|
اقتباس:
الطائفة بسوريا مانها مرجعية, لا نحنا متل لبنان و لا متل العراق. لا كل العلوية موالين و منتفعين و لا كل السنة حموية اخونجية قلبهون مدمّل من العلوية.. مو صحيح هالحكي بنوب, في من كل شي بكل المحلات و كل الناس خير و بركة في حكي كتير كان بدي رد عليه بس هالموضوع بالذات ما بدي يصير فيه خروج مشان ما يساء فهمو تحية |
اقتباس:
|
الانتهازي هو انتهازي ان ايا كانت طائفته والطائفة لاينسب اليها الفساد بمعنى أن الاصابع باليد الواحدة مختلفة
نحن السنة اللذين تقولون عنهم 40% من عدد السكان مشردون معظمهم اختار الهجرة في شتى أصقاع الدنيا وبعضهم لم يرى سوريا من عشرات السنين من تاريخ اللحظة التي أمم فيها جمال عبد الناصر معظم ممتلكاتهم ولاأعتقد أنه سيأتي يوم نختلف مع اي طائفة وأحياء دمشق القديمة المتعانقة تختصر مأود قوله |
اقتباس:
هلأ انو شرعية عند الطائفة السنية من بعد افتاءات ابن تيمية و الله ماني مع هالشي... يعني كمان ابن تيمية كفّر الشيخ محي الدين بن عربي, و للا لأ؟ و ليكو محي الدين بن عربي قديه كان محترم و ما زال بدمشق أنا ابن عائلة سنية و ابن منطقة سنية, و الله وكيلك 80 أو 90 % من أهل سوريا "السنة" لا بيعرفو مين ابن تيمية ولا قريانيلو شي و لا يفوتو هالفوتات... يعني "الملتزم" منهم يصلي و يصوم و لا بيعرف شو الفرق بين السني و الشيعي, و عندو كل المسيحية أرمن و ما بيعرف عن العلوية غير انو بيقولو "قرد".... هيك السواد الأعظم متل ما قلت من قبل....ما بدي اطلع كتير بهالموضوع بس انو شرعيا ما بعرف مدى تأثير فتاوي ابن تيمية خارج الوهابية... انو يعني مانو مرجعية سنية, بالنسبة لوضع سوريا قبل الثورة و وضع العلويين... يعني أعتقد انو بهديك الفترة كان الصراع هو صراع مدينة-ريف و ليس صراع طوائف. و كتاب باتريك سيل فيو شرح جيد للأمر.. انو صح كان العلوي طريقو أصعب, بس لأنو ريفي مو لأنو علوي, و كان بنفس الخانة مع أهل ريف دمشق رغم أغلبيتهم السنية, و الاسماعيلية ... الخ يعني حتى ضحكني انو باتريك سيل كان يحكي انو أبناء العائلات الدمشقية كان بيقولو عن كل شي غير دمشقي انو "حوراني".... و أنا سمعات مقارنة بزماناتي من شخص من عائلة دمشقية مرموقة عم يقارن حرب الـ48 بحرب الـ67, فيقول انو بحرب الـ67 انهزمنا لأنو الضباط كانو "فلاليح" بينما بحرب الـ48 كانو الضباط أبناء مدينة و عائلات, فصحيح انو بحرب الـ48 انهزمنا بس كان سبب الهزيمة هو ضعف الامكانات فقط لأنو الضابط ابن العيلة كان يقاتل الى النهاية لأنو كان يعتبر انو مو حلوة بحق سمعة عيلتو انو ابن العيلة الفلانية هرب.... تخيّل يعني على هالمنطق يعني مثل حاليا المنطقة الشرقية... مهمشة جدا الى الآن و أهلها حتى بنظر الحكم دون الملكية الفكريةالكافية لحتى يستلمو ادارة بمحافظاتهم ... نفس وضع المنطقة الشرقية حاليا كان وضع مناطق ريف الساحل... مو قضية طائفية |
اقتباس:
بس كمان هاد ما بيعني أنو هالأشيا ما كانت تصير و على فكرة ... حزب الاخوان المسلمين أشار لهالشغلة بآخر مؤتمر الو ....و قال انو رح يتخلى عن هالفتاوى بس السؤال .. قديش في ناس ممكن تصدق أو توثق بهيك كلام |
اقتباس:
عفوا بس نسيت نوه انو هالكلام موجه فقط للي بيتعاملو على اساس طائفي و اللي بيميزوا طائفيا و هنن نسبة مو كتير كبيرة بسورية فلذلك كلامي موجه لفئة ليست بكبيرة ولكن ليست بصغيرة كمان و الكل طبعا بيتمنى انو نتجاوز هالتفكير هاد و نتعامل مع بعض على اساس انساني واحد و على بغض النظر عن المرجعية الدينية للشخص لانو بالنهاية الدين لله و الوطن للجميع |
اقتباس:
اقتباس:
و كونو صراع غير متكافئ القوى نتجت عنو مجازر كتيرة .... يمكن كونك انت عشت بمنطقة بعيدة عن مناطق الاحتكاك الطائفي و كون هيك أمور ما بتتوثق .. لأنها شي ما بيرفع الراس ...... ما بظنك تكون تعرف كتير عنها اقتباس:
أنا عم احكي عن الاعتراف بأنهون بني آدمين .....و أحيان كتير اعتراف بحقون بالحياة عموماً مو كتير بحب احكي بهالقصص ... بس انو سيرة و انفتحت خلونا بسؤال الموضوع الاساسي ... هل برأيكون الطائفة السنية حالياً ...مهمّشة بسورية ..؟؟ |
اقتباس:
|
اقتباس:
في مشاكل كتيرة بتستحق النقاش أكتر من شغلة الطائفية |
اقتباس:
حتى ان بينها حارة كاملة لليهود طبعا رحلوا ولكن كانوا فيها يعيشون بجوار الجميع دخلك هدول شلون كانوا عايشين بسبات ونبات اطمني نحن ننظر نظرة احترام للأخريين والذنب ذبنكم لأنو بتخلوا أبوابكم مقفلة وما تندمجوا مع الأخريين طبعا لاأعمم في استثناءات |
اقتباس:
|
اقتباس:
مثلا جمعية حماية المستهلك هي بتحل مشاكل كتير للشعب لو عرف مقدار الفائدة التي سيجنيها لو دعمها ولكن على مبدأ مادخلني وما عندي وقت وبلا وجع راس ........الى أخره |
اقتباس:
كونك عم تحكي بس عن الطائفة السنية.... |
مثل المتحاوريين بهالموضوع كمثل من ينفخ في قربة جوفاء... وغلب الطبع على التطبع... للأسف... وبالتوفيق.. :D |
أزمة ثقة
أزمة ثقة حادة
هاد تلخيص واقع مجتمعنا اليوم ما عاد حدا يوثق بحدا. التحدي الأكبر هو إعادة بناء الثقة بين أفراد المجتمع. أغلبية و أقلية, الحال ما كتير هيك ها الازمة أكيد ما أجت من فراغ, و أسبابا عديدة, بس غالبا ها الاسباب ما عادا موجودة بوجود التغيير أو عدمو, الإرهاب رح يضل موجود بنسبة معينة, يعني جند الشام حقيقة مخيفة, بس المجتمع السني ما كلو جند الشام و لا كلو أخوان لنقدر نتخطا ها الأزمة, لازم نقبل بمستوى معين من وجود ها الحالة الشاذة بمجتمعنا, قبول ما يعني رضوخ القصد أنو نبقل نفرق بين ها الفئة و الطائفة الدينية اللي بتنتمي إلها التقوقع و الانعزالية عدونا الأول |
اقتباس:
|
اقتباس:
|
اقتباس:
اقتباس:
بس انو صارت مشاكل ع أساس طائفية ما بيعني انو نظام الحكم كان طائفي.. يعني القول بانو النظام كان عبارة عن ناس ما تؤمن بحق العلوية بالحياة شي كبير. لاحظ ما عم قول انو مافي جحاش يفكرو هيك... انت قلتلي النظام كان طائفي و بامتياز... شكري القوتلي عم يتقلّب بقبرو هلأ من كتر ما وجعتو الضربة... على كل ما بدي أناقش بهالنقطة لأنو محكوم علي سلفا بالجهل و مالها علاقة بموضوعنا.. لذلك ما راح أوقف هون اقتباس:
السافل اللي يقول انو العلوية مو بشر و ما بيحقلهون يعيشو هاد عدو الشعب كلو و عدو كل البلد مو بس عدو العلوية, و كل سوري عندو شقفة ضمير بخندق واحد ضد هالسافل بغض النظر عن طائفتو أو حتى اذا ما عندو طائفة... و اهانة كبيرة بحق قسم من اهل البلد اعتبارهون متقبلين بهالشي اقتباس:
أما انو الطائفة السنية ككيان هاد ما بعترف فيه أنا, انو لازم يكون عندها حضور لأنو "أغلبية" هالأمر كمان ما بؤمن فيه... يعني أغلبية شو؟ مين حط قوالب انو السني هيك بيفكر و العلوي هيك بيفكر؟ كل السوريين مثل بعض و متساوون بالحقوق و الواجبات و كلمة أغلبية مقرونة باسم طائفة هاد اسمو ناقوس خطر.. و هاد وتر لعب عليه الأخوان و ما بيصير حدا يلعبو... أنا شخصيا مناي أشوف رئيس سوريا مسيحي بس نكاية بالتاريخ... أما انو و الله الرئيس لازم يكون سني لأنو أغلبية البلد حدا قرر انو "سنة" هاد أنا شايفو بنفس سخافة القول مثلا بانو رئيس سوريا لازم يكون أسمر و عيونو غامقين لأنو هيك الأغلبية.... بنفس السخافة هلأ انو النظام طائفي؟؟ كمان لأ... النظام عندو الولاء لألو أول كل شي و آخر كل شي . لكن... انو النظام عم ينصب نفسو كحامي حمى الأقليات و انو لو مو هو موجود كان "الأكثرية" أكلت الأقليات هاد امر واضح...... و رد مرسيل دليل على كلامي. و هالشي هو أكبر عامل لخلق الحساسية الطائفية اللي للأسف موجودة.... و ما بعرف مداها الآن... بس موجودة لأنو بهالمنبر المواضيع اللي فيه نشحذ الردود شحاذة... بس من صار في موضوع ديني أو عن الطائفيه يكبر مثل سرطان الكبد |
اقتباس:
طيب ممكن اسالك شلون لكن صار الوضع هيك بسوريا حاليا طالما العلويين كانو هيك عايشين شلون صار الرئيس علوي؟؟؟ شلون سمحوا السنة اللي كان بايدن الحكم للعلويين يدخلوا الجيش ويوصلوا لاعلى المناصب مشان بعدين يصفوا باقي الطوائف من الجيش ويصير الجيش متل مانك شايف هلق؟؟ قضية انو العلوي ابن الضيعة كان يتعرض للظلم هي ما الها علاقة بدينو وانما بعلاقة الاقطاعي ابن المدينة بالفلاح يعني ريف حلب وادلب وحمص ودمشق ما كان كلو فلاحين شلون برايك كانو يعاملون اهل المدن؟؟ نفس الشي للاسف اللي عملوا حافظ الاسد فينا ما قدرت فرنسا تعملوا لما الفرنسيين حاولوا يعملوا لكل طائفة دولة بالعشرينات دولة العلويين ودولة حلب ودولة للدروز هالشي انرفض تقريبا من الاغلبية الساحقة اما اليوم حافظ اسد بسياساتو الشيطانية بني حدود لهالدول داخلنا صار كل ابن اقلية بسوريا وخاصة العلويين متخيلين انو السني هو زرقاوي صغير يا سيدي والله حتى لو كان هالسني ما الو علاقة بالدين فهو براين بيكره العلوي وبدو يدبحوا اذا بصرلو ونفس الشي بينطبق على المسيحيين للاسف ومن الجهة التانية بنظر السني كل العلويين مخابرات ومشاركين بالجرائم اللي صارت حدا منكن شاف القائمة اللي وضعها نزار نيوف للعناصر والضباط اللي شاركوا بمذبحة سجن تدمر 1980 كلن كانوا من العلويين ليش ياترى؟؟ شو هالنظام اللي بوجه ابناء طائفة صغيرة وبيسلحن لقتل ابناء طائفة تانية؟؟ الهدف معروف دق اسفين بين الطوائف كلها وهون الجريمة الكبيرة اللي ارتكبها النظام لانو كل شي ممكن يتعوض الا شعور الناس بالتعايش والامان وما بعرف قديش بدنا لنرجع متل ما كنا قبل 1963 |
عجبتني في الرد السابق ان كل سني هو زرقاوي صغير
هي مقولة فاضحة لمرويجيها وأهدافهم |
[quote=Madmax;91159
خلونا بسؤال الموضوع الاساسي ... هل برأيكون الطائفة السنية حالياً ...مهمّشة بسورية ..؟؟[/quote] اي سيدي مهمشة فوق ما بتتخيل لا تقلي وزراء سنة وما بعرف شو لاني رح اضحك كتير شو مانك عايش بسوريا مابتعرف انو مساعد بالمخابرات بيحل وبيربط اكتر من وزرير؟؟؟ مابتعرف انو الامن والجيش هني الاساس وهني اللي بايدن مفاتيح الحكم بتحب عدلك كم جهاز مخابرات بسوريا في؟؟ بتعرف كم جهاز من هدول رئيسو علوي؟ وحتى لو لقيت شي واحد هيك مو علوي بكون في علي رقيب علوي ورا على الدعسة بتعرف المناصب الحساسة بالجيش بايد مين؟؟ لاتقلي وزير الدفاع اذا بدك تعرف صلاحيات وزير الدفاع بنصحك تقرا كتاب ثلاثة اشهر هزت سوريا لمصطفى طلاس اللي اعترف في انو ما كان يمون في على شي بالجيش وحتى الاقتصاد حاليا بعد التطوير والبطيخ صار بتعرف انت بايد مين. لو السنة فكروا بالعقلية الموجودة هلق ماكنت شفت الضباط السنة اللي كانو بعثيين وناصريين سمحوا لاقلية ضباط متل صلاح جديد ومحمد عمران يسرحوا خيرة ضباط الجيش ويجيبوا بدالن ضباط من طائفتن فلا تقلي اللي عملوا انقلاب 1963 هتي الطائفيين وهني اللي اوصلونا للي نحني في هلق |
اقتباس:
بس أنا كلامي لصاحب الموضوع يللي طرح القضية و عم يتساءل عنها اقتباس:
اقتباس:
بس الحديث كان عن فترة تاريخية معينة ..و بأكدلك أنو هيك كان الوضع يمكن بسبب الجهل بوقتا ... يمكن بسبب الغرائز الطائفية .. عموماً ليش مستغرب يكون حال سوريا هيك ببداية القرن الماضي ....مع أنو في كتير دول عربية حالها هيك بالوقت الحاضر اقتباس:
رح اعتبر هالكلام رد عالموضوع اقتباس:
|
اقتباس:
اقتباس:
اقتباس:
اقتباس:
أما بالنسبة لظاهرة الاقبال على هالنوع من مواضيع المنبر... بلا ما ندولها تسمية.. لأنو بصير ببكي الله وكيلك |
اقتباس:
قل ما تشاء ولكنك أخرجتني عن صمتي.... وبعرف اني اذا تكلمت...سأُنتقد....واذا نُقِدتُ....سأُتهم...واذا اتُهِمت...فقد يباح دمي.... وبعد الخروج من اللغة الفصحى منشان ما ينقال عني بدري الفصيح...رح فسرلك ليش حكيت ما حكيته.... * لو كنت في كل المشاركات السابقة تقريبا..تركت السطور وقرأت ما بينها...كان بامكانك وبسهولة وبدون معرفة كاتب كل رد....قادر على معرفة دين وطائفة صاحب كل رد.... * لو دققت في بعض الردود وما قاله اصحابها بمواضيع تانية من ردود....كنت حتتسأل...هل المتحاورين بمعظمهم صادقيي نمع انفسهم ومعنا ام هم كاذبون؟؟ومن الامثلة أحد الردود يللي بيقول صاحبها انه اما حب الوطن لا مكان للطائفة او المعتقد وفي موضوع أخر يقر باعترافة بانتماؤه لطائفته اكتر من انتمائه للوطن.... امام هيك امثلة...هل عندك قناعة بمصداقية الحوار؟؟ بيكفي لهون حتى ما ادخل بنقاش بالموضوع....وابقى سعيد ومقتنع بنظرتي السوداوية...ولكن انت سألتني وانا جاوبت.... |
أقتباس:
لو دققت في بعض الردود وما قاله اصحابها بمواضيع تانية من ردود....كنت حتتسأل...هل المتحاورين بمعظمهم صادقيي نمع انفسهم ومعنا ام هم كاذبون؟؟ومن الامثلة أحد الردود يللي بيقول صاحبها انه اما حب الوطن لا مكان للطائفة او المعتقد وفي موضوع أخر يقر باعترافة بانتماؤه لطائفته اكتر من انتمائه للوطن.... صدقت والدليل موجود |
اللي بيعرف يقرا يرفع أيدو
شبكون رفعوا ايدكن؟؟ جد اللي بيقرا يرفع أيدوا ولا يخاف معقول:? |
أقتباس
الصراحة أنا انتمائي الغالب أكتر طائفي يعني مرات بحس انو الشيعي الأفغاني أو الايراني بيعنيني أكتر من السوري من غير معتقدات أنا بحب الصراحة وما بحب المتاجرة والكزب أممي انتي طلبت انو الواحد يحط رأيو الصريح مشان نعرف الله وين حاططنا. أنا هاد شعوري بدون مجاملات. ورغم هالشي يعني ازا بصير شي لشب عربي أو بيحتاجني ما بعرف كيف في رابط بيشدني الو.. مبرسي عالموضوع |
اقتباس:
وكما رأيت الحوار هادئ وكلامك صحيح ولكن ربما ولعل نغيير مافي انفسنا تقبل احترامي :D |
اقتباس:
و انا كان كلامي عبارة عن تأكيد الجرائم يللي حكو عنها الشباب ..و يللي انت شككت فيها اقتباس:
و منقدر نعتبروا رد على فكرة الموضوع الاساسي اقتباس:
يعني الفكرة وصلت ...أنو هيك اشيا صارت و انا شايف أنو ( طائفياً ) ما مر على سوريا أفضل من هالفترة اقتباس:
يعني أنا هون ماني بموقف الدفاع عن الحكم و أنا معك شو ما قلت ....... غير الطائفية اقتباس:
|
انتبـــــــــــــــــــــ ـــاه
شباب نحن هلأ بعصر الطوائف والأنتماء الطائفي والمذهبي لعدة اسباب متل ما مرق علينا فترة كان فيها السائد هوي عصر القوميات
فلهيك مجرد ما فلت الشعب صدقوني رح نتشقف مية شقفة متل مو صاير بالعراق و بلبنان فلهيك شكروا الله ع هالنظام يللي محافظ ع وحدة سوريا |
اقتباس:
وشبو هاد الجيش يللي مو عاجبك .. جيشنا حارب اسرائيل ..جيشنا وحد لبنان ووقف الحرب الأهلية فيه جيشنا من يوم يومو عم يحمي المقاومة وعم يدعمو بلبنان وفلسطين و العراق .. لحتى تحرر الجنوب ولحتى تحررت غزة جيشنا عم يحافظ ع الأمن والاستقرار بسوريا ويللي هوي للاسف مطلب المواطن العربي الأول بهالأيام نعم كانت هناك اخطاء بمعظمها من الحقبة الماضية ولكنك الان ما عم تشوف اللاصلاحات و التطورات يللي عم تصير ومبين انو مابدك تعترف فيها .. يا سيدي بأكدلك انو هلا الجيش ضباطو من كل الطوائف وهلأ السنة عم بيصيرو أغلبية و ما حدا من العلويين عم يعترض بتأسف كتير انو عم بحكي طائفية بس انتي عم تدفعني لهيك كلام لانو مبين انتي ما رح تفهم غير بهاللغة مع احترامي الكامل لوجهة نظرك تحياتي:D |
اقتباس:
اقتباس:
اقتباس:
|
اقتباس:
بتمنى منك ماتحرف الاقتباس عيب هالشغل هاد اللي انت محددو بالاحمر انا ما كتبتو واذا حابب تكتبو فياريت تخليه برات الاقتباس |
اقتباس:
فما بظن اني عم اقرا اينو تعايش و امان اللي بيقرا اللي كاتبو بيقول يا اما عم تستهبلنا يا اما مفكرنا مو ولاد هالبلد يا اما انت مو من هالبلد سعدو يسامحك يا رجل اي بلدك من يوم الاستقلال ما عاش يوم امان واحد كل يوم و التاني اغتيالات و انقلابات و مصالح اصلا يكتر خير المرحوم اللي وقف البلد على رجليه ولو بالقوة معليش القوة بتلزم احيانا لانو ماكنا نفهم بالزوق سورية ماشافت يوم ابيض غير لما استلم حافظ الاسد بعدين ليش مركز على سنة 1963 قصدك على حزب البعث بعرف وهدا بيدل على اللي بقلبك |
اقتباس:
|
اقتباس:
هي العراق هي لبنان هي مصر هي باكستان شوف الطائفية فين و قلي شو دخل النظام يا صاحبي الطائفية بهالعصر هي مرض يجتاح الأمة العربية والأسلامية بسبب السياسات الامريكية والصهيونية وكلنا أمل بالقضاء عليها والنهوض بمجتمعاتنا وهاد الكلام ما بيتحقق الا بالعمل والجهد لهيك خلونا نحنا الشباب بهالمنتدى نواة للاصلاح عن طريق الاتفاق على وثيقة عمل تتضمن انو نتعامل مع بعض على اساس مواطنيين سوريين بدون النظر لخلفياتنا و معتقداتنا وترك الدين للجوامع والكنائس |
اقتباس:
عفوا اخ ياس انا ماقصدت اي شيء سيء واذا انفهم هيك فانا بعتذر كتير منك ومن اخي ايهم :D |
طبعا مشان حلبي ما يعتقد اني عم اتهرب من الرد وهو مقتبس هالكلام من مشاركة الي بموضوع يمكن نشرو اممي لتحديد الانتماء في أخوية وكان هادا ردي وهلأ بيجي حلبي بيقتبسو لحتى يورجي التناقض. وأنا حابب وضح الفكرة كون الشغلة مو بعيدة عن الموضوع المطروح بعد ازن الجميع: اقتباس:
طبعاً كانت أيام عاشورا وازا حابب تتأكد رجاع وتأكد . حبينا نعمل هون اجتماع ديني زغير بهالمناسبة وللأسف تم التعطيل من قبل الجمعية الاسلامية المحسوبة على السنة وطبعا تمت سرقة شعار وعلم أسود مكتوب عليهم شعارات دينية رغم حصولنا على ترخيص الجامعة بالموضوع. وأنا شخصياً اجتني تهديدات من شاب عراقي سني وحذر بوقاحة من اننا نجتمع أو نعبر مدعياً انو المرجعية الوحيدة هون هي الجمعية الاسلامية المحسوبة أصلاً على الفكر الوهابي التكفيري. وطبعاً ما حدا من الشباب المعتدلين وقف بوجه الشاب ولا وقاحة اسلوبو معي أو تهديدو ولا حدا وقف نهائياً. هالاحداث اجت بعد مقتل شاب ايراني بالعاصمة على ايد متطرفين عراقيين تم ترحيلهم. على كلٍ هالظروف هي المترافقة مع الاحاسيس الدينية الي بتصيبنا بهالايام وما في داعي خوض فيها حسستني انو الشيعي الافغاني أقربلي من السني أو ابن بلدي من غير معتقد. أنا بستفيد من هالقصة لقول انو هاي هي الحالة الي ممكن تعم لو استلمت جماعات اصولية الحكم و أضاعت حقوق الاقليات وبالنتيجة فقدان الحس القومي والانتماء للوطن. طبعاً هالحالة كانت مؤقتة بالنسبة الي وحسي القومي والوطني ما بيختفي ولا بيخفت ان شالله. والحمد لله أنا رحت صالحت الشب بغرفتو وحكيت معو بهدوء وانحلت المشاكل. بعشق ســــــــــــــوريا :D |
اقتباس:
الشقين بيثبتوا المقولتين المذكورين بالموضوع الرئيسي الي رجعة لعقب على كتير كلام بس بحب قول أنو كل الأمثلة يلي صارت مع وضد أنا معها ولا أنكرها بس الفكرة الرئيسية الى متى وماذا نريد يعني من كل ماسلف لازم بوكرة نرجع نحارب البعثيين ونمنعون من حق التفكير والتوجه مثلا يجب أن نلغي تخوفنا الفارغ من المجهول ويجب أن نعترف كل بالأخر وحقه في التفكير والتقرير وان لا يلغي المسلم المسيحي ولا السني الشيعي ولا الشيوعي البعثي ... الخ الخ الخ وبالعكس |
اقتباس:
اولا ما كان قصدي غير شي بتعليقك انا كتبتو بالاحمر وكبرت الخط ومبين انو هدا رايي مو رايك تانيا ما بدنا نغير الموضوع لنقاش عن حافظ الاسد بس بحب قلك انو كان الطائفي الاول بهالبلد وابنو يسير على خطاه وانا بعتبر انو انقلاب اذار 1963 هو يوم النكبة للشعب السوري وانت ملاحظ انك ما جاوبت على اسئلتي لو كان هيك وضع العلويين وهيك كانو لهالدرجة مقموعين منين وصلوا للحكم؟؟؟؟ بالخمسينات والستينات كان التدين في سوريا باقل درجاتو وحتى عائلات كتيرة بالمدن كانت تعتبر الحجاب عيب وبالتالي السنة ما كانو ينظروا للعلويين بهالشكل اللي عم يحاول النظام يفرجينا ياه كانو العلويين يتوظفوا بالجيش والشرطة والامن متلن متل غيرن وبتحداك تجيب اثبات او قانون منع اي علوي من اي منصب بهداك الوقت بس للاسف جماعة اللجنة العسكرية هني اللي خانوا ثقة رفاقون البعثيين من الطوائف التانية ورمون كلن برا وبعدين اشتغلوا ببعض لحتى ما بقى غير افظع واحد فين وهو حافظ الاسد مشان هيك البروباغاندا تبع النظام صارت ممجوجة ومكررة ومارح تلاقي حدا يشتريها لانو الطائفية بهالبلد صار معروف مين المحرض عليها واذا انت شايف انو ما شفنا يوم ابيض الا بعهد الاسد الميمون فهدا رايك يبدو انو ايامك كلها بيضا مع هالحكم؟؟؟ |
| الساعة بإيدك هلق يا سيدي 22:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون