|
طيب طيب,, بيبرس
ما كل البلاد موريتانيا,, ولا امريكا,, وطبعا ما كل البلاد ,, لبنان اقتباس:
مرتاح,, من جهة مرتاح,, اي والله مرتاح,, بدك تسألني ليش,, لانو من جهتي انا ,, ما بعرف شو هيي حقوقي المدنية ولا بدي اعرف بالاساس بعرف اني عايش بهالبلد ومبسوط وعم ادرس يمكن بس خلص دراسة يفرق عليي ما بعرف,, طيب ازا مرتاح ما فيني جاوبك شلون الحل الامثل للديمقراطية,, رح اعتبر انك قلتلي اي فلذلك يا حبيبي بتكون ,, بالنقاش ثم النقاش ثم النقاش بقلك يمكن النقاش ما نفع ,, ويمكن ها في عالم جربو ,,, طيب برأيك انتي بيكون بالدعوة للانقلاب بدون ما يكون في جو ملائم يعني هلأ ازا عملنا انقلاب رح يصير في عنا انفلات البلاد العربية ما رح تقدر تعمل شي (( كالعادة طبعا)) ما بدي ارجع قولا بس امريكا,, امريكا ,, رح تكون هيي المنقذ الوحييييييد للشعب من النظام اللي مانو متفق مع امريكا (( في عالم بيعارضو هالفكرة ,, وانو النظام السوري متفق مع امريكا,, بس انتي من مثالك عن ايران ,, وسوريا,, تبينلي انك بتعرف انو سورية ضد امريكا "بشكل من الاشكال")) بما انو صار في عندك انفلات امني,, (( كمان متل ما انتي قلت)) فأكيد ما رح تنحل بالمصالحة ( لانو اتفق العرب ان لا يتفقو) ما بعرف يمكن كترت حكي ويمكن تكون وجهة نظري خطأ ,, ويا ريت تصححا ويمكن تكون صح ,, ويا ريت تتقبلا |
اقتباس:
و شغلة انو الشعب ما بيعرف حالو اذا مبسوط او لاء رح جاوبك عليها بمقطع من مسرحية سورية لهمام حوت قديمة شوية ... بس رائعة ... - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اقتباس:
|
لك شي يخبطك خبط عند هالمسا
لك ليييييييش ؟ ليش عم خبط يمين وشمال لك حبيبي ,, قرا الردود كلياتا انتي ما تقرا بس تبعوتك انتي وياس عالهامش:: سوري عالسبام:sosweet: |
رجاءا ما تطلعوا برا الموضوع و يصير النقاش عن السياسة الخارجية :D
|
اقتباس:
|
اقتباس:
لا الله يخليك العسكر خليهون بعاااااااد كتير.... بارودة و سياسة ما بيمشو مع بعض بنوب مهما كان السبب اعتقد سنتين ما بيكفو... أكتر بكتير, مو أقل من عشر سنين (لتحويل ديمقراطي كامل).. السيناريو المناسب هو ميثاق وحدة وطنية بين كل الأحزاب و القوى السياسية السورية.. مع مجموعة اجراءات طويلة لكن ضرورية مشان يكون الشغل صح.. على كل هاد مو موضوعنا, فينا نحكي عن هالأمر بموضوع آخر |
اقتباس:
|
اقتباس:
والله يا صديقي انت حطيت ايدك عالمشكلة الحقيقية للشعب السوري وهي ان شعبنا لا يعرف ما هي حقوق المواطن المدنية في اي دولة , فالمواطن عنا مفكر أنو اذا تزوج و شرب و اكل خلص هاي قمة الرفاهية و ما عد بدو شي, المسكين ما بيعرف انو هو مصدر السلطة و هو من حقو ينتخب ممثليه كل فترة و بيحقلو ينتقد اي مسؤول بالدولة وبحقلو يتظاهر و يعمل اعتصامات بشكل سلمي و يحقلو شغلات كتييييرة. اما بالنسبة للنقاش ثم النقاش ثم النقاش , والله ما فهمتها الفكرة , نقاش شو و بين مين و مين و كيف رح يعطي نتائج ايجابية وهل النظام السوري قابل للنقاش؟؟ وانا بالتأكيد مع الدعوة للانقلاب حتى و بدون وجود جو ملائم , لأنو يا صديقي هادا الجو الملائم ما رح ييجي ابدا صدقني . بعدين في عدة شغلات ما عرفت كيف استنتجتها: 1-كيف استنتجت أنو انا بعتقد أنو النظام السوري ضد امريكا؟ لا هادا شي مو صحيح , قد يكون هناك اختلاف في بعض المواضيع و لكن نقاط الاتفاق اكتر بكتير من نقاط الاختلاف, و انا ارى انه لنجاح أي حركة لتغيير النظام يجب اولا ضمان رفع حماية اسرائيل و امريكا عن النظام تبعنا, و هذا شيء صعب جدا جدا , فمن غير الممكن ان تقتنع اسرائيل انه ممكن لأحد ان يوفر لها الحماية و الهدوء على حدودها مع سوريا كما يوفره الان النظام السوري, فاسرائيل هي الحامي الأول للنظام السوري وهذه مشكلة عويصة لا ادري كيف سنتجاوزها. 2-طيب انت ليش مفكر أنو اذا صار انفلات أمني , فالمنقذ الوحيد هو امريكا و ان العرب شغلتهن فاضية؟؟ لا يا معلم نحن ما بدنا مساعدة لا امريكا و لا حدا من الدول العربية , فالعشرين مليون سوري لن يدخلوا كلهم في الاقتتال الطائفي , طبعا ستكون هناك فئة واعية وطنية مثقفة وهي قادرة على حل المشكلة و ايجاد ميثاق وحدة وطنية كما اقترح الأخ ياس بين الاحزاب و التشكيلات السورية المختلفة, وليستمر الانفلات الامني قدر ما يشاء فالمهم هناك حرية و ديمقراطية في نهاية الطريق الطويل . |
كونو طلعتو عن الموضوع و طلعتو سماع لقلك لكن
ليك حبيبي: الحرية و الديمقراطية اللي عم تحكي عنها بلبنان شي بيهوي .... ما الها علاقة برب شي اسمو ديمقراطية ... عن موريتانيا ما بعرف شي بس اللي بعرفو انو طالما هالحكومة الانتقالية اجت كمان تحت حماية عسكرية يعني ما اختلف شي عن الوضع السابق لانو لسى في سلطة عليا ماسكة كل شي و عم تتحكم بكل شي على كيفها يعني تي تي تي تي متل ما رحتي متل ما جيتي بس انو تغيير اشكال مو اكتر و انو بدك تعمل ثورة و انقلاب؟؟ فهيم .... يعني بتشيل العالم من تحت الدلف لتحت المزراب ... ولك العالم مو ملاقاية شي تاكلو بدك ياها تفوت بحروب طائفية و اهلية هلق .... قبل ما نفكر بشي اسمو ثورة و انقلاب برايي انو نفكر انفع للشعب ... بشي يشبعو لقمة الخبز بالاول ... بشي يخليه ما يشحد ... بشي يخليه ما يعود يفكر كيف بدو يركض ليل نهار مشان ما يبيع بناتو.... عالهامش ياس.....شفت المقطع؟ |
اقتباس:
|
اقتباس:
اقتباس:
أما بالنسبة للنظام.. طبعا لما بيناقشو واحد و اثنين و عشرة... مكانهون عدرا يا صيدنايا... بس راح يجي يوم.. راح يناقشو الآلاف... ساعتها مافي سجون تكفي.. اقتباس:
هلأ طبعا في استثناءات لهالأقوال.. لكن اعتقد انو ما عنا مقومات يكون عنا استثناء.. و الوقت اللي راح يمضي لحتى يصير عنا مقومات ليكون عنا استثناء هو أكبر من الوقت اللازم لتحريك الديمقراطية السلمية. اقتباس:
لما انت مقنع ألد أعداءك انو يا انت يا الطوفان... يصير عدوك حاميك, أو لما عم تقنعو انو اللي تعرفو أحسن من اللي تتعرف عليه... شي مريح هلأ النظام السوري لاسرائيل مريح.. ليش.. لأنو أول شي محافظ على وقف اطلاق النار المباشر بشكل شبه مقدس (اسرائيل تعتبر حدود الأردن أقل أمنا من حدود الجولان) و عم يحارب برا أرضو و رضيان انو اسرائيل تحارب برا أرضها.. يعني متفقين يتحاربو بلبنان... و عدا عن ذلك النظام السوري الو لهجة تعامل عم تحافظ على جو الخوف اللي موحّد "الشعب" الاسرائيلي.. لأنو صدق انو اسرائيل راح تنتهي ساعة ينتهي الخوف عندهون.. مافي شي موحدهون الا الخوف اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اقتباس:
تحياتي للشباب  |
اقتباس:
طيب صديقي ياس في تشرحلي برايك شو الاسباب اللي بتخلي اي سوري بعد الحالة اللي وصلت الها البلد هلق يدافع عن هيك نظام ويحاول يبيض صفحتو؟؟ |
اقتباس:
في جهاز بروباغندا شغال عالـ 24 عم يوصل فكرة قطبية واحدة... عنا غياب للآخر و تخوين للآخر و كره للآخر, ربينا عليه بمدارسنا... يعني طبيعي هالشي نوعا ما.. ما بعرف... يعني شو بدك تحكي لتحكي |
تسجيل متابعه ..........
|
اقتباس:
|
اقتباس:
|
خيو هادا محافظ جديد شريف بدو يحاسب المقصرين و كذا و اللذي منو ف بيكون مرة بمخفر شرطة ( طبعا هو متنكر) و بيفوت العسكري و معو زلمي ختيار مهرر عايف ربو عم يبيع دخان مهرب
بيطلع عالرزلمي الختيار استاذ رئيس المخفر (اللي هو كردي عربيتو ضعيفة) بمادة العربي.... و وقت بيفوت الزلمي بيخبي كروز الدخان مع المحافظ مشان ينفد حالو من التهمة ... المهم وقت بيكشف حالو المحافظ و بدو يحاسبن بيدو بيناتن الحديث التالي: الاستاذ:يا سيادة المحافظ حلفتك بالله العظيم ..ما بتعرف ليش استاذ مدرسة متقاعد قضى 35 سنة من عمرو عم يربي اجيال بهالبلد هي عم يبيع دخان مهرب؟؟ المحافظ:لا ما بعرف ( بكل بساطة طبعا عم يجاوب :lol: ) هون بيفلت الاستاذ بالحكي و بتكون خاتمة المسرحية: الاستاذ: قال انت كنت تدري فتلك مصيبة...وان كنت لا تدري فالمصيبة اعظم..( عكس المتل :p ) شايفين شقد عظيمة مصيبتنا ببلدنا يا جماعة ... واحد من اكبر روس البلد..ما بيعرف ليش استاذ مدرسة متقاعد عم يبيع دخان تهريب...35 سنة من عمري قضيتها ماسك هالطبشورة و واقف على هالسبورة و عم بيعلم هالاجيال و بيخدم هالوطن ... 35 سنة و بعدها رموني متل الكلب عالتقاعد...عم يعطوني 2850 ليرة كل شهر ... ابني مشلول بالبيت بدو دوا كل شهر بـ 3000 ليرة...اش اعمل فيه...كتبي اللي هنن علي اغلى من ولادي بسطتن عالرصيف و بعتن ...بيتي بعتو ..فرش بيتي بعتو...لبسي بعتو...اترك ابني يموت قدام عيوني وما اعمل شي؟؟ولا انزل ابيع بناتي سيدي؟؟؟.... لا ... بعت كرامتي...و صرت بياع دخان تهريب... بس النكتة اللي بتضحك بهالبلد انو كروز دخان واحد بس بايد استاذ لغة عربية متقاعد الحكومة كلها شافتو...بس بواخر الدخان يللي عم تدخل على هالبلد بضو النهار قدام عيون الحكومة كلها...سبحان الله كيف ما عم يشوفوها ما بعرف يا سيدي ..... والله يا سيدي ما عم بحكي الا من حرقة قلبي على هالبلد....هالموظف اللي عم تعطوه اربع خمس الاف ليرة كل شهر و عندو ولدين او تلاتة و عم يمد ايدو ليرتشي ليطعميهن او يداويهن هادا الله ما بيحاسبو ...........اش عم تعطينا حكومتنا حتى تحاسبنا ... نحنا لازم نحاسب الحكومة مو الحكومة تحاسبنا... انتبه سيدي ها..انا ما عم برر الرشوة لاء...الرشوة حرام...وما عم برر التهريب لاء...التهريب كمان حرام....بس اللي عم تعملوا فينا حكومتنا حرام اكتر من الرشوة وحرام اكتر من التهريب ... بدكن تحاسبو...كلياتنا مع الحساب ...بس قبل ما تطالعو عصاية الحساب على هالشعب...شبعونا لقمة الاكل يا سيدي ..شبعو الشعب ...بعد ما بتشبعوا الشعب..اللي بيسرق او بيرتشي او بيهرب...اقطعوا ايدو اقطعوا راسو ... خوزقوه....بس شبعونا ابوس ايديكن قبل ما تحاسبونا........ المسرحية قديمة صرلها اكتر من عشر سنين بيجوز و اسمها ليلة القبض على بكري....:D |
صوتت للاختيار الثاني
انا مش معترضة على شخص الرئيس وبعتبر انو عم يحاول يعمل شي مهم انما اعتراضي على كثير من تصرفات النظام القائم وخاصة المخابراتي منو |
عندي بس تعقيب صغير على الخيار الثالث اللي حطو صاحب الموضوع واللي هو مؤيد للرئيس لكن ضد النظام شلون يعني؟؟؟ شو الفرق بين الرئيس والنظام ؟؟؟؟؟ وبنظام شمولي متل اللي بسوريا الرئيس عندو صلاحيات مطلقة يعني بيعمل اللي بدو ياه فشلون هو ما الو علاقة بالنظام؟ وعلى فرض انو ما بيعرف باللي عم يصير متل ما بيقول البعض طيب هدا اقوى سبب لتنحيه لانو عاجز عن السيطرة على الدولة وممارسة صلاحياتو
ذكرتني هالشغلة لما تم تصفية محمود الزعبي باواخر التسعينات طلعت المخابرات اشاعة انو حافظ الاسد عرف بالصدفة هه فساد الزعبي لما راح زيارة على مصر وقلو مبارك انو ابن الزعبي عامل مشاريع بمصر :lol: |
تسجيل دخول
وتصويت إن سمحتم لي إخوتي |
انا مع الرئيس قلبا و قالبا و ضد الفساد
|
اقتباس:
اقتباس:
|
نتيجة التصويت ملفتة للنظر بمنتدى متل اخوية
|
اقتباس:
بس اللي استغربتو اكتر انو ما في ولا واحد معارض للرئيس بشكل شخصي مع انو في عالم بيكرهوه كتير وفاتو عالموضوع بس ما بعرف ,, بما انك بتكرهو هالقد ليش خايف تحط رأيك او صوتك |
28 بني أدم صوتو كلون على بعضون
أشي الحكاية |
اقتباس:
|
والله أنا بحب الرئيس الدكتور بشار الأسد لأنو بصراحة من ولاية حسيت في تغير في الإستراتيجية السورية بس حاشيتو مش غاد غاد لأنهم بيضلو حسب أصلهم شو كانو
|
أوووو معقول المعارضة بسوريا 40% إشششش أنا إلي بعرفو إنو غالب الشعب بيحب الدكتور بشار شو عدا ما بدا؟
!!!! |
اقتباس:
اي هدول يا معلم هال 40 بالمية اكيد خونة عملاء انبطاحيين زئبقيين بيقبضوا من خدام والحريري وجنبلاط ليش ما بتعرف انو 99.99 بالمية مع الدكتور الخالد من هلق بشار الاسد متل ما كانوا من قبل مع ابو ما بعرف يعني مين اللي قلك انو الشعب كلو بحبو لبشار الاسد؟؟؟ |
اقتباس:
اي فعلا بالتدريج.............. صرلو 8 سنين بالحكم وكل شي لورا ,الفساد عم يزيد ,الرشوة عم تزيد ,الوضع الاقتصادي على العنين , الناس بدها بس تطفش لبرا حتى السياسة الخارجية تم تخريب كل المكتسبات اللي تمت بعهد ابو ولسا بتقلي بالتدريج اي صح يمكن لازم نستنى حافظ التاني ليجي بعد شي 30 سنة هداك اللي رح يتحقق على ايدو كل شي |
بس سؤال بسيط يعني ..
مع انو ما في الي حق اتدخل تضامنا مع بنفسجة .. طب الطبقة الفقيرة "والمعدومة" .. ويلي معروف انو سوريا في منها كثير من هالطبقة ... ويلي ما في عندهم نت وغيروا ليعبروا عن رايهم .. شو هي نسبة الاستفتاء عندهم .. وكمان ما ننسى انهم قسم من الشعب !!! |
اقتباس:
بعدين هال40% هن اللي حاطين روحهن على كفهن و عم يحكوا اللي جواتهن, طبعا في ناس كتير خايفة و ما تسترجي تشترك بهيك موضوع. ملاحظة اشرافية تم تعديل الرد. الرجاء عدم تشخيص الحوار. |
رجاء ما يتحول الموضوع هون لمهاجمة شخصية لشخص الرئيس...ماننا عم نهاجم حدا...خلونا نتناقش بكل موضوعية....
|
اقتباس:
انا استنيت هالشخصيات الفذة هي هالشخصيات اللي رشوة الشرطي عندها من شغل الرئيس اقتباس:
لا ترتشو الشغلة شغلة نفسيات ضعيفة وما بظن انو الرئيس الو علاقة بالنفسيات كمان؟ الا ازا قلب اله وما بعرف انا هلأ شلون عم تدافع عن حافظ الاسد ,, وعم تقول انو بشار الاسد هدّم هالمكتسبات هي,, بما انو من وجهة نظرك, اقتباس:
او انا فهمت غلط |
لك ياجماعة
انو هالموضوع كتير عادي بالنسبة للمواضيع يلي بتنطرح وبتمس شخص الرئيس والنظام ككل باخوية والكل عم يحكي وماداير على حدا فكيف بتقولولي انو خايفين من التصويت ياشباب عنجد شي غريب ومع هيك كتير التصويت غريب بالنسبة الي بمنتدى اخوية يلي بغالبيتو معارضة سورية وحاج تقولولي خايفين ومرعوبين والله شي بيضحك |
نتيجة التصويت ما بيصير الواحد ياخدها بدقة... لأنو للأسف بسبب الحجب فحوالي 65 بالمية من الأعضاء الفعالين بهالفترة غير سوريين... نفس مشكلة موضوع الانتماء اذا بتتذكرو
لكن مع ذلك... رغم هالشي نتيجة التصويت أعتقد منطقية جدا... الخيار الفائز هو خيار موجود بكل الدول الاستبدادية على مر التاريخ.. و الخيار الثاني (المعارض للكل) كمان موجود بكل الدول الاستبدادية.. اللافت للنظر انو مافي غير شخص واحد رضيان عن النظام؟!!!! |
اقتباس:
وهيدا كتير شي مهم انو العقدة مش بس بشخص الرئيس انما بنظام حاكم ككل وهيك بيكون في كتير منطقية برايي |
شوف ابو السوم انا صحيح معارض الاني انتهج نهج المعارضة البنائة وليس النقاقة معارضة النقد وليس النقض
وعليه اعيش |
اخي تائه في النور:
انا بدي اسألك و ياريت تجاوبني شو في شغلات ايجابية و اصلاحية تحققت خلال السنوات ال8 الماضية. هل تنكر ان الوضع الاقتصادي في تدهور هل تنكر انو ازدادت تسلط الاجهزة الامنية و الرقابة و لاسيما على الانترنت هل تنكر ان الاعتقالات التعسفية ازدادت في صفوف الوطنيين السوريين من رواد منظمات المجتمع المدني هل تنكر ان قمع الاقليات القومية السورية في ازدياد هل تنكر ان السياسة الخارجية السورية فشلت فشلا ذريعا هل تنكر ان عشرات الاف الشباب الجامعيين المتخرجين لا يجدون عملا في الدولة و تراهم يعملون اما شفيرية تكاسي او محلات البسة او غيرها. هل تنكر ازدياد رغبة الشباب في الهجرة هل تنكر ان النظام تنازل عن جزء من الاراضي السورية ( لواء اسكندرون) بدون وجه حق, ألا تعتبر ذلك خيانة؟؟ هل تنكر ان خارطة الجمهورية العربية السورية المنشورة حاليا في الكتب المدرسية الحديثة قد تم اقتطاع لواء اسكندرون منها و كأنها ملك لهم يتنازلون عنها لمن يشاؤون. والقائمة تطول يا صديقي... اما بالنسبة للاخت بنفسجة: هل تتصوري أنو في واحد ما ممكن يخاف انو ينام بفرع أمني سوري, اكيد لأ لأنو الداخل مفقود و الطالع مولود وانتي اكيد بتعرفي انو في شباب من منتدى اخوية تم اعتقالهم لمجرد ابداء رأيهم الحر طيب ممكن تسألينا: طالما بتعرفوا هالشي ليش عم تكرروا غلطة رفقاتكن وعم تكتبوا ضد النظام. بجاوبك لأنو نحن بنعشق الحرية , نرفض الظلم و الاستبداد , مستعدين اما نعيش احرار او نموت بغياهب السجون لكن طبعا في كتير اعضاء فكرهن متل فكرنا و لكن بخافوا على حالهون او على اهاليهن , هادا شي اكيد , مشان هيك ما بصوتوا و لا اصلن ما بشتركوا بمنتدى متل اخوية. |
اقتباس:
بعرف انو في شباب دخلو الحبس باخوية وبعرف انو عم تصير في اعتقالاتن خارجة عن القانون وبعرف انو شغل المخابرات جدا سيء ولهيك صوتت ضد النظام وغير معترضة على شخص الرئيس لكن ياصديقي في مواضيع عم تنطرح اخطر من هي بكتير واراء عم تنحط اخطر من تصويت بكتير عيني التصويت مابيخوف وعلى كل شوف بلشت ترتفع النسبة لان مش مبرر يلي بينحكا انو من الخوف حكي ياس عن الحجب صحيح وهيدا بيشكل سبب لعدم التصويت اما الخوف فهيدا مش مبرر لانكون موجودين باخوية وعم تحكو ومارح توقف على شغلة تصويت تاني شي وفر على حالك السؤال والجواب لاني لارح اسالك ولارح جاوبك لان مش بس انت بتعشق الحرية بعرف انو في كتير اشخاص متلك وفي كتير اشخاص متلي كمان:D |
| الساعة بإيدك هلق يا سيدي 02:39 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون