|
موضوع واحد بس، التاني ما انا يللي طرحتو (انا مشارك ) عابر سبيل لا اكتر .
|
اقتباس:
هون بأخوية في حرية بس على حساب قناعة المشرفين بس ...... يعني إذا إنته مقتنع بشغلة و المشرف ما قتنع فيها .......بيكون على موضوعك السلام .....يعني الحرية على الطريقة الأميركية تحياتي الحاج متولي |
اقتباس:
|
اقتباس:
بس هالمرة مازابط الموضوع يا اما فهمت , يا اما تحليلك مانو مزبوط -ومافي مانع من جهتي انو تكتبيه هون اذا مافي عندك مانع . منشان نستوضح هون الامور . |
هيدا الموضوع انكتب تزامناً مع موضوع المشرف الافضل
لن اصوّت مع الشكر لك على كل حال |
انكتب بعد ساعات قليلة .
وعفوا :D |
اقتباس:
|
بصراحة ما قدرت صوت لحدا لانو اصلا ما بعرف الاقلية اشرافها شو.عالاقل كنتو تحطو المشرفين المتقاعدين بالقائمة كمان.كنت صوتت دغري:frown:
|
اقتباس:
|
اقتباس:
اولاً بشكرك على اسلوب حكيك وما رح احكي بهيك اسلوب معك لانو مش من اخلاقي تانياً بحب خبرك انو من بين المشرفين في خيارات التصويت بعرف قلّة .. وهالقلّة نشيطين باقسامهم يعني ما رح صوتلهن انهن غير مثاليين بالوقت اللي هني عم يهتموا باقسامهن.. هذا غير وارد...ما رح صوت لمجرد التصويت او لهدف وضع بصمة لي في الاستفتاء متناسية انو اعطيت صوت لشخص لا يستحق اني قول عنّو غير مثالي في المهام الاشرافي... اما البقية ما بعرفهن فكيف بدي اعطي رايي فيهن..يمكن تقلي لانو ما بعرفهن فيي اختار منهم من منطلق انو غايبين وما عم يقوموا بواجبهم الاشرافي فهون بحب قول انو من غير الممكن اعطي رايي فيهم كـ مشرفين وانا ما شفت كيف تصرفهم الاشرافي بسبب غيابهم .. يعني لغيابهم عذر وغيابهم لا يعطيني الحق باني قول هنّي غير مثاليين كـ مشرفين..لما شوف كيفية قيامهم بمهامهم الاشرافي ببقى بقول اذا مثاليين او لاء... وثق تماماً انّي لم ولن اكتم كلمة حقٍّ لكسب مودّة الاخرين ولارضائهم .. فنحن مـَـن نقول كلمة الحقِّ حتى لو كانت في وجه سلطان جائر فما بالك في وجه مشرفين اللي هنّي (اناس عاديين) مع الاعتذار لصاحب الموضوع بـحُكم اني تطرقت لنقاش قد يزعجك داخل موضوعك لكن وجب ذلك وتحية |
صوتت لريم, والي رجعة للاسباب
|
اقتباس:
بس يلا ما رح قول شي :larg: |
.........;)
|
اقتباس:
ما بدي اطلع عن الموضوع لذلك نو كومينت على اقتباسك:pos: |
مرحبا ...
اليوم معي وقت زيادة شوي ، وجاي ع بالي احكي كتير ... فـ اللي بدّو يقرأ ردّي يجبلو شي كاسة شاي او شي شغلة يشربا ، لانــّو ردّي بظنّ رح يندرج تحت " قصص الحياة " اكتر منها تحت الردود .. :p اي .. هلأ محمد ، احزر شو اللي لفت نظري بالموضوع ؟! ( بغضّ النظر عن مضمونو ) لانو كل فترة والتانية بتصير شغلة التصويتات اللي بالعادة بتكون متل اغلبية الانتخابات اللي بالعالم ، للشخص الاحسن ، الافضل ، اللي بتحبّ تشوفو اكتر ... انــّو لسه ما شفنا فكرة انتخب الاسوأ لحتى يطلع من الترشيحات مثلاً هيهيهي .. بس مانها فكرة سيئة ! ما علينا .. اي اي .. اللي لفت نظري هو .. شلون بتكتب " الغير مثالي " و "غير " مااا بتقبل ال التعريف يا اخي :jakoush: كم مرّة بدنا نقلك اسما غير الـ بلابلابلا :jakoush: اي والله .. بس مشان هيك دخلت عالموضوع وقريتو :p " للموضوع الاساسي بقصد " .. بعدين ، قلت يلاّ بنقرأ اول كم رد ، ولاّ بلاقيك مستثني كم شخص ، و وضــّحت الاسباب ... فـ خطرلي انــّو اي وانا منســّق مع وقف التنفيذ .. اشمعنى ؟! :frown: قلنا يلاّ مو مشكلة ... قام اجت بعدين ريمي كمــّلتا .. ريمي u want a piece of me ؟! :sly: هيهيهي .. لاء لاء عم امزح :p .. المهم .. طبعاً كمــّلنا قراءة للاخير .. واللي صار ، انــّي انصدمت بردّك هاد .. اقتباس:
1) اي بتـــّفق معك بأوّل نقطة قلتا عن مواقف بعض الاعضاء .. ومشان جواب ليش يا ترى؟ بظنّ انــو الدعم والشعبيــّة حلوين .. ما؟ ;) 2) بعرف عن قصــّة نقل الكلام من الاقسام الاداريــّة ، بس شو مشان بعدا لهلأ !؟؟ هي عنجد صدمتني .. فكــّرت انــّو انحلّت - هيك سمعنا !! - بس هلأ فرحت انـّي ما علّقت ع موضوع ذا لايت مرّة :o .. هيهيهي الحمدالله !! 3) عنجد .. عنجد ... عجبتني آخر جملة كتير ... يمكن في عالم ما بتحط بحسابا انــّو في حدا بيتذكــّر بعد خمسين سنة !! :p وعلى سيرة الـخمسين سنة .. تعو لقلكن هالقصــّة ... وخدوها نصيحة اخويــّة يا جماعة .. لا تفكرو كل المشرفين حبــّابين وبيتقبــّلو النقد برحابة صدر .. واذا كنتو مفكرين هيك فـ .. هئ ، غلطانين .. يمكن يتظاهرو بهالشي ، بس نهايتا .. بينكشفو .. قرّرت ما خبــّركن القصة هيهيهي .. ما حلوة :angel: اي اي آخر نقطة .. مشان سريــّة التصويت ( معلش محمد ولو انــّو كتير جادلنا فيها ، ويمكن نزعنالك الهدف من الموضوع .. حقــّك علينا .. ) هو بصراحة انا كنت مع فكرة انــّو تكون الاسماء عالمكشوف ، - هيك كـ فكرة اوّلية - .. بس بعد اعادة التفكير ، وبغضّ النظر عن المادة ما بعرف اديش اللي حطــّيتا عن حقوق الانسان .. بس هيك احسن ... لانـــّو تخيــّل يجي المشرف يشوف مين الاشخاص اللي صوّتو ضدّو ( هاد مو متل وقت بتصوّت للافضل، وما رح يحبّك كتير بعدين ) .. ويمكن واحتمال كبير و - وارد جداً .. - انــّو يتأثر برأيك وينعكس هالشي ع افعالو " وما قصدي معك بشكل خاص " ، او يستغرب من الشخص الفلاني انــّو كان معجب بأدائه باقسامو فرضاً ، بيقوم بيغيّر رأيو فيه وما بيعود المدلل :lol: .. او انــّو ليش ما كان مخبرو قبل عن اللي مدايقو و بيحلّوها بينات بعضون ؟! لشو يعني الحكي اللي عالعام !؟ لك هففف .. انا داق خلقي من الحكي ونعست ، وخلاصة الكلام .. هيك التصويت احسن .. بس يطلع المشرف الفلاني هو غير المثالي مع توضيح الاسباب اللي خلــّت العالم تختارو ( اسباب مقنعة !! و بعيد عن التارات .. ) اي ، بس تطلع النتيجة ، وبدون ما نعرف مين صوّت على مين ... بظنّ وقتا هي لحالها رح تكون بمثابة wake up call .. ليرجع هالمشرف يعيد حساباتو بتعاملو وقراراتو اللي بيتّخذها بالقسم - من ناحية الحذف او التعديل - .. سلام .. :D |
اقتباس:
يمكن كون حكيت أو أبديت رأي في أحد المشاركات ما حدا عجبوا رأيي ...بس هادا راي و أنا بعتقد إني حر فيوا ما دمت ما عم مس دين من الأديان أو عم حاول خفف من عقلانية إنسان مثقف بس أنا كنت عم حاول برهن لمحمد إني في أعضاء رح تمتنع عن التصويت وتعلن هادا الشي ....من شان المحسوبيات وشفتي إني كنت عم خاطب محمد بجوابك!! و على إعتبار إنك إ نت حطيتي و جهت نظرك ......فبعتقد إني ....مافي مشكلة و على العموم إذا إنتي حسيتي إني أنا كنت عم حاول هينك ......فأنا بعتذر منك قدام الكل ...... وهي إلك:D تحياتي الحاج متولي |
وتت للمشرف غير الحيادي بنظري:D
|
اقتباس:
في ردك السابق كانت الجملة " قلتلو.. لمحمد..." ((قلتلو))..يعني "قلت له".. الهاء ضمير متصل في محل جر اسم مجرور (بعد حرف جر-اللام) والهاء هنا عائدة على محمد يعني(قلت لـ محمد).. يعني الكلام هنا عن غائب مش مخاطب..لو مخاطب كنت قلت (قلتلك يا محمد)... وخليني افرض جدلاً انك كنت عم تخاطب محمد .. عم تخاطبو بـ قولك " في ناس بدها تمسح جوخ"..مُصطحباً ردك بـ اقتباس لـ ردي اعتمدت تقول قولك بناءاً عليه.. يعني بطلع انو انا من هالناس اللي عم تحكي عنها... وهون انا عم رد بس لاني حابة وضح ليش رديت عليك قبل شوي واعتبرتها اهانة... على العموم::: اقتباس:
|
اقتباس:
يعني صحي هاد رأيك بس انو بعتئد التقييم كان عأساس مو خلافات شخصية..التقييم عأساس شغل المشرف واديه عم يعطي لأخوية و اديه مقصر بشغلو مو لأسباب شخصية...وانا حسب ما بزكر انه صار من قبل باكتر من موضوع بينك وبين ريمي خلاف شخصي... هيك صار الاستبيان مانو موضوعي وصار كل مين عندو خلاف مع حدا بصوتلو... :D:D انا صوتت ل syrian-angel مع اني ما بعرفا..بس لأنه ما بشوفا كتير عم تعطي من وقتا باخوية..يعني حسيتا مقصرة شوي بدورا كمشرفة...لأنه باقي الأسماء كلن عم شوفن مانن ادبا مقصرين..كل مين عأد ما وقتو يسمحلو... |
اقتباس:
انا ما عندي مشكلة شخصية مع ريم, وما بتذكر اني اتقاتلت معها بولا موضوع!! منين جبتي هالحكي؟؟ ليكا عندي بشلة الحبابيب. وعندي عالماسنجر, وعندي عالفيس بوك!! اللهم الا اذا هية عندا, فهاد شي تاني. |
اقتباس:
تحياتي الحاج متولي |
ارتكبت خطأ شنيع يا محمد .. كان لازم تفتح مجال انو الواحد يختار 2 أو 3 .. على كل حال طالما الاختيار واحد ما احترت كتير ..
وبحب أضيف صفة ع الصفات الي ذكرتها .. أو يمكن توضيح .. المشرف المنصهر أو سريع الذوبان .. أو بمعنى تاني المشرف عديم الشخصية .. بتلاقيه بتصرف وبغيّر تفكيره على هوا محيطه .. نوخد مثال أقرب .. مشرف(ة) مسلم(ة) أو ع الاقل محسوب(ة) هيك .. تصرفاته(ـا) وردوده(ـا) بعيدة تماما عن حقيقته(ـا) .. بناءا على هالمحيط الغير .. مثال توضيحي .. وبعتقد باقي الصفات الي انت كتبتها واضحة وكتير اعضاء متدايقين منها .. |
اقتباس:
طيب اعربيلنا شي كم كلمة |
انا مصوت لشب رياضي
بس انو و الله نحن بني ادامين و منعرف انفكر مو لازمن وصي |
طيب لنجي للاسباب هلق,
انا صوتت لريم, لانو قبل ما تستلم السقيفة, كانت السقيفة هية فسحة الحرية الوحيدة, للناس اللي ما بيقدرو يكتبو بالمنبر, او ما بدهون يدخلو بالسياسة. وهية خربت هالفسحة. وكأنو الناس ناقصها, اللي صاير معها بارض الواقع, ومو ناقصها الا انو اللي برا يصير هون. ونزلت بقى حذف وتسكير ومخالفات طالعة نازلة. شي بداعي وشي من دون داعي. وحتى بعد ما تركت اشراف السقيفة, ما كفت بلاها عنها. كل يوم بتتدخل بشغل المشرفين. وبتقول سكر الموضوع هاد, واحذف الموضوع هاد. مع الاسف المشرفين ما عم يخجلوها او يمكن ما بحبو يخجلوها. (حتى ببعض الاحيان بدون ما يقرو المواضيع!!). هاد عدا عن انها من جماعة التخوين, ورمي التهم. وهاي صفة, ما لازم تكون بمشرف بموقع متل موقع اخوية, طلع منو كريم, وطارق, ابو النسيم, وعاشق من فلسطين, وتو ليف ايز تو داي. للاسباب السابقة, ريم استحقت صوتي, وبجدارة للمشرفة الاسواء باخوية. |
هلق انو جاد بدك تفهمني
انو مشرفين السقيفة المبجلين بياخدو التعليمات من ريمي :? ___________________________________ جاد بما انك جبت سيرة السقيفة مين كان ورا عدم احتساب الردود بالسقيفة ؟؟ |
اقتباس:
اما بالنسبة للمشاركات معلم فعدم احتساب المشاركات شي. وحذفها شي تاني. عداد المشاركات, شي ما الو اهمية. وخدها من واحد عندو اكتر عدد مشاركات بالمنتدى. يعني عداد مشاركاتي, لا بيرفع ولا بنزل. المشكلة هية بالكبت على انفاس الناس. |
صباح الخير .... انا طبعا ماني مضطره ابدا دافع عن حالي او صفي ساحتي... شغلي انا كتير مقتنعه فيه ... ولما عم بغلط بشي محل وبيجي ياس او ميمو او هاني او اي حد بقلي عمي انتي هون عملتي كذا وكذا انا فورا اذا شفت غلط بتراجع ...وهالحكي فينا نسأل عن اي حد ..وحتى اعضاء عاديين ما شرط يكونو طاقم اشرافي...
بنجي للتعقيبات اقتباس:
وبعد ذلك بدي جماعة السقيفه (او الرواد الاكثر للسقيفه) يجو يحكو عمي هالحكي صح او غلط... - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اي صح انا عملت قوانين للسقيفه وانضباطات ... بس هالشي لصالح السقيفه ومع ذلك كانت في فسحه كتير للتنفس وما تزال ... وما بتوقع اني عاملت الجماعه بالسقيفه متل ما عاملتهن بالصالون او العلو او غيرو ... وللعلم انا بحياتي ما عطيت مخالفه او تنويه لرد بالسقيفه.. ولا حتى حذفت ردود بالسقيفه ((الا اذا كان فيها حكي طالع نازل ).. اقتباس:
الموضوع هاد كان تاع ((مغامرات حلبي اجدب)) ... واي فعلا انا الي قلتلو ليامن يسكروا ... ((وهون بدي نوه انو انا ما كنت بعرف انو سارا باعتلو لحسون بخصوص الموضوع ولا يامن بيعرف )) لو عرفت انو سارا متصرفه ما كنت قلتلو ليامن..ببساطه الموضوع صار بيدايق وزاد عن حدو..اي بنقفل عالعالم واي بنعمل مقالب بالعالم وبنضحك وبنتمسخر وبعدين ؟؟؟ عملتوه ممسحه للصبي وانتو مو حاسين ... ولسا كل واحد بيفوت بيرمي حجارو عالحلبيي... المزح حلو .. بس كل شي زاد عن حدو قلب ضدو... وانا حكيت مع حسون بخصوص هالموضوع هاد بالذات وتفاهمنا ... والموضوع اولا واخيرا بخص حسون لوحده .. اقتباس:
ما بتوقع انت كنت صحبه مع كريم قد ربعي ... هاد اولا .. تانيا انا لا معارضه ولا موالاة ... اي نعم بحبو لبشار بس سبق ونوهت ..بحب بشار وما بحب الي تحتووو .. واي نعم تقاتلت انا واياك ومو متل ما عم تقلها لفوفو ... لما حضرتك بتجي بتقول عقبال ما شوف الرئيس طالع بطرطيره ومعبي الوزرا وعم بيبيعهن بفرنك بفرنك..مع الاسف هاد ابدا ما اسمو معارضه اسمو بعبعه ... في تحط نقد لطيف وبشكل وافي بلا تجريح..وانت بتعريف تمام انو التعرض لسيادات الدوله ممنوع .... وبتوقع اكتر جماعه صحابي بهالمنتدى هنن معارضه (هاد اذا بدك تشوف المواضيع من هالزاويه هيدي ) ... اقتباس:
بس انا مستلمه واستلمت اكتر من قسم ... واكتر الاقسام نشاط اذا بدنا نحكي... وما بتوقع فيي مشرف بياخد وبيعطي مع الاعضاء وصحبه مع الاعضاء وبيرد عليهن وع اعتراضاتهن قدي... بشهادة ياسين لما اجى قلي " انتي سوشيال كتير "... بالاخير مشان الفيس بوك والماسنجر.. اي نعم انا عندك عالفيس بوك وبنمزح ونضحك مع بعض هنيك ..بس مشان الماسنجر... انت عندي عالايميل القديم ... ولما عملت انا الايميل الجديد...ضفتك من فتره وانت ما عملت اوك ... وقتها انا شلت ايميلك من عندي .. يعني مو عاملتلك "بلوك" ولا شي بس هيك الامور صارت... ! :D |
فكرة الموضوع حلوة.... وهيك بيصير ممكن نحصل على تقييم للمشرفين.. وطبعا لازم هنن أصدقائنا المشرفين يحبو هالفكرة ...ومو بس أصدقائنا المشرفين..لازم كمان أصدقائنا الحاكمين بالدولة..
|
اقتباس:
|
شكرا للخمس اصوات اي اي انا من اللي زاعجينن هالخمس صوات " الله يزيد ويبارك " وإذا بدي اضحك على حالي وعليكم بقلكن رأي موضوعي ومدري شو وما زاعجيني وما فارق معي :lol: بصراحة مزعوجة ...ولدرجة اني ما عم بعرف شورد على هالموضوع تسالي .. الله يقويكن اكتر واكتر :D |
مرحبا للجميع...وبلا استثناءات..من الحكومة..
مقدمة..انو ليش ما حطيتو اسمي بهالقائمة العرمرمية..باعتباري كنت(بالماضي..) منسق وبعدين مشرف للحظات(يعني اجزاء من الثواني..) وبعدين كمان صرت مشرف متقاعد..واجاني التبريكات والتهاني من الشعب ع التقاعد..وفجأة كمان صرت عضو.. يعني ينذكر اسمي من باب التاريخ..انو في قديم الزمان..كان ياما كان.. المهم بلا طول سيرة..بنفوت ع الموضوع دغري..شك روّيسي.. يا سادة ويا صبايا..برأيي هالموضوع جيد والكل بيقدر يزت او يرمي اوراقو هون..وخلي الكل يلعب ع المشكوف..بمعنى يحط رأيو بالتصويت ويذيلو بمقطع كتابة عن هالرأي.. انا قرئت كل المشاركات..وكتير مشاركات بتعبر عن اجزاء من رأيي.. ومثال ع ذلك..مشاركة سيريان انجل.. اقتباس:
دفاع عم يصير عن طريق عضو تاني لمشرف قريب ع قلبو..مع انو الموضوع مطروح فقط انو عطي رأيك يا عمو واكتب شوية كلمات عن رأيو اللي اخترتو..مو تجي تنقاش العالم انو .. اقتباس:
هلأ من ناحية التصويت رح نصوت..بعد شوي بس خلينا هيك نراجع بعض الامور...لحتى التصويت يكون بمحلو.. __________________ ع الهامش..شوية تعليقات ع بعض المشاركات..بس منشان التنفيس وترطيب الجو..وما تاخدو الامور بعدائية واعتبارات شخصية..وهالهامش مو نقاش للرد..ابداً..بل عبارة عن تعليقات باسمة ومسلية ومضحكة..وخلينا نكسب بضحتكم الثواب.. اقتباس:
اقتباس:
اقتباس:
ما اللي تحتو اهلو وام عيالو...:o اقتباس:
اقتباس:
ازا بريد حكومي متل اللي بسوريا ما رح يوصل إلا مفتوح بفرع 999..:lol: اقتباس:
وحاجتنا هيك.. ويا هلا بالكل.. وانشاله هيك ما ينحذف شي من هالرد.. |
اقتباس:
يعني زيادة معرفة ما اكتر..حتى ما تقولوا "سبام" اقتباس:
|
اقتباس:
بتتوقع .. اني رح كون سعيدة بالموضوع ؟ :? |
اقتباس:
اقتباس:
اقتباس:
بس كيف زبطت معكي انك مزعوجة وعم تقولي تسالي..التسلية بيعملها الواحد لما بيكون مبسوط.. اهلين بالكل.. |
ريتني فيي صوت ل كذا شخص لانو هون المشرفين يا امي ما بعرف وين دارسين الاشراف و بدي علّق ع شي
انو الاشراف مو بس بينمنح لحدن مشاركاتو كتار او حرك او نشيط هيدي مسؤولية و كمان وظيفة و فعلا عم نشوف سوء الاستخدام لهيدي الوظيفة و كمان كل شي تصرف بيعبر عن الشخص زمان المنتدى اول ما سجلت كنت بحس بحرية اكبر بس اكتب و ما كنت روح ع التعديل اصلا هالاوبشن ما كنت بعرفا و هالشي انطلاقا من المشرفين اللي كانو بوقتا بس هلق هيهيهيهي رزق الله هديك الايام اليوم عم نعاني الجور و الاستبداد و الاستعباد ...الطبائع المكتسبة بمجرد حصولك ع مرتبة معينة .... و بدي ذكر كل مشرف انو كمان بيوم من الايام كنت عضو عادي و كنت بتزعل و بتتدايق بس تنحذف مشاركتك او تتحول عالمعتقل او.......او..... راجعة ها كل فالانطاين و انتو بخير مشرفينااااا و دمتم .... كانو التقاعد مطول شوي مو ؟;) حلكون بقا ...:D |
 - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - vbmenu_register("postmenu_913571", true);عضو -- مستشــــــــــار --   نورنا ب: Apr 2006 المطرح: ع سطح القمر (كندا) مشاركات: 3,662 اقتباس:
انتبه الالف بالهمزة و مكلفة حالي كمان ... -------------------------------------------------------------------------------------- بحب اشكرك محمد ابراهيم ع الموضوع الفريد من نوعو صار بدون المشرفين كل واحد منون بروباغاندا تيدعمو حالون و يكذبو الدعايات المغرضة اللي بحقون دفاعا عن حقوق الانس في هاذا العالم . |
اقتباس:
اوانا دليل حي على هل الشي موضوع كتبتو بعنوان :واسفاه على زمن تنحذف فيه الكلمة الصادقة و تبقى فيه الكلمة البذيئه انحذف من قبل المشرفة ريمي والسبب المتهمتني فيه اقتباس:
ومابعرف شو بدي سميه هل التراجع اقتباس:
والعنه ان زعلات التلفظ بالألفاظ السوقيه, هي نفسها زعلات اقتباس نص مخالف للقانون اذا كان فعلا مخالف للقانون , طيب انا من وين مقتبسه؟؟ من المنتدى و مكتوب بتاريخ 1/1/2008 يعني صرلو شهر وعشر ايام بالمنتدى من تاريخ موضوعي ههههههههههه وبعدين يئولو حرية رأي حرية رأي مفصلة على اياس المشرفين فقط وحصريا. طيب يا سيدي خليني انا متلفظ بالفاظ سوقيه وسابب وشاتم هي اهون ولا نشر مواضيع و صور اباحيه في المنتدى تحت اسم الثقافه الجنسيه - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - يمكن الأعضاء يئولو عم احكي من وجع شخصي؟؟ يمكن بس الحقيقه والحق والعدالة على الجميع ودمتم |
اقتباس:
موضوعك الي كنت منزلو اقتباس لنص مخالف... معروف لدى الجميع ..انو الي عندو اعتراض ع شي بيبعت مشاركه عاطله .. او حتى بيراسل مشرف القسم المسؤول ... مو بروح بينزل موضوع جديد تاني وبمكان آخر ما الو علاقه !!!! |
براي انا ما في مشرف مثالي باخويه لانو متحيزين للسورين فقط وشوف هادا الشي بالمواضيع لمى هني بيحكو ما بردو علين اما اي حدا مش سوري بيحكي بتسكر الموضوع انو انو بياخد مخالفه
فانو حابب حط نئطه ع كل المشرفين |
| الساعة بإيدك هلق يا سيدي 04:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
