من الثوابت يلي اختفت وردت رجعت هي باصات البلدية بلونها الأخضر المعهود بس هالمرة صارت الوان قوس قزح شي أحمر وشي ابيض وشي أصفر وشي داعايات صابون ومسحوق غسيل يعني فوق العجئة عجئة وعلى اساس حلو مشكلة المواصلات

وهي صورة للباص باللون الأصفر .

على كل حال رح اعمل جهدي مشان اللون الأخضر بركي بنكشلي شي واحد .

باصات البلدية هي باللادقية عنجد حلت أزمةوخاصة باص الزراعة خيو سياحة عالاخر بيفتلك نص البلد بالاخر بيحطك ع باب الجامعةبس لونو أزرق
احيانا بتمل انت وطالع فيه ف من الممكن انك تاخدلك شي ساندويش او شيبس تتسلى فيهون لبين ما توصل:yahoo: :yahoo:

:shock: كيف يعني خيو؟ او بالاحرى من شو هالغيرة

هدا رأيي الخرائيي المناسب لهل الأيام ...

من ثوابت المحافظات

دمشق

1- أماكن مشهورة : الشعلان وجنينة السبكي + الجاحظ وجنينتها + الروضة +الصاحية وشارع الحمراء
2- مدارس مشهورة : سامي دروبي (مدرستي ) + اللاييك (معهد الحرية )+ الثقفي + الفرير
مدارس البنات : ساطع الحصري (والتشفيط قدامها قبل ماتتحول المدرسة لأعدادي ) دار السلام + زكي الأرسوزي
3- المطاعم : مطعم اليسار + نادي الشرق + الفاروق + الصحي +الريان

حمص
1-أماكن مشهورة: الغوطة +المحطة + الحمراء + شارع الدبلان+ شارع السفير
مطاعم وكافيات: بلووو ستون + كريش

حماه :
أماكن مشهورة : حي الشريعة
محلات مشهورة : سلورة

حلب

أماكن مشهورة : الموكنبو + السبيل + المحافظة + الشلال + العزيزية
مطاعم وكافيات : سلسلة الغراند بجميع فروعها + مطعم وانيس (شي رواق )+ قصر الوالي (كمان رواق ) + زمريا + مطعم سيرجية + كافيه كستنى + لارووز (العظيم )


اللاذقية

أماكن مشهورة : منطقة الأمريكان
مطاعم : سومر + السوار + سبيروو(شي تمام غير شكل )

من الثوابت الوطنية حجب الهوتميل... لك الله ما بيعرف ليش...

بعدين شو نسيتوا الشام القديمة؟؟؟؟

باب توما و بياع الشاي أبو الخمسة هي ثوابت كمان

من الثوابت الجيدة انو الشباب عم تحط أغاني وطنية وعلى صوت عالي وهنن عم يفتلو على شي صبية

انو أنا مو ضد هالشي انو الواحد يحط اغاني وطنية بس مو وقتها ولا بمحلها هون وهو عم يطبق شي حدا

للأسف كلو موضة صاير عنا

هي هي اسمو حسن رسول بياع الشاي

يا زلمة والله شغلة ذكرتني فيه

الله محي اصلك:gem:

الموضة من الثوابت الوطنية .........وانو نخترع موضة كمان هي اهم ثابت

عم تشوف هالمساخر يازلمة

يعني فعلا الموضة من أهم الثوابت

موديلات شي بقرف وقال شو موضة

لك بتروح بدك تشتري بنطلون ما بتلاقي الا عالموضة........لك اخي ما بدي منو .....بقلك هاد الموجود

اي اتذكرت شغلة كمان

ومن ثوابتنا الوطنية سوق البرغل :shock:

:clap: :clap: :clap:

يعني رجعتو موضوع الثوابت .. :D

شكلها هالثوابت كتيرة وما بتخلص..
ويمكن أحد الثوابت هيي التطويل بالمسلسلات وغيرو ;-)

من ثوابتنا الوطنية اذا بدك تتسمع على اخبار العالم كلها اتسمع على التلفزيون السوري واذا بدك تتسمع على اخبار سوريا اتسمع على التلفزيون الاسرائيلي

حلللللللوةة

خيي كهربجي هيدا الواقع
تحياتي

ع راسي شريك.. بعرفو لحسن

كمان في شبيحة الباركينغ تبع مطعم حارتنا اللي مالو طعمة

و بياع الليمون الجامد.. أبو فاروق (ماهيك كوستا؟؟)


بعدين شريك شو ها الصورة الحلوة؟؟ SOUMI?؟؟

اي هدول الشبيحة يلي بنطو متل السعادين بساحة باب توما

وابو فاروق بالشتي والفولات الغير شكل ورغيف خبز تازا ....جوعتني على السيرة

مقدمة الصورة لعيونك شريك ......بس هال الوجه موغريب عليي منوب