنها المتل القائل: "قلّو لاطيلك قلّو صاحيلك" يعني هدول تنين ناويين عالشر لبعض وكل واحد منتبه للتاني بس بدون كبريته ليشعلو

· ادفشو وشوف ما أجحشو
يعني بالإنكليزي: Fools rush in where angels fear to tread

· ما فيه الوتكة
يعني صاغ سليم خالي من العيوب وأحياناً يعني فاضي

· ما معو نكله
مفلّس وحالو عدم

· أول باشتان.....ثاني باشتان
طريقة النسوان في تعداد الأمور والأوامر والأسباب والمسببات

· بظّت عيونو
يعني جحظت العينان حتى كادت المقلتان تخرجان من محجريهما (على طريقة الجاحظ)

· سك
حقيبة تقليدية تصنع من قماش (مستعمل عادة) تستعمل للتسوق وخصوصاً من سوق الجمعة


انتظروا التتمة

هي ستي كانت تقولها كتير والغايه منها تقليل القيمه,
( لقت لي و لبقت لك )وبتسكبن أغلب الحروف
ويسعد صباحكن هالحلو.:D

هههههه
زكرتني بهالمصطلحات اخخخخخخخ وعلى موعد معكون بلكي بجبلكون وجبة مصطلحات تتغدوها او تتعشوها ازا بدكون
شتقتلكون هدوء وباشق بس هلا عندي شغل كتير ما عم بقدر افتح نت كتير :cry:

ههههههههههههههههههه .. يبعتلك الهنا يا هدوء .. حسيت حالي عاقدة مع ستي او مع عماتي بالشام .. وعم يحكو عن شي حدا .. :p
لك آآآآآآآآآآخ ماكان يمرق هالشهر بقا .. :cry:

تتحورئي الهي

هون كيفك ياقمر ؟؟

ونحن بالأكتر