|
يعني انت بنظرك سياسة بشار متل سياسه ابوه؟؟؟
|
تم حذف الردود الخارجة عن الموضوع
يا جماعة رجاءا يكون النقاش داخل الموضوع و بهدوء و بدون تجريح و شخصنة و اهانة متبادلة, و الا فسأضطر آسفا لاغلاق الموضوع شكرا للتعاون |
اقتباس:
|
اقتباس:
|
اقتباس:
من كلامك بستشف انو الرئيس جدا قوي وانو كل يلي حوليه موظفين صغار انا صار عندي شوية تضارب بالافكار يلي عم شوفها عندكون يعني هو القوي ويلي حوليه هني ضغار ولا هو ضغير وضعيف ويلي حولية عم يمشوه متل ما بدون؟؟؟ على كل برافو عليه اذا حسب ما عم تقول هيدا رجل جدا قوي قدر يركع كل رجال الدولة والسياسيين |
اقتباس:
هلئ انا بصراحة ما كنت حابب علق عالموضوع ...... لا ايجابياً ولا سلبياً بس عندي تعقيب صغير ...... تصحيحا لمعلوماتك يا استاذ ( ابو فهمي ) بشار الأسد كان تاني ابعد واحد عن الكرسي ....... من بعد ماهر والتحضير للكرسي كان لباسل مو لبشار او لماهر وبحب ذكرك انو باسل اتوفى ب 1996 يعني معلوماتك مو زابطة بما اني علقت وعلقت عالموضوع ....... اي شخص بالعالم الو مواقف ايجابية وسلبية ....بغض النظر عن موقفي منو او من الرئيس الحالي بشار الأسد وكمان بغض النظر عن العلاقة بين حافظ والشعب السوري شو كانت.... جيدة او لا ...... بس سياسياً هاد الزلمة اثبت جدارتو صحيح الخسائر اجت كبيرة بالفترة اللي كان مستلم الحكم فيها بس هاد ما بيعني انو ما كان محنّك سياسياً وبدرجة كبيرة تحياتي Ahmad :mimo: |
كمان بحب ضيف شغلة ............... انو مو بس سوريا اللي موظفين بيمشوها ..... أي دولة بالعالم فيها هيك ظاهرة واقوى الامبراطوريات بالعالم فيها هيك ظاهرة ...... لذلك مو شغلة كبيرة هي .
تحياتي |
انا براي انو سياسة الراحل حافظ الاسد ما في اي شخص فينو ينكرها انو سياسة رجل قوي ومحنك واكيد كلنا سمعنا وشفنا اراء كبار ورجال العالم بقيادتو هو شخص وقيادي يستحق الاحترام
وانا بظن انو حتى لو كان اجا شخص ورئيس غير الدكتور بشار اكيد مارح يحط الشعب بحضنوووو ويغنجو شعب العربي والسوري ما خرجو ديمقراطية لانو منصير كلنا بدنا نشتغل بالحكم |
اقتباس:
تحية |
اقتباس:
بس اقتضى التنويه عهالشي |
عفواً ...... صار في اختلاط عليي
بس النقطة اللي كنت بدي اوصلها واللي مصّر اوصلها ......... مو بشار اللي كان عميتم تحضيرو للكرسي :pos: يسلمو ياس وبنفسجة عالتنوية |
اقتباس:
بس النقطة اللي كنت بدي اوصلها واللي مصّر اوصلها ......... مو بشار اللي كان عميتم تحضيرو للكرسي  انا هدا اللي قلتو لما مات الاصلي جابوا الاحتياط ودربوا وانت بتعرف تماما انو ما كانت مفاجاة لحدا بسوريا ولا برا سوريا استلام بشار يعني سلامة فهمك شغلة بديهية كانت هي في سوريا الاسد |
اقتباس:
و الرئيس الراحل حافظ على فرض كان مزبط كل شي ومحضر كل شي ... مين مستعد لينفذ تعليمات رجل ميت ؟ الرجل راح .. يعني ما بقى ألو سلطة على حدا .. بقى مين الي يا حزرك منح الدكتور بشار رتبة فريق و مين الي عدل الدستور ؟! |
أمر بديهي انو نقل الحكم (كي لا نقول توريث) كان أمرا محضّرا بعناية فائقة جدا... لأنه تم تصويره كاستمرار لنهج أبيه لمن كان يهمه استمرار هذا النهج. و كذلك تم الاعلام عنه كعنوان تغيير جعل استلامه الحكم مقبولا حتى من بعض الأوساط الناقدة للسلطة.. فالنتيجة كانت شبه الاجماع في أوساط القرار و القوة (لا ادري ان كان اجماعا) على ان بشار is the man ... يعني كان عن قناعة لدى أسياد القرار+ تقبل شعبي... لك يكن اجبارا فقط لأنه, كما قال صياد الطيور... الميت لا يجبر أحدا... انما كان سيناريو مرسوم و اعتقد ان السيناريو المرسوم كان اجمل من الذي يجري حاليا.. و كان يمكن ان يمشي بصورة أخرى لولا ظروف عديدة .. لكن هذا السيناريو نتركه لموضوع آخر
تحياتي |
اقتباس:
بعدين باخر سنتين من حكم الاب كان بشار هو الامر الناهي بكتير شغلات بملف لبنان مثلا لا تنسى انو هو اللي جاب ميرو لرئاسة الوزراء واللي طلع بعدين اكبر رئيس وزراء حرامي في تاريخ سوريا اما التقبل الشعبي فما كان في تقبل فيك تقول نتيجة الحملة الاعلامية الضخمة والدعاية الكاذبة والتضخيم صار بالناس متل الغرقان اللي تعلق بقشة لكن هلق بعد 8 سنين ولما شافت العالم انو كل شي عم يرجع لورا بين حجم الكذب بتذكر بسنة 2000 طلع قرار اجبروا كل العاملين بالجيش وحتى الطلاب اللي بالمعسكرات انو يبصموا بالدم على نعم جابوا دبابيس على المعسكرات وصاروا يبخشوا ابهام كل واحد بالدبوس ويبصموا على نعم , مهزلة بكوريا الشمالية ما بتصير , وبالمهزلة افتتح الوريث عهدو الميمون الرجل راح .. يعني ما بقى ألو سلطة على حدا .. بقى مين الي يا حزرك منح الدكتور بشار رتبة فريق و مين الي عدل الدستور ؟ اللي وقع على ترفيع بشار لفريق هو خدام صح بس هي شكليات لانو خدام ما كان بايدو وقتها اي سلطة ولو ما عمل هيك كان صفو , السلطة كانت بايد الحرس الجمهوري اللي مسيطر على الجيش وبايد اجهزة المخابرات المسيطرة على كل شي تاني بسوريا, لك اذا هو بحكم الدستور كان المفروض يكون الرئيس الانتقالي لمدة شهر ونص بس ما استرجى حتى يقول هالشي وقتها واللي عدل الدستور تنفيذا للاوامر هو قدورة لانو ما لقو اوسخ من هيك شخصية لتنفذ هيك عمل حقير فهدا اللي ذكرتو عن الترفيع و تعديل الدستور هو الديكور الخارجي لعمل كان مكتمل من زمان |
اقتباس:
ما كان ألو أي سلطة على البلد .. كان رئيس الجمعية العلمية السورية للمعلوماتية اقتباس:
|
لو علمتم الغيب لأخترتم الواقع حديث للرسول صلى الله عليه وسلم |
خطر ببالي شغلة
انو الناس كلها تاركة العالم كلها ولاحقة سوريا ما حسني مبارك عم يحضر ابنه جمال والرئيس اليمني شرحو يغيروا الحكم بالسعودية ويعملوه جمهوري بدل توريث للأبن الأكبر بكل دول الخليج يحكوا عن ها الشي وخاصة انو اغلبية الشعب السعودي غير راضي عن الملك :jakoush: |
اقتباس:
طبعا مو حبا فيه بس لأنو عم يحققلون كل الي بدون ياه و عم يشتغل للشعب كتير ولمصلحة شعبو |
اقتباس:
|
بكل الأحوال اذا مانك مخربط
قكلامك كمان مو صحيح وما بصير تعمم مو يعني اذا انت بالسعودية يعني دريان بكل المملكة شو عم يصير انت بزمناتك قلتلي انو الفقر عايم بالسعودية بالوقت يلي انا كنت عم قول انو الحمدلله السعودية مافيها فقر:shock: وكنا عم نمدح بالسعودية طيب اذا الملك كتير هاممه امور شعبه متل ماعم تقوب ينزل ويشوف اوضاع ها الفقراء يلي حكيت عنهم:pos: |
رح عقب على كلامك .. بس منعتذر عن خروجنا عن الموضوع الاساسي و الي هو الرئيس الخالد حافظ الأسد
السعودية طبعا فيها فقر و فقر أعمى كمان ( يعني أضرب من سوريا بكتير ) بس قديش ممكن يكونوا من نسبة الشعب ؟ أنت اذا عم تقولي ما تعمم .. كلامك سليم طبعا انا ما قلت 100% من الشعب معو .. بس لما مواطن سعودي بيلاقي كل أمورو ومشاكل عم ينبحث فيها و تتعالج و لما بيلاقي تسهيلات حكومية كبيرة و لما بيقولولو كرمال الله بس تعا اشتغل ... شو ممكن يكون رأيو بحكومتو ؟ المواطن شو بيحتاج غير أنو تكون كل متطلباتو عم تتحقق ( و لك على الأقل عم يفكرو فيها ) انت بتعرفي أنو الرز هو المادة الاساسية لغداء الشعب السعودي .. و لما وصلت أسعار الرز لضعف أو أكتر لهيك طالع الملك السعودي قرار بدعم مادة الرز و حليب الأطفال و قررت الحكومة أنها تدفع حق جزء منيح من قيمة هالمادتين على شرط أنو ينزلو للمواطن بسعر مناسب بقى لازم يحبوه ولا شو ؟.لما شب سعودي بيروح بيتوظف بشي شركة خاصة و بيتفق معهم على راتب 4000 ريال على سبيل المثال .. بتجي الدولة بتعطيه نفس الراتب من حسابها .. و لسا في كتير ... |
اقتباس:
اقتباس:
اقتباس:
بسبب تناقص فرص العمل وكتار ناس رجعوا من الغربة بسبب انو الراتب ماعاد متل الأول !! اقتباس:
اقتباس:
على الهامش يعني أنت برأيك أنو الحكومة السعودية افضل من الحكومة السورية يعني الملك فهد افضل من الرئيس بشار؟؟ |
اقتباس:
بس الملك أفضل من السيد الرئيس ؟!! فشر بعينو |
اقتباس:
المهم انا بحب سوريا وبحب بلدي وارضي وعندي محبة خاصة لبشار وبحسه جد عم يشتغل بس اغلب يلي حواليه :cry: ونحنا منعرف انو وضع البلد خارجيا محرج جدا ولازم نكون قلب وقالب مع البلد بغض النظر عن الشي الداخلي واكثر شي بيحرقلي قلبي الشباب يلي عم تروح وماعم ترجع فقط لمجرد كلمة وطلعت |
كلامك على الراس والعين وسليم تماماً :deal:
|
الله يسامحو على كل السوء اللي عملو بلبنان
|
الصراحة بعد ما قريت قصة حافظ وكل الردود تقريبا اتأكدت انو حافظ داهية فعلا وانو فعلا عرف يقلد الخامنئي بايران!!!!
هداك شو ماقال او شو ماعمل او شو ما أمر لو كان على غلط او كان على باطل رح يصير وافكارو وشعاراتو بضل خالدة وبتضل الناس اتحبو وتسمع كلامو ان كان عايش او ان كان ميت !! يمكن لانو بايران لازم يكون في فقيه او امام للمسلمين ويمكن لانو هو من سلالة النبي (ص)!!!!!! متل ماهيك بيقولو (!) اما حافظ اكتسب هل المكاسب الي بتشبه تبعت الخامنئي لانو عرف كيف يقمع الشعب ويخوفون ويرهبون وبنفس الوقت كان يدغدغ مشاعرون القومية بشعاراتو الكاذبة ! الشعب السوري شعب عظيم ومابيستاهل يالي عميصير فيه !! يعني الاخ صياد الطيور اكيد بيعرف انو كل الي عميحكيه مو مقتنع فيه بس خلص لازم يدافع عن بشار لانو صارت الشغلة عادة متل حب الايرانيين بالصرماية للخامنئي ! يعني وقت ما مات باسل الاسد 1994 كان عمر بشار 28 سنة ! رجع على سوريا بعد فترة قصير وبلش ابوه يحضرو التحضير اللازم ودخلو على الجيش وعلى طول صار عقيد مو متل ما عمتقول يا صياد انو بس مات ابوه اجا ومو صحيح انو بس كان رئيس المعلوماتية ! بال96 يمكن كان رئيس قوة المدفعية على ما اظن والله العظيم نسيان بس بعد موت باسل على طول ابوه جابو ! كانو هل ال15 مليون مواظن الي كانو وقتها بسوريا والي في متلون برى ما عندون اي راي او هو مو شايفون ولا معبيين عينو !!!!!!!! وبعدين اكبر مسخرة صارت وقت ما عدلو الدستور انت يا حبيب لو بتوقف عند هي النقطة لحالك بتعرف انو الي صار كان مرتب الو ترتيب مدروس بدقة وصار انتقال السلطة بكل يسر وسهولة !! يعني فضيت البلد من رجال حتى واحد متل بشار الي كان تحت السن القانونية ب6 سنسن والي ما قدم شي لسوريا والي ما كنا اصلا نسمع فيه والي كان عميدروس جراحة عيون يعني ما خصو بالسياسة يجي هيك يصير رئيس على 30 مليون مواطن هداك الوقت !!! بعدين يالي قرا القصة كلها وضل مبسوط بحافظ وتصرفاتو وحنكتو ودهائو بيكون معلش بدون زعل ما عندو عقل او اهبل !!! يعني اذا شلنا كل الفظايع الي عملها والي كلها سرقات ونهب وتمسكو بالسلطة وابعاد كل واحد بيعارضو ومنع الاحزاب وحط كل جماعتو بالمناصب الحساسة كانو مفكر حالو بالحقل الي بضيعتو عميزرع بارضو !! اذا شلنا كل هل الشغلات وغيرها كتير بيكفي انو اباد عيل بالكامل بحماة !!! يعني قتل نسوان واطفال اكتر من الرجال ! والله عيل كاملة ابادوها ! هل الشي بيكفي انو الواحد يرجع لعقلو ورشدو الي ما عجبو كلامي مايرد بكلام مالو علاقة بالشغلات الي طرحتها الي بدو يرد يجاوبني على مجازر حماة وحلب ! واخر شي بحيي المعلم ayham الي كلامو كتير حلو ومنطقي |
بكل المقاييس يا راديا
بس قبل ما تسأليه روحي أنت احثي عن الحقيقة وتأكدي بنفسك وقرأي التاريخ وتاريخ النزاعات والصراعات اللي حصلت وبعدين احكمي و إذا بدك كمان بشهادة الكتاب والمفكرين والمحللين |
شباب انتو صارلكون ساعتين عم تتخانئو وتجادلو
بس الحقيقة برايي ان الحكم بسورية موجود بايد عدد محدد من السؤولين واشعب ما الو اي دور بهالموضوع وبنفس الوقت ما بيطلع بايد الشعب انو يعمل شي انا برأيي انو نرضى بالامر الواقع لانو مو طالع بايدنا شي وبالاخر بقول الله يحميكي يا سوريا |
| الساعة بإيدك هلق يا سيدي 18:53 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون