الاتحاد ضيع من على ارضه وبين جماهيره فوز محقق امام البطل الآسيوي الاتحاد ... ولا اغفل تحامل الحكم واخطائه في عدم احتساب ضربة جزاء صحيحة 100 % على لاعب الاتحاد السعودي رضا تكر لصده الكره بكلتا يديه في الشوط الاول

كنت اتمنى فوزهم وان شاء الله يعوضوا

اما الكرامة وصيف بطل آسيا فاليوم لعب مباراة كبيرة وتنافسية على ملعب الامير عبد الله الفيصل في جدة واستطاع ان يستخلص نقطة ثمينة من امام الاهلي الذي كان مطالبا بالفوز والذي ضعفت اماله في التأهل.


تمنياتي للفريقين التأهل واني اشوفهم ينافسوا على النهائي

الاتحاد ما قدم المستوى المعروف عنه ... الاتحاد متصدر الدوري .... يملك ترسانة من النجوم المحليين ..... لاعبين محترفين على مستوى عالي ..... الحسن كيتا من بين 10 فرص ممكن واحده بس تجي معاه ؟؟

الحظ اليوم خدمه ... اكثر من الفريق المنافس ...

انا عن نفسي احب اشوف مباراة مليئة بالحركة واللعب والهجوم المباشر وايضا العكسي ....

وأكره اللعب الرتيب والممل

اما عن الأهلي ... طالما ... حسين عبد الغني في التشكيلة {ما راح يفوز الفريق ابدا}

تحياتي لك ملاك .... ومبروك للجميع

تستكمل بكرة منافسات دوري ابطال اسيا ..
بمباراتين بتجمع قطبي الكرة السورية


الأتحــــاد VS نفيتشي الاوزبكي ..

ع ارض ملعب استاد حلب الدولي . .
الساعة 7 بتوقيت سوريا
مع كامل التمنيات والتمني للفوز للاهلي العظيم ولمدرسة الكرة السوري




والكرامة VS السد القطـــري
ع ارض ملعب جاسم بن حمد بنادي السد ..
وطبعا كلياتنا باسم الجماهير السورية بقطر متوجهين ع الملعب بكرة لنشجع ونأزر الكرامة بهالعبة القوية
وبكامل تجهيزاتنا .. وبانتظار المباراة بفارغ الصبر ومتوجهين ع الملعب :gem:

على أنو فضائية منقولين أو ع الأرضيةالاولى ولا التانية ؟

هلأ بالنسبة لمباراة الاتحاد ما بعرف ,, بس اكيد منقولة

والكرامة نفس الامر


وتنيناتن منقولين على السورية ,, الارضية ,, التانية

سمعت سمعات هيكي طراطيش حكي ولا تاخد مني غير الكزب

انو السورية التانية بدا تنقل المبارتين نقل مباشر ,,

اما بالنسبة للفضائيات فيا سيدي الكريم الفضائيات اللي رح تنقل مباريات الكرامة هني

الجزيرة الرياضية 2 ,, دبي الرياضية2 ,, وال art

اما الفضائيات اللي ناقلة مباريات الاتحاد

هيي ال art بس ,,


يعني هدا الحكي متأكد منو

اما بالنسبة للقناة السورية وشو بدو يصير فيها ما بعرف والله او ماني متأكد

هيه هيه هيي هيي اهلاوي يا عينيي..................*1000000:clap:
واحد تنين تلاتي كرامة يا حياتي....................*1000000:clap:

يسلمو أب شريك هلء بلشت حب الحماصنة :hart:

نشالله بكرة بنساوي بث حي ومباشر :adal: بس مانتخوذق بعرف حظي :frown:

يا سيدي والحماصنة بلشو يحبوك هلأ كمان :o

بث حي ومباشر شلون يعني ؟

خلص شو ما كان لعيونك

ابو شريك شو رأيك بالمباريات ؟

هي مصيبة لا عمي مابدي هل المحبة :jakoush:

شو شايفني عم نجم خيو بكرة بنشوف

بالتوفيق للأندية السورية الكبيرة المشاركة و يارب يحققوا الفوز التنين و نفرح فيهم ..
و بعتقد أنو المباريتين مو صعبات .. و انشالله الاتحاد رح يفوز 2-0
و الكرامة رح يفوز 1-0


بالتوفيق ..

موفقين يارب
والله اللعبات اليوم صعبة
بالتوفيق

بالعكــس التنتني اصعب من بعض والتنين بشكلو ضغوطات اكتر من بعض
ورايحين ونحن وقلبنا ع كفنا

انتهى الشوط الاول لمباراة الكرامة ,, السد

بالتعادل السلبي

الضغط للفريقين لكن في اغلب اوقات المباراة كان للكرامة

تسديدات كثيرة للكرامة ,, دفاع قوي من الكرامة

كما توقعت هجمات مرتدة خطيرة لفريق السد ,, ولكن ابطأ مما كنت اتوقع


والله يوفق الكرامة ياااااا رب

نشالله والله السد مو سهل التعادل بطعم الفوز



:sosweet: :sosweet:

2-0 للكراميييييييييييييي

دقيقة 85:gem:....

خلصت مباراة الكرامة

هييييييه مالي قدرة اقعد اكتب شي ثواني وبرجعلكن

المهم النتيجة 2_0

الهدف الأول
















الهدف الثاني ولا أروع

لك يا اخي هالعااطف طلع كفو الواحد يحكي ضميرو

يا زلمي الجول بيجنن

حمص كلياتا قامت

حمص شعلت

حمص تفرح

وتقوم الليالي الملاح


حمصصصصص تحيي الكرامة


اللللللللللله يخليلنا ياك يا ابو شاكر

للأسف,, نتيجة الاتحاد

2_0

مبرووووك للكرامة ومبروك لحمص

وكل عام وهنن بخير

علوقة حمصي انت مو هيك ؟ايوا مشاه يك
احلى ناس و الله
مبروك عليكون النجاح
بدنا نعزي حسون :cry:

مبروك كبيرة كتير للكرامة على المباراة الرائعة جداً و خاصة من طرف اللاعب علاء الشبلي

مبروك للكرامة

و الأتحاد ما قدر يبيضها للمرة التانية على التوالي و بأرضو ... بعتقد صارت صعبه عليه شوي

والله حسون صار بينزعل علية المشكلة أنو الأتحاد خسر على أرضو

يالله منيح كنا بالتسعينات نتخوذق من كل النواحي ولغوال تفوت فينا بالجملة

يا سيدي بربي حرام حسون

اقسم بالله وقت شفت نتيجة الاتحاد 2_0 زعلت من كل قلبي

برد بقول شكرا كتييييييييييير كتييييييير حسون عالروحة عالملعب وانشالله يكون جايبلنا كم صورة معو

الله يبارك فيكي راديا

اليوم الأربعاااا يعني الحماصنة أجباري بدهم يربحو

ولاتنسى أنو عاملين عمرة حتى المسيحية أعتمرو ..يعني الغول التاني مو معقول يازلمة شو كنتو قارين عليها للمبارة .

ولا اليوم الأربعاااا وهاد يوم مقدس عند الحماصنة

ولا أبو شاكر يازلمة طلع عم يحكي حومصي .. والله أبو شاكر كان كتير واقعي وكتير متواضع وقت ستضافو هل كم دقيقة مايكون واحد غيرو خود بقا على نفخ بحالو

مبروك لسوريا عامتاً وللحماصنة خاصتاً

حسووووووووووووووووووووون وينك حسوووووووووون

طيب هي دخلتي من الملعب ومتكسر تكسير من التعب ومن المباراة الحلوة الكتير واللي كانت اكتر من رائعة ..
وطبعا رح وافيكن بالتفاصيل بس لاخدلي شوية نفس

طبعا كنت فرحان كتير
بس انصعقت بخبر خسارتنا .. ومابعرف شو احكي
فرحتي ماتت من هالخبر البشع

الدوحة - خاص بموقع الكرة السورية



السد القطري × الكرامة السوري (0-2) سجل للكرامة محمد الحموي وعاطف جنيات



قدم الكرامة واحدة من أقوى مبارياته هذا الموسم (فنياً وتكتيكياً) ونجح في إلحاق الهزيمة بمستضيفه السد القطري بهدفين ضمن الجولة الثالثة لدوري أبطال آسيا بكرة القدم في لقاء فك الشراكة في صدارة المجموعة .



وأثبت مدرب الكرامة محمد قويض أنه واحد من أفضل مدربي القارة بفضل قراءته الواقعية للقاء وأسلوب إدارته لمجريات اللعب حيث أعطى لاعبيه تعليمات واضحة لتعطيل مفاتيح اللعب في الفريق القطري المتمثلة في الثلاثي الخطر (فيليبي جورج وإيمرسون وتينيريو) والضغط على حامل الكرة من منتصف الملعب والإعتماد على الجبهة اليسرى في شن الهجمات مستفيدين من تحركات الظهير عاطف جنيات واختراقات الحموي وجهاد الحسين وتوازن لاعبي الإرتكاز فراس اسماعيل وحسان عباس.



ومع توقعات في أن يبدأ الفريق السوري اللقاء بأسلوب دفاعي حذر فاجئ الكرامة المراقبين بأسلوب هجومي متزن وسيطرة على وسط الملعب وخطورة واضحة أعطت الأفضلية للفريق الأزرق معظم مراحل الشوط الأول مع بعض الهبات الساخنة للمضيف كان أخطرها كرة ماجد محمد التي تعملق لها البلحوس.



في الشوط الثاني ومع إداراك الكرامة لحراجة موقف مضيفه الذي يلعب على أرضه وسط مؤازرة جماهيرية كبيرة كان التراجع الدفاعي العقلاني لاستيعاب هذه الفورة وأتيحت للسد عدة كرات خطرة تكفل بها الدفاع ومن ورائه الحارس المتألق مصعب بلحوس.واعتمد الكرامة في هذا الشوط على المرتدات التي أثمرت عن هدف اللقاء الأول بعد جملة تكتيكية أنهاها الحموي في الشباك قبل أن يترجم الجنيات أحقية الكرامة بالفوز بعدها بخمس دقائق عندما سدد كرة مجنونة سكنت شباك الحارس القطري (محمد صقر) وسط دهشةٍ وخيبة أملٍ قطرية لم تنفع بعدها كل المحاولات السداوية رغم خطورتها في تحقيق ولو هدف شرفي ليخرج الكرامة من موقعة الدوحة منتصراً ومنفرداً بصدارة المجموعة عن جدارة واستحقاق.



سيناريو الهدفين :

الهدف الأول- علاء الشبلي ينطلق إلى وسط الميدان ويسلم كرة لجهاد الحسين الذي يسقطها داخل جزاء فيهيأها الإسماعيل للحموي الذي يودعها عن يمين الحارس محمد صقر.

الهدف الثاني: كرة مشتتة من مسعد الحمد إلى وسط الحمد يهيأها الشبلي أمام عاطف جنيات الذي يفاجئ الحارس بتسديدة صاروخية من ثلاثين متراً استقرت في المقص الأيسر .



سيناريو الفرص:

د5 : تسديدة ضعيفة لفابيو من حافة الجزاء بيد الحارس محمد صقر.

د8: عاطف جنيات يسدد كرة قوية بيد الحارس.

د11: تسديدة طائشة من إيمرسون تنحرف كثيراً عن المرمى.

د13: تسديدة قوية لماجد محمد بعد بينية من إيمرسون يردها البلحوس ببراعة.

د15: جهاد الحسين يراوغ أكثر من لاعب ويسدد فوق المرمى.

د17: زياد شعبو يستفيد من خطأ المافع العماني محمد ربيع النوبي ويسدد من زاوية ضيقة بيد الحارس.

د23 فيليبي جورج يخترق من جهة اليسار ويرفع كرة لإيمرسون يمسكها البلحوس ببراعة.

د29: تسديدة قوية لإيمرسون فوق المرمى.

د35 : تسديدة قوية لوسام رزق بيد البلحوس.

د39 عاطف جنيات يرفع كرة موزونة على رأس الشبلي تنحرف عن القائم.



د52 : إيمرسون يتلقى كرة مقشرة من تينيريو وينفرد بالبلحوس ويسدد برعونة كرة طائشة.

د65 : عرضية من الجنيا للحموي داخل الجزاء تطول وتخرج لضربة مرمى.

د82: ايمرسون يخترق الخاصرة اليسرى ويمرر إلى تينيريو ويتدخل البلحوس بفدائية.

د85 : فيليبي يرفع كرة عرضية من جهة اليمين على رأس إبراهيم ماجد ترتد من العارضة.

رأسية من تينيريو فوق العارضة.



لقطات :

- آزر الكرامة أكثر من ألف مشجع لم يهدؤوا طوال المباراة عن تحفيز اللاعبين.( حسون الجدبة .. ما حسبوك انت حلبي .. ما لك علاقة يعني :p)

- خبير التحكيم في قناة الجزيرة الحكم الدولي السوري السابق جمال الشريف أشار إلى أن السد كان يستحق ضربة جزاء في الشوط الأول نتيجة إعاقة بلال عبد الدايم لتينيريو.

- مدرب الكرامة محمد قويض كان ذكياً في تصريحاته قبل اللقاء حيث أشار إلى أن فريق السد (عالمي) والتعادل معه في أرضه نتيجة إيجابية.


الف مبروك للكرامي ... وشد الهمة كرامي .. شد الهمة كرامي .. :D

مشكور يمانو

اقتباس:

- مدرب الكرامة محمد قويض كان ذكياً في تصريحاته قبل اللقاء حيث أشار إلى أن فريق السد (عالمي) والتعادل معه في أرضه نتيجة إيجابية

وحتى بعد المباراة صرح نفس الشي يا اخي ابو شاكر كبير

اقتباس:

طيب هي دخلتي من الملعب ومتكسر تكسير من التعب ومن المباراة الحلوة الكتير واللي كانت اكتر من رائعة .. وطبعا رح وافيكن بالتفاصيل بس لاخدلي شوية نفس طبعا كنت فرحان كتير بس انصعقت بخبر خسارتنا .. ومابعرف شو احكي فرحتي ماتت من هالخبر البشع

اهلا وسهلا حسون ويعطيك العافية يا رب
بالفعل شي بيصعق وانا كمان انصعقت

هاردلك حسون .,

طبعا هارد لك للاتحاد ... ومبروك للكرامي ...

:D

و
هاها هيي هيي
مرمغنا السداوية
وهاها هيي هيي خسرنا السداوية
مبرووووووووووووووووووك كرامة يا ابها انت:gem::clap:
مو هارد لاك اتحاد ياعيب الشوم بس
مو الحق عليكون الحق على يلي عم يسمحلكون تلعبو بدوري الابطال
اول مرة سكتنا قلنا حظ وهالمرة كمان حظ للاسف بس:jakoush: