|
لو ينادي دعاة المساواة بمساواة حقيقية بعيدة عن الشعارات الرنانة مساواة مساواة مساواة وبالحياة اليومية لايوجد اي نوع من المساواة بين الزوجين . في البيت بينها وبينه يعود الى ذلك الشرقي بداخله واذا كل شب عكس حلمو بأنه يريد الحصول على جنسية في دولة ما لسبب ما . فهاد مابيخلينا نوزع جنسيات لكل سعودي جوزوه مشان المال . ولكل عراقي هربان من الحرب اذا كل الناس صايرة عمتطالب بمنع دخول سورية الا بفيزا . للمعاملة بالمتل . ولمنع دخول جيوش الفارين من بلادهم والذين ينهكون الاقتصاد السوري الشبه مشلول . ولتخفيف ظاهرة العمالة الجنسية .( مع أني ضد هيك قرار على الأقل بالوقت الحالي ) وأخيرا البعد الديمغرافي كتير مهم وماحدا معبرو يعني بعتقد أنو هيك قرار حيكون أكبر المستفيدين منو الطائفة السنية والكراد ( وهم سنة ايضا ) بالنسبة للظروف الراهنة والمحيط الخارجي . وهاد الأمر سوف يسبب قلق لباقي فئات المجتمع السوري . لأنه سيعمل على تكريثها كأقلية . مما قد يؤثر على حضورها ودورها بالمستقبل |
اقتباس:
شو وجه العلاقة بموضوعنا بموضوع المساواة انا كفتاة اعامل كجارية ؟ اين هذا في سوريا ؟ اقتباس:
اقتباس:
في اواخر السبعنات والى نصف الثمانينات كان المواطن السوري عندما يريد اخذ فيزا من اي بلد بما فيها امريكا كانت تعطى له بنفس اليوم ولكن الحال اختلف لأسباب سياسية انت على مايبدو على علم بها من خلال مشاهدة ردك عزيزي انا لدي جنسية اوربية بحكم ولادتي هناك ومن اب وام سوريين جنسيتي لاتفيدني بوضعي الحالي الا اذا احببت ان اسافر فلا داعي لا لفيزا ولا اي شيئ اخر اما الجنسية السورية ماذا تفيد غير السوريين اذا كانو يتمتعو بجميع حقوق المواطن السوري كما اسلفت انا سابقا من تعليم الى عمل الى صحة هل نريد ان نصبح متل العراق (لا سمح الله ) عندما اختفى السجل المدني مع بداية الحرب وكيف اصبحنا نرا على الشاشة انا هناك آناس ليسوا عراقيين وحتى ليسوا عرب اصبحو عراقيين ؟ :D اقتباس:
معك كل الحق وكلامك صحيح شكرا للتنبيه ايها المحارب :D |
اقتباس:
من كل ما انحكي ما شفتي وجه العلاقة؟؟ اسقاط احقية المرأة بنقل جنسيتها واعطاء الرجل فقط لهذا الحق...اليست لا مساواة؟؟؟ المرأة يللي بتحمل الابن او الابنة لمدة 9 شهور باحشائها...مالها حق تعطي ابنها جنسية؟ ما عم اقدر افهم منطق الرافضين... انو ليش اذا الابن ابوه سوري وامو لاء...بيحقلو ياخد الجنسية واذا العكس...ما بيحقلو... نحن هون ما عم نطالب انو الابن او الابنة يحصلو اوتوماتيكيا على جنسية الام...ولا عم نطالب انو الابن او الابنة يحملو اسم عائلة الام...وبشكل اوتوماتيكي.... يللي عم نقولو...انو الحق لازم يكون معطى للطرفين بمنح الجنسية...وبيتم الاستفادة منو حسب الوضع والرغبة والظرف... اقتباس:
ونعم يوجد اخطاء فيه....وهاد يللي قصدته... فما عم افهم شو سبب استياءك من تحاملي ع القانون...رغم اعترافك بانو فيه اغلاط كبيرة....يعني اذا ما تحاملنا ع قانون فيه اغلاط كبيرة...ع شو بدنا نتحامل.... انو انا ما بحب البراغماتية ولا بحب يتم معي التعامل بهيك اسلوب...كلانا متفقين انو القانون جائر ولازم يتعدل...فما عم افهم ليش انتي...بموضع بتعترفي انو القانون لازم يتغير...وبموضع تاني بتستغري ليش انا مستاء منو.... اقتباس:
اي منطق بيقبل انو لمجرد ولادتك باوروبا تحصلي ع جنسية...وأخر ما بيحقلو يحصل ع جنسية لانو امو سورية؟؟ طبعا مع تحفظي الهائل والشديد ع قولك انو الجنسية الاوروبية ما بتفيد ومع التحفظ الاكبر ع انو المقيم بسوريا متمتع بكل حقوق المواطنين السوريين.... مثال بسيط....زوجة عمي اردنية....كل ست شهور بدها موافقة امنية منشان تجديد قدرتها ع البقاء بسوريا...معك خبر بهالموضوع؟؟؟ اما بالنسبة ليلي لونتو بالاحمر....فما عم اقدر استوعب شو علاقته بمنح الجنسية السورية من ام سورية.... انو اي اوكي ما بدنا نجنس حدا غير سوري...اوكي فهمناها...بس واحد نص دمو سوري....ما عم افهم ليش لاء... [/quote] :D |
طبعا مع..
لأن لما تكون أنت فرد بهالمجتمع مثلا.. أبوك ولد بسوريابس أبوه (جدك) لأ وأمك سورية وأنت أخدت جنسيتك من جدك فعليا بس انت وأبوك ولدتو وعشتو بسوريامابعرف شو المانع لحتى يكون معك جنسية سورية طبعا الشخص حيضل عندو انتماء من نوع ما لبلد جنسيتو بس بنفس الوقت... سوريا فعليا هي بلدو... أنا ما عم احكي بنقطة المساواة بين الرجل والمراة وبس يعني مو قصة جكر اذا الرجل بيقدر يعطي المراة لازم تقدر... القصة بالمنطق.. أنو كمثال .. ضروري كل ما بدك ورقة معينة تنتع حالك وتروح عبلد جنسيتك أو جنسية جدك بالأحرى لحتى تجيبها... أو اذا بدك تتوظف أو أو أو... -هي احدى الأمثلة.. ليش حتى مانتمتع بجنسيتنا الحقيقية وبحقوقنا.. يعني لازم لحتى نتزوج لنقدر نحصل على الجنسية!!! بلكي ماتزوجنا:p ويلي معارض للفكرة لكل شخص حرية رأي... بس أنو ليش مابعرف ..ماحسنت اقتنع :D:D |
اقتباس:
اقتباس:
بس بوقتها كان هالنظام موجود اما الان فاغلب البلدان لغت هذا القانون وكانت اوربا بحاجة الى اناس ولكن انا ولو احمل تلك الجنسية ولكن اعتبر مواطنة درجة ثانية ,احد الامثلة انه لايمكنني ان اترشح لرئاسة تلك البلد اقتباس:
اخي صدقني وانا صادقة معك ومع الاخرين هناك بعض الاشخاص يعتقد ان الاشخاص الذين يعيشون بالخارج (يغرفون الدولارات واليورهات من الشارع )ولا يعرفون ان الشخص ممكن ان يكون وضعه بسوريا افضل من تلك البلد اخي انا امرأة متزوجة واعيش بحالة جيدة ضمن بلدي ولكن اذا قررت انا وزوجي السفر فسوف يكون وضعنا اسوء من سوريا في المرحلى الاولى لذلك قلت لك انها لاتفيدني لأني لست مضطرة لأعيش في بلد ليست بلدي واعيش على المساعدات الحكومية (الويلفر ) ولكن انا استفيد منها بالتأمين الصحي وكذالك السفر كما اخبرتك اقتباس:
ولكن عمك يستطيع اعطاء الجنسية لزوجته لماذا لم تأخذ الجنسية ؟ باختصار اخي الكريم انا لا استطيع ان شخصا يتدخل ببلدي وهو ليس سوري 100% مثال احسب نفسك تعيش مع اهلك وجدك في بيت واحد وجاء ابن عمتك يريد ان يهدم ذاك البيت القديم ليعمر مكانه محضر جديد بحجة انه له الحق في ذلك ما هو رأيك؟ وشكرا على مناقشتك للموضوع والحوار الجاد :D |
اقتباس:
أي طفل يولد في بلد اجنبية..لوالدين لا يحملون جنسيتها...يحصل عند بلوغه سن الرشد على الهوية الشخصية أو جواز سفر (مثل انكلترا حيث لا وجود لشيء يسمى بطاقة شخصية) اذا بقي مقيم في تلك البلد حتى ذلك السن... أما القانون الذي التغى فهو منح جواز السفر للطفل لدى ولادته حتى لو غادر البلد التي ولد فيها بعد عدة أشهر من ولادته ولم يقيم فيها (الجميع يتذكر في الثمانينيات كيف كن بعض نساء الضباط ذوي الرتب العالية في سوريا ونساء التجار الدمشقيين والاغنياء يسافرن قبل اسابيع من ولادة ابنائهم الى امريكا كي يحصل ابناء على الجنسية) اقتباس:
الجنسية تسهل العمل والاقامة والحصول على قروض وعلى حق التعليم في بعض الدول وعلى كتير من الاشياء... مثال واحد... السنة الدراسية في احد جامعات نيوكاسل ببريطانيا تكلف رسم سنوي للاجنبي (غير البريطاني 16000 جنيه استرليني) وللانكيزي (2000) جنيه استرليني مثال تنين... انا كمقيم في احد الدول الاوروبية لا استطيع الحصول الى بشق الانفس على قرض لمدة اكتر من سنة كون اقامتي تجدد سنويا...وبالتالي حكما لست قادر على شراء بيت يأويني مثلا او شراء اي شي يتطلب قرض والامثلة عديدة...ببقا بتابع بعدين... اقتباس:
اقتباس:
اقتباس:
المثال المفروض من قبلك غير واضح...وبحاجة لاسقاط على موضوع نقاشنا كي استطيع الرد عليه.... المثال المعدل بالنسبة لرؤيتي للموضوع.... مثال احسب نفسك تعيش مع اهلك وجدك في بيت واحد وجاء ابن عمتك يريد ان يعيش معنا في نفس البيت بحجة انه له الحق في ذلك ما هو رأيك؟ رأي انو له الحق كاملا...واهلا فيه اقتباس:
عفوا واهلا فيكي |
مثبت :D
|
اقتباس:
الشغلة مو مقتصرة بس على القرض ... في امور كتير ما منحسن نساويها لمجرد انو اقامتنا تجدد سنويا...لاعطي امثلة بسيطة بما انك ذكرت امثلة كبيرة مثلا ما فيك ناخد موبايل خط لاحق الدفع.... ما فيك تاخد اي قطعة بالتقسيط....متل كمبيوتر او تلفزيون او اي شي بيخطر على بالك بالتقسيط... و الحبل عالجرار .....:D |
اقتباس:
على فكرة... يعني قبل ما ننزل دعك بالقوانين الأوربية الجائرة.... انا بشوف منطقي انو اذا اقامتك سنة مثلا انو ما يخلونك تعمل شي مدتو أكبر من سنة... و مدد الاقامة تتمدد بحسب عملك. اذ طالب كل سنة تتجدد, من صار في عقد عمل يمكن أول مرة 3 سنين بعدين 5 و بعد تجديد الخمسة تحصل على اقامة دائمة... هيك شي ماني متأكد بالضبط و كمان تنويه لشغلة... نحنا نحكي كتير عن غيرنا... بس قوانين الهجرة و الاقامة عنا أكثر تعقيدا من أغلب دول أوربا.. يعني على مثلا بأوربا بسبب الزواج تنعطى اقامة مثبة أو دائمة (ما تنعطى جنسية عالزواج لأول وهلة) لكن عنا بسوريا لأ.. الاقامة لازم تتجدد كل 6 شهور حتى لو الزوج سوري و الأولاد سوريين.. و طبعا التجديد حلو كتيييييييير لأنو مو جهة وحدة, بدها مراجعة للأمن العام و كتير أحيان سفرة للشام و بعدين مراجعة الهجرة و الجوازات... و أمور أخرى معقدة جدا (هل تعلم مثلا.... انو الأجنبي بسوريا, حتى لو معو اقامة قانونية, مافيو مثلا يشتري كرت طيارة بالليرة؟ أو مثلا ما فيو يشتري موبايل باسمو؟...الخ) |
إي أنا بعرف أنو لتاخد الجنسية السورية لازم تتنازل عن جنسيتك الأصلية
وهاد عمل كتيرمشاكل لأشخاص بعرفهم أما عن القصص التانية اللي قلتها يا ياسين متل شراء بطاقة الموبايل فهي أول مرة بعرفها قوانين غير شكل |
اقتباس:
عفوا ياس.. انا يللي قصدتو انو سوريا بتسمحلك اكتساب جنسية اخرى اذا كنت حامل للجنسية السورية... وكلامك رجع خلاني اتذكر انو المشكلة كانت انو السوريين طلبو منها تتخلى عن الجنسية الاردنية..انا اخطأت للوهلة الاولى.. اقتباس:
الاول بما يخص السوري يللي بيحمل جنسيتين.. ما بعرف اذا حالتك خاصة او عامة كما تقول..بس اخي مولود بانكلترا ومعو حاليا جوازين سفر انكليزي وسوري..وع الجواز السوري مكتوب انو يحمل جواز اجنبي..وصرلو 8 سنين برا..وبينزل ع سوريا كل سنة وما تعرض لاي مشكلة اطلاقا ع الحدود ولاي موقف اخر... وجوازه السوري بيتجدد من السفارة السورية بلندن بدو اي مشاكل ع الاطلاق.. اقتباس:
تاني نقطة..انا لما اتكلمت عن الاقامة السنوية في سياق حديثي عن القروض والمعاملات وغيرها..ما ابديت اعتراضي فكرة الاقامة السنوية المؤقتة..بل هي فكرة منطقية طالما مبر الاقامة هو مؤقت لدراسة.. انما ذكرت ما ذكرت..ردا ع نقطة الاخت بانو الجنسية مو مفيدة.. عفوا للخروج نوعا ما عن الموضوع بس اقتضى التوضيح:D |
دعونا من النقاش القانوني والحقوقي لذوي الإختصاص.
المهم المبدأ, كيف يتسق بأن مواطن "كلمة مواطن تشمل الأنثى والذكر" عربي سوري لا يمكن لأبنائه أن يكونوا سوريين . إذا هذا انتقاص لحق أساسي وهو حق المواطنة. طبعاً أبناء السوريّات سوريين . تحياتي :D |
ما بعرف ليش وصدقا انا ضد وكتير
يعني يمكن ما بتخيل سورية من دون سوريين .. بدكن تقولو كيف يعني خليني اضرب مثل المانيا يعني صدقا بالمدينة اللي عايشة فيها صارو الالمان الاصليين قلال كتير والموجودين متجنسين . بتلاقي الاتراك يالطيف .. العراقيين اغلب اللي منعرفهن سنة وبياخدو اقامة دائمة غير السود اللي مليانين وهدول تبعون شرق اسيا وعلى فكرة انا عم احكي عن المتجنسين بس يعني سنتين زمان منلاقي الالمان منقرضين لانو ما شاء الله عندكن العرب والاتراك كل سنة بيجيبو ولد يعني ما بعرف اذا قدرت وصل الفكرة |
اقتباس:
هادا حكينا .. يعني اللي عبقول ضد عبقول هيك مو جايب الحكي من بيت ابو او انو هيك قاعد عبنظر وبتسلى اللي عبحكي هيك عبكون معايش القصة وعبشوف بعينو توابعا يعني مثلا بالمانيا والخليج وهون بقطر القطريين شوي شوي عبقلو يعني عببطلو يبينو حتى من عمليات التجنيس من الطرفين او من طرف واحد .. وعن طريق الام وهالحكي هادا .. يعني القطريين صارو عملة نادرة جدا .. ورح يصير فينا هيك ازا رح يتبعو هالنظام ورح تبطل تلاقي سورين اصليين او سوريين 100% صافي دافي ومن هلأ بلشنا نشوف هالشي .. يعني هي فكرة اللي عبقول ضد بشكل عام .. |
اقتباس:
|
اقتباس:
يعني أنا لما انكتبت ع جوازي, صار اذا بدي أسافر لازم ادفع كرت الطيارة بالدولار, متل الأجانب.... عدا عن انو اذا بدك تتطوع بالجيش و بالشرطة ما راح يوافقولك (على الأقل حتى نهاية التسعينات ما كانو يوافقو).. و شغلات تانية هيك.. مو انو يعملولو مشاكل من نواحي أخرى |
اقتباس:
بس لما بيكون احد الوالدين ابن البلد..فما عاد صار اسمو تجنيس...التجنيس لما الواحد بيحصل ع جنسية وهو بيمتلك جنسية تانية. اما لما الطفل بيولد ببلد الام وبيعيش فيها فما اسمو تجنيس.. يعني لنفرض انتي يا لاوديسا معك جنسية المانية..واستمريتي باقامتك بالمانيا..وتجوتي سوري وانجبتوا طفل..رح تطالبي اله بجنسية المانية أو لا؟:? |
انا مع :deal:
|
اقتباس:
بس مو كل شي عم اتقبلو هون راح اقدر اتقبلو هنيك |
اقتباس:
انا ضد |
ممكن فكرة انه الام تعطي لولادا الجنسية السورية فكرة احسن من انه تعطي جوزها الجنسية..لأنه مثلا هالولاد خلقو بسوريا وكبرو بسوريا وتربو فيها..بقا هدول بغض النظر عن جنسية الأب ما بيعرفو بلد غير سوريا كبلد الن وانتمائن سوري مليون بالمية...بقا من حئن تكون معن جنسية سورية....
هلأ الأب ما ضروري ياخد الجنسية لأنه اصلا احتمال كبير يكون انتماؤه مو لسوريا وعايش فيها لمجرد انه لقا شغل او لانه مبسوط فيها مو اكتر...بقا مو ضروري ياخدا للجنسية... ممكن يصير فيه ضوابط معينة للموضوع..انه مثلا يتطبق هالقانون بس لاولاد السوريات الي عايشين بسوريا...مثلا لما يصير عمرو 18 او اقل ويكون عايش طول هالمدة جوا سوريا ياخد الجنسية عن طريق امه....لأنه صفى سوري 100% مافي فرق بينو وبين اي سوري تاني وممكن يكون انتماؤه لسوريا اكتر من سوري انولد برا سوريا وممكن ما زار سوريا بحياتو بس اخد هالجواز من ابوه... :D |
اساسا عنوان الموضوع هوة منح الجنسية عن طريق الأم...يعني من الأم لولادها مو لجوزها....
ما بعرف ليش نطينا دغري لموضوع انه جوزها الو حق او ما الو حق بالجنسية...:shock: |
موضوع مثبت
انا كتير مع .. وبشده فائقه ... اصلا الام هيي احق الناس بانو تعطي جنسيتا لاولادها ..لانو هيي الي حملتون وتعذبت فيهون ... وربتهون ... وبعدين في شي جدا ضروري لازم نحسبلو افرضو هالام اطلقت وعاشت بسوريا هيي واولادها وراح الرجال بحالو هداك بلى اي هم ومتاعب ومشاغل فوق راسو ..بقيت الام وولادها شو ذنبهن الي ربيو وعاشو واكلوا من خير سوريا انهن يضلو يتعذبوا بالمدارس والاقامه والشغل .... ماهنن احق البشر فيها ..بعدين نحن ما عم نقول انو نعطي الجنسيه لحد ما الو علاقة بسوريا عم نحكي عن اعطاء الجنسيه لحد نصو سوري الدم السوري عم يمشي بعروقو .. في سؤال بيخطر ببالي ليلي عم يقولو : ضد .. باي حق واي عدل بيقول الرجال بيعطي الجنسيه السوريه لمرتو بعد تلت سنين (وهون مرتو قد تكون اصلااااااااا مو عربيه ) يعني لا الها بسوريا لا من قريب ولا من بعيد ولا بتعنيلها الجنسيه شي اصلاااااا ... شو الاحق الي نص دمو سوري ولا الي ما الو علاقة ؟؟؟ ع الاقل الي نص دمو سوري بس تعطيه الجنسيه قد تعنيلو الككثير معنويا .. اكثر ما ممكن تفيدو الجنسيه ذاتها ... بالاخير : الانتماء بالقلب مو بالورقة |
اقتباس:
يعني مثلا .. ازا اب سوري وام فلسطينية مثلا فاولاد بعترفو بحالن سوريين اكتر .. بس ازا العكس فالولاد مارح يعتبروا حالن سوريين والولد بشكل عام بيتبع جنسية ابوي وديانة ابو بمعظم الحالات واكترا .. وهالحكي انا عبحكي يعني من شي شايفو اغلب الناس اللي بعرفن اللي بكونو من اباء وامهات مختلفين الجنسية .. يعني بعترفو لجنسية ابون ووبيتبعوا اتباع تام و100% .. ومابهتموا لجنسية الام بالمرة مع انو ممكن يكونو قاعدين ببلد الام حتى .. ومشان حكيك عن المرا وانو الرجال بيعطي جنسيتو للمرا .. فعطي الجنسية للمرا هادا مو موضوعنا بالمرة .. الموضوع والفكرة اللي عمنحكي فيا هي حق منح الجنسية للولاد .. المرة هادا موضوع تاني بالمرة .. |
اقتباس:
الولد اجـمالا بـيتبنى الافكار اللي انـت بتمـروقلو يـاها .. و بما انو هـي الـفـكره هي اللـي مـتعارف علـيها عنا بالمـجتمع فاغلـب النـاس عم تتـبناها و تـمشي علـيها .. هلـئ كـلامك بالاحـمر بـنوب ما بوافـقك فيـه .. الامر غـالبا بيـرجع للام و مـدى تأثيرها عالولاد .. + بيـرجع للـبلد .. يعنـي ما بعتقد انو في ولد عايـش مع امـو و ما بـيهتم بنوب بـجنسـيه امو (( اذا امـو بتـهتم طبعا ;) )) .. |
اقتباس:
|
اقتباس:
بس بالواقع الكلام اللي زكرتو انا هو اللي عبيطبق وهو اللي عبصير بارض الواقع .. ومتل ماقلتلك عبحكي من شي شايفو وكتير كمان .. و95% بالمية من اللي بعرفن مارح بالغ وقلك اكتر بتبعو جنسيت ابهاتن .. مع انو خلقانين ببلد امن وعايشين نص عمرن ببلد امن وبعدين جاي ع قطر .. وامن يعني بتهتم ببلدا كتير مو انو مو سالة .. بس مع هيك بالنهاي بتنكرو لبلد امن بكل بساطة مع انو ربيانين نص عمرن فيا :shock: او بالاحرى مابحبو يزكرو انو امن من جنسية تانية اصلا |
اقتباس:
التـجارب الشـخصيه لـيست مقـياس لانها بتـختلف و هاد حـكيّ انو القصه بتختلف و بترجع غالبا لطبيعه البيت اللي الـشخص عم يربى فيه .. |
اقتباس:
و خصـا اذا كانت الام من بلد الناس ببلد لاب ما بيحبوها كتير ;) |
اقتباس:
ريم ما بعتقد هاي النقطة مشكلة..لأنه هنة اخدين حقوقن كاملة من هالناحية حسب ما بعتقد....يعني بدرسو وبشتغلو متلن متل السوري عالتمام....(انا عم بحكي بالنسبة للفلسطيني الي بسوريا الي معن وثيقة) بس انه الشغلة معنويا بتعنيلن كتير,,لأنه اصلا هوة ماطلع من سوريا بحياتو يعني بعتبرا بلدو بقا لما هالبلد تقدرلو هالشي وتعطيه جنسيتا راح يحبا اكتر وأكتر... اقتباس:
وبالمقابل شفت الحالة الي بالعكس...بتلاقي الواحد امنية حياتو انو ياخد جنسية امو السورية لأنو بكون عنجد عندو ولاء لسوريا وحاسسا متل بلدو.... انا بعتقد انو لازم لما يتطبق هالقرار في زمن من الأزمنة انو يتم دراسة كل حالة لحالا ويتقرر ازا ياخدو الجنسية او لأ...يعني كل مين يقدم طلب وبناء عوضعو وانتماؤه وشو قدم لسوريا يا بياخدا يا لأ :D |
ضد
يعني اذا مع بيزداد عدد السورين شي مليون واحد يعني نائصنا نحنا بطالة ؟ بعدين على شو راكدين ؟؟ يعني لو بدو واحد يطلعلو بيت أو تعويض شهري كنا ئلنا معئول بس شو الاستفادة ؟؟ ® |
مع و ضروري
|
انا مع
لانو لو ضد رح اطر اشرح السبب وانا هلكانة :lol: |
هههههههههههههههه شو بدنا نساوي بالجنسية
|
لاااااااااااااااااااااااا اااااا ما بيكفي انها حاكمتنا المرأة توصل لانها تمنح جنسية ايه لاااااااااااا ما بدنا بيكفينا ظلم من النسوانننننن الله يرحمنا منهم شو قهارين
|
اقتباس:
هدول النـسوان :lol:.. اما انا برأي انو الجنـسيه ما خـرج تكـون حكـر عالـجنس .. عرفت علي شلون ;) |
الى متى سنبقى حقل تجارب مكررة
الغرب يعيد النظر في قونين الهجرى و التجنيس لعدم التكافئ الأجتماعي و العرقي و الديني ويفصل القوانين على حسب ما يراه مناسب لدعم البقاء و الحفاظ على هويته أما نحن نتعلق بما هو ماضي بلنسبة للغرب |
أخي أنا عندي تحفظ على الموضوع يعني لو إنو كان القانون اللي عم يقترحوه في إستثناء لمدينة حمص كنت أنا أول واحد بصوّت مع... بس بهالحالة في مشكلة
أخي شو بيضملني بكرا يطلعلي نكت مطعمي يعني مو حمصيي مي بالمي... ساعتها بتكون بايخة وبلا فكاها أو نبلش النكتة هيك : واحد حمصي من عيلة "سميث" مثلاًً ... أيه مو ظابطة بالمرة مشان هيك خلونا متل ما نحنا أحسن إلنا وإذا بدكن طبقو هالقانون بالمحافظات التاني وهون بكون توقيعي هوي "نعم لأصالة النكتي الحمصيي" |
اقتباس:
|
شكراً على تشجيعك أخي The morning
بما إنك اقتنعت راح تكون إنت أول عضو بحزب المدافعين عن أصالة النكتي الحمصيي |
| الساعة بإيدك هلق يا سيدي 00:28 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون