|
اقتباس:
هههههههههههههههههههه مسلم مجدد بتاع كله |
الله يزيد ويبارك ...
عرف يمشي بالطريق الصحيح :lol: |
يعني لازم الداعية لحتى يكون مقبول من قبل هدول الناس يلي عم يتمنطقوا ويحكوا حكي من فوق الأساطيح
لازم يكون مشحر وعايف التكنة وقاعد بشي بيت بالأجرة غرفة وصالة وبيروح على شغلو بالمكرو أو مشي لك إذا معو سيارة فوكس فاغن سلحفة بيحطو عليه وحده ولازم يكون لابس ثياب من البالة كاحتة ومهرية وصرماية كل فرد شكل ولون أو أحسن والله يجي حافي هيك يعني بيكون مقبول إنو داعية ومخلص وقلبو لله وما لو طمعة بالدنيا يكون شحاد ومشحر بس إذا عندو بيت ولا سيارة يا لطيف هادا عم يتاجر بالدين يعني بلا مؤاخذة شوفولي كم الدخل الشهري لواحد من كبار الحرامية ببلدنا شوفولي خدام بعد ما طلع من سوريا قديش ترك وراه مصاري وأملاك شوفولي ولاد المسؤولين قديش بيصرفو كل ليلة بالكازينوهات والمراقص وبالقمار والعربدة يقول السيد المسيح عليه السلام عن الزانية التي جاءه اليهود بها من كان منكم بلا خطيئة فليرمها بحجر |
بس بدي اعرف مين قال أنو التدين بيساوي الفقر
مابتحسو انو هي نظرتنا للمتدين .. حرام كيف منفكر |
اقتباس:
|
يعني يلي بيسمع حكيكون بيفكر أنو الزلمة سرق هالمصاري من خزنة أبوه وجاية يحاسبو عليهون
وبالنسبة لعائض القرني مؤلف كتاب لا تحزن والذي وصلت عدد نسخه المباعة في الأسواق إلى ما يزيد عن مليون نسخة رغم أن الكاتب كان قد باع حقوق هذا الكتاب بخمسين ألف ريال لا غير وسعر الكتاب وصل إلى حوالي 350 ليرة أي 7 دولار فلو كان الكاتب لم يبع حقوق الكتاب واكتسب عوائد بيع هذا الكتاب بالكامل فاضرب مليون نسخة بسبع دولارات وشاهد الربح الذي كان يمكن أن يحصل عليه عائض القرني هناك أكثر من 500 مادة صوتية ومرئية لعمرو خالد عدا المحاضرات التي يتم تفريغها في كتب وتباع بأعداد خيالية في معارض الكتاب وفي مختلف الدول الإسلامية يعني أعتقد أن هناك احتقار واستهبال لجمهور القراء والمثقفين الذين يقبلون على شراء هذه الكتب وسماع تلك الأشرطة ومتابعة تلك المرئيات ، يعني كل هؤلاء يتم الضحك عليهم ولا يدركون الفارق بين الحق والباطل وفيما إن كان عمرو خالد صادقاً في وعظه ودروسه أم أنه مجرد دجال يتاجر بالدين ، معظم المهاجمين له لم يسمعوا حرفاً واحداً من كلامه ولا قرؤوا سطراً واحداً من كتبه ومدفوعون بحقد أعمى لمهاجمة كل مظاهر التدين لسبب هم أدرى به ، بسبب إفلاسهم وإفلاس برامجهم وضمور تياراتهم والله غالب على أمره ولكن أكثر الناس لا يعلمون |
يللي بيقرا بعض الردود هون
بيعرف ليش هالدعاة عم يضرب سوقون ...و عم يعلا أجرون مجتمعنا لحد الآن ... بتحركوا غرائزو الدينية للأسف |
اقتباس:
اعتبر هالحكي انذار اشرافي... |
سؤال الى السادة المشرفين
ما هو رائيكم لو نعرض تقارير عن أموال مشاهير دعات النصرانية و عن الخمس الذي تجيبه الحوزة وعن القادة اللذين هم قدوة للأخرين و الفضائح الذي لها أول و ليسى لها أخر هل بهذا الأسلوب يمكن أن نجتمع كأبناء وطن ونحل مشاكل البلد جميل أن ترى مسيحي يدافع عن المسلمين والمسلم يدافع عن المسيحي وهكذا أخوكم حلبي |
اقتباس:
على الأقل معروفين المذاهب السني والشيعي بأنون مذاهب دعوية بعكس مذاهب تانية مخباية |
اقتباس:
عالم جيولوجيا معلش أذا قبض عالم دين مابيصير |
مع احترامي لك يا حضرة المشرف أنا لم أهاجم أحد بعينه واللي في شوكة بتنغزوه
وحابب أسأل ماد ماكس إذا الشعب بيحركو غرائزو الدينية أحسن ولا لازم تتحرك غرائزو الأخرى لحتى تنبسط ويعجبك الوضع ثانياً الآخرين الذين يعبرون عن آرائهم يجرحون في شخص وينسبونه للإتجار بالدين وغيره نتيجة كونه حصل على مبلغ مالي خلال عام من أعمال تجارية شريفة حرة قام بها وكلاء مكتبات ومطابع واستديوهات تسجيل وصوتيات تعاقد معها يعني الزلمة ما نزل عالسوق وصار ينادي على بضاعتو فأعتقد أن التجريح ليس من أركان أو أسس الحوار العقلاني وأتيت بمثال واضح تماماً عن ما يمكن أن يحصل عليه الشخص من أرباح نتيجة رواج كتاب من الكتب ولا أدري بأي صفة وبأي تبرير تسمي هذا إتجاراً بالدين |
اقتباس:
هاد خبر منشور بأكثر من موقع اخباري عربي و ما فيو مس للعقيدة بأي جانب من الجوانب... يعني التغميز هاد بلاه أوكي؟ |
اقتباس:
مافي داعي لهالطريقة بالحكي... |
اقتباس:
|
يعني لا مؤاخذة اشتغلت شي حضرتك بشي مطبعة أو دار كتب تطبع لكبار العلماء المعاصرين واللي كل واحد فيهون عندو دزينة كتب وشفت قديش بيربح كل واحد منهون من هالكتب يلي بتنطبع عدة مرات ويتم تدريسها في المعاهد
|
اقتباس:
معليه أنا بتنخزني كل الأشواك لأنو مسؤول عن انو بهالقسم يقدر الواحد يعطي رأيو بادب و احترام و هدوء بدون ما يجي حدا يحلل تصرفاتو و دوافعو بخصوص الاتجار بالدين, ما حبيت كلمة الاتجار و ما حبيت كمان كلمة مو شريف... لكن... عمرو خالد ما عم يتاجر بعلمو الديني (عندو ... ماشي, بس في كتار أفهم منو بالدين) لكن هو عم يبيع شخصية يللي هي شخصية الداعي "المودرن" و عم ياخد عليها مبلغ هائل جدا... انو التلفزيونات بيدفعولو لأنو مربح الهون مو لأنو بيعتبروه فهمان... عندو كاريزما و يجذب مشاهدين و هذا اللي يهم القنوات, و كونو يعرف هالشي... انو هو وجه تجاري و عم يقبض ملايين على هالشي يحولو الى تاجر و ليس الى عالم دين |
اقتباس:
ما عم توصل الفكرة..... عمرو خالد ما عم يقبض هالملايين على علمو ... عم يقبض لأنو ظهورو مربح تجاريا.. |
بعدين قبل ما تسأل قديش الواحد من الدعاة بيربح من هيك شغلة سألت حالك قديش بيدفع تبرعات لجمعيات خيرية والنشاطات التي يقوم بها والتحضير الذي يقوم به هي كلها من يتبرع بها
يعني إذا واحد الله عطاه وبارك له برزقه واشترى سيارة جديدة أو بيت أحسن من اللي عندو بيكون غلط بعدين بالمناسبة عمرو خالد يعمل في مجال المحاسبة وعندو شركة للمحاسبة ناجحة وهذا قبل ما ينشهر ويصير له هذا الصيت والسمعة |
هلأ روء ياس أنا يلي كان حيخسر برشلونة مو متدايق خدنا بحلمك :p
خود وعطي |
اقتباس:
بس الفرق انو الغرائز الاخرى واضحة ... مو مخباية متل الغرائز الدينية اقتباس:
يعني اتفقنا أنو هو بالنهاية ..... تاجر اقتباس:
|
ياشباب شو عم يصير معكم انو شو صار أنا قلت من قبل أنو المبلغ مبالغ فيه
هي خبر قديم شوي من 2006 الإعلامي عمرو خالد يتقاضى عن الحلقة الواحدة من برامجه على قنوات الرسالة أو إقرأ أو المحور أجرا يتراوح بين 4 و5 آلاف جنيه وبهذا يكون عمرو خالد هو المنافس الأبرز للمفتى الدكتور على جمعة الذي يتقاضى 3000 جنيه أجرا عن الحلقة الواحدة في قناة الرسالة.. المصدر - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - شي الف دولار ؟ |
اقتباس:
أنا عم آخد و اعطي برياحة تامة... بس يبدو الحديث عن عمرو خالد من المحرمات... |
اقتباس:
فيك تنكر انو عمرو خالد عم يربح هالمبلغ لأنو الو حضور مربح تجاريا لقناة التلفزيون؟ هاد صلب الموضوع... |
اقتباس:
بس كمان عندو معلومات ودراسات ومؤلفات بعدين أذا القصة بس على عمرو خالد اخي لحنا معك بس القائمة بتضم علماء معروفين بعلمون وعملون وبأنو كل واحد فيهم مدرسة لحالو |
بخصوص ظهوره التلفزيوني وكاريزما خاصة به تجذب شرائح من المجتمع له وتجذب مشاهدين لبرامجه على التلفاز فهذا مكسب له وليس غرم عليه
يعني إذا شخص تمكن من إيصال رسالته ودعوته إلى شريحة أكبر من الناس لم تكن تصلها الرسالة بهذا الشكل تحتاج لشخص مودرن يكلمها ويعظها ويذكرها بالله بنقول لأ نحن نرفض هالشي لازم الداعية يكون بجبة وطرحة ولابس قبقاب لحتى نسمعلو تانياً القنوات التلفزيونية كمان من حقها تربح شو فاتحة سبيل وإذا بتابع القنوات الأجنبية التابعة للكنائس في أمريكا رغم التبرعات الهائلة التي تصل إليها تقطع هذه البرامج وتعرض إعلانات لأن هذه الإعلانات تمول مثل هذه البرامج يعني القاعة التي يذاع فيها الدرس من سيدفع أجرتها ؟؟ القناة اللي عم تعرض عمرو خالد ولا هو بدو يدفع |
اقتباس:
يا اخي على راسي كل العلماء... أنا اللي بدي أوصللو (حاس حالي غبي من كتر ما عدت) انو هالناس هدول ما عم يربحو هالمبالغ لأنهون علماء أو لعلمهون (طبعا تألف كتاب أو دراسة الك الحق بحصاد ما بذره فكرك)... النقطة هي انو وسائل الاعلام المرئية ما عم تدفعلهون هالمبالغ لعلمهون انما لصورتهون الجذابة للمشاهدين و بالتالي تجاريا مربحة, و لحظة يخف الاقبال على هالنوع من البرامج (فرضا) هالمبالغ راح تتضائل, و لحظة يكون البرنامج ما عليه حد أدنى من المشاهدين راح ينشال من العرض... هاد كل ما هنالك, و هالناس هدول بيعرفو هالشي و داخلين بهاللعبة التجارية... لذلك هنن بشكل أو بأخر تجار ما حدا مس لا الاسلام و لا المسلمين, و لا حدا قال ممنوع و لا غير شريف... كل ما هنالك انو لما تحسب حساب المصاري و تكون داخل بهالدوامة من المصالح التجارية هالة القدسية بدك تشيلها ع طرف... هاد كل ما في الأمر وصلت الفكرة؟ |
يلي قال أنو تاجر يحترم حالو ولا يقول على لساني كلام أنا ما حكيتو
تانياً يا حضرة المشرف المبلغ المذكور ما كان نتيجة ظهوره التلفزيوني فقط ( يعني اتذكر هالنقطة منيح ) أنا قلت في أكتر من 500 مادة صوتية ومرئية لعمرو خالد في الأسواق إلى جانب محاضراته المفرغة في كتب وهالمواد تباع بشكل نظامي وغير نظامي وتابعة للعديد من المطابع ودور النشر والاستديوهات والمبلغ المذكور إذا كان صحيح أصلاً هو ناتج عن كل ما سبق وليس عن ظهوره الإعلامي فقط |
طيب متل مانك شايف أنا مركّز جدا على دخولو دوامة اللعبة التجارية التلفزيونية...
أي و اللي قال تاجر محترم نفسو... من ايمتى كلمة تاجر مسبة؟ انت عم تقول انو مانو مجبور يعمل شي ببلاش... و اللي بيعمل شي بمقابل مادي و خصوصا مبالغ كبيرة اسمو تاجر... الكاتب تاجر المؤلف تاجر حتى العالم تاجر... لأنو بالنهاية عم "يبيع" شيء ما يعني هالحساسية اظن مالها داعي و برجع على تخصيص عمرو خالد... هل يا ترى عمرو خالد أعرف الناس بالدين؟ أكيد لأ... ليش يبيع أكتر منو (حتى مواد صوتية و كتب و الى ما هنالك)؟ لأنو ببساطة مشهور, و مشهور لأنو عرف يدخل اللعبة الاعلامية و يفيد و يستفيد... ما عم قول انو غلط الأمر... انما علينا الاقرار بالجانب "التجاري" من المسألة |
أولاً أنا لا أسبغ هالة قدسية على أي عالم من العلماء ولا أدافع عنه لأي هدف من الأهداف وموضوع التقديس ما لو وجود عندي أبداً
وما في داعي للنقاش أكتر من هيك يلي عم بيجرح ما عاد إلو حجة ليجرح فيها وعلى سيرة أنو في حدا عندو علم أكتر منه وما حصل على اللي حصل عليه عمرو خالد هادا كمان مكسب لعمرو خالد أنو رغم قلة علمه مقارنة مع غيره من كبار العلماء قدر يوصل معلوماته لأكبر شريحة من الناس ويفيدهون فيها مو أحسن من العالم يلي حاطط براسه خزانة كتب وما لو قدران يفيد حدا من الناس من علمه |
اقتباس:
يمكن بعد ما سمحوا بمصر تصير المرأة مأذون ......نشوف سوقهون ماشي بشغلة الدعاة كمان .... و يصيروا موضة الموسم .....و قتها رح يرتفع أجر الداعية فتحية بلابيعو ..و رح ينخفض أجر عمرو خالد هل هالشي بيعني أنو علمو بكون نقص مثلاً ..؟؟ |
أكيد كلمة تاجر حتكون مبسة لما يكون القصد منها الإتجار بالدين وهون الحساسية تكمن
|
اقتباس:
اقتباس:
|
يعني الكاتب أو العالم أو الشاعر أو شو ما كان وقت بدك تسميه تاجر وأنو هدفه الأساسي والنهائي من كل الشغلة يلي عم يعملها هو لحتى يبيع هالنتاج الفكري يلي عملو ويستفيد منه
يعني هادا الكلام بلا مؤاخذة منك في إزراء وسخرية مريرة من الأدب والفن والعلم وأنو الشاعر ليست لديه مشاعر ولا أحاسيس حقيقية كتب من خلالها أشعاره كان كاذب كبير وهدفه الربح والمؤلف الذي يريد إيصال فكرة للقارئ هذا دجال ويريد الربح فقط والعالم يلي بدو ينشر العلم والمعرفة ويثقف الناس هدا بلهموطي وبرجوازي وبدو بس يلهف عملة يعني سخفت دوافع كل المثقفين بكلامك عن كون الكاتب والمؤلف والعالم تاجر بالنتيجة يعني الثقافة يلي نحنا بصددها كلها مسخرة وكلها نتيجة دوافع شخصية ممن كتبها عيب هالحكي |
اقتباس:
يا عم اسمحلي اشرحلك شغلة... أول شي بترجع لردودك تشوف انو الارغومنت تبعك مطابق للي عم نحكيه لكن بأسماء اخرى... انت ما بدك تسميه تاجر و في مين بيسميه تاجر... عرفت كيف؟ يعني لا عم نسبو ولا عم نهدر دمو ولا عم نمنع عرضو.... ليكها برامجو و اللي بيحبها و بيرتاح لمرآها فطوبى له... يا سيدي حلال عليه كل واحد يشوف و يسمع و يقرا اللي بدو ياه... بس انو تعمل حساسية على انو ينحكى عن عمرو خالد فولله آسف... اذا بتسببلك حساسية ففيني عدلت مئات الشغلات اللي بتعملي حساسية و بظل ساكت... فيك ما تقرا المشاركة, فيك تطنش ... هون بنحاول نحكي رأينا بوضوح و أدب و احترام, و كلمة تاجر ما فيها شي و مانها مسبة... الأمر راجع الى حساسيتك الشخصية اللي احترمها... بس ما فيك تفرضها علينا لأنو لو كل واحد فينا يفرض حساسياتو نسكر المنتدى و كل واحد ع بيتو على عيني  |
يعني ما بتبطلو هالعادة بتقصوا كلام الواحد وكمالة الجملة يا فالح ما عرفت تقراها
يعني العالم يلي بيعطي كتاب كتبو لشي دار نشر بيكون تاجر قلتلك اللي عمل هالأعمال هي هي دور نشر واستديوهات ومطابع حاكيك سنسكريتي لتفهم ، ارجع اقرا كلامي ولا تقصو وتلزقو على كيفك |
اقتباس:
|
اقتباس:
و اذا اجينا لحالة عمرو خالد ..... اذا خيرناه مثلاً .. انو ينتقل لمحطة تانية أوسع انتشاراً ... بس على شرط انو يستغني عن هالـ 2.5 مليون .... شو رح يكون جوابو اذا رفض .... و فضل يضل مع الـ 2.5 مليون ...... و قتها طبعاً ... رح يكون تاجر |
شلون يا حضرة المشرف بتقول ما عم نحكي على عمرو خالد ولا عم نسبو بيكفي ينقال عنه عم يتاجر بالدين يعني هالكلمة تعني أنو منافق ومصلحجي وآخد الموضوع مصلحة
تانياً أنا ما لي متحمس لعمرو بخالد لشخصه بس انحكى على عدة أشخاص والحكي كله عم يدور حول خبر بمجلة صدرت حديثاً لا حدا بيعرف مصدر معلوماتها ولا حدا سمع فيها من قبل ولا حدا بيعرف إذا الخبر صحيح أصلاً تانياً إذا بتسمح ردلي على كلامك إنت وقت قلت الكاتب تاجر والمؤلف تاجر والعالم تاجر والتجارة مو عيب وأنا ما فرضت رأيي على حدا أنا عم دافع عن رأيي واللي شايفو أنو أنتو بدكون تمشو رأيكون وإذا ما عجبني عمري ما فوت ولا أقرأ موضوع متل هيك وأنا الصراحة كتير مواضيع بلاقيها تافهة وأقل من أني علق عليها أو اقرأها بس هيك موضوع عم ينسب ويتجرح بناس علماء أفاضل دعاة ما فيني أسكت |
اقتباس:
على اعتبار كل شوي بتطالب انو ما ينحكى كلام عن لسانك فأنا هلأ بطالبك بهالشي لأنو ما قلت عن حدا انو "منافق و مصلحجي"... يعني الافتراء هاد بلاه لو سمحت يعني انت ما فرضت رأيك على حدا؟ عم تقول عن آراء العالم انها تجريح و مسبات و مدري شو لأنو "حساسيتك" هيك بتقول و جاي تسكّتنا يعني؟ ما بدنا نمشي رأينا... بدنا نحكيه لأنو بدنا نحكيه و لأنو هاد مكان الرأي الحر و اللي شايف الرأي مسبة يجوز ما عندو قدرة يقدّر الرأي الآخر و يحترمو... و بهالحالة المشكلة عندو مو عند اللي مو من فكرو... عرفت شلون؟ و طلب اخير صديقي... مشان الله حاج تقلي "حضرة المشرف"... عم تذكرني بحضرة الناظر تبع مدرسة المشاغبين:lol: |
| الساعة بإيدك هلق يا سيدي 10:51 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون