|
ولك بلا ماكدونالدز بلا كنتاكي:pos:
هلأ مع انو كتير أكلو لزيز :hart:ولازم يكون بكل دولة بس يا أخي بضل أمريكي:sick: وعنجد فلتسقط امريكي:jakoush: هلأ نحنا هون زهئانين هيك مطاعم بس والله انو بابا لما يسافر ع سوريا من أول ما يرجع لبعد شي شهرين زمان بضلو يحكي عن أكل سوريا ومشاوي سوريا ومعجناتها:oops: وبكفي التبولة ولك والله ما بخلي اشي:sick: وحتى نفس الأرجيلة بالشام عقاسيون آل بتسوى الدنيا وما فيها:cry: ولا القعدة العربية يللي بتكون بالمطعم اي نيااالكون:cry: والله نفسي روح ع سوريا ع شي مطعم هيك قديم وبكفي أكلو شامي ولك اااح شو نفسي زور حارة من حارات الشام |
ياريت يصير في بحلب ..
لانو مشا الله المطاعم عنا بتشهي .. |
من شي 4 سنين يمكن .. مطاعم هيرفي ..
عملو دعايه لهديه .. انووو سياره لعبه عالريموت كونترول .. وبتسبح كمان انو لازم تشتري بمبلغ محدد وبتاخدها .. هلا كنا طالعين انا والشله وتخانقنا مين الي بدو ياخد السياره .. وبالاخر بتطلع السياره شغل اطفال بعد ما كنا تخورفنا بالحساب .. وزاد الاكل والسياره طلعت للاطفال من عمر 4 - 7 .. بس انو اكلنا مقلب |
قال في مثل بقلك
اللي مايطول العنب .. حامضاً عنه يقول :p |
ماعندكم ماكدونالدز ولاكنتاكي؟؟؟:shock:
شو هالتحضر.؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟:gem: |
صحيح انا بالسعوديه ومتعوده ع هيك مطاعم وخاصه ماااك كتير بحبووو وبس لما اجي عالشام مابلاقي بحس انو غريب عاصمه متل الشام وكبيره ومهمه ومافيه هالمطاعم واكييييييييييد انو اكل سوريا لايعلى عليه وحلللللو كتير بس نحنا بنحب الفاست فوووووود يم يم:p:p
|
قال كنتاكي قال ...ولا الماكدونالد عا اضربين
بيعرفو يعملو فلافل شامية.....لأ بيعرفو يعملو كبة حلبية...لأ بيعرفو يعملو عجة حمصية....لأ بيعرفو يعملو فول ابو عبدو....لأ اذا ابسط هالاكلات اللي طعمتها احسن من الف مطعم جاهز بالعالم مو بس بسوريا ....ما بيعملوها ...ليش لحتى اخفق عقلي واروح واي لشو رح يفتحو اصلا اما عن الرقي والتخلف...اللي بيربطهون بوجود هالمطاعم وعدمها بيكون سطحي ونظرتو عا نياتها وانا عايش هون وما اشتهيت افوت عا ماكونالد ابدا |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
المهم تبقى راية الفلافل مرفوعة :gem: |
للمرة الولى بوافق سامر...
انا بصراحة كتير معدتي بتنزعج من الاكلات السريعة كلها بس الفلافل والله غير شكل احيانا بروح من الجامعة وفطسانة من الجوع ببعت عفلافل مع انو اكل امي غير شكل بس الفلافل عالم تاني |
اقتباس:
اقتباس:
وانا لو بدوق الكنتاكي يلي عندك بقطر لح بلاقي طعمتو بتشبه كل شي الا الكنتاكي ما لح يعجبني و يمكن تقلب معدتي كمان و صير شكلي بيشبه هاد المحارب الاخضر :mrgreen: ولي حكي عن الفلافل فالفلافل الاميريكيا, انو بتكره الفلافل, طهمتها متل دوا السعله ولونها اخضر محروق مع انو في محلات عربيه بس لاتشد ايدك .. |
اقتباس:
هو شريك اذا بدك المزبوط ...يسرقو الفلافل ...عرضية بس اذا هني زلم ..يسرقو السختورة مثلاً ...او الدرنات ...او الحلاوات و الصوابين ....او البيضات و السودات و كلشي بيخطر ببالك من احشاء و اطراف و رؤوس و عضلات و اجهزة تنفسية و تناسلية و هضمية بالخاروف هي ..من بعد اذنكن يعني ....اختصاصنا ...و ما بعتقد في ابن كنتاكي بيطلعلو معنا :gem: ++++++++++++++++++++++++++++++++++++++++++++++++++ +++++++++++++ تعيش امريكا ( هي كرمال ريتا :o ) |
اقتباس:
 |
يحرق اخت الفلافل .. هالاكلة كل ماباكلا بحس حالي رح غص
متل لقمة الزئوم بفرد شكل .. اخي كنتاكي غير غير واللي مايدوق العنب حامضا عنه يقول :p |
اقتباس:
|
 اية مكدونلد وكنتاكي وبرغر كنج دهون وشحوم وكل ما تشتهي النفس من القذارة |
اقتباس:
بتنفخ البطـّون هالأكلة .. أنا عن نفسي ما بحب الجأجأة .. وخ على راصي . :p |
العما .. يخرب بيتكم بتحرقو القلب .. بطلت فوت لهون :cry:
** بكرا واصلني دفعة .. صندويشات شاورما :clap: من الشام صح لح تصل بايتة .. بس بس تكون من عند عمك انس والموصلي ... ما في مشكول .. بضل اشرف من كل الاكل هون .. وواصلني دفعة يبرق وشاكرية :yahoo: |
اقتباس:
بس كمان علامة من علامات التحضر :p يعني ليش بكل العالم في هالمطاعم الا بالشام :pos: |
اقتباس:
لانو لو لفينا الدنيا ما منلاقي متلو بس مو معناة هالحكي انو ما يكون في هالمطاعم :? يعني بنزل شهرين عالشام بس ارجع اول شي بعملو اني باكل من كنتاكي :p |
اقتباس:
|
اقتباس:
بس متل ما قلنا سابقا :oops: بس باقي هالمطاعم مو موجوده :cry: |
اقتباس:
|
اقتباس:
ظلم هاد :p |
اقتباس:
بماانو مافي ولامطعم عربي واقرب محل لجيب منو اكل عربي بدو ساعة ونص سواقة فانو الاصة ماشية بعدين بس سؤال انو كنتاكي مطعم اميركي واكيد هون هوي الاصلي فسؤؤال شو بحبكون فييييه ولا مابيتاكل:cry: |
اقتباس:
علامة من علامات التحضر على فكرة كانو فهمانة انا التحضر غير شكل طيب تسجيل متابعة.............. |
اقتباس:
شو مشانك يازلمة معفن قلبي من الفلافل انا وفلافل سوريا بالتحديد ع بحكي عليكن انو ماعندكن كنتاكي :p اخي شو بدك بالحكي عنجد بعد اكل كنتاكي وماكدونالدز مافي مافي .. وخاصة لو كان طالع تازة هيك ياويلييييييييييييييييي .. :larg: بس لو دوقو |
اقتباس:
جربلك شي وجبة شاورما عربي...... و ادعيلي قال كنتاكي قال |
اقتباس:
|
اقتباس:
شو مشان يازلمة لك تاخخ قلبي من هالوجبات هي لك انا هدول اللي زكرتن وزكرتن سابقا دايقن كلن وباحسن المطاعم بالبلد بس شي ماعبالي راسي صراحة يعني غاليات عنا ومو كتير زيادة مقارنة بهون الوجبة بتكون يعني سعرا مقبول وع كيف كيفك |
اقتباس:
|
يعني كلشي ممكن ينهضم من مطاعم اميريكية إلا كنتاكي ...شيئ مقرف للغاية حتى ريحة الجاج تبعو زنخة و ما خرج تنحط لا بالبراد ولا بأي مكان بالبيت .. و أنا مجربة و بعرف ..
يعني رغم شعبية المطاعم الأميريكية بكل دول الخليج إلا أنو هالشعبية هي نتيجة اختلاط الأجناس و قلة المطابخ تبع جنسية و للعلم روّاد مطاعم كنتاكي و هارديز لأنو التنين لنفس الشركة أكثرهم و النسبة الكبرى هي من الفلبينين و باقي الدول الغربية .. أما الشعب السعودي أو العربي بشكل عام فاكل بيركد على مطاعم لبنانية أو تركية أو باكستانية ... لأنو هي أشهر المطابخ و أنضفها ..و أطيبها ...و إذا بدو ياكول فاست فود في محل كتير مشهور اسمو (( البيكـ )) أو (( الطازج )) هادا موجود تقريبا بالسعودية و بدول الخليج ...:x و هالحكي عن خبرة ... و تجربة ... بعدين ماشاء الله اهل سوريا مو بحاجة مطاعم فاست فود اميركية الصناعة الوطنية افخم و اطيب ...:p |
اقتباس:
الطازج :sick: يحرق اختو هالمطعم اكلت منو مرتين بحياتي وماعاد دقرتو شي بقلب المعدة من القرف عندو .. وياريت طيب .. شي يعني زبالة بالمرة |
اقتباس:
على كلن .. أهل الخيلج يا ناس يا عالم ... الفاست فود بالنسبة لألون تحصيل حاصل لأنو الأكل الأساسي و الرئيسي لازم يكون محتواه رز و لحمة ..بعدين في مليون أكلة عربية بياخدوها من المطاعم العربية أكل سوري و لبناني و مصري و حتى اكلات ايطالية أو اوربية ..بس المطاعم الأميريكة مشهورة لكثرة و تعدد الجنسيات الموجودة داخل دولهم .. و طبعا لازم ما تنسو الانفتاح و التجارة الخارجية و العالمية لأنو متل مافي مطاعم أميريكية في كمان مليون ماركة ملابس أو أحذية ...إلخ مو موجودين لا بسوريا و لا بنص الدول العربية ... |
اي والله بالشام في مطاعم احلى من ماكدونالز وكنتاكي وبيتزا هات
مليان مطاعم همبرغر على كيف كيفكون مالنا مضطرين يعني ناكل فيون اطيب بيتزا بتلاقيها بأحسن مطعم بالشام واطيب شاورما وفلافل ماوقفيت عند هدول المطاعم يعني وبعدين خلينا نقاطع امريكا بشي ...فهمنا الدخان مافينا بس المطاعم منقدر نتحمل بس كنتاكي بتصور انو صار في بالشام صح ياجماعة؟؟؟ انا بتذكر اني لمحت كنتاكي..مو؟؟ |
وين اطيب واحد بيبيع فلافل بالشام؟؟شو اسمو
واطيب شاورما وين بلاقيها والله شتهيت الشاورما ياجماعة اللي بسوريا يبعتلي شي سندويشة والله شهيتوني:ss: |
في ماكدونالدز بسوريا؟
ما سمعت فيه مايسترو |
أحلى شي كل يلي ذكروا فلافل على كيفك . وفلافل على كيفك بالمزة جبل طلعة ال86 يلي معروفين مين سكانها . يعني الواحد بس يجي على الشام بيروح متل السايح مابيروح برا لعند ماكدونالد هو بيروح لعند فلافل على كيفك :p
بعدين شو ماكدونالد وما ماكدونالد . شو نسيتو أنو بدنا نحاسب أميركا متل ماجمدت أرصدة رامي مخلوف . وأنو قرارنا الوطني أعلى من أي قرار :p على الهامش : ليش بيرضوا يفتحو بسوريا بالوضع الحالي . لو بيرضوا يفتحوا لكنا عطيناهم كل التسهيلات . مشان نضحك على حالنا قبل العالم أنو وضعنا بخير . ومستقبل أقتصادنا بخير . وماعلينا أي حصار بعدين وكيل كنتاكي بسوريا كويتي مو سوري لأنو أدارة الشركة مابدها تعطي الوكالة لشي منتفع سوري أمثال رامي مخلوف . ومو موجود كل الأكلات عندون ياحزركم ليش ؟: لما سألتون بالمطعم عن السبب قال لأنو في أكلات بيدخل بتركيبتها المخلل . والمخلل ممنوع أستيرادو بسوريا . والشركة مابتعمل أي شي الا بمنتجاتها عمار يابلدي عمار :larg: |
الشام مليئة بالمطاعم المميزة حتى مافيني احصرها او اعددها
وبذات الوقت مو غلط انو يكون بالشام مطاعم متل بيتزا هت ، دومينوز بيتزا ، تشيليز ، روبي تيوزداي ، فرايداي ، آبل بيز ، ناندوز ، موتشو ، هارديز ، برغر كينج ، الماك ، وغيرها الكثير الكثير شو المانع ... ؟؟!! وللمعلومية : دجاج كنتاكي الشام ، افضل من اللي بجدة ... لكن السعر مضاعف وهذا عيبه!! تقبلو مروري ،، لكم تحياتي |
أنا عايش برا سوريا وقليل كتير لآكل ب كنتاكي وماكدونالدز
والله أكتر الأحيان بكون معزوم يعني مغصوب والله ديك الجن وسندباد بحلب أطيب بمليون مرة من كنتاكي ( وأرخص بكتير) |
| الساعة بإيدك هلق يا سيدي 06:09 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
