|
اقتباس:
|
اقتباس:
يمكن .. ما كتير أنا متبحر بتاريخ البارغواي والاورغواي اللي بتصور أنو الغالبية .. الأزتكيةحتى فيها .. محدودة ... لأنو سيمون بوليفار ..وبيزارو .. وماركوس .. لعنوا الدين تبلع السكان الأصليين .. ويمكن بتعرف قصة بيزارو بالكامل .. هلأ مو هون نقاشنا .. نقاشنا بتقسيم العالم بين شرق وغرب أنو صح . يعني كـ دول قريبة من مركز الغليان الحضاري وحولها دول كبيرة متل البرازيل والأرجنتين .. وأنا وأنت لحالنا بذكر انو تناقشنا .. بطبيعة التعصب الديني .. والتخلف الدني .. يعني في فرق بين المفهومين .. التعصب الدني ... غير تمام عن التخلف الديني.. والدين الاسلامي .. غير الدين المسيحي .. ولا يمكن تقارن بنتيجة التعصب هون لنتيجة التعصب هنيكـ . تعصب للدين الاسلامي .. + تخلف بالمفاهيم الدينية الي شغل مشايخ = تطرف .. تخلف لحال = الدين يحكم العقلية ... وبيوجه تصرفاا .. هاد اللي بيفرقنا عنهون .. بكل بسااطة ... العالم _حتى لو مصالحيا ً) شئنا أم أبينا مقسم لشرق وغرب . |
اقتباس:
بعدين كريم عربجي .. في صبية هون قالتلي اخبار تفصيلية عن شو وضعو ووين قاعد .. وقالت أنو مقعدينو بصيدنايا هللأ .. وقالتلي التهم الموجهة لالو .. بالتفصيل . بعدين . خلينا نحكي بموضوعية .. بأميركا . معتقلين غوانتانامو .. معروف ألله وين حاططهون ؟ رح تقللي ما دخل هي .. بهي. رح قللكـ اتطلع عالدول اللي حواليكـ .. في سجين سياسي بيطلعلو محاكمة .. ياسين ما فينا ننسلخ عن محيطنا التاريخي و الجغرافي .. |
يا زلمة تعا نوصل للأخير و بلا ما ننفخ قلوب بعض :lol:
اقتباس:
نجي لأخر الكلام... انت شايف انو شعبنا متخلف و جاهل و ما بينحكم غير بالكرباج من قبل جماعة ما بعرف شو تقييمك الها من حيث التخلف و التقدم ( وما راح احرجك بالسؤال حول هذا التقييم)... زين؟ تجاه هالحكي أنا بتبلكم بشكل انو اعجز عن مناظرتو.. عن جد... يصير فيني متل اللي ع غفلة ياكل كف و ما بيعرف شو بيساوي من الخجل... بتبلكم لأنو شايف السوري اللي حقو فرنكين ببلدو يطلع برا و يبدع و يصير بالمقدمة بكل شي... بالطب بالعلم بالثقافة بالسياسة... بكل شي... نفس السوري اللي بيطاحش عالخبز بالفرن بالبلد يوقف عالدور للباص بلندن و باريس.. نفس السوري اللي يصرع الدنيي زمامير و مسبات و يطاحش عالكوع بحلب و الشام تلاقيه يسوق أخر رواق و حلاوة ببروكسل... ليش يا ترى؟ أنا بقول لأنو في هيبة ببلدو ناقصة... هيبتو كمواطن و هيبة الدولة اللي يفترض راعية مواطنتو و حقو كمواطن ناقصة مشان ما نقول مو موجودة... هاد اللي ببالي... و ما اعتقد يطلع غير شي من راسي غير الله يساعد هالبلد و يحميها... و يجي يوم السوري يرفع راسو انشالله |
اقتباس:
بخصوص كريم... قلبت النت فوقاني تحتاني و صرعت الناس بالشام ايميلات و مافي شي... ما بعرف شو مصادر الشباب... و حتى لو متحاكم عن جد امبارح... بعد عشر شهور... عشر شهور يا زلمة ملحوش بهالسجن مو عرفان لشو... سميني متشائم بس ماني شايف ايجابية بالموضوع و بالنسبة للمحيط... يعني بالله أبو حميد المحيط نتزكرو لما بدنا و ننساه لما بدنا؟ هلأ مو لعننا أبوه للمحيط تبعنا مؤخرا ووقفنا لحالنا ضد الكل و نظريا غلبناهون؟ عاجزين نغلبهون بهاي كمان يا ترى؟ يا سيدي مو عاجزين انما قادرين جدا لأنو قدرنا جدا سابقا... بس بدك ارادة |
اقتباس:
وحاسس بالديسكـ الي صار معكـ متل ما صار معي . ع كل اسم بوليفار سقط سهوا ً .. لأنو عم أكتب بسرعة .. وعلق براسي لما جبت سيرتو . هلأ مو قصتنا هي . . صحيح ماركوس .. وضعو متل وضع بيزارو .. ببوليفيا كان يخدم . :lol: قريت عنو هلأ شعبنا .. للأسف فيه نسبة تخلف كبيرة .. بس ما عم قول أننو لازم نحكمو بالكرباج .. أنا عم قول أنو أي شخص ممكن يحكمه رح يحكمه بنفس الطريقة .. وبتصور بأسوأ بكتير من الصيغة الحالية .. لأ الصيغة الحالية .. شوي صيغة رقيقة .. عن الشي الي رح يصير لو حكموا الاخوان المسلمين مثلا ً . تخيل حالكـ بدولة حاكمينا الاخوان .. يا الهي .. شو لزيز الحكي .. يعني تخيل العيشة .. بلا عرق !! ومنشان كريم . الله يفكـ عنو لأنو انسان رائع .. بس في موضوع .. أنو قبل عشر سنين .. كان الي يروح .. بخمسطعش سنة .. ما بنعرف عنو شي . يعني الخط البياني بالطالع مو بالنازل .. ازا بدكـ نوصل لبعض خليها لبكرة أبو شريكـ .. لأنو صار معي قرحة وفالج وحسر بول .. وشلل أطفال .. وواضح أنكـ عم تعاني :lol: لزالكـ صب عرق لقللكـ . |
صحيح بس نسيت شغلة ننسلخ .. ز
يا سيدي .. في شغلات مننسلخ فيها بارادتنا .. يعني منقدر .. متل التحالفات وهالقصص .. بس في شغلات أنو هيكـ متل الايدز ما منقدر عليها . كش برا وبعيد .. |
اقتباس:
و حتي أذا بدو كل العالم يصير دولة كردية من حقه يحلم متل ما العربي بيحلم بالوحدة العربية و بنسبة للأكراد في العراق بالله عليك هذا ماهو دليل ضد كلامك اللي في العراق حاليا مين كان عما يدعمهون أليست سوريا ألم يكونو في سوريا و كانت الحكومة السورية ترعاهم و توأمن لهم كل ما يلزمهم من رواتب و خدمات و مواصلات و سهرات الملاح في أفخم الفنادق و النوادي الليلية أضافة الى تأمين العلاقات مع السفارات الغربية لم تكن علاقاتهم مع السفارات من دون موافقة الحكومة السورية يعني كيف بتتعامل مع من هدفهم تكوين دولة كردستان في العراق دون سوريا أضافة الى التعامل مع الموساد و فتح لهم مكاتب في شمال العراق و و و و و و هذه هي الأزدواجية في المعايير |
اقتباس:
ليش لنعتبر أنو العراق .. دولة شقيقة .. العراق مو دولة شقيقة ولا في دولة شقيقة .. أصلا ً .. وهالكلام .. تعفيس بتعفيس وكلام اعلامي .. في مصلحة بتقتضي عليكـ خارجيا تتصرف .. طبعن بيستاهل الحرق كل شخص بيحاول يقسم سوريا . |
اقتباس:
|
اقتباس:
|
شبه ضاع الموضوع و تشعب و نقاط الحوار عم تتلاشى
السلبي سلبي .. مافي سلبي منيح و سلبي سيء لما يكون في سجين رأي مش فضيلة من الأمن انو ينعرف أخبارو أو مو منيّة ننضرب فيها .. لذلك عدم وجود الأخبار في وقت سابق خاضع لقصور في التواصل و حصار أكبر .. لا تقلي منعو التعذيب و الفروع و و جلاديها مازالو يعملون .. + في حال " ان وجد " انو بطلو تعذيب فهذا كمان ليس فضيلة يعني ما بنحكا انو هة بطلو تعذيب لأنو اذا كانو منعو فانتقلنا من الـ -10 للـ -09 يعني لسعتنا سالب بامتياز .. لا تقلي هي امور تحتاج وقت و مو كبس زرار لأ هي بالزات كبس زرار و سماعات تلفون رح اقتبس من دستور سوريا 1950 اقتباس:
هاد كان دستورنا |
اقتباس:
الأن أكتشفنا أن العراق ليس بلد شقيق |
اقتباس:
المهم الماسي اللي صارت اوضح من عين الشمس وعم قلك مصطفى طلاس اعترف لصحيفة المانية بلسانو انو كان يوقع على اعدام 150 شاب اسبوعيا وهي الجرائم لحالها بدها مواضيع اما ليش ما في بسوريا هلق غير 2000 سجين فهدا مو من كرم بشار الاسد على الشعب وانما لانو كل هدول عم يشتغلو بشكل فردي يعني بسوريا ما في احزاب تنظم الناس بحركات احتجاجية ولو كان في لكنت شفت سياسة التمانينات والمجازر رجعت ببساطة الشعب اتربى من شدة القمع اللي شافها وبطل حدا يسترجي يحكي بالسياسة مو يشتغل بالسياسة |
اقتباس:
|
عالاقل هاد السجن فوق الارض .. مو متل مصر والسعودية .. تحت الأرض بست طوابق ..
كل واحد بيشوفها من زاويتو . . ع فكرة .. في صديق االي كان أخوه محتجز .. بسجن صيدنايا .. بعد ما طلع قال كلمة وحدة .. قال لولا ما اسمو سجن كنا قلنا أنو مصيف .. وهالحكي مؤكد من كزا جهة .. صديقي يلي بيسمعك بيقول أنو سجون سوريا في ناطحات سحاب،اولاً مقارنتك مع مصر وسعودية غير صحيحة أبداً ثانيا السجون السورية،وهون ما رح احكي عن تدمر اوصيدنايا او حتى الجناح السياسي في عدرا والمنفردات في عدرا ومعتقلات فروع التحقيق يلي كلها تحت الأرض ويلي بيعفن فيها الواحد من الرطوبة وعد التهوية رح احكيك على صدنايا يلي سميتو مصيف على وصف صديقك العتيد،ومارح بعد بالحكي حسام وطارق بتعرف انو ضلوا طول الوقت أي قبل المحاكمة بصيدنايا تحت الأرض وبمنفردات لاخر شهرين قبل صدورالحكم عليهن قضوها تحت الأرض دون تهوية بتعرف انو الزيارة يلي ما بتنسمح لا للاهل ولا للمحامين بصدينايا قد تطول اكثر من سنتين احياناً يعني لينطق الحكم وإن تمت الزيارة فهي مرة شهرياً ويفصل بيناتن شبكين حديد وممر يفف فيه الحرس يلي بيسترقوا السمع واللأقراب من الدرجة الأولى وطبعاً الزيارة مستحيلة قبل صدور الحكم بعدين الموضوع مو موضوع ظروف السجن الحقيرة وحسب الموضوع هو مبداً الإعتقال دون الاحتكام للدستور وللقوانين يلي بتكفل حرية الرأي وبتكفل الإتصال بالمحامين وحتى الإتصال بهم بشكل سري يعني يحكومع بعض دون رقيب مسموح بالقانون يا أخي اتطلعو عالنص المليان من الكاسة .. الموضوع كتير منحسر .. من 60 ألف . لألفين .. حسب تقارير منظمات (حقوق الانسان) .. وكأنو الشعب غنم عندك،على الرغم من عدم دقة أرقامك يا أخي ما في مبرر لوجود معتقلي رأي .. بمجتمع .. نسبة الأمية فيه .. بتقارب الصفر بالمية .. ونسبة الجامعيين فيه بتقارب .. ال70 بالمية .. ونسبة المنتجين فيه بتقارب الـ 90 بالمية صديقي ما نسبة كبيرة من المعتقلين هنن مثقفين وجامعيين ومفكرين ومن خيرة المجتمع لك شو هالمنطق هاد بعدين شو هالمقارنة بين سويسرا وسوريا أنا مارح فوت معك بناقشات علمية ورح احكيك بلغتك يلي عم تعطي فيها فكرة أنو الشعب متخلف لك يوم حدا باخوية بيقول أنو بشار أسد متخلف وبدائي وقبلي وقمعي وإلخ بتقوم الدنيا وما بتقعد وبيصير مردد هالأوصاف عميل صهيوني ومتامر على الوطن بينما انتو بتشتموا الشعب باكملوا وبتوصفوا بالمتخلف وانتو بهالحالة وطنيين ممكن انت الوطن عنك هو بشخص واحد او عائلة أو قبيلة انا الوطن عندي أكبر من هيك بالنسبة لموضوع الاكراد بظن الشباب ردوا بشكل صحيح وجاوبت انت بشكل غير مقنع ابداً اما بالنسبة لموضوع التغير والفرق بسوريا أتذكرت فيه قصة رح خبرك ياها ياصديقي بعد إعتقال أعضاء المجلس الوطني لإعلان دمشق وتعرض بعضن للتعذيب،كنت انا وشخص عراقي عايش بالمانيا وهو من ضحايا الطاغية صدام حسين قام قلي العراقي شو يا اخي ليش مزعوج الشي يلي صار بالمعتقلين عندكن بسوريا كان مزحة بوقت صدام –ركز على كلمة وقت- جاوبتو بوقت الطاغية صدام كان عنا الطاغية حافظ الأسد بوقت عمل فيه صدام مجزرة حلبجة راح ضحايا فيها 5000 كردي عراقي عمل الطاغية يلي عنا بسوريا مجازر راح ضحاياها اكثر من أربعين ألف سوري المهم هداك كان وقت غير هادا الوقت يعني لو صدام كان هلق عم يحكم سوريا لتصرف نفس الشي ،يعني هلق ما فيه بشار يتصرف متل أبو مو لانو أحسن من أبو لكن بكون الوقت تغير بكون صرنا بعصر السرعة والعولمة والإعلام ،بكون الظروف الدولية يلي كانت مباركة للطغيان الاسدي في ذلك الوقت وعلى رأس المباركين كانت امريكا أختلفت هذه الظروف الدولية فصديقي التغيير صار هلق أنو بدل ما يحطو ميشيل كيلو مثلاً بسجن سياسي مع جماعة إسلاميين مثلاً صاروا يحطوا مع سجناء جنائيين مجرمين وبدل ما يعذبوا بشكل مباشر بيطلبوا من السجناء يعتدو عليه فهذا هو التغيير يا رفيق.......... |
اقتباس:
كريم وحسام والشباب شوصار فيهم ؟ ومتلهم كتير . |
انا اول مرة بعرف انو حسام وطارق انحكموا ومشي الحال
ممكن اعرف شو انحكموا؟؟ |
اقتباس:
|
صديقي يلي بيسمعك بيقول أنو سجون سوريا في ناطحات سحاب،اولاً مقارنتك مع مصر وسعودية غير صحيحة أبداً
أنا بستغرب لما واحدكم بيقول مو صحيحة .. وبيسكت قللي المعلومات الصحيحة يا صديقي وبرهنها .. مو نقلا ً عن فلان وعن علتان .. بتعرف شو المصيبة ؟ أنو كل واحد بيحكي هون .. تقول الترجمان المحلف بالسجون السورية .. يعني كلمة (معلوماتكـ مو صحيحة) بدها معلومات صحيحة .. تخليني زوق ع حالي وبطل حكي .. بعدين الموضوع مو موضوع ظروف السجن الحقيرة وحسب الموضوع هو مبداً الإعتقال دون الاحتكام للدستور وللقوانين يلي بتكفل حرية الرأي وبتكفل الإتصال بالمحامين وحتى الإتصال بهم بشكل سري يعني يحكومع بعض دون رقيب مسموح بالقانون يا زلمة اينا قانون .. واينا بلوط ؟ ليش مين عندو استعداد هون ليحترم قانون ؟ الشرطة ؟ ولا التجار ؟ ولا الموظفين ؟ ولا شوفيرية التكاسي ؟ ومين عندو حس المواطنة العالي .. اللي بيخللي يحترم هالقانون .. هون انت رحت ع سويسرا . . هنيكـ بيربوا ولادهم ع أساس أنو وطنكن هاد .. عم نحكي بشعارات رنانة .. وكلام منمق .. وتطبيل وتزمير بشي مو موجود أصلا ً .. ما في شي اسمو .. ديمقراطية بحالتنا هي .. سدقني هيي كائن خرافي .ومستحيل تتطبق بالصيغة الجاهزة للبس اللي انت جايبها .. أنا أكيد مو مبسوط عالاعتقالات اللي كلنا ضدها .. لأنو في شي انساني غلط بس مو هاي العلة عندنا حبيبي .. لأنو نحن شعب نامي .. شئنا أم أبينا .. وكأنو الشعب غنم عندك،على الرغم من عدم دقة أرقامك هي أولا ً أرقام هيومان رايتس واتش .. مو أرقامي . وتانيا ً عطيني أرقامكـ يا باشا .. وأنا جاهز اتناقش معكـ فيها .. بس ما تكون شغل الـ بي بي سي والسي ان ان .. ومعاريف .. وهالحشطقات هي . يعني ما بعرف كيف بدي رد عليكـ ع كلمة الشعب غنم عندكـ . لأنو كتير بتضحكـ . صديقي ما نسبة كبيرة من المعتقلين هنن مثقفين وجامعيين ومفكرين ومن خيرة المجتمع لك شو هالمنطق هاد بعدين شو هالمقارنة بين سويسرا وسوريا أنا مارح فوت معك بناقشات علمية ورح احكيك بلغتك يلي عم تعطي فيها فكرة أنو الشعب متخلف نسبة كبيرة من المعتقلين مثقفين .. وجامعيين ... طيب لنفرض جدلا ً .. أنو صح . هدول بس هنن المثقفين والجامعيين ؟؟ ماضل غير هالألفين بني أدم .. مثقفين وجامعيين ؟ بعدين كل واحد مثقف وجامعي هو من خيرة المواطنين ؟؟ يا سيدي مو شرط .. الزبال اللي عندو حس أنو مواطن أحسن من مليون شهادة ومليون كتاتب ممكن تقراه .. أنا كتير بعرف ناس .. مثقفين واعلاميين وجامعيين .. وبينتقدوا وبيعيطوا .. وما حدا قللهن تلت التلاتة اديه .. ومثال على ذلكـ الصحفية ثناء الامام الي هيي ام صديقتي .. وصديقة الي .. هي مراسلة المونتي كارلو بسوريا .. وكل تقرير بتحضرو بيشل الأمم .. ولهلأ ما حدا قللها تلت التلاتة اديه .. وغير هيكـ ضروري ازا كنت مثقف وجامعي لازم تسب النظام وتنشر سلسفيل أهلو؟؟ والمجتمع بألف خير ؟؟ المثقف اله دور ريادي بالمجتمع .. ودوره يحارب المظاهر السيئة فيه .. مو يعمل دونكيشوت ويحارب طواحين هوا . المثقفين بنهضة اوروبا .. حرقتهون الكنيسة .. ودبحتهون والكونتات واللوردات اعدموهن وأهانوهن لمجرد أنو كانو يطلعو بنظريات علمية .. نحن بدنا نتجاوز كل هاد ونصير مثقفين عصرنا وزماننا ؟ بينما انتو بتشتموا الشعب باكملوا وبتوصفوا بالمتخلف وانتو بهالحالة وطنيين ممكن انت الوطن عنك هو بشخص واحد او عائلة أو قبيلة انا الوطن عندي أكبر من هيك هلأ في قبل هالحكي جملة ما نسختا لأنو جد عيب .. حكيكـ عالدكتور بشار .. اللي أنا بشوف أحسن صيغة ممكن تحكم سوريا على الاطلاق .. وشايف أنو الخط البياني .. طالع بثقة وبتدرج نحو كتير أفضل . هلأ هاد قدح واضح .. ولو نقل اعتباري عن لسان مجهول .. اذا كنت مواطن بريطاني وحكيت عن وزير ببيريطانيا أنو متخلف وبدائي ومدري شو ع شي جريدة... اي بيحاكمكـ بتهمة قدح هالقد قدهاا .. مو بدكـ نحكي قانون ؟؟ حدا بيقول هيكـ ع رئيس بلده .. ؟ وبعدين أنا اذا عم بنقد المجتمع اللي مليان أخطاء (وهو مجتمعي وأخطاؤه من أخطائي) بكون عم أشمت فيه ؟ مو الواحد لازم يعرف من وين العلة ؟؟ ولا هيكـ ؟ على عماها القصة .. ممكن انت الوطن عنك هو بشخص واحد او عائلة أو قبيلة انا الوطن عندي أكبر من هيك لا تزايد ازا سمحت لأنو عيب عليكـ .. واللي وطنو عندو كبير ما بيتركو وبيقعد بلبنان أو بوين ما كان يهرّب حكي بس .. أوكـ؟ ازا وطنكـ أكبر من هيكـ .. يا مواطن .. زايد بالداخل .. وناضل بالداخل.. ولا تخاف من حدا .. وكلو في سبيل الوطن بيهون .. مو؟ بالنسبة لموضوع الاكراد بظن الشباب ردوا بشكل صحيح وجاوبت انت بشكل غير مقنع ابداً اما بالنسبة لموضوع التغير والفرق بسوريا أتذكرت فيه قصة رح خبرك ياها ما عم أحكي لتقتنع انت لأنو بعرف اللي متلكـ ما خرج يقتنع لأنو أصلا ً مو مقتنع بالكلام اللي هو نفسه عم يحكيه .. أنا عم أحكي وقائع لأنو ازا بتسأل أي كردي .. أنتي سوري ولا كردي .. بيقللكـ لأ كردي .. بظن وصلت الفكرة .. |
اقتباس:
اقتباس:
و بعدين خلينا نفرض انو الكردي راح يجاوب هيك.... شو رأيك اذا قلتلك انو 90 بالمية من مسيحية سوريا اذا انسألو نفس السؤال بيقلك مسيحي.. و نفس الشي السني و العلوي و الآشوري و السرياني الخ الخ الخ.. (ما بدي ادخل بحسابات طائفية بنوب... بس في ظل انعدام الشعور الوطني الناتج عن تدميرو لمدة عقود انو الشخص اللي ما بيعتبر حالو عربي كلمة سوريا ما بتعنيلو شي انتمائي) بس حبيت اعلق ع هالشغلتين... اذا مافي مانع |
اقتباس:
اقتباس:
لأني لو فات لـ سوريا . رح يجي يوم و تقول حضرتك أو غيرك , فعلا ً أمور البلد لقدام شو ما بقي غير هالألفين معتقل و واحد .. ؟! |
اقتباس:
اقتباس:
اقتباس:
اقتباس:
هدول جماعة اوجلان يلي كان طول عمروا بسوريا ويلي نفس حزبو يدعو لدولة كردستان يعني وانت بتعرف مين يلي كان يدعم أوجلان ويزودوا بالسلاح والمصاري والتدريب العسكري حتى وبتعرف انو الاحزاب الكردية السورية الوطنية يلي مشروعها سوري كلها كان يقمعها حزب أوجلان المدعوم من حافظ الأسد والمخابرات هلق شوف كل الاحزاب الكردية في سوريا برنامحها سوري بحت،وغالبيتها بإعلان دمشق بس الحزب يلي بيطالب بكردستان هو حزب أوجلان صديقو السابق لحافظ الأسد اقتباس:
أنا بيجي على لبنان والمخابرات بتعرف وانا عايش بالمانيا بشكل دائم بس حبيت خبرك شغلة أنو معرفتك أني كنت بلبنان لا يدل إلى على شغلة وحدة هي انك مخابرات وبتمنى ما ينحزف تعليقي لأنو هو عم يحكي حكي بظن مارح يعرفوا غير المخابرات ولازم الجميع يتنبه من الموضوع |
اقتباس:
اقتباس:
يوم الاحد كانت الجلسة الاولى لمحاكمة كريم التهمة نشر اخبار كاذبة وفقا للمادة 286 من قانون العقوبات وهي جناية يحاكم عليها بالإعتقال المؤقت من 3 سنين إلى 15 سنة وهي نفس التهمة يلي وجهت لفراس سعد 4 سنين ولحسام ملحم 5 سنين ويلي كريم هلق عم يتحاكم أمام محكمة امن الدولة يلي أحكامها لاتراجع عنها خصوصي أنو النيابة العامة خلال الجلسة الاولى كررت مطالبها بتجريم كريم عفكرة تاجلت الجلسة للدفاع الى تاريخ 8-6 يمكن انت بتعرفي وعم تكتبي هيك لانو بالعادة الامن بيوصي أهل المعتقل أنو إذا ما حكو عنو بيطلع طبعاً هذا كلو مو صحيح وأكبر دليل يلي حصل مع فراس سعد،يلي حوكم ب 4 سنين على الرغم من انو الامن طلبوا من عائلتو عدم الحديث وإهلو إلتزموا الصمت بس النتيجة كانت الحكم 4 سنين بدك تسألني شو المصدر رح قلك المصدر هو انا فيكي تصدقيني وفيكي ما تصدقيني هادا بيعود لإلك سلامي |
اقتباس:
انت رحت على سجن صيدنايا ؟؟ فتت عل أروقتو ؟؟ شميت ريحة الحرية المعفنة؟؟ شفت أرواح الضمائر ؟؟ ما بظن |
اقتباس:
يعني معلش انا جد ولله بعرف ناس راحو على السجن عدرا وصيدنايا ورجعو وقالوا انهم غيروا جو بس طبعا ها الاشخاص يلي دخلو مزبطين وضعون عرفت كيف متل كتار مسجين وكمان في سجناء :cry: وبالسجن في من غرف انفرادية لسويت خمس نجوم من غرف تحت الأرض لغرف بطل على البحر في غرف فيها مكيف وستلايت وقصص آخرى وفي غرف فيها رفقات مهضومين متل الصراصير والجرادين والغرف توزع بنسبة الجرم المفعول ودمتم سالمين بس ماحدا جاوبني طارق والشلة شو انحكموا؟؟ |
اقتباس:
وجب الايضاح |
اقتباس:
اقتباس:
|
اقتباس:
|
اقتباس:
أنو ازا هيومن رايتس ووتش .. هيكـ ع بتقول .. (وأرقامها كتير مبالغ فيها) .. معناها الحقيقة لسا أفضل .. أنا ما عم قللكـ أنو هيومن رايتس ووتش الها مصداقية (يعني لساتني عند كلامي) وأنا رافض هالرقم أصلا ً بس جبتو للرقم منشان ورجيكـ أنو حتى اللي ما عندون مصداقية عاطيين رقم قليل (نسبياً) أما بالنسبة .. للأكراد أنا أوردتهم كـ مثال .. بس أنت قلتا بنفسكـ يا أبو شريكـ أنو ازا بتسأل أي مسيحي أو أشوري أو سرياني .. مالو معترف ع انتماؤه الأول لسوريا أصلا ً .. يعني شعور المواطنة كتير فيه خلل . قولتكـ منوصل لبعض ؟ :cry: |
اقتباس:
الا ازا أنت مسكتا اوتوستراد تشتغل مراقب فني للنقاش .. ومقرب لوجهات النظر .. :o |
يا أخ موسيقار اعتقد انو المشكلة تكمن انك -مع احترامي الك و بتمنى تقبل مني هالنقطة- مانك قادر تشوف الطابع البشري (مشان ما أقول الانساني) للقضايا, انو القضية منيح القضية أفكار أو لا أفكار.. بس ورا هالأفكار بشر... يعني شي حلو نشوف, أو نحاول نشوف, النص المليان من الكاسة... بس المشكلة انو في ناس الكاسة من أساسها مانها شايفتها... يعني اسمحلي اعطيك مثال حقيقي وواقعي آخر هالرد
هيومان رايتس ووتش أنا بقلك... كل شي مالو علاقة بالاخوان الو الى حد ما مصداقية... و مو بس علينا.. لا تنسى انو هيومان رايتس ووتش كانت أحد الأطراف اللي كشف فضيحة أبو غريب, و كانت الجهة اللي (مع العفو الدولية) كشفت رحلات الطيران السرية تبعيت قواعد أوربا الشرقية اللي كانت تهرّب ناس لغوانتانامو. على كل مو هاد موضوعنا... ما بدي أدخل بنقاش ما فيني ادعمو بوثائق أكيدة (و لا انت فيك.. خلينا نكون صريحين) بس بعرف كم واحد من اللي حواليي مسجون.. و كم واحد مضايق أمنيا.. و كم واحد ممنوع من السفر.. و كم واحد محروم من الحقوق المدنية... الخ الخ الخ... و ماني مشكلجي و لا من وسط مشكلجي نجي عالمثال... كان في واحد بصفي اسمو دلدار.. ابن حارتي و رفيقي.. الله يفك أسرو اذا لساتو أسير و يوفقو اذا طلع... زلمة كردي.. أبوه متعهد بسيط و أخواتو متعلمين كلهم بسوريا و لا الهم علاقة بشي اسمو سياسة.. بالعكس هاد دلدار كان يرسم و شغلتو عملتو قاعد برابطة الشبيبة و اجتماعات و روحات و جييات وعضو عامل و عضو قيادة وحدة و من هالحكي... و كردي الأخ.. بالبيت يحكي كردي و مع قرايبو يحكي كردي و كل شي.. دلدار بالفصل الأول من الحادي عشر.. يعني نهاية الألفين.. تجوز أخوه و عملو العرس بالحارة ببيتهون (بيتهون كبير حوش صاير) و اجو قرايبهون و أهل الحارة و رفقات العيلة.. من كلو شوي... منيح؟ أخواتو البنات لدلدار و بنات عمو الله يستر عليهون حلوين كتير و بتعرف عرس و رقص و هيك... المهم في شلة (للتحديد بدو) طلعو على سطوح الجيران ممحونين عم يتفرجو عالبنات و يعني يوسخو شوي (زعران!!) راحو قالولهون انو يا عمي خلص روحو بئا هاد عرس ما بدنا مشاكل و ما بدنا قصص.. خيو كلمة على كلمة كلمة ورا كلمة اشتغل الضرب و انتزع العرس... اجت الجنائية و وقفت الكل.. دلدار أكل شنتيانة بساعدو (الشنتيانة متل السيف بس مرن جدا و ينلف عالخصر) و توقف بقسم المستشفى تبع الشرطة انو مشاجرة عادية.. و ع أساس مافي مشكلة خلص تنحل .. واحد من الزعران بالتحقيق قال انو المشكلة صارت لأنو الكراد صارو يسبو عالرئيس و صارو يحرقو أعلام... و كل أهل الحارة شهدو العكس و مع عيلتو لدلدار انو عشرة عمر و ما صار هالشي بنوب! و أجت دورية المخابرات الجوية من الطبقة و شالت دلدار و أخوه و ابن خالو... قدمنا حادي عشر, و قدمنا بكلوريا.. و طلعت البكلوريا و طلعت من البلد و دلدار ما بيعرفو غير انو "بالشام"... يعني تخيل الظلم.. لأنو كردي صدقو الازعر السافل و ما ردو ع كل أهل الحارة اللي شهدو معهم... و من هالحالات كتير تلاقي.. و لاحظ عم احكيلك عن كردي مجنس... يعني كردي عندو "نوعا ما" حقوق تعليم و توظيف و هيك قصص.. فتخيل اللي منزوعي الجنسية (اللي سبق و حكيت.. للأمانة انو نزع الجنسية عنهم تم أيام الوحدة و ليس على أيام البعث...) هاي حالة صارت قدام عيوني.. بحارتي و جيراني... هلأ بدي اسألك لو العرس لأرمن بيستجرو الزعران هدول يعملو اللي عملوه؟ يا سيدي أكيد لأ... سلامات |
اقتباس:
أول شي انا معلوماتي .. أنو أنت بلبنان .. وأنكـ فتت وطلعت من السجن بواسطة وبعدين تم ترحيلكـ خارج القطر بـ واسطة .. (هي قالولي ياها أعضاء هون بالموقع ) من كزا شهر وأنا عم اسمعا من كزا شخص .. وما بعرف كيف واحدكم لما بينزنق بيصير يرمي التهم يمين وشمال .. يا اخي ناقشني بالوقائع ... بالمنطق أهل اوسهلا .. بس كتير عيب عليكـ تتهم يمين وشمال .. أنا ما هاجمتكـ شخصيا ً .. كل العالم هون بتعرف قصتكـ .. وحكولي ياها أكتر من عشر مصادر.. وأنا اللي بعرفو كمان أنو مقالاتكـ هي اللي كانت السبب المباشر بحجب أخوية .. (كمان حكي أعضاء) يعني لا تفكر أني كتير مهتم بأخباركـ .. بس بما أنو انت تسميت بالاسم أنكـ سبب حجب أخوية .. فـ لهيكـ متذكركـ. وازا بدكـ رأيي الشخصي .. انت انسان تفتقر للباقة بالطرح (اضطريتني احكي هيكـ ) ما بدي أطلع عن الموضوع أكتر .. بس بتصور ازا راجعت كل النقاش بموضوعية رح تكتشف أنكـ كتير غلطان ... ومارح طالب بحذف تعليقكـ هاد . لأنو ما كتير بيهمني شو ممكن (أنت بالذات)تقول عني .. لأنو أنا شخص..بدي العنب ما بدي خانق الناطور .. وما عندي سوسة أني صلح البشرية . لأني ما خرج صلحها.. بس مدري كيف صايرة موضة .. أنو الناس تشتغل مصلحاتية . |
لك يا هووووووه يا جماعة شو صار!! عيب كل الحكي اللي صار ما بيصير
يعني أنا شايف صار في تشخيص من الطرفين بشكل مبالغ و بدون أي سبب.. و رجاءا هدّو اللعب و لا تجبروني أغلق الموضوع لأنو هاد مو نقاش سيتم تنظيف الموضوع و الرجاء الالتزام بالهدوء و الاحترام المتبادل و مشكورين عالتعاون |
اقتباس:
نحن اتفقنا بنقاش بيني وبينكـ أنو مصطلح انسانية ما عم يتراعى بأي دولة .. بالعالم يعني متل ما الانسان عم ينتهكـ سياسيا ً بالدول العربية .. عم ينتهكـ من قبل الدولار واليورو .. و أسواق المال .. والقراصنة ورؤوس الأموال الضخمة والبنوكـ .. والقروض .. واتفقنا ع مبدأ .. أنو أي انتخابات بتصير برا . بترتكز عالمصالح والمصالح المتبادلة .. يعني مافي شي انساني أساسا ً .. نحن بزمن المادة صديقي .. هي معلومة مهمة كتير .. وبالنسبة للمعلومة اللي سمعتا عن صديقكـ.. أنا ما أنكرت أنو في خلل بهالقصص . وما أنكرت .. أنو في كتير ممارسات خاطئة .. وتعاطي خاطئ .. هلأ أخوه لرفيقي رحنحكي بأسماء هو من الجزيرة واسمو ياسر العمر .. فات بتهمة الانضمام لجماعة اسلامية محظورة ... وبعد 5 شهور حاكموه .. 5 سنين طلع بعد نص المدة بالعفو اللي طالعو السيد الرئيس من سنتين .. حكا حكي .. حولني .. عن سجن صيدنايا .. وأنو ما حدا ضربو كف .. وأنو كان يطلع ويفوت عالتنفس .. وأكل عادي .. وشرب عادي .. في منفردات اي .. بس ما ضل شي اسمو تعذيب . .. مالو الترجمان المحلف .. بالسجون السورية ..بس هو جرب .. وحكالي . مالي عم جمل الصورة .. لأنو أكيد أنا ما برضا لحدا يفوت السجن .. بس .. الاصلاحات الي صارت رغم أنها بطيئة .. بس أنو بتعطيكـ أمل انو بصعود الخط البياني رح نوصل لمرحلة ما يضل فيه ولا سجين .. تحياتي .. |
اقتباس:
|
اقتباس:
ما عم شوف.. عن جد.. بالنتيجة.. بالمحصلة... لوين بدك توصل.. يعني عن جد عم حاول أركب قطع التيتريس و ما عم تزبط معي, و صدقني عم حاول كتير انو بالمحصلة, نهايتها, اللي عم يحكي يسكت و اللي عم يتحرك يكن و هاد الموجود و اللي مو عاجبو يدق راسو بالحيط؟ بصراحة هاد اللي عم استشفو من كلامك.. و اذا هاي بالنهاية نتيجة النقاش بترجاك اذا بدك تحكيها لحدا لا تقول انو وصلت معي بنقاش لهالنتيجة .. لأنو هيك نتيجة ما راح اوصللها مهما بلغت من التشاؤم, بموت مقهور و لا بعيش بهيك قناعة... سميني تنح اذا حبيت على كل الزمن كفيل بوضع كل شيء في مكانه و اعطاء كل ذي حق حقة... و الخلود لأخويتنا |
اقتباس:
|
ياس أنا ما ماحكيت باالموضع بشكل شخصي أبداً،هو يلي أبتدأ بالموضوع وقال إني موجود بلبنان واني لو بدي عارض بعارض من جوا
بالنسبة لموضوع الواسطة ما فهمت اول شي كيف فتت بواسطة يعني طلعت بواسطة هذا شي يفهم بس كيف فتت بواسطة برجع لموضوع الطلعة بواسطة،اولاً انا ما طلعت بواسطة انا بصراحة شافو حالن كتير تافهين انن أعتقلوني يعني ماني عامل اي شي أبداً حتى الشي التافه يلي هنن بيعتبروا كبير ما عملتو سابقاً بعدين كيف طلعت بواسطة او تم ترحيلي بواسطة يعني جد شي غريب معلوماتك مو صحيحة ومصدرها مخابراتي ممكن مو انت المخابرات ممكن يلي خبرك الخبرية على كل صحيح انا فتت على السجن وانا ماخرجت من البلد غير يوم حسيت أنو البلد عبارة عن سجن كبير ويوم صار في مضايقات كبيرة وبالتالي انا كشخص لحالي مافيني قاوم كل فروع المخابرات كان في عندي خياريين إما السجن او السفر أكيد ومتل أي شخص رح أختار الحرية حتى لو كانت بعيدة عن وطني وطلعت من سوريا بشكل طبيعي دون أي واسطة أساساً بالنسبة لحجب أخوية روح أسأل يلي حجبو الموقع |
اقتباس:
ههه شي بيضحك او بيبكي بيضحك من شدة البكي |
| الساعة بإيدك هلق يا سيدي 17:05 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون